Revakhanda of the Vayupurana 46

स दानवो वरं लब्ध्वा जगाम स्वपुरं प्रति । ददर्श स्वपुरं राजञ्छोभितं चित्रचत्वरैः

sa dānavo varaṃ labdhvā jagāma svapuraṃ prati / dadarśa svapuraṃ rājañchobhitaṃ citracatvaraiḥ

Sanskrit only: no published translation is held for this verse.

उद्यानैश्चैव विविधैः कदलीखण्डमण्डितैः । पनसैर्बकुलैश्चैवाम्रातैराम्रैश्च चम्पकैः

udyānaiścaiva vividhaiḥ kadalīkhaṇḍamaṇḍitaiḥ / panasairbakulaiścaivāmrātairāmraiśca campakaiḥ

Sanskrit only: no published translation is held for this verse.

अशोकैर्नालिकेरैश्च मातुलिङ्गैः सदाडिमैः । नानावृक्षैश्च शोभाढ्यं तडागैरुपशोभितम्

aśokairnālikeraiśca mātuliṅgaiḥ sadāḍimaiḥ / nānāvṛkṣaiśca śobhāḍhyaṃ taḍāgairupaśobhitam

Sanskrit only: no published translation is held for this verse.

देवतायतनैर् दिव्यैर् ध्वजमालासुशोभितैः । वेदाध्ययननिर्घोषैर् मङ्गलाद्यैर् विनादितम्

devatāyatanair divyair dhvajamālāsuśobhitaiḥ / vedādhyayananirghoṣair maṅgalādyair vināditam

Sanskrit only: no published translation is held for this verse.

प्राविशद्भवने दिव्ये काञ्चने रुक्ममालिनि । अपश्यत्स सुतान् भार्याम् अमात्यान् दासभृत्यकान्

prāviśadbhavane divye kāñcane rukmamālini / apaśyatsa sutān bhāryām amātyān dāsabhṛtyakān

Sanskrit only: no published translation is held for this verse.

ततो जयप्रदान् सर्वान् इतश्चेतश्च धावतः । हृच्छोभां च प्रकुर्वाणान् वै जयन्तीभिरुच्चकैः

tato jayapradān sarvān itaścetaśca dhāvataḥ / hṛcchobhāṃ ca prakurvāṇān vai jayantībhiruccakaiḥ

Sanskrit only: no published translation is held for this verse.

केचित् तोरणम् आबध्य केचित् पुष्पाण्यवाकिरन् । मातुलिङ्गकराश्चान्ये धावन्ति ह्यन्धकं प्रति

kecit toraṇam ābadhya kecit puṣpāṇyavākiran / mātuliṅgakarāścānye dhāvanti hyandhakaṃ prati

Sanskrit only: no published translation is held for this verse.

पुरे जनाश्च दृश्यन्ते भाजनैरन्नपूरितैः । पूर्णहस्ताः प्रदृश्यन्ते तत्रैव बहवो जनाः

pure janāśca dṛśyante bhājanairannapūritaiḥ / pūrṇahastāḥ pradṛśyante tatraiva bahavo janāḥ

Sanskrit only: no published translation is held for this verse.

साक्षतैर् भाजनैस् तत्र शतसाहस्रयोषितः । मन्त्रान् पठन्ति विप्राश्च मङ्गलान्यपि योषितः

sākṣatair bhājanais tatra śatasāhasrayoṣitaḥ / mantrān paṭhanti viprāśca maṅgalānyapi yoṣitaḥ

Sanskrit only: no published translation is held for this verse.

अमात्याश्चैव भृत्याश्च गजांश्चाढौकयन्ति च । वर्धापयन्ति ते सर्वे ये केचित् पुरवासिनः

amātyāścaiva bhṛtyāśca gajāṃścāḍhaukayanti ca / vardhāpayanti te sarve ye kecit puravāsinaḥ

Sanskrit only: no published translation is held for this verse.

हृष्टस्तुष्टो ऽवसत्तत्र सचिवैः सह सो ऽन्धकः । ददर्श स जगत्सर्वं तुरङ्गांश्च पदातिकान्

hṛṣṭastuṣṭo 'vasattatra sacivaiḥ saha so 'ndhakaḥ / dadarśa sa jagatsarvaṃ turaṅgāṃśca padātikān

Sanskrit only: no published translation is held for this verse.

तथैव विविधान् कोशांस् तत्र काञ्चनपूरितान् । महिषीर्गा वृषांश्चैवापश्यच्छत्राण्यनेकधा

tathaiva vividhān kośāṃs tatra kāñcanapūritān / mahiṣīrgā vṛṣāṃścaivāpaśyacchatrāṇyanekadhā

Sanskrit only: no published translation is held for this verse.

स एवमन्धकस् तत्र कियन्तं कालमावसत् । हृष्टस्तुष्टो वसन् मर्त्ये स सुरैर् नाभ्यभूयत

sa evamandhakas tatra kiyantaṃ kālamāvasat / hṛṣṭastuṣṭo vasan martye sa surair nābhyabhūyata

Sanskrit only: no published translation is held for this verse.

वरं लब्धं तु तं ज्ञात्वा शङ्किताः स्वर्गवासिनः । एकीभूताश्च ते सर्वे वासवं शरणं गताः

varaṃ labdhaṃ tu taṃ jñātvā śaṅkitāḥ svargavāsinaḥ / ekībhūtāśca te sarve vāsavaṃ śaraṇaṃ gatāḥ

Sanskrit only: no published translation is held for this verse.

कथमागमनं वो ऽत्र सर्वेषाम् अपि नाकिनाम् । कस्माद्वो भयमुत्पन्नमागताः शरणं कथम्

kathamāgamanaṃ vo 'tra sarveṣām api nākinām / kasmādvo bhayamutpannamāgatāḥ śaraṇaṃ katham

Sanskrit only: no published translation is held for this verse.

ततस्ते ह्यमराः सर्वे शक्रम् एतद् वचो ऽब्रुवन्

tataste hyamarāḥ sarve śakram etad vaco 'bruvan

Sanskrit only: no published translation is held for this verse.

देवा ऊचुः । सुरनाथान्धको नाम दैत्यः शम्भुवरोर्जितः । अजेयः सर्वदेवानां किं नु कार्यमतः परम्

devā ūcuḥ / suranāthāndhako nāma daityaḥ śambhuvarorjitaḥ / ajeyaḥ sarvadevānāṃ kiṃ nu kāryamataḥ param

Sanskrit only: no published translation is held for this verse.

तत्त्वं चिन्तय देवेश क उपायो विधीयताम् । इत्थं वदन्ति ते देवाः शक्राग्रे मन्त्रणोद्यताः

tattvaṃ cintaya deveśa ka upāyo vidhīyatām / itthaṃ vadanti te devāḥ śakrāgre mantraṇodyatāḥ

Sanskrit only: no published translation is held for this verse.

मन्त्रयन्ति च यावद् वै तावच्चारमुखेरितम् । ज्ञात्वा तत्र स देवौघं दानवो निर्गतो गृहात्

mantrayanti ca yāvad vai tāvaccāramukheritam / jñātvā tatra sa devaughaṃ dānavo nirgato gṛhāt

Sanskrit only: no published translation is held for this verse.

एकाकी स्यन्दनारूढ आयुर्धैबहुभिर् वृतः । दुर्गमं मेरुपृष्ठं स लीलयैव गतो नृप

ekākī syandanārūḍha āyurdhaibahubhir vṛtaḥ / durgamaṃ merupṛṣṭhaṃ sa līlayaiva gato nṛpa

Sanskrit only: no published translation is held for this verse.

स्वर्णप्राकारसंयुक्तं शोभितं विविधाश्रमैः । दुर्गमं शत्रुवर्गस्य तदा पार्थिवसत्तम

svarṇaprākārasaṃyuktaṃ śobhitaṃ vividhāśramaiḥ / durgamaṃ śatruvargasya tadā pārthivasattama

Sanskrit only: no published translation is held for this verse.

प्रविवेशासुरस्तत्र लीलया स्वगृहे यथा । वृत्रहा भयमापन्नः स्वकीयं चासनं ददौ

praviveśāsurastatra līlayā svagṛhe yathā / vṛtrahā bhayamāpannaḥ svakīyaṃ cāsanaṃ dadau

Sanskrit only: no published translation is held for this verse.

उपविष्टो ऽन्धकस्तत्र शक्रस्यैवासने शुभे । आस्थानं कलयामास सर्वतस्त्रिदशावृतम्

upaviṣṭo 'ndhakastatra śakrasyaivāsane śubhe / āsthānaṃ kalayāmāsa sarvatastridaśāvṛtam

Sanskrit only: no published translation is held for this verse.

किं तवागमनं चात्र किं कार्यं कथयस्व मे । यदस्मदीयं वित्तं हि तत्ते दास्यामि दानव

kiṃ tavāgamanaṃ cātra kiṃ kāryaṃ kathayasva me / yadasmadīyaṃ vittaṃ hi tatte dāsyāmi dānava

Sanskrit only: no published translation is held for this verse.

नाहं वै कामये कोशं न गजांश्च सुरेश्वर । स्वकीयं दर्शयस्वाद्य स्वर्गशृङ्गारभूषितम्

nāhaṃ vai kāmaye kośaṃ na gajāṃśca sureśvara / svakīyaṃ darśayasvādya svargaśṛṅgārabhūṣitam

Sanskrit only: no published translation is held for this verse.

ऐरावतं महानागं तं चैवोच्चैःश्रवोहयम् । उर्वश्यादीनि रत्नानि मम दर्शय गोपते

airāvataṃ mahānāgaṃ taṃ caivoccaiḥśravohayam / urvaśyādīni ratnāni mama darśaya gopate

Sanskrit only: no published translation is held for this verse.

पारिजातकपुष्पाणि वृक्षजातीननेकशः । वादित्राणि च सर्वाणि दर्शयस्व शचीपते

pārijātakapuṣpāṇi vṛkṣajātīnanekaśaḥ / vāditrāṇi ca sarvāṇi darśayasva śacīpate

Sanskrit only: no published translation is held for this verse.

तस्य तद्वचनं श्रुत्वा शक्रश् चिन्तितवान् इदम् । यो ऽमुं निहन्ति पाप्मानं न तं पश्यामि कर्हिचित्

tasya tadvacanaṃ śrutvā śakraś cintitavān idam / yo 'muṃ nihanti pāpmānaṃ na taṃ paśyāmi karhicit

Sanskrit only: no published translation is held for this verse.

नास्ति रक्षाप्रदः कश्चित्स्वर्गलोकस्य दुःखिनः । भयत्रस्तो ददावन्यद्वादित्राद्यप्सरोगणैः

nāsti rakṣāpradaḥ kaścitsvargalokasya duḥkhinaḥ / bhayatrasto dadāvanyadvāditrādyapsarogaṇaiḥ

Sanskrit only: no published translation is held for this verse.

रङ्गभूमावुपाविश्य कारयामास ताण्डवम् । उपविष्टाः सुराः सर्वे यममारुतकिन्नराः

raṅgabhūmāvupāviśya kārayāmāsa tāṇḍavam / upaviṣṭāḥ surāḥ sarve yamamārutakinnarāḥ

Sanskrit only: no published translation is held for this verse.

उर्वश्याद्या अप्सरसो गीतवादित्रयोगतः । ननृतुः पुरतस्तस्य सर्वा एकैकशो नृप

urvaśyādyā apsaraso gītavāditrayogataḥ / nanṛtuḥ puratastasya sarvā ekaikaśo nṛpa

Sanskrit only: no published translation is held for this verse.

न व्यश्राम्यत तच्चित्तं दृष्ट्वा चाप्सरसस्तदा । शचीं प्रति मनस्तस्य सकाममभवन्नृप

na vyaśrāmyata taccittaṃ dṛṣṭvā cāpsarasastadā / śacīṃ prati manastasya sakāmamabhavannṛpa

Sanskrit only: no published translation is held for this verse.

गृहीत्वा शक्रभार्यां स प्रस्थितः स्वपुरं प्रति । ततः प्रववृते युद्धमन्धकस्य सुरैः सह

gṛhītvā śakrabhāryāṃ sa prasthitaḥ svapuraṃ prati / tataḥ pravavṛte yuddhamandhakasya suraiḥ saha

Sanskrit only: no published translation is held for this verse.

तेन देवगणाः सर्वे ध्वस्ताः पार्थिवसत्तम । संग्रामे विविधैः शस्त्रैश् चक्रवज्रादिभिर्घनैः

tena devagaṇāḥ sarve dhvastāḥ pārthivasattama / saṃgrāme vividhaiḥ śastraiś cakravajrādibhirghanaiḥ

Sanskrit only: no published translation is held for this verse.

संतापिताः सुराः सर्वे क्षयं नीता ह्यनेकशः । सर्वे ऽपि मरुतस्तेन भग्नाः संग्राममूर्धनि

saṃtāpitāḥ surāḥ sarve kṣayaṃ nītā hyanekaśaḥ / sarve 'pi marutastena bhagnāḥ saṃgrāmamūrdhani

Sanskrit only: no published translation is held for this verse.

यथा सिंहोगजान् सर्वान् विचित्य विचरेद् वनम् । तद्वद् एकेन ते देवा जिताः सर्वे पराङ्मुखाः

yathā siṃhogajān sarvān vicitya vicared vanam / tadvad ekena te devā jitāḥ sarve parāṅmukhāḥ

Sanskrit only: no published translation is held for this verse.

बालो ऽधिपो यथा ग्रामे स्वेच्छया पीडयेज्जनान् । स्वैरमाक्रम्य गृह्णाति कोशवासांसि चासकृत्

bālo 'dhipo yathā grāme svecchayā pīḍayejjanān / svairamākramya gṛhṇāti kośavāsāṃsi cāsakṛt

Sanskrit only: no published translation is held for this verse.

गतं न पश्यत्य् आत्मानं प्रजासंतापनेन च । गृहीत्वा शक्रभार्यां स गतो वै दानवोत्तमः

gataṃ na paśyaty ātmānaṃ prajāsaṃtāpanena ca / gṛhītvā śakrabhāryāṃ sa gato vai dānavottamaḥ

Sanskrit only: no published translation is held for this verse.