Revakhanda of the Vayupurana 47

गीर्वाणाश्च ततः सर्वे ब्रह्माणं शरणं गताः । गजैर् गिरिवराकारैर् हयैश्चैव गजोपमैः

gīrvāṇāśca tataḥ sarve brahmāṇaṃ śaraṇaṃ gatāḥ / gajair girivarākārair hayaiścaiva gajopamaiḥ

Sanskrit only: no published translation is held for this verse.

स्यन्दनैर्नगराकारैः सिंहशार्दूलयोजितैः । कच्छपैर् महिषैश्चान्यैर् मकरैश्च तथापरे

syandanairnagarākāraiḥ siṃhaśārdūlayojitaiḥ / kacchapair mahiṣaiścānyair makaraiśca tathāpare

Sanskrit only: no published translation is held for this verse.

ब्रह्मलोकमनुप्राप्ता देवाः शक्रपुरोगमाः । दृष्ट्वा पद्मोद्भवं देवं साष्टाङ्गं प्रणताः सुराः

brahmalokamanuprāptā devāḥ śakrapurogamāḥ / dṛṣṭvā padmodbhavaṃ devaṃ sāṣṭāṅgaṃ praṇatāḥ surāḥ

Sanskrit only: no published translation is held for this verse.

देवा ऊचुः । जय देव जगद्वन्द्य जय संसृतिकारक । पद्मयोने सुरश्रेष्ठ त्वामेव शरणं गताः

devā ūcuḥ / jaya deva jagadvandya jaya saṃsṛtikāraka / padmayone suraśreṣṭha tvāmeva śaraṇaṃ gatāḥ

Sanskrit only: no published translation is held for this verse.

सोद्वेगं भाषितं श्रुत्वा देवानां भावितात्मनाम् । मेघगम्भीरया वाचा देवराजमुवाच ह

sodvegaṃ bhāṣitaṃ śrutvā devānāṃ bhāvitātmanām / meghagambhīrayā vācā devarājamuvāca ha

Sanskrit only: no published translation is held for this verse.

किमत्रागमनं देवाः सर्वेषां वै विवर्णता । केनापमानिताः सर्वे शीघ्रं मे कथ्यतां स्वयम्

kimatrāgamanaṃ devāḥ sarveṣāṃ vai vivarṇatā / kenāpamānitāḥ sarve śīghraṃ me kathyatāṃ svayam

Sanskrit only: no published translation is held for this verse.

देवा ऊचुः । अन्धकाख्यो महादैत्यो बलवान् पद्मसम्भव । तेन देवगणाः सर्वे धनरत्नैर् वियोजिताः

devā ūcuḥ / andhakākhyo mahādaityo balavān padmasambhava / tena devagaṇāḥ sarve dhanaratnair viyojitāḥ

Sanskrit only: no published translation is held for this verse.

हत्वा देवगणांस् तावद् असिचक्रपरद्द्विश्वधैः । गृहीत्वा शक्रभार्यां स दानवो ऽपि गतो बलात्

hatvā devagaṇāṃs tāvad asicakraparaddviśvadhaiḥ / gṛhītvā śakrabhāryāṃ sa dānavo 'pi gato balāt

Sanskrit only: no published translation is held for this verse.

देवानां वचनं श्रुत्वा ब्रह्मा लोकपितामहः । चिन्तयामास राजेन्द्र वधार्थं दानवस्य ह

devānāṃ vacanaṃ śrutvā brahmā lokapitāmahaḥ / cintayāmāsa rājendra vadhārthaṃ dānavasya ha

Sanskrit only: no published translation is held for this verse.

अवध्यो दानवः पापः सर्वेषां वो दिवौकसाम् । स त्राता सर्वजगतां नान्यो विद्येत कुत्रचित्

avadhyo dānavaḥ pāpaḥ sarveṣāṃ vo divaukasām / sa trātā sarvajagatāṃ nānyo vidyeta kutracit

Sanskrit only: no published translation is held for this verse.

एवमुक्ताः सुराः सर्वे ब्रह्मणा तदनन्तरम् । ब्रह्माणं ते पुरस्कृत्य गता यत्र स केशवः । तुष्टुवुर्विविधैः स्तोत्रैर् ब्रह्माद्याश् चक्रपाणिनम्

evamuktāḥ surāḥ sarve brahmaṇā tadanantaram / brahmāṇaṃ te puraskṛtya gatā yatra sa keśavaḥ / tuṣṭuvurvividhaiḥ stotrair brahmādyāś cakrapāṇinam

Sanskrit only: no published translation is held for this verse.

देवा ऊचुः । जय त्वं देवदेवेश लक्ष्म्या वक्षःस्थलाश्रितः । असुरक्षय देवेश वयं ते शरणं गताः

devā ūcuḥ / jaya tvaṃ devadeveśa lakṣmyā vakṣaḥsthalāśritaḥ / asurakṣaya deveśa vayaṃ te śaraṇaṃ gatāḥ

Sanskrit only: no published translation is held for this verse.

स्तूयमानः सुरैः सर्वैर्ब्रह्माद्यैश्च जनार्दनः । सम्प्रहृष्टमना भूत्वा सुरसङ्घमुवाच ह

stūyamānaḥ suraiḥ sarvairbrahmādyaiśca janārdanaḥ / samprahṛṣṭamanā bhūtvā surasaṅghamuvāca ha

Sanskrit only: no published translation is held for this verse.

स्वागतं देवविप्राणां सुप्रभाताद्य शर्वरी । किं कार्यं प्रोच्यतां क्षिप्रं कस्य रुष्टा दिवौकसः

svāgataṃ devaviprāṇāṃ suprabhātādya śarvarī / kiṃ kāryaṃ procyatāṃ kṣipraṃ kasya ruṣṭā divaukasaḥ

Sanskrit only: no published translation is held for this verse.

किं दुःखं कश्च संतापः कुतो वा भयम् आगतम् । कथयन्तु महाभागाः कारणं यन्मनोगतम्

kiṃ duḥkhaṃ kaśca saṃtāpaḥ kuto vā bhayam āgatam / kathayantu mahābhāgāḥ kāraṇaṃ yanmanogatam

Sanskrit only: no published translation is held for this verse.

पराभवः कृतो येन सो ऽद्य यातु यमालयम् । एवमुक्तास्तु कृष्णेन कथयामासुरस्य तत्

parābhavaḥ kṛto yena so 'dya yātu yamālayam / evamuktāstu kṛṣṇena kathayāmāsurasya tat

Sanskrit only: no published translation is held for this verse.

दर्शयन्तः स्वकान्देहान् लज्जमाना ह्यधोमुखाः । हृतराज्या ह्यन्धकेन कृता निस्तेजसः प्रभो

darśayantaḥ svakāndehān lajjamānā hyadhomukhāḥ / hṛtarājyā hyandhakena kṛtā nistejasaḥ prabho

Sanskrit only: no published translation is held for this verse.

पितेव पुत्रं परिरक्ष देव जहीन्द्रशत्रुं सह पुत्रपौत्रैः । तथेति चोक्तः कमलासनेन सुरासुरैर् वन्दितपादपद्मः

piteva putraṃ parirakṣa deva jahīndraśatruṃ saha putrapautraiḥ / tatheti coktaḥ kamalāsanena surāsurair vanditapādapadmaḥ

Sanskrit only: no published translation is held for this verse.

शङ्खं चक्रं गदां चापं संगृह्य परमेश्वरः । उत्थितो भोगपर्यङ्काद् देवानां पुरतस्तदा

śaṅkhaṃ cakraṃ gadāṃ cāpaṃ saṃgṛhya parameśvaraḥ / utthito bhogaparyaṅkād devānāṃ puratastadā

Sanskrit only: no published translation is held for this verse.

पाताले यदि वा मर्त्ये नाके वा यदि तिष्ठति । तं हनिष्याम्यहं पापं येन संतापिताः सुराः

pātāle yadi vā martye nāke vā yadi tiṣṭhati / taṃ haniṣyāmyahaṃ pāpaṃ yena saṃtāpitāḥ surāḥ

Sanskrit only: no published translation is held for this verse.

स्वं स्थानं यान्तु गीर्वाणाः संतुष्टा भावितौजसः । विष्णोस्तद्वचनं श्रुत्वा ब्रह्माद्यास्ते सवासवाः

svaṃ sthānaṃ yāntu gīrvāṇāḥ saṃtuṣṭā bhāvitaujasaḥ / viṣṇostadvacanaṃ śrutvā brahmādyāste savāsavāḥ

Sanskrit only: no published translation is held for this verse.

स्वयानैस्तु हरिं नत्वा हृदि तुष्टा दिवं ययुः

svayānaistu hariṃ natvā hṛdi tuṣṭā divaṃ yayuḥ

Sanskrit only: no published translation is held for this verse.