Revakhanda of the Vayupurana 48

कस्मिन्स्थाने ऽवसद् देव सो ऽन्धको दैत्यपुंगवः । सर्वान्देवांश्च निर्जित्य कस्मिन्स्थाने समास्थितः

kasminsthāne 'vasad deva so 'ndhako daityapuṃgavaḥ / sarvāndevāṃśca nirjitya kasminsthāne samāsthitaḥ

Sanskrit only: no published translation is held for this verse.

प्रविष्टो दानवो यत्र कथयामि नराधिप । पाताललोकमाश्रित्य कन्या विध्वंसते तु सः

praviṣṭo dānavo yatra kathayāmi narādhipa / pātālalokamāśritya kanyā vidhvaṃsate tu saḥ

Sanskrit only: no published translation is held for this verse.

तत्र स्थितं तं विज्ञाय चापमादाय केशवः । व्यसृजद्बाणमाग्नेयं दह्यतामिति चिन्तयन्

tatra sthitaṃ taṃ vijñāya cāpamādāya keśavaḥ / vyasṛjadbāṇamāgneyaṃ dahyatāmiti cintayan

Sanskrit only: no published translation is held for this verse.

दह्यमानो ऽग्निना सो ऽपि वारुणास्त्रं स संदधे । वारुणास्त्रेण महता आग्नेयं शमितं तदा

dahyamāno 'gninā so 'pi vāruṇāstraṃ sa saṃdadhe / vāruṇāstreṇa mahatā āgneyaṃ śamitaṃ tadā

Sanskrit only: no published translation is held for this verse.

ततो ऽसौ चिन्तयामास केन बाणो विसर्जितः । कस्यैषा पौरुषी शक्तिः को यास्यति यमालयम्

tato 'sau cintayāmāsa kena bāṇo visarjitaḥ / kasyaiṣā pauruṣī śaktiḥ ko yāsyati yamālayam

Sanskrit only: no published translation is held for this verse.

ततो ऽन्धको मृधे क्रुद्धो बाणमार्गेण निर्गतः । स दृष्ट्वा बाणमार्गेण चापहस्तं जनार्दनम्

tato 'ndhako mṛdhe kruddho bāṇamārgeṇa nirgataḥ / sa dṛṣṭvā bāṇamārgeṇa cāpahastaṃ janārdanam

Sanskrit only: no published translation is held for this verse.

न शर्म लप्स्यसे ह्यद्य मया दृष्ट्याभिवीक्षितः । न शक्नोषि तथा गन्तुं नागः शार्दूलदर्शनात्

na śarma lapsyase hyadya mayā dṛṣṭyābhivīkṣitaḥ / na śaknoṣi tathā gantuṃ nāgaḥ śārdūladarśanāt

Sanskrit only: no published translation is held for this verse.

आगच्छति यथा भक्ष्यं मार्जारस्य च मूषिकः । न शक्नोषि तथा यातुं संस्थितस् त्वं ममाग्रतः

āgacchati yathā bhakṣyaṃ mārjārasya ca mūṣikaḥ / na śaknoṣi tathā yātuṃ saṃsthitas tvaṃ mamāgrataḥ

Sanskrit only: no published translation is held for this verse.

अहं त्वां प्रेषयिष्यामि यममार्गे सुदारुणे । अहमन्वेषयिष्यामि किल यास्यामि ते गृहम्

ahaṃ tvāṃ preṣayiṣyāmi yamamārge sudāruṇe / ahamanveṣayiṣyāmi kila yāsyāmi te gṛham

Sanskrit only: no published translation is held for this verse.

उपनीतो ऽसि कालेन सङ्ग्रामे मम केशव । ये त्वया निर्जिताः पूर्वं दानवा अप्यनेकशः

upanīto 'si kālena saṅgrāme mama keśava / ye tvayā nirjitāḥ pūrvaṃ dānavā apyanekaśaḥ

Sanskrit only: no published translation is held for this verse.

न भवन्ति पुमांसस्ते स्त्रियस्ताश् चैव केशव । परं न शस्त्रसङ्ग्रामं करिष्यामि त्वया सह

na bhavanti pumāṃsaste striyastāś caiva keśava / paraṃ na śastrasaṅgrāmaṃ kariṣyāmi tvayā saha

Sanskrit only: no published translation is held for this verse.

वदतो दानवेन्द्रस्य न चुकोप स केशवः । अयुध्यमानं तं दृष्ट्वा चिन्तयामास दानवः

vadato dānavendrasya na cukopa sa keśavaḥ / ayudhyamānaṃ taṃ dṛṣṭvā cintayāmāsa dānavaḥ

Sanskrit only: no published translation is held for this verse.

द्वन्द्वयुद्धं करिष्यामि निश्चित्य युयुधे नृप । स कृष्णेन पदाक्षिप्तः पतितः पृथिवीतले

dvandvayuddhaṃ kariṣyāmi niścitya yuyudhe nṛpa / sa kṛṣṇena padākṣiptaḥ patitaḥ pṛthivītale

Sanskrit only: no published translation is held for this verse.

मुहूर्तात्स समाश्वस्य उत्थायेदं व्यचिन्तयत् । अशक्तो द्वन्द्वयुद्धाय ततः साम प्रयुक्तवान् । पाणिभ्यां सम्पुटं कृत्वा साष्टाङ्गं प्रणतः शुचिः

muhūrtātsa samāśvasya utthāyedaṃ vyacintayat / aśakto dvandvayuddhāya tataḥ sāma prayuktavān / pāṇibhyāṃ sampuṭaṃ kṛtvā sāṣṭāṅgaṃ praṇataḥ śuciḥ

Sanskrit only: no published translation is held for this verse.

जय कृष्णाय हरये विष्णवे जिष्णवे नमः । हृषीकेश जगद्धात्रे अच्युताय महात्मने

jaya kṛṣṇāya haraye viṣṇave jiṣṇave namaḥ / hṛṣīkeśa jagaddhātre acyutāya mahātmane

Sanskrit only: no published translation is held for this verse.

नमः पङ्कजनाभाय नमः पङ्कजमालिने । जनार्दनाय श्रीशाय श्रीपते पीतवाससे

namaḥ paṅkajanābhāya namaḥ paṅkajamāline / janārdanāya śrīśāya śrīpate pītavāsase

Sanskrit only: no published translation is held for this verse.

गोविन्दाय नमो नित्यं नमो जलधिशायिने । नमः करालवक्त्राय नरसिंहाय नादिने

govindāya namo nityaṃ namo jaladhiśāyine / namaḥ karālavaktrāya narasiṃhāya nādine

Sanskrit only: no published translation is held for this verse.

शार्ङ्गिणे सितवर्णाय शङ्खचक्रगदाभृते । नमो वामनरूपाय यज्ञरूपाय ते नमः

śārṅgiṇe sitavarṇāya śaṅkhacakragadābhṛte / namo vāmanarūpāya yajñarūpāya te namaḥ

Sanskrit only: no published translation is held for this verse.

नमो वराहरूपाय क्रान्तलोकत्रयाय च । व्याप्ताशेषदिगन्ताय केशवाय नमोनमः

namo varāharūpāya krāntalokatrayāya ca / vyāptāśeṣadigantāya keśavāya namonamaḥ

Sanskrit only: no published translation is held for this verse.

वासुदेव नमस्तुभ्यं नमः कैटभनाशिने । लक्ष्म्यालय सुरश्रेष्ठ नमस्ते सुरनायक

vāsudeva namastubhyaṃ namaḥ kaiṭabhanāśine / lakṣmyālaya suraśreṣṭha namaste suranāyaka

Sanskrit only: no published translation is held for this verse.

विष्णोर्देवाधिदेवस्य प्रमाणं ये ऽपि कुर्वते । प्रजापतेर्जगद्धातुस् तेषाम् अपि नमाम्यहम्

viṣṇordevādhidevasya pramāṇaṃ ye 'pi kurvate / prajāpaterjagaddhātus teṣām api namāmyaham

Sanskrit only: no published translation is held for this verse.

समस्तभूतदेवस्य वासुदेवस्य धीमतः । प्रणामं ये प्रकुर्वन्ति तेषामपि नमाम्यहम्

samastabhūtadevasya vāsudevasya dhīmataḥ / praṇāmaṃ ye prakurvanti teṣāmapi namāmyaham

Sanskrit only: no published translation is held for this verse.

तस्य यज्ञवराहस्य विष्णोरमिततेजसः । प्रणामं ये प्रकुर्वन्ति तेषामपि नमाम्यहम्

tasya yajñavarāhasya viṣṇoramitatejasaḥ / praṇāmaṃ ye prakurvanti teṣāmapi namāmyaham

Sanskrit only: no published translation is held for this verse.

गुणानां हि निधानाय नमस्ते ऽस्तु पुनःपुनः । कारुण्याम्बुनिधे देव सर्वभक्तिप्रियाय च

guṇānāṃ hi nidhānāya namaste 'stu punaḥpunaḥ / kāruṇyāmbunidhe deva sarvabhaktipriyāya ca

Sanskrit only: no published translation is held for this verse.

तुष्टस्ते दानवेन्द्राहं वरं वृणु यथेप्सितम् । ददामि ते वरं नूनमपि त्रैलोक्यदुर्लभम्

tuṣṭaste dānavendrāhaṃ varaṃ vṛṇu yathepsitam / dadāmi te varaṃ nūnamapi trailokyadurlabham

Sanskrit only: no published translation is held for this verse.

यदि तुष्टो ऽसि मे देव वरं दास्यसि चेप्सितम् । तदा ददस्व मे देव युद्धं परमशोभनम् । अवद्धस्तपूतो येनाहं लोकान्गन्तास्मि शोभनान्

yadi tuṣṭo 'si me deva varaṃ dāsyasi cepsitam / tadā dadasva me deva yuddhaṃ paramaśobhanam / avaddhastapūto yenāhaṃ lokāngantāsmi śobhanān

Sanskrit only: no published translation is held for this verse.

कथं ददामि ते युद्धं तोषितो ऽहं त्वया पुनः । न त्वां तु प्रभवेत्कोपः कथं युध्यामि ते ऽन्धक

kathaṃ dadāmi te yuddhaṃ toṣito 'haṃ tvayā punaḥ / na tvāṃ tu prabhavetkopaḥ kathaṃ yudhyāmi te 'ndhaka

Sanskrit only: no published translation is held for this verse.

यदि ते वर्तते बुद्धिर्युद्धं प्रति न संशयः । ततो गच्छस्व युद्धाय देवं प्रति महेश्वरम्

yadi te vartate buddhiryuddhaṃ prati na saṃśayaḥ / tato gacchasva yuddhāya devaṃ prati maheśvaram

Sanskrit only: no published translation is held for this verse.

न तत्र सिध्यते कार्यं देवं प्रति महेश्वरम्

na tatra sidhyate kāryaṃ devaṃ prati maheśvaram

Sanskrit only: no published translation is held for this verse.

पुत्र त्वं शिखरं गत्वा धूनयस्व बलेन च

putra tvaṃ śikharaṃ gatvā dhūnayasva balena ca

Sanskrit only: no published translation is held for this verse.

विधूते तत्र देवेशः कोपं कर्ता सुदारुणम् । कोपितः शङ्करो रौद्रं युद्धं दास्यति दानव

vidhūte tatra deveśaḥ kopaṃ kartā sudāruṇam / kopitaḥ śaṅkaro raudraṃ yuddhaṃ dāsyati dānava

Sanskrit only: no published translation is held for this verse.

विष्णुवाक्यादसौ पापो गतो यत्र महेश्वरः । कैलासशिखरं प्राप्य धुनोति स्म मुहुर्मुहुः

viṣṇuvākyādasau pāpo gato yatra maheśvaraḥ / kailāsaśikharaṃ prāpya dhunoti sma muhurmuhuḥ

Sanskrit only: no published translation is held for this verse.

धूनिते तत्र शिखरे कम्पितं भुवनत्रयम् । निपेतुः शिखराग्राणि कम्पमानान्यनेकशः

dhūnite tatra śikhare kampitaṃ bhuvanatrayam / nipetuḥ śikharāgrāṇi kampamānānyanekaśaḥ

Sanskrit only: no published translation is held for this verse.

चत्वारः सागराः क्षिप्रमेकीभूता महीपते । निपेतुरुल्कापाताश्च पादपा अप्यनेकशः

catvāraḥ sāgarāḥ kṣipramekībhūtā mahīpate / nipeturulkāpātāśca pādapā apyanekaśaḥ

Sanskrit only: no published translation is held for this verse.

उमया सहितो देवो विस्मयं परमं गतः । गाढमालिङ्ग्य गिरिजा देवं वचनम् अब्रवीत्

umayā sahito devo vismayaṃ paramaṃ gataḥ / gāḍhamāliṅgya girijā devaṃ vacanam abravīt

Sanskrit only: no published translation is held for this verse.

किमर्थं कम्पते शैलः किमर्थं कम्पते धरा । किमर्थं कम्पते नागो मर्त्यः पातालमेव च । किं वा युगक्षयो देव तन्ममाख्यातुम् अर्हसि

kimarthaṃ kampate śailaḥ kimarthaṃ kampate dharā / kimarthaṃ kampate nāgo martyaḥ pātālameva ca / kiṃ vā yugakṣayo deva tanmamākhyātum arhasi

Sanskrit only: no published translation is held for this verse.

कस्यैषा दुर्मतिर्जाता क्षिप्तः सर्पमुखे करः । ललाटे च कृतं वर्म स यास्यति यमालयम्

kasyaiṣā durmatirjātā kṣiptaḥ sarpamukhe karaḥ / lalāṭe ca kṛtaṃ varma sa yāsyati yamālayam

Sanskrit only: no published translation is held for this verse.

कैलासमाश्रितो येन सुप्तो ऽहं येन बोधितः । तं वधिष्ये न सन्देहः सम्मुखो वा भवेद् यदि

kailāsamāśrito yena supto 'haṃ yena bodhitaḥ / taṃ vadhiṣye na sandehaḥ sammukho vā bhaved yadi

Sanskrit only: no published translation is held for this verse.

चिन्तयामास देवेशो ह्यन्धको ऽयं न संशयः । उपायं चिन्तयामास येनासौ वध्यते क्षणात्

cintayāmāsa deveśo hyandhako 'yaṃ na saṃśayaḥ / upāyaṃ cintayāmāsa yenāsau vadhyate kṣaṇāt

Sanskrit only: no published translation is held for this verse.

आगताश्च सुराः सर्वे ब्रह्माद्या वसुभिः सह । रथं देवमयं कृत्वा सर्वलक्षणसंयुतम्

āgatāśca surāḥ sarve brahmādyā vasubhiḥ saha / rathaṃ devamayaṃ kṛtvā sarvalakṣaṇasaṃyutam

Sanskrit only: no published translation is held for this verse.

केचिद्देवाः स्थिताश्चक्रे केचित् तुण्डाग्रपार्श्वयोः । केचिन् नाभ्यां स्थिता देवाः केचिद्धुर्येषु संस्थिताः

keciddevāḥ sthitāścakre kecit tuṇḍāgrapārśvayoḥ / kecin nābhyāṃ sthitā devāḥ keciddhuryeṣu saṃsthitāḥ

Sanskrit only: no published translation is held for this verse.

धुरीषु निश्चलाः केचित्केचिद्यूपेषु संस्थिताः । केचित्स्यन्दनसंस्तम्भाः केचित्स्यन्दनवेष्टकाः

dhurīṣu niścalāḥ kecitkecidyūpeṣu saṃsthitāḥ / kecitsyandanasaṃstambhāḥ kecitsyandanaveṣṭakāḥ

Sanskrit only: no published translation is held for this verse.

आमलसारके ऽन्ये ऽपि अन्ये ऽपि कलशे स्थिताः । रिपोर्भयंकरं दिव्यं ध्वजमालादिशोभितम्

āmalasārake 'nye 'pi anye 'pi kalaśe sthitāḥ / riporbhayaṃkaraṃ divyaṃ dhvajamālādiśobhitam

Sanskrit only: no published translation is held for this verse.

रथं देवमयं कृत्वा तमारूढो जगद्गुरुः । निर्ययौ दानवो यत्र कोपाविष्टो महेश्वरः

rathaṃ devamayaṃ kṛtvā tamārūḍho jagadguruḥ / niryayau dānavo yatra kopāviṣṭo maheśvaraḥ

Sanskrit only: no published translation is held for this verse.

तिष्ठ तिष्ठेत्युवाचाथ क्व प्रयास्यसि दुर्मते । शरासनं करे गृह्य शरांश्चिक्षेप दानवे

tiṣṭha tiṣṭhetyuvācātha kva prayāsyasi durmate / śarāsanaṃ kare gṛhya śarāṃścikṣepa dānave

Sanskrit only: no published translation is held for this verse.

दानवे ऽधिष्ठिते युद्धे शरैश्चिछेद सायकान् । शरासनेण तत्रैव अन्धकश्छादितस् तदा

dānave 'dhiṣṭhite yuddhe śaraiścicheda sāyakān / śarāsaneṇa tatraiva andhakaśchāditas tadā

Sanskrit only: no published translation is held for this verse.

न तत्र दृश्यते सूर्यो नाकाशं न च चन्द्रमाः । आग्नेयमस्त्रं व्यसृजद्दानवो ऽपि शिवं प्रति

na tatra dṛśyate sūryo nākāśaṃ na ca candramāḥ / āgneyamastraṃ vyasṛjaddānavo 'pi śivaṃ prati

Sanskrit only: no published translation is held for this verse.

दह्यमानाः शराङ्गारैस्तत्रसुः सर्वदेवताः । रक्ष रक्ष महादेव दह्यमानांस्तु दानवात्

dahyamānāḥ śarāṅgāraistatrasuḥ sarvadevatāḥ / rakṣa rakṣa mahādeva dahyamānāṃstu dānavāt

Sanskrit only: no published translation is held for this verse.

ततो देवाधिदेवो ऽसौ वारुणास्त्रमयो ऽजयत् । वारुणास्त्रेण निमिषादाग्नेयं नाशितं तदा

tato devādhidevo 'sau vāruṇāstramayo 'jayat / vāruṇāstreṇa nimiṣādāgneyaṃ nāśitaṃ tadā

Sanskrit only: no published translation is held for this verse.

दानवेन तदा मुक्तं वायव्यास्त्रं रणाजिरे । वारुणं च गतं तात वायव्यास्त्रविनाशितम्

dānavena tadā muktaṃ vāyavyāstraṃ raṇājire / vāruṇaṃ ca gataṃ tāta vāyavyāstravināśitam

Sanskrit only: no published translation is held for this verse.

देवो व्यसर्जयत्सार्पं क्रोधाविष्टेन चेतसा । मारुतं नाशितं बाणैः सर्पैस् तत्र न संशयः

devo vyasarjayatsārpaṃ krodhāviṣṭena cetasā / mārutaṃ nāśitaṃ bāṇaiḥ sarpais tatra na saṃśayaḥ

Sanskrit only: no published translation is held for this verse.

दानवेन ततो मुक्तं गरुडास्त्रं च लीलया । गारुडास्त्रं च तद् दृष्ट्वा सार्पं नैव व्यदृश्यत

dānavena tato muktaṃ garuḍāstraṃ ca līlayā / gāruḍāstraṃ ca tad dṛṣṭvā sārpaṃ naiva vyadṛśyata

Sanskrit only: no published translation is held for this verse.

ततो देवाधिदेवेन नारसिंहं विसर्जितम् । नारसिंहास्त्रबाणेन गारुडास्त्रं प्रशामितम्

tato devādhidevena nārasiṃhaṃ visarjitam / nārasiṃhāstrabāṇena gāruḍāstraṃ praśāmitam

Sanskrit only: no published translation is held for this verse.

अस्त्रमस्त्रेण शम्येत न बाध्येत परस्परम् । महद् युद्धम् अभूत् तातसुरासुरभयंकरम्

astramastreṇa śamyeta na bādhyeta parasparam / mahad yuddham abhūt tātasurāsurabhayaṃkaram

Sanskrit only: no published translation is held for this verse.

चक्रनालीकनाराचैस्तोमरैः खड्गमुद्गरैः । वत्सदन्तैस्तथा भल्लैः कर्णिकारैश्च शोभनैः

cakranālīkanārācaistomaraiḥ khaḍgamudgaraiḥ / vatsadantaistathā bhallaiḥ karṇikāraiśca śobhanaiḥ

Sanskrit only: no published translation is held for this verse.

एवं न शक्यते हन्तुं दानवो विविधायुधैः । तदा ज्वालाकरालाश्च खड्गनाराचतोमराः

evaṃ na śakyate hantuṃ dānavo vividhāyudhaiḥ / tadā jvālākarālāśca khaḍganārācatomarāḥ

Sanskrit only: no published translation is held for this verse.

वृषाङ्केन विमुक्तास्तु समरे दानवं प्रति । न संस्पृशन्ति शस्त्राणि गात्रं गौडवधूरिव

vṛṣāṅkena vimuktāstu samare dānavaṃ prati / na saṃspṛśanti śastrāṇi gātraṃ gauḍavadhūriva

Sanskrit only: no published translation is held for this verse.

आयुधानि ततस्त्यक्त्वा बाहुयुद्धम् उपस्थितौ । करं करेण संगृह्य प्रहरन्तौ स्वमुष्टिभिः । रणप्रयोगैर्युध्यन्तौ युयुधाते शिवान्धकौ

āyudhāni tatastyaktvā bāhuyuddham upasthitau / karaṃ kareṇa saṃgṛhya praharantau svamuṣṭibhiḥ / raṇaprayogairyudhyantau yuyudhāte śivāndhakau

Sanskrit only: no published translation is held for this verse.

अन्धकं प्रति देवेशश्चिन्तयामास निग्रहम् । हनिष्यामि न सन्देहो दुष्टात्मानं न संशयः

andhakaṃ prati deveśaścintayāmāsa nigraham / haniṣyāmi na sandeho duṣṭātmānaṃ na saṃśayaḥ

Sanskrit only: no published translation is held for this verse.

स शिवेन यदा क्षिप्तः पतितः पृथिवीतले । ऊर्ध्वबाहुरधोवक्त्रो दानवो नृपसत्तम

sa śivena yadā kṣiptaḥ patitaḥ pṛthivītale / ūrdhvabāhuradhovaktro dānavo nṛpasattama

Sanskrit only: no published translation is held for this verse.

क्रोधाविष्टेन देवेशः सङ्ग्रामे देवशत्रुणा । कक्षयोः कुहरे क्षिप्त्वा बन्धेनाक्रम्य पीडितः

krodhāviṣṭena deveśaḥ saṅgrāme devaśatruṇā / kakṣayoḥ kuhare kṣiptvā bandhenākramya pīḍitaḥ

Sanskrit only: no published translation is held for this verse.

निस्पन्दश्चाभवद् देवो मूर्च्छायुक्तो महेश्वरः । मूर्च्छापन्नं तु तं ज्ञात्वा चिन्तयामास दानवः

nispandaścābhavad devo mūrcchāyukto maheśvaraḥ / mūrcchāpannaṃ tu taṃ jñātvā cintayāmāsa dānavaḥ

Sanskrit only: no published translation is held for this verse.

हाहा कष्टं कृतं मे ऽद्य दुष्कृतं पापकर्मणा । किं करोमि कथं कर्म कस्मिन्स्थाने तु मोचये

hāhā kaṣṭaṃ kṛtaṃ me 'dya duṣkṛtaṃ pāpakarmaṇā / kiṃ karomi kathaṃ karma kasminsthāne tu mocaye

Sanskrit only: no published translation is held for this verse.

गृहीत्वा देवमुत्सङ्गे गतः कैलासपर्वतम् । शय्यायां शङ्करं न्यस्य निर्ययौ दैत्यराट् ततः

gṛhītvā devamutsaṅge gataḥ kailāsaparvatam / śayyāyāṃ śaṅkaraṃ nyasya niryayau daityarāṭ tataḥ

Sanskrit only: no published translation is held for this verse.

शय्यायां पतितो देवः प्रपेदे वेदनां ततः । तावद्ददर्श चात्मानं स्वकीयभवनस्थितम्

śayyāyāṃ patito devaḥ prapede vedanāṃ tataḥ / tāvaddadarśa cātmānaṃ svakīyabhavanasthitam

Sanskrit only: no published translation is held for this verse.

पराभवः कृतो मद्यं कथं तेन दुरात्मना । क्रोधवेगसमाविष्टो निर्ययौ दानवं प्रति

parābhavaḥ kṛto madyaṃ kathaṃ tena durātmanā / krodhavegasamāviṣṭo niryayau dānavaṃ prati

Sanskrit only: no published translation is held for this verse.

आयसीं लगुडीं गृह्य प्रभुर् भारसहस्रजाम् । दानवं च ततो दृष्ट्वा प्राक्षिपत्तस्य मूर्धनि

āyasīṃ laguḍīṃ gṛhya prabhur bhārasahasrajām / dānavaṃ ca tato dṛṣṭvā prākṣipattasya mūrdhani

Sanskrit only: no published translation is held for this verse.

खड्गेन ताडयामास दानवः प्रहसन्रणे । देवेनाथस्मृतं चास्त्रं कौच्छेराख्यं महाहवे

khaḍgena tāḍayāmāsa dānavaḥ prahasanraṇe / devenāthasmṛtaṃ cāstraṃ kauccherākhyaṃ mahāhave

Sanskrit only: no published translation is held for this verse.

दीप्यमानं समुत्सृज्य हृदये ताडितः क्षणात् । ततः स ताडितस्तेन रुधिरोद्गारमुद्वमन्

dīpyamānaṃ samutsṛjya hṛdaye tāḍitaḥ kṣaṇāt / tataḥ sa tāḍitastena rudhirodgāramudvaman

Sanskrit only: no published translation is held for this verse.

पतितो ऽधोमुखो भूत्वा ततः शूलेन भेदितः । पुनश्च देवदेवेन शूलेन द्विदलीकृतः

patito 'dhomukho bhūtvā tataḥ śūlena bheditaḥ / punaśca devadevena śūlena dvidalīkṛtaḥ

Sanskrit only: no published translation is held for this verse.

शूलाग्रे ऽसौ स्थितः पापो भ्रान्तवांश् चक्रवत् तदा । ये ये भूम्यां पतन्ति स्म तत्कायाद् रक्तबिन्दवः

śūlāgre 'sau sthitaḥ pāpo bhrāntavāṃś cakravat tadā / ye ye bhūmyāṃ patanti sma tatkāyād raktabindavaḥ

Sanskrit only: no published translation is held for this verse.

ते ते सर्वे समुत्तस्थुर् दानवाः शास्त्रपाणयः । व्याकुलस्तु ततो देवो दानवेन तरस्विना

te te sarve samuttasthur dānavāḥ śāstrapāṇayaḥ / vyākulastu tato devo dānavena tarasvinā

Sanskrit only: no published translation is held for this verse.

देवेनाथ स्मृता दुर्गा चामुण्डा भीषणानना । आयाता भीषणाकारा नानायुधविराजिता

devenātha smṛtā durgā cāmuṇḍā bhīṣaṇānanā / āyātā bhīṣaṇākārā nānāyudhavirājitā

Sanskrit only: no published translation is held for this verse.

महादंष्ट्रा महाकाया पिङ्गाक्षी लम्बकर्णिका । आदेशो दीयतां देव को यास्यति यमालयम्

mahādaṃṣṭrā mahākāyā piṅgākṣī lambakarṇikā / ādeśo dīyatāṃ deva ko yāsyati yamālayam

Sanskrit only: no published translation is held for this verse.

पिबास्य रुधिरं भद्रे यथेष्टं दानवस्य च । निपतद्रुधिरं भूमौ दुर्गे गृह्णीष्व माचिरम्

pibāsya rudhiraṃ bhadre yatheṣṭaṃ dānavasya ca / nipatadrudhiraṃ bhūmau durge gṛhṇīṣva māciram

Sanskrit only: no published translation is held for this verse.

निहन्मि दानवं यावत्साहाय्यं कुरु सुन्दरि । एवमुक्ता तु सा दुर्गा पपौ च रुधिरं ततः

nihanmi dānavaṃ yāvatsāhāyyaṃ kuru sundari / evamuktā tu sā durgā papau ca rudhiraṃ tataḥ

Sanskrit only: no published translation is held for this verse.

निहता दानवाः सर्वे देवेशेन सहस्रशः । अन्धको ऽपि च तान् दृष्ट्वा दानवानवनिं गतान् । ततो वाग्भिः प्रतुष्टाव देवदेवं महेश्वरम्

nihatā dānavāḥ sarve deveśena sahasraśaḥ / andhako 'pi ca tān dṛṣṭvā dānavānavaniṃ gatān / tato vāgbhiḥ pratuṣṭāva devadevaṃ maheśvaram

Sanskrit only: no published translation is held for this verse.

जयस्व देवदेवेश उमार्धार्धाशरीरधृक् । नमस्ते देवदेवेश सर्वाय त्रिगुणात्मने

jayasva devadeveśa umārdhārdhāśarīradhṛk / namaste devadeveśa sarvāya triguṇātmane

Sanskrit only: no published translation is held for this verse.

वृषभासनमारूढ शशाङ्ककृतशेखर । जय खट्वाङ्गहस्ताय गङ्गाधर नमो ऽस्तु ते

vṛṣabhāsanamārūḍha śaśāṅkakṛtaśekhara / jaya khaṭvāṅgahastāya gaṅgādhara namo 'stu te

Sanskrit only: no published translation is held for this verse.

नमो डमरुहस्ताय नमः कपालमालिने । स्मरदेहविनाशाय महेशाय नमो ऽस्तु ते

namo ḍamaruhastāya namaḥ kapālamāline / smaradehavināśāya maheśāya namo 'stu te

Sanskrit only: no published translation is held for this verse.

पूष्णो दन्तनिपाताय गणनाथाय ते नमः । जय स्वरूपदेहाय अरूपबहुरूपिणे

pūṣṇo dantanipātāya gaṇanāthāya te namaḥ / jaya svarūpadehāya arūpabahurūpiṇe

Sanskrit only: no published translation is held for this verse.

उत्तमाङ्गविनाशाय विरिञ्चेरपि शङ्कर । श्मशानवासिने नित्यं नित्यं भैरवरूपिणे

uttamāṅgavināśāya viriñcerapi śaṅkara / śmaśānavāsine nityaṃ nityaṃ bhairavarūpiṇe

Sanskrit only: no published translation is held for this verse.

त्वं सर्वगो ऽसि त्वं कर्ता त्वं हर्ता नान्य एव च । त्वं भूमिस्त्वं दिशश्चैव त्वं गुरुर्भार्गवस्तथा

tvaṃ sarvago 'si tvaṃ kartā tvaṃ hartā nānya eva ca / tvaṃ bhūmistvaṃ diśaścaiva tvaṃ gururbhārgavastathā

Sanskrit only: no published translation is held for this verse.

सौरिस्त्वं देवदेवेश भूमिपुत्रस् तथैव च । ऋक्षग्रहादिकं सर्वं यद्दृश्यं तत्त्वमेव च

sauristvaṃ devadeveśa bhūmiputras tathaiva ca / ṛkṣagrahādikaṃ sarvaṃ yaddṛśyaṃ tattvameva ca

Sanskrit only: no published translation is held for this verse.

एवं स्तुतिं तदा कृत्वा देवं प्रति स दानवः । संहताभ्यां तु पाणिभ्यां प्रणनाम महेश्वरम्

evaṃ stutiṃ tadā kṛtvā devaṃ prati sa dānavaḥ / saṃhatābhyāṃ tu pāṇibhyāṃ praṇanāma maheśvaram

Sanskrit only: no published translation is held for this verse.

साधु साधु महासत्त्व वरं याचस्व दानव । दाताहं याचकस्त्वं हि ददामीह यथेप्सितम्

sādhu sādhu mahāsattva varaṃ yācasva dānava / dātāhaṃ yācakastvaṃ hi dadāmīha yathepsitam

Sanskrit only: no published translation is held for this verse.

यदि तुष्टोऽसि देवेश यदि देयो वरो मम । तदात्मसदृशो ऽहं ते कर्तव्यो नापरो वरः

yadi tuṣṭo'si deveśa yadi deyo varo mama / tadātmasadṛśo 'haṃ te kartavyo nāparo varaḥ

Sanskrit only: no published translation is held for this verse.

भस्मी जटी त्रिनेत्री च त्रिशूली च चतुर्भुजः । व्याघ्रचर्मोत्तरीयश्च नागयज्ञोपवीतकः

bhasmī jaṭī trinetrī ca triśūlī ca caturbhujaḥ / vyāghracarmottarīyaśca nāgayajñopavītakaḥ

Sanskrit only: no published translation is held for this verse.

एतदिच्छाम्यहं सर्वं यदि तुष्टो महेश्वर

etadicchāmyahaṃ sarvaṃ yadi tuṣṭo maheśvara

Sanskrit only: no published translation is held for this verse.

ददामि ते वरं ह्यद्य यस्त्वया याचितो ऽनघ । गणेषु मे स्थितः पुत्र भृङ्गीशस्त्वं भविष्यसि

dadāmi te varaṃ hyadya yastvayā yācito 'nagha / gaṇeṣu me sthitaḥ putra bhṛṅgīśastvaṃ bhaviṣyasi

Sanskrit only: no published translation is held for this verse.