Revakhanda of the Vayupurana 52

अन्यदाख्यानकं वक्ष्ये पुरा वृत्तं नराधिप । सकुटुम्बो गतः स्वर्गं मुनिर्यत्र महातपाः

anyadākhyānakaṃ vakṣye purā vṛttaṃ narādhipa / sakuṭumbo gataḥ svargaṃ muniryatra mahātapāḥ

Sanskrit only: no published translation is held for this verse.

कथं नाकं गतो विप्रः सकुटुम्बो महानृषिः । कौतुकं परमं देव कथयस्व मम प्रभो

kathaṃ nākaṃ gato vipraḥ sakuṭumbo mahānṛṣiḥ / kautukaṃ paramaṃ deva kathayasva mama prabho

Sanskrit only: no published translation is held for this verse.

चित्रसेन इति ख्यातः काशीराजः पुराभवत् । शूरो दाता सुधर्मात्मा सर्वकामसमृद्धिमान्

citrasena iti khyātaḥ kāśīrājaḥ purābhavat / śūro dātā sudharmātmā sarvakāmasamṛddhimān

Sanskrit only: no published translation is held for this verse.

सा पुरी जनसंकीर्णा नानारत्नोपशोभिता । वाराणसीति विख्याता गङ्गातीरम् उपाश्रिता

sā purī janasaṃkīrṇā nānāratnopaśobhitā / vārāṇasīti vikhyātā gaṅgātīram upāśritā

Sanskrit only: no published translation is held for this verse.

शरच्चन्द्रप्रतीकाशा विद्वज्जनविभूषिता । इन्द्रयष्टिसमाकीर्णा गोपगोकुलसंवृता

śaraccandrapratīkāśā vidvajjanavibhūṣitā / indrayaṣṭisamākīrṇā gopagokulasaṃvṛtā

Sanskrit only: no published translation is held for this verse.

बहुध्वजसमाकीर्णा वेदध्वनिनिनादिता । वणिग्जनैर् बहुविधैः क्रयविक्रयशालिनी

bahudhvajasamākīrṇā vedadhvaninināditā / vaṇigjanair bahuvidhaiḥ krayavikrayaśālinī

Sanskrit only: no published translation is held for this verse.

यन्त्रादानैः प्रतोलीभिरुच्चैश्चान्यैः सुशोभिता । देवतायतनैर् दिव्यैर् आश्रमैर् गहनैर् युता

yantrādānaiḥ pratolībhiruccaiścānyaiḥ suśobhitā / devatāyatanair divyair āśramair gahanair yutā

Sanskrit only: no published translation is held for this verse.

नानापुष्पफलैर् रम्या कदलीखण्डमण्डिता । पनसैर् बकुलैस् तालैर् अशोकैर् आम्रकैस् तथा

nānāpuṣpaphalair ramyā kadalīkhaṇḍamaṇḍitā / panasair bakulais tālair aśokair āmrakais tathā

Sanskrit only: no published translation is held for this verse.

राजवृक्षकपित्थैश्च दाडिमैर् उपशोभिता । वेदाध्ययननिर्घोषैः पवित्रीकृतमङ्गला

rājavṛkṣakapitthaiśca dāḍimair upaśobhitā / vedādhyayananirghoṣaiḥ pavitrīkṛtamaṅgalā

Sanskrit only: no published translation is held for this verse.

तस्या उत्तरदिग्भागे आश्रमो ऽभूत्सुशोभनः । तन्मन्दारवनं नाम त्रिषु लोकेषु विश्रुतम्

tasyā uttaradigbhāge āśramo 'bhūtsuśobhanaḥ / tanmandāravanaṃ nāma triṣu lokeṣu viśrutam

Sanskrit only: no published translation is held for this verse.

बहुमन्दारसंयुक्तं तेन मन्दारकं विदुः । विप्रो दीर्घतपा नाम सर्वदा तत्र तिष्ठति

bahumandārasaṃyuktaṃ tena mandārakaṃ viduḥ / vipro dīrghatapā nāma sarvadā tatra tiṣṭhati

Sanskrit only: no published translation is held for this verse.

तपस्तपति सो ऽत्यर्थं तेन दीर्घतपाः स्मृतः । स तिष्ठति सपत्नीकः ससुतः सस्नुषस् तथा

tapastapati so 'tyarthaṃ tena dīrghatapāḥ smṛtaḥ / sa tiṣṭhati sapatnīkaḥ sasutaḥ sasnuṣas tathā

Sanskrit only: no published translation is held for this verse.

शुश्रूषन्ति सदा तस्य पुत्राः पञ्च प्रयत्नतः । तस्य पुत्रः कनीयांस्तु ऋक्षशृङ्गो महातपाः

śuśrūṣanti sadā tasya putrāḥ pañca prayatnataḥ / tasya putraḥ kanīyāṃstu ṛkṣaśṛṅgo mahātapāḥ

Sanskrit only: no published translation is held for this verse.

वेदाध्ययनसम्पन्नो ब्रह्मचारी गुणान्वितः । योगाभ्यासरतो नित्यं कन्दमूलफलाशनः

vedādhyayanasampanno brahmacārī guṇānvitaḥ / yogābhyāsarato nityaṃ kandamūlaphalāśanaḥ

Sanskrit only: no published translation is held for this verse.

तिष्ठते मृगरूपेण मृगयूथचरस्तदा । दिनान्ते च दिनान्ते च मातापित्रोः समीपगः

tiṣṭhate mṛgarūpeṇa mṛgayūthacarastadā / dinānte ca dinānte ca mātāpitroḥ samīpagaḥ

Sanskrit only: no published translation is held for this verse.

अभिवादयते नित्यं भक्तिमान् मुनिपुत्रकः । पुनर्गच्छति तत्रैव कानने गिरिगह्वरे

abhivādayate nityaṃ bhaktimān muniputrakaḥ / punargacchati tatraiva kānane girigahvare

Sanskrit only: no published translation is held for this verse.

क्रीडन्बालमृगैः सार्द्धं प्रत्यहं स मुनेः सुतः । कदाचिद्दैवयोगेन ऋक्षशृङ्गो ममार सः

krīḍanbālamṛgaiḥ sārddhaṃ pratyahaṃ sa muneḥ sutaḥ / kadāciddaivayogena ṛkṣaśṛṅgo mamāra saḥ

Sanskrit only: no published translation is held for this verse.