Revakhanda of the Vayupurana 54

ततश्चानन्तरं राजा जगामोद्वेगम् उत्तमम् । कथं यामि गृहं त्वद्य वाराणस्याम् अहं पुनः

tataścānantaraṃ rājā jagāmodvegam uttamam / kathaṃ yāmi gṛhaṃ tvadya vārāṇasyām ahaṃ punaḥ

Sanskrit only: no published translation is held for this verse.

ब्रह्महत्यासमाविष्टो जुहोम्यग्नौ कलेवरम् । अथवा तस्य वाक्येन तं गच्छाम्याश्रमं प्रति

brahmahatyāsamāviṣṭo juhomyagnau kalevaram / athavā tasya vākyena taṃ gacchāmyāśramaṃ prati

Sanskrit only: no published translation is held for this verse.

कथयामि यथावृत्तं गत्वा तस्य महामुनेः । एवं संचिन्त्य राजासौ जगामाश्रमसन्निधौ

kathayāmi yathāvṛttaṃ gatvā tasya mahāmuneḥ / evaṃ saṃcintya rājāsau jagāmāśramasannidhau

Sanskrit only: no published translation is held for this verse.

ऋक्षशृङ्गस्य चास्थीनि गृहीत्वा स नृपोत्तमः । दृष्टिमार्गे स्थितस्तस्य महर्षेर् भावितात्मनः

ṛkṣaśṛṅgasya cāsthīni gṛhītvā sa nṛpottamaḥ / dṛṣṭimārge sthitastasya maharṣer bhāvitātmanaḥ

Sanskrit only: no published translation is held for this verse.

आगच्छ स्वागतं ते ऽस्तु आसने ऽत्रोपविश्यताम् । अर्घं ददाम्यहं येन मधुपर्कं सविष्टरम्

āgaccha svāgataṃ te 'stu āsane 'tropaviśyatām / arghaṃ dadāmyahaṃ yena madhuparkaṃ saviṣṭaram

Sanskrit only: no published translation is held for this verse.

अर्घस्यास्य न योग्यो ऽहं महर्षे नास्मि भाषणे । मृगमध्यस्थितो विप्रस् तव पुत्रो मया हतः

arghasyāsya na yogyo 'haṃ maharṣe nāsmi bhāṣaṇe / mṛgamadhyasthito vipras tava putro mayā hataḥ

Sanskrit only: no published translation is held for this verse.

पुत्रघ्नं विद्धि मां विप्र तीव्रदण्डेन दण्डय । मृगभ्रान्त्या हतो विप्र ऋक्षशृङ्गो महातपाः

putraghnaṃ viddhi māṃ vipra tīvradaṇḍena daṇḍaya / mṛgabhrāntyā hato vipra ṛkṣaśṛṅgo mahātapāḥ

Sanskrit only: no published translation is held for this verse.

इति मत्वा मुनिश्रेष्ठ कुरु मे त्वं यथोचितम् । माता तद्वचनं श्रुत्वा गृहान् निष्क्रम्य विह्वला

iti matvā muniśreṣṭha kuru me tvaṃ yathocitam / mātā tadvacanaṃ śrutvā gṛhān niṣkramya vihvalā

Sanskrit only: no published translation is held for this verse.

हा हतास्मीत्युवाचेदं पपात धरणीतले । विललाप सुदुःखार्ता पुत्रशोकेन पीडिता

hā hatāsmītyuvācedaṃ papāta dharaṇītale / vilalāpa suduḥkhārtā putraśokena pīḍitā

Sanskrit only: no published translation is held for this verse.

हा हता पुत्र पुत्रेति करुणं कुररी यथा । विललापातुरा माता क्व गतो मां विहाय वै । मुखं दर्शय चात्मीयं मातरं मां हि मानय

hā hatā putra putreti karuṇaṃ kurarī yathā / vilalāpāturā mātā kva gato māṃ vihāya vai / mukhaṃ darśaya cātmīyaṃ mātaraṃ māṃ hi mānaya

Sanskrit only: no published translation is held for this verse.

श्रुताध्ययनसम्पन्नं जपहोमपरायणम् । आगतं त्वां गृहद्वारे कदा द्रक्ष्यामि पुत्रक

śrutādhyayanasampannaṃ japahomaparāyaṇam / āgataṃ tvāṃ gṛhadvāre kadā drakṣyāmi putraka

Sanskrit only: no published translation is held for this verse.

लोकोक्त्या श्रूयते चैतच्चन्दनं किल शीतलम् । पुत्रगात्रपरिष्वङ्गश्चन्दनाद् अपि शीतलः

lokoktyā śrūyate caitaccandanaṃ kila śītalam / putragātrapariṣvaṅgaścandanād api śītalaḥ

Sanskrit only: no published translation is held for this verse.

किं चन्दनेन पीयूपबिन्दुना किं किमिन्दुना

kiṃ candanena pīyūpabindunā kiṃ kimindunā

Sanskrit only: no published translation is held for this verse.

पुत्रगात्रपरिष्वङ्गपात्रं गात्रं भवेद्यदि

putragātrapariṣvaṅgapātraṃ gātraṃ bhavedyadi

Sanskrit only: no published translation is held for this verse.

परिष्वजितुम् इच्छामि त्वामहं पुत्र सुप्रिय । पञ्चत्वम् अनुयास्यामि त्वद्विहीनाद्य दुःखिता

pariṣvajitum icchāmi tvāmahaṃ putra supriya / pañcatvam anuyāsyāmi tvadvihīnādya duḥkhitā

Sanskrit only: no published translation is held for this verse.

एवं विलपती दीना पुत्रशोकेन पीडिता । मूर्छिता विह्वला दीना निपपात महीतले

evaṃ vilapatī dīnā putraśokena pīḍitā / mūrchitā vihvalā dīnā nipapāta mahītale

Sanskrit only: no published translation is held for this verse.

भार्यां च पतितां दृष्ट्वा पुत्रशोकेन पीडिताम् । चुकोप स मुनिस्तत्र चित्रसेनाय भूभृते

bhāryāṃ ca patitāṃ dṛṣṭvā putraśokena pīḍitām / cukopa sa munistatra citrasenāya bhūbhṛte

Sanskrit only: no published translation is held for this verse.

याहि याहि महापाप मा मुखं दर्शयस्व मे । किं त्वया घातितो विप्रो ह्यकामाच्च सुतो मम

yāhi yāhi mahāpāpa mā mukhaṃ darśayasva me / kiṃ tvayā ghātito vipro hyakāmācca suto mama

Sanskrit only: no published translation is held for this verse.

ब्रह्महत्या भविष्यन्ति बह्व्यस्ते वसुधाधिप । सकुटुम्बस्य मे त्वं हि मृत्युरेष उपस्थितः

brahmahatyā bhaviṣyanti bahvyaste vasudhādhipa / sakuṭumbasya me tvaṃ hi mṛtyureṣa upasthitaḥ

Sanskrit only: no published translation is held for this verse.

एवमुक्त्वा ततो विप्रो विचिन्त्य च पुनःपुनः । परित्यज्य तदा क्रोधं मुनिभावाज्जगाद ह

evamuktvā tato vipro vicintya ca punaḥpunaḥ / parityajya tadā krodhaṃ munibhāvājjagāda ha

Sanskrit only: no published translation is held for this verse.

उद्वेगं त्यज भो वत्स दुरुक्तं गदितो मया । पुत्रशोकाभिभूतेन दुःखतप्तेन मानद

udvegaṃ tyaja bho vatsa duruktaṃ gadito mayā / putraśokābhibhūtena duḥkhataptena mānada

Sanskrit only: no published translation is held for this verse.

किं करोति नरः प्राज्ञः प्रेर्यमाणः स्वकर्मभिः । प्रागेव हि मनुष्याणां बुद्धिः कर्मानुसारिणी

kiṃ karoti naraḥ prājñaḥ preryamāṇaḥ svakarmabhiḥ / prāgeva hi manuṣyāṇāṃ buddhiḥ karmānusāriṇī

Sanskrit only: no published translation is held for this verse.

अनेनैव विधानेन पञ्चत्वं विहितं मम । हत्यास्तव भविष्यन्ति पूर्वमुक्ता न संशयः

anenaiva vidhānena pañcatvaṃ vihitaṃ mama / hatyāstava bhaviṣyanti pūrvamuktā na saṃśayaḥ

Sanskrit only: no published translation is held for this verse.

ब्रह्मक्षत्रविशां मध्ये शूद्रचण्डालजातिषु । कस्त्वं कथय सत्यं मे कस्माच्च निहतो द्विजः

brahmakṣatraviśāṃ madhye śūdracaṇḍālajātiṣu / kastvaṃ kathaya satyaṃ me kasmācca nihato dvijaḥ

Sanskrit only: no published translation is held for this verse.

विज्ञापयामि विप्रर्षे क्षन्तव्यं ते ममोपरि । नाहं विप्रो ऽस्मि वै तात न वैश्यो न च शूद्रजः

vijñāpayāmi viprarṣe kṣantavyaṃ te mamopari / nāhaṃ vipro 'smi vai tāta na vaiśyo na ca śūdrajaḥ

Sanskrit only: no published translation is held for this verse.

न व्याधश्चान्त्यजातो वा क्षत्रियो ऽहं महामुने । काशीराजो मृगान् हन्तुम् आगतो वनमुत्तमम्

na vyādhaścāntyajāto vā kṣatriyo 'haṃ mahāmune / kāśīrājo mṛgān hantum āgato vanamuttamam

Sanskrit only: no published translation is held for this verse.

भ्रान्त्या निपातितो ह्येष मृगरूपधरो मुनिः । इदानीं तव पादान्ते संश्रितः पातकान्वितः

bhrāntyā nipātito hyeṣa mṛgarūpadharo muniḥ / idānīṃ tava pādānte saṃśritaḥ pātakānvitaḥ

Sanskrit only: no published translation is held for this verse.

किं कर्तव्यं मया विप्र उपायं कथयस्व मे

kiṃ kartavyaṃ mayā vipra upāyaṃ kathayasva me

Sanskrit only: no published translation is held for this verse.

ब्रह्महत्या न शक्येताप्येका निस्तरितुं प्रभो । दशैका च कथं शक्यास्ताः शृणुष्व नरेश्वर

brahmahatyā na śakyetāpyekā nistarituṃ prabho / daśaikā ca kathaṃ śakyāstāḥ śṛṇuṣva nareśvara

Sanskrit only: no published translation is held for this verse.

चत्वारो मे सुता राजन् सभार्या मातृपूर्वकाः । मया सह न जीवन्ति ऋक्षशृङ्गस्य कारणे

catvāro me sutā rājan sabhāryā mātṛpūrvakāḥ / mayā saha na jīvanti ṛkṣaśṛṅgasya kāraṇe

Sanskrit only: no published translation is held for this verse.

उपायं शोभनं तात कथयिष्ये शृणुष्व तम् । शक्रो ऽपि यदि तं कर्तुं सुखोपायं नरेश्वर

upāyaṃ śobhanaṃ tāta kathayiṣye śṛṇuṣva tam / śakro 'pi yadi taṃ kartuṃ sukhopāyaṃ nareśvara

Sanskrit only: no published translation is held for this verse.

सकुटुम्बं समस्तं मां दाहयित्वानले नृप । अस्थीनि नर्मदातोये शूलभेदे विनिक्षिप

sakuṭumbaṃ samastaṃ māṃ dāhayitvānale nṛpa / asthīni narmadātoye śūlabhede vinikṣipa

Sanskrit only: no published translation is held for this verse.

नर्मदादक्षिणे कूले शूलभेदं हि विश्रुतम् । सर्वपापहरं तीर्थं सर्वदुःखघ्नमुत्तमम्

narmadādakṣiṇe kūle śūlabhedaṃ hi viśrutam / sarvapāpaharaṃ tīrthaṃ sarvaduḥkhaghnamuttamam

Sanskrit only: no published translation is held for this verse.

शुचिर्भूत्वा ममास्थीनि तत्र तीर्थे विनिक्षिप । मोक्ष्यसे सर्वपापैस् त्वं मम वाक्यान्न संशयः

śucirbhūtvā mamāsthīni tatra tīrthe vinikṣipa / mokṣyase sarvapāpais tvaṃ mama vākyānna saṃśayaḥ

Sanskrit only: no published translation is held for this verse.

आदेशो दीयतां तात करिष्यामि न संशयः । समस्तं मे ऽस्ति यत्किंचिद्राज्यं कोशः सुहृत्सुताः

ādeśo dīyatāṃ tāta kariṣyāmi na saṃśayaḥ / samastaṃ me 'sti yatkiṃcidrājyaṃ kośaḥ suhṛtsutāḥ

Sanskrit only: no published translation is held for this verse.

तवाधीनं महाविप्र प्रयच्छामि प्रसीद मे । परस्परं विवदतोर्विप्र राज्ञोस्तदा नृप

tavādhīnaṃ mahāvipra prayacchāmi prasīda me / parasparaṃ vivadatorvipra rājñostadā nṛpa

Sanskrit only: no published translation is held for this verse.

स्फुटित्वा हृदयं शीघ्रं मुनिभार्या मृता तदा । पुत्रशोकसमाविष्टा निर्जीवा पतिता क्षितौ

sphuṭitvā hṛdayaṃ śīghraṃ munibhāryā mṛtā tadā / putraśokasamāviṣṭā nirjīvā patitā kṣitau

Sanskrit only: no published translation is held for this verse.

पुत्राश्च मातृशोकेन सर्वे पञ्चत्वमागताः । स्नुषाश्चैव तदा सर्वा मृताश्च सह भर्तृभिः

putrāśca mātṛśokena sarve pañcatvamāgatāḥ / snuṣāścaiva tadā sarvā mṛtāśca saha bhartṛbhiḥ

Sanskrit only: no published translation is held for this verse.

पञ्चत्वं च गताः सर्वे मुनिमुख्या नृपोत्तम । विप्रान् आह्वापयामास ये तत्राश्रमवासिनः

pañcatvaṃ ca gatāḥ sarve munimukhyā nṛpottama / viprān āhvāpayāmāsa ye tatrāśramavāsinaḥ

Sanskrit only: no published translation is held for this verse.

तेभ्यो निवेदयामास यथावृत्तं नृपोत्तमः । स तैस्तदाभ्यनुज्ञातः काष्ठान्यादाय यत्नतः

tebhyo nivedayāmāsa yathāvṛttaṃ nṛpottamaḥ / sa taistadābhyanujñātaḥ kāṣṭhānyādāya yatnataḥ

Sanskrit only: no published translation is held for this verse.

दाहं संचयनं चक्रे चित्रसेनो महीपतिः । ऋक्षशृङ्गादिसर्वेषां गृहीत्वास्थीनि यत्नतः

dāhaṃ saṃcayanaṃ cakre citraseno mahīpatiḥ / ṛkṣaśṛṅgādisarveṣāṃ gṛhītvāsthīni yatnataḥ

Sanskrit only: no published translation is held for this verse.

याम्याशां प्रस्थितो राजा पादचारी महीपते । न शक्नोति यदा गन्तुं छायामाश्रित्य तिष्ठति

yāmyāśāṃ prasthito rājā pādacārī mahīpate / na śaknoti yadā gantuṃ chāyāmāśritya tiṣṭhati

Sanskrit only: no published translation is held for this verse.

विश्रम्य च पुनर् गच्छेद् भाराक्रान्तो महीपतिः । सचैलं कुरुते स्नानं मुक्त्वास्थीनि पदे पदे

viśramya ca punar gacched bhārākrānto mahīpatiḥ / sacailaṃ kurute snānaṃ muktvāsthīni pade pade

Sanskrit only: no published translation is held for this verse.

पिबेज्जलं निराहारः स गच्छन् दक्षिणामुखः । अचिरेणैव कालेन संगतो नर्मदातटम्

pibejjalaṃ nirāhāraḥ sa gacchan dakṣiṇāmukhaḥ / acireṇaiva kālena saṃgato narmadātaṭam

Sanskrit only: no published translation is held for this verse.

आश्रमस्थान् द्विजान् दृष्ट्वा पप्रच्छ पृथिवीपतिः

āśramasthān dvijān dṛṣṭvā papraccha pṛthivīpatiḥ

Sanskrit only: no published translation is held for this verse.

कथ्यतां शूलभेदस्य मार्गं मे द्विजसत्तमाः । येन यामि महाभागाः स्वकार्यार्थस्य सिद्धये

kathyatāṃ śūlabhedasya mārgaṃ me dvijasattamāḥ / yena yāmi mahābhāgāḥ svakāryārthasya siddhaye

Sanskrit only: no published translation is held for this verse.

मुनय ऊचुः । इतः क्रोशान्तराद् अर्वाक् तीर्थं परमशोभनम् । नर्मदादक्षिणे कूले ततो द्रक्ष्यसि नान्यथा

munaya ūcuḥ / itaḥ krośāntarād arvāk tīrthaṃ paramaśobhanam / narmadādakṣiṇe kūle tato drakṣyasi nānyathā

Sanskrit only: no published translation is held for this verse.

ऋषिवाक्येन राजासौ शीघ्रं गत्वा नरेश्वरः । स ददर्श ततः शीघ्रं बहुद्विजसमाकुलम्

ṛṣivākyena rājāsau śīghraṃ gatvā nareśvaraḥ / sa dadarśa tataḥ śīghraṃ bahudvijasamākulam

Sanskrit only: no published translation is held for this verse.

बहुद्रुमलताकीर्णं बहुपुष्पोपशोभितम् । ऋक्षसिंहसमाकीर्णं नानाव्रतधरैः शुभैः

bahudrumalatākīrṇaṃ bahupuṣpopaśobhitam / ṛkṣasiṃhasamākīrṇaṃ nānāvratadharaiḥ śubhaiḥ

Sanskrit only: no published translation is held for this verse.

एकपादास्थिताः केचिदपरे सूर्यदृष्टयः । एकाङ्गुष्ठ स्थिताः केचिद् ऊर्ध्वबाहुस्थिताः परे

ekapādāsthitāḥ kecidapare sūryadṛṣṭayaḥ / ekāṅguṣṭha sthitāḥ kecid ūrdhvabāhusthitāḥ pare

Sanskrit only: no published translation is held for this verse.

दिनैकभोजनाः केचित् केचित् कन्दफलाशनाः । त्रिरात्रभोजनाः केचित्पराकव्रतिनो ऽपरे

dinaikabhojanāḥ kecit kecit kandaphalāśanāḥ / trirātrabhojanāḥ kecitparākavratino 'pare

Sanskrit only: no published translation is held for this verse.

चान्द्रायणरताः केचित् केचित् पक्षोपवासिनः । मासोपवासिनः केचित् केचिदृत्वन्तपारणाः

cāndrāyaṇaratāḥ kecit kecit pakṣopavāsinaḥ / māsopavāsinaḥ kecit kecidṛtvantapāraṇāḥ

Sanskrit only: no published translation is held for this verse.

योगाभ्यासरताः केचित् केचिद्ध्यायन्ति तत्पदम् । शीर्णपर्णाशिनः केचित् केचिच्च कटुकाशनाः

yogābhyāsaratāḥ kecit keciddhyāyanti tatpadam / śīrṇaparṇāśinaḥ kecit kecicca kaṭukāśanāḥ

Sanskrit only: no published translation is held for this verse.

शैवालभोजनाः केचित् केचिन्मारुतभोजनाः । गार्हस्थ्ये च स्थिताः केचित् केचिच्चैवाग्निहोत्रिणः

śaivālabhojanāḥ kecit kecinmārutabhojanāḥ / gārhasthye ca sthitāḥ kecit keciccaivāgnihotriṇaḥ

Sanskrit only: no published translation is held for this verse.

एवंविधान् द्विजान् दृष्ट्वा जानुभ्यामवनिं गतः । प्रणम्य शिरसा राजन्राजा वचनम् अब्रवीत्

evaṃvidhān dvijān dṛṣṭvā jānubhyāmavaniṃ gataḥ / praṇamya śirasā rājanrājā vacanam abravīt

Sanskrit only: no published translation is held for this verse.

कस्मिन्देशे च तत् तीर्थं सत्यं कथयत द्विजाः । येनाभिवाञ्छिता सिद्धिः सफला मे भविष्यति

kasmindeśe ca tat tīrthaṃ satyaṃ kathayata dvijāḥ / yenābhivāñchitā siddhiḥ saphalā me bhaviṣyati

Sanskrit only: no published translation is held for this verse.

ऋषय ऊचुः । धन्वन्तरशतं गच्छ भृगुतुङ्गस्य मूर्धनि । कुण्डं द्रक्ष्यसि तत्पूर्णं विस्तीर्णं पयसा शिवम्

ṛṣaya ūcuḥ / dhanvantaraśataṃ gaccha bhṛgutuṅgasya mūrdhani / kuṇḍaṃ drakṣyasi tatpūrṇaṃ vistīrṇaṃ payasā śivam

Sanskrit only: no published translation is held for this verse.

तेषां तद्वचनं श्रुत्वा गतः कुण्डस्य सन्निधौ । दृष्ट्वा चैव तु तत् तीर्थं भ्रान्तिर्जाता नृपस्य वै

teṣāṃ tadvacanaṃ śrutvā gataḥ kuṇḍasya sannidhau / dṛṣṭvā caiva tu tat tīrthaṃ bhrāntirjātā nṛpasya vai

Sanskrit only: no published translation is held for this verse.

ततो विस्मयमापन्नश्चिन्तयन्वै मुहुर्मुहुः । आकाशस्थं ददर्शासौ सामिषं कुररं नृपः

tato vismayamāpannaścintayanvai muhurmuhuḥ / ākāśasthaṃ dadarśāsau sāmiṣaṃ kuraraṃ nṛpaḥ

Sanskrit only: no published translation is held for this verse.

भ्रममाणं गृहीताहिं वध्यमानं निरामिषैः । परस्परं च युयुधुः सर्वे ऽप्यामिषकाङ्क्षया

bhramamāṇaṃ gṛhītāhiṃ vadhyamānaṃ nirāmiṣaiḥ / parasparaṃ ca yuyudhuḥ sarve 'pyāmiṣakāṅkṣayā

Sanskrit only: no published translation is held for this verse.

हतश्चञ्चुप्रहारेण स ततः पतितो ऽंभसि । शूलेन शूलिना यत्र भूभागो भेदितः पुरा

hataścañcuprahāreṇa sa tataḥ patito 'ṃbhasi / śūlena śūlinā yatra bhūbhāgo bheditaḥ purā

Sanskrit only: no published translation is held for this verse.

तत्तीर्थस्य प्रभावेण स सद्यः पुरुषो ऽभवत् । विमानस्थं ददर्शासौ पुमांसं दिव्यरूपिणम्

tattīrthasya prabhāveṇa sa sadyaḥ puruṣo 'bhavat / vimānasthaṃ dadarśāsau pumāṃsaṃ divyarūpiṇam

Sanskrit only: no published translation is held for this verse.

गन्धर्वाप्सरसो यक्षास्तं यान्तं तुष्टुवुर् दिवि । अप्सरोगीयमाने तु गते सूर्यस्य मूर्धनि । चित्रसेनस् ततस्तस्मिन्नाश्चर्यं परमं गतः

gandharvāpsaraso yakṣāstaṃ yāntaṃ tuṣṭuvur divi / apsarogīyamāne tu gate sūryasya mūrdhani / citrasenas tatastasminnāścaryaṃ paramaṃ gataḥ

Sanskrit only: no published translation is held for this verse.

ऋषिणा कथितं यद्वत्तद्वत्तीर्थं न संशयः । हृष्टरोमाभवद् दृष्ट्वा प्रभावं तीर्थसम्भवम्

ṛṣiṇā kathitaṃ yadvattadvattīrthaṃ na saṃśayaḥ / hṛṣṭaromābhavad dṛṣṭvā prabhāvaṃ tīrthasambhavam

Sanskrit only: no published translation is held for this verse.

ममाद्य दिवसो धन्यो यस्माद् अत्र समागतः । अस्थीनि भूमौ निक्षिप्य स्नानं कृत्वा यथाविधि

mamādya divaso dhanyo yasmād atra samāgataḥ / asthīni bhūmau nikṣipya snānaṃ kṛtvā yathāvidhi

Sanskrit only: no published translation is held for this verse.

तिलमिश्रेण तोयेनातर्पयत् पितृदेवताः । गृह्यास्थीनि ततो राजा चिक्षेपान्तर्जले तदा

tilamiśreṇa toyenātarpayat pitṛdevatāḥ / gṛhyāsthīni tato rājā cikṣepāntarjale tadā

Sanskrit only: no published translation is held for this verse.

क्षणमेकं ततो वीक्ष्य राजोर्द्ध्ववदनः स्थितः । तान् ददर्श पुनः सर्वान् दिव्यरूपधराञ्छुभान्

kṣaṇamekaṃ tato vīkṣya rājorddhvavadanaḥ sthitaḥ / tān dadarśa punaḥ sarvān divyarūpadharāñchubhān

Sanskrit only: no published translation is held for this verse.

दिव्यवस्त्रैश्च संवीतान् दिव्याभरणभूषितान् । विमानैर् विविधैर् दिव्यैर् अप्सरोगणसेवितैः

divyavastraiśca saṃvītān divyābharaṇabhūṣitān / vimānair vividhair divyair apsarogaṇasevitaiḥ

Sanskrit only: no published translation is held for this verse.

पृथग्भूतांश्च तान् सर्वान् विमानेषु व्यवस्थितान् । उत्पत्तिवत्समालोक्य राजा संहर्षी सो ऽभवत्

pṛthagbhūtāṃśca tān sarvān vimāneṣu vyavasthitān / utpattivatsamālokya rājā saṃharṣī so 'bhavat

Sanskrit only: no published translation is held for this verse.

ऋषिर्विमानम् आरूढश्चित्रसेनम् अथाब्रवीत् । भोभोः साधो महाराज चित्रसेन महीपते

ṛṣirvimānam ārūḍhaścitrasenam athābravīt / bhobhoḥ sādho mahārāja citrasena mahīpate

Sanskrit only: no published translation is held for this verse.

त्वत्प्रसादान्नृपश्रेष्ठ गतिर्दिव्या ममेदृषी । जातेयं यत्त्वया कार्यं कृतं परमशोभनम्

tvatprasādānnṛpaśreṣṭha gatirdivyā mamedṛṣī / jāteyaṃ yattvayā kāryaṃ kṛtaṃ paramaśobhanam

Sanskrit only: no published translation is held for this verse.

स्वसुतो ऽपि न शक्नोति पित्ःणां कर्तुमीदृशम् । मदीयवचनात् तात निष्पापस्त्वं भविष्यसि

svasuto 'pi na śaknoti pitḥṇāṃ kartumīdṛśam / madīyavacanāt tāta niṣpāpastvaṃ bhaviṣyasi

Sanskrit only: no published translation is held for this verse.

फलं प्राप्स्यसि राजेन्द्र कामिकं मनसेप्सितम् । आशीर्वादांस् ततो दत्त्वा चित्रसेनाय धीमते । स्वर्गं जगाम ससुतस् ततो दीर्घतपा मुनिः

phalaṃ prāpsyasi rājendra kāmikaṃ manasepsitam / āśīrvādāṃs tato dattvā citrasenāya dhīmate / svargaṃ jagāma sasutas tato dīrghatapā muniḥ

Sanskrit only: no published translation is held for this verse.