Revakhanda of the Vayupurana 56

धान्यदः शाश्वतं सौख्यं ब्रह्मदो ब्रह्म शाश्वतम् । वार्यन्नपृथिवीवासस्तिलकाञ्चनसर्पिषाम्

dhānyadaḥ śāśvataṃ saukhyaṃ brahmado brahma śāśvatam / vāryannapṛthivīvāsastilakāñcanasarpiṣām

Sanskrit only: no published translation is held for this verse.

सर्वेषामेव दानानां ब्रह्मदानं विशिष्यते । येन येन हि भावेन यद्यद्दानं प्रयच्छति

sarveṣāmeva dānānāṃ brahmadānaṃ viśiṣyate / yena yena hi bhāvena yadyaddānaṃ prayacchati

Sanskrit only: no published translation is held for this verse.

तेन तेन स भावेन प्राप्नोति प्रतिपूजितम् । दृष्ट्वा दानानि सर्वाणि राज्ञी दत्तानि यानि च

tena tena sa bhāvena prāpnoti pratipūjitam / dṛṣṭvā dānāni sarvāṇi rājñī dattāni yāni ca

Sanskrit only: no published translation is held for this verse.

उवाच शबरो भार्यां यत्तच्छृणु नरेश्वर । पुराणं पठितं भद्रे ब्राह्मणैर्वेदपारगैः

uvāca śabaro bhāryāṃ yattacchṛṇu nareśvara / purāṇaṃ paṭhitaṃ bhadre brāhmaṇairvedapāragaiḥ

Sanskrit only: no published translation is held for this verse.

श्रुतं च तन्मया सर्वं दानधर्मफलं शुभम् । पूर्वजन्मार्जितं पापं स्नानदानव्रतादिभिः

śrutaṃ ca tanmayā sarvaṃ dānadharmaphalaṃ śubham / pūrvajanmārjitaṃ pāpaṃ snānadānavratādibhiḥ

Sanskrit only: no published translation is held for this verse.

शरीरं दुस्त्यजं मुक्त्वा लभते गतिमुत्तमाम् । संसारसागराद्भीतः सत्यं भद्रे वदामि ते

śarīraṃ dustyajaṃ muktvā labhate gatimuttamām / saṃsārasāgarādbhītaḥ satyaṃ bhadre vadāmi te

Sanskrit only: no published translation is held for this verse.

अनेकानि च पापानि कृतानि बहुशो मया । घातिता जन्तवो भद्रे निर्दग्धाः पर्वताः सदा

anekāni ca pāpāni kṛtāni bahuśo mayā / ghātitā jantavo bhadre nirdagdhāḥ parvatāḥ sadā

Sanskrit only: no published translation is held for this verse.

तेन पापेन दग्धो ऽहं दारिद्र्यं न निवर्तते । तीर्थावगाहनं पूर्वं पापेन न कृतं मया

tena pāpena dagdho 'haṃ dāridryaṃ na nivartate / tīrthāvagāhanaṃ pūrvaṃ pāpena na kṛtaṃ mayā

Sanskrit only: no published translation is held for this verse.

तेनाहं दुःखितो भद्रे दारिद्र्यम् अनिवर्तिकम् । मातुर्गृहं प्रयाहि त्वं त्यज स्नेहं ममोपरि । नगशृङ्गं समारुह्य मोक्तुम् इच्छाम्यहं तनुम्

tenāhaṃ duḥkhito bhadre dāridryam anivartikam / māturgṛhaṃ prayāhi tvaṃ tyaja snehaṃ mamopari / nagaśṛṅgaṃ samāruhya moktum icchāmyahaṃ tanum

Sanskrit only: no published translation is held for this verse.

मात्रा पित्रा न मे कार्यं नापि स्वजनबान्धवैः । या गतिस्तव जीवेश सा ममापि भविष्यति

mātrā pitrā na me kāryaṃ nāpi svajanabāndhavaiḥ / yā gatistava jīveśa sā mamāpi bhaviṣyati

Sanskrit only: no published translation is held for this verse.

न स्त्रीणामीदृशो धर्मो विना भर्त्रा स्वजीवितम् । श्रूयन्ते बहवो दोषा धर्मशास्त्रेष्वनेकधा

na strīṇāmīdṛśo dharmo vinā bhartrā svajīvitam / śrūyante bahavo doṣā dharmaśāstreṣvanekadhā

Sanskrit only: no published translation is held for this verse.

पारणं कुरु भोजेन्द्र व्रतं येन न नश्यति । यत्ते ऽभिवाञ्छितं किंचिद् विष्णवे कर्तुम् अर्हसि

pāraṇaṃ kuru bhojendra vrataṃ yena na naśyati / yatte 'bhivāñchitaṃ kiṃcid viṣṇave kartum arhasi

Sanskrit only: no published translation is held for this verse.

भार्याया वचनं श्रुत्वा मुमुदे शबरस्ततः । गृहीत्वा श्रीफलं शीघ्रं होमं कृत्वा यथाविधि

bhāryāyā vacanaṃ śrutvā mumude śabarastataḥ / gṛhītvā śrīphalaṃ śīghraṃ homaṃ kṛtvā yathāvidhi

Sanskrit only: no published translation is held for this verse.

सर्वदेवान्नमस्कृत्य भुक्तो ऽपि च तया सह । चैत्र्यां तु विषुवं ज्ञात्वा तस्थौ तत्र दिनत्रयम्

sarvadevānnamaskṛtya bhukto 'pi ca tayā saha / caitryāṃ tu viṣuvaṃ jñātvā tasthau tatra dinatrayam

Sanskrit only: no published translation is held for this verse.