Revakhanda of the Vayupurana 57

भानुमती द्विजान्भोज्य बुभुजे भुक्तशेषतः । भुक्त्वा सुसुखमास्थाय तदन्नं परिणाम्य च

bhānumatī dvijānbhojya bubhuje bhuktaśeṣataḥ / bhuktvā susukhamāsthāya tadannaṃ pariṇāmya ca

Sanskrit only: no published translation is held for this verse.

त्रयोदश्यां ततो गत्वा मदनाख्यतिथौ तदा । मार्कण्डस्य ह्रदे स्नात्वानर्च्य देवं गुहाशयम्

trayodaśyāṃ tato gatvā madanākhyatithau tadā / mārkaṇḍasya hrade snātvānarcya devaṃ guhāśayam

Sanskrit only: no published translation is held for this verse.

कृतोपवासनियमा स्नापयित्वा महेश्वरम् । पञ्चामृतसुगन्धेन धूपदीपनिवेदनैः

kṛtopavāsaniyamā snāpayitvā maheśvaram / pañcāmṛtasugandhena dhūpadīpanivedanaiḥ

Sanskrit only: no published translation is held for this verse.

आर्चयद्विविधैः पुष्पैर्नैवेद्यैश्च सुशोभनैः । क्षपाजागरणं कृत्वा श्रुत्वा पौराणिकीं कथाम्

ārcayadvividhaiḥ puṣpairnaivedyaiśca suśobhanaiḥ / kṣapājāgaraṇaṃ kṛtvā śrutvā paurāṇikīṃ kathām

Sanskrit only: no published translation is held for this verse.

नृत्यगीतैस्तथा स्तोत्रैर्दध्यौ देवं महेश्वरम् । अन्नं विस्तारितं सर्वं देवस्याग्रे यथाविधि

nṛtyagītaistathā stotrairdadhyau devaṃ maheśvaram / annaṃ vistāritaṃ sarvaṃ devasyāgre yathāvidhi

Sanskrit only: no published translation is held for this verse.

चातुर्वर्ण्यसुताः सर्वे भोजिताः सपरिच्छदाः । चतुर्दश्यां दिनं यावत्सम्पूज्य वृषभध्वजम्

cāturvarṇyasutāḥ sarve bhojitāḥ saparicchadāḥ / caturdaśyāṃ dinaṃ yāvatsampūjya vṛṣabhadhvajam

Sanskrit only: no published translation is held for this verse.

शङ्खवादित्रभेरीभिः पटहध्वनिनादितम् । क्षपाजागरणं कृत्वा प्रभूतजनसंकुलम्

śaṅkhavāditrabherībhiḥ paṭahadhvanināditam / kṣapājāgaraṇaṃ kṛtvā prabhūtajanasaṃkulam

Sanskrit only: no published translation is held for this verse.

नृत्यगीतैस्तथा स्तोत्रैः प्रेरिता सा निशा तदा । प्रभाते भोजिता विप्राः पायसैर्मधुसर्पिषा

nṛtyagītaistathā stotraiḥ preritā sā niśā tadā / prabhāte bhojitā viprāḥ pāyasairmadhusarpiṣā

Sanskrit only: no published translation is held for this verse.

दत्त्वा दानानि विप्रेभ्यः शक्त्या विप्रानुसारतः । अर्चयित्वा महापुष्पैः सुगन्धैर् मदनेन च

dattvā dānāni viprebhyaḥ śaktyā viprānusārataḥ / arcayitvā mahāpuṣpaiḥ sugandhair madanena ca

Sanskrit only: no published translation is held for this verse.

विचित्रैः सूक्ष्मवस्त्रैश्च देवः सम्पूज्य वेष्टितः । स्रग्दामलम्बमानैश्च बहुदीपसमुज्ज्वलैः

vicitraiḥ sūkṣmavastraiśca devaḥ sampūjya veṣṭitaḥ / sragdāmalambamānaiśca bahudīpasamujjvalaiḥ

Sanskrit only: no published translation is held for this verse.

पक्वान्नैर् विविधैर् भक्ष्यैः सुवृत्तैर् मोदकादिभिः । ततस्ते ब्राह्मणाः सर्वे वेदाध्ययनतत्पराः

pakvānnair vividhair bhakṣyaiḥ suvṛttair modakādibhiḥ / tataste brāhmaṇāḥ sarve vedādhyayanatatparāḥ

Sanskrit only: no published translation is held for this verse.

तत्पर्व कीर्तयांश्चक्रुः पद्मकं नाम नामतः । आदित्यस्य दिनं त्वद्य तिथिः पञ्चदशी तथा

tatparva kīrtayāṃścakruḥ padmakaṃ nāma nāmataḥ / ādityasya dinaṃ tvadya tithiḥ pañcadaśī tathā

Sanskrit only: no published translation is held for this verse.

त्वाष्ट्रमेव च नक्षत्रं संक्रान्तिर् विषुवन्तथा । व्यतीपातस्तथा योगः करणविष्टिरेव च

tvāṣṭrameva ca nakṣatraṃ saṃkrāntir viṣuvantathā / vyatīpātastathā yogaḥ karaṇaviṣṭireva ca

Sanskrit only: no published translation is held for this verse.

पद्मकं नाम पर्वैतद् अयनादिचतुर्गुणम् । अत्र दत्तं हुतं जप्तं सर्वं भवति चाक्षयम्

padmakaṃ nāma parvaitad ayanādicaturguṇam / atra dattaṃ hutaṃ japtaṃ sarvaṃ bhavati cākṣayam

Sanskrit only: no published translation is held for this verse.

ते द्विजा भानुमत्याथ शूलभेदं गताः सह । ददृशुः शबरं कुण्डे भार्यया सह संस्थितम्

te dvijā bhānumatyātha śūlabhedaṃ gatāḥ saha / dadṛśuḥ śabaraṃ kuṇḍe bhāryayā saha saṃsthitam

Sanskrit only: no published translation is held for this verse.

ऐशानीं स दिशं गत्वा पर्वते भृगुमूर्धनि । पतितुं च समारूढो भार्यया सह पार्थिव

aiśānīṃ sa diśaṃ gatvā parvate bhṛgumūrdhani / patituṃ ca samārūḍho bhāryayā saha pārthiva

Sanskrit only: no published translation is held for this verse.

तिष्ठ तिष्ठ महासत्त्व शृणुष्व वचनं मम । किमर्थं त्यजसि प्राणानद्यापि च युवा भवान्

tiṣṭha tiṣṭha mahāsattva śṛṇuṣva vacanaṃ mama / kimarthaṃ tyajasi prāṇānadyāpi ca yuvā bhavān

Sanskrit only: no published translation is held for this verse.

कः सन्तापः क उद्वेगः किं दुःखं व्याधिरेव च । शिशुः संदृश्यसे ऽद्यापि कारणं कथ्यतामिदम्

kaḥ santāpaḥ ka udvegaḥ kiṃ duḥkhaṃ vyādhireva ca / śiśuḥ saṃdṛśyase 'dyāpi kāraṇaṃ kathyatāmidam

Sanskrit only: no published translation is held for this verse.

कारणं नास्ति मे किंचिन्न दुःखं किंचिदेव तु । संसारभयभीतो ऽहं नान्या बुद्धिः प्रवर्तते

kāraṇaṃ nāsti me kiṃcinna duḥkhaṃ kiṃcideva tu / saṃsārabhayabhīto 'haṃ nānyā buddhiḥ pravartate

Sanskrit only: no published translation is held for this verse.

दुःखेन लभ्यते यस्मान्मानुष्यं जन्म भाग्यतः । मानुष्यं जन्म चासाद्य या न धर्मं समाचरेत्

duḥkhena labhyate yasmānmānuṣyaṃ janma bhāgyataḥ / mānuṣyaṃ janma cāsādya yā na dharmaṃ samācaret

Sanskrit only: no published translation is held for this verse.

स गच्छेन्निरयं घोरमात्मदोषेण सुन्दरि । तस्मात्पतितुमिच्छामि तीर्थे ऽस्मिन्पापनाशने

sa gacchennirayaṃ ghoramātmadoṣeṇa sundari / tasmātpatitumicchāmi tīrthe 'sminpāpanāśane

Sanskrit only: no published translation is held for this verse.

अद्यापि वर्तते कालो धर्मस्योपार्जने तव । कृतापकृतकर्मा वै व्रतदानैर् विशुध्यति

adyāpi vartate kālo dharmasyopārjane tava / kṛtāpakṛtakarmā vai vratadānair viśudhyati

Sanskrit only: no published translation is held for this verse.

अहं दास्यामि धान्यं वा वासांसि द्रविणं बहु । नित्यमाचर धर्मं त्वं ध्यायन्नित्यं महेश्वरम्

ahaṃ dāsyāmi dhānyaṃ vā vāsāṃsi draviṇaṃ bahu / nityamācara dharmaṃ tvaṃ dhyāyannityaṃ maheśvaram

Sanskrit only: no published translation is held for this verse.

नैवाहं कामये वित्तं न धान्यं वस्त्रमेव च । यो यस्यैवान्नमश्नाति स तस्याश्नाति किल्बिषम्

naivāhaṃ kāmaye vittaṃ na dhānyaṃ vastrameva ca / yo yasyaivānnamaśnāti sa tasyāśnāti kilbiṣam

Sanskrit only: no published translation is held for this verse.

कन्दमूलफलाहारो भ्रमित्वा भैक्ष्यमुत्तमम् । अवगाह्य सुतीर्थानि सर्वपापैः प्रमुच्यते

kandamūlaphalāhāro bhramitvā bhaikṣyamuttamam / avagāhya sutīrthāni sarvapāpaiḥ pramucyate

Sanskrit only: no published translation is held for this verse.

ततो विमुक्तपापस्तु यत्किंचित्कुरुते शुचिः । कर्मणा तेन पूतस्त्वं सद्गतिं प्राप्स्यसि ध्रुवम्

tato vimuktapāpastu yatkiṃcitkurute śuciḥ / karmaṇā tena pūtastvaṃ sadgatiṃ prāpsyasi dhruvam

Sanskrit only: no published translation is held for this verse.

अन्नमद्य मया त्यक्तं प्राणेभ्यो ऽपि महत्तरम् । सत्यं न लोपयेद् देवि निश्चितात्र मतिर्मम

annamadya mayā tyaktaṃ prāṇebhyo 'pi mahattaram / satyaṃ na lopayed devi niścitātra matirmama

Sanskrit only: no published translation is held for this verse.

प्रसादः क्रियतां देवि क्षमस्वाद्य जनैः सह । अर्धोत्तरीयवस्त्रेण संयम्यात्मानमुद्यतः

prasādaḥ kriyatāṃ devi kṣamasvādya janaiḥ saha / ardhottarīyavastreṇa saṃyamyātmānamudyataḥ

Sanskrit only: no published translation is held for this verse.

भार्यया सहितो व्याधो हरिं ध्यात्वा पपात ह । नगार्धात् पतितो यावद्गतजीवो नराधिप

bhāryayā sahito vyādho hariṃ dhyātvā papāta ha / nagārdhāt patito yāvadgatajīvo narādhipa

Sanskrit only: no published translation is held for this verse.

चूर्णीभूतौ हि तौ दृष्ट्वा कुण्डस्योपरि भूमिप । त्रिमुहूर्ते गते काले शबरो भार्यया सह

cūrṇībhūtau hi tau dṛṣṭvā kuṇḍasyopari bhūmipa / trimuhūrte gate kāle śabaro bhāryayā saha

Sanskrit only: no published translation is held for this verse.

दिव्यं विमानमारूढो गतश्चानुत्तमां गतिम्

divyaṃ vimānamārūḍho gataścānuttamāṃ gatim

Sanskrit only: no published translation is held for this verse.