ततो गच्छेत् परं पुण्यं नर्मदादक्षिणे तटे । शक्रतीर्थं सुविख्यातम् अशेषाघविनाशनम्
tato gacchet paraṃ puṇyaṃ narmadādakṣiṇe taṭe / śakratīrthaṃ suvikhyātam aśeṣāghavināśanam
Sanskrit only: no published translation is held for this verse.
Library·Revakhanda of the Vayupurana·61
Revakhanda of the Vayupurana 61
पुरा शक्रेण तत्रैव तपो वै दुरतिक्रमम् । प्रारब्धं परया भक्त्या देवं प्रति महेश्वरम्
purā śakreṇa tatraiva tapo vai duratikramam / prārabdhaṃ parayā bhaktyā devaṃ prati maheśvaram
Sanskrit only: no published translation is held for this verse.
ततः संतोषितो देव उमापतिर् नराधिप । देवेन्द्रत्वं वरं राज्यं दानवानां वधं ददौ
tataḥ saṃtoṣito deva umāpatir narādhipa / devendratvaṃ varaṃ rājyaṃ dānavānāṃ vadhaṃ dadau
Sanskrit only: no published translation is held for this verse.
लब्धं शक्रेण नृपते नर्मदातीर्थभावतः । ततः पुण्यतमं तीर्थं संजातं वसुधातले
labdhaṃ śakreṇa nṛpate narmadātīrthabhāvataḥ / tataḥ puṇyatamaṃ tīrthaṃ saṃjātaṃ vasudhātale
Sanskrit only: no published translation is held for this verse.
कार्त्तिकस्य तु मासस्य कृष्णपक्षे त्रयोदशीम् । उपोष्य वै नरो भक्त्या सर्वपापैः प्रमुच्यते
kārttikasya tu māsasya kṛṣṇapakṣe trayodaśīm / upoṣya vai naro bhaktyā sarvapāpaiḥ pramucyate
Sanskrit only: no published translation is held for this verse.
दुःस्वप्नसम्भवैः पापैर्दुर्निमित्तसमुद्भवैः । ग्रहशाकिनिसम्भूतैर् मुच्यते पाण्डुनन्दन
duḥsvapnasambhavaiḥ pāpairdurnimittasamudbhavaiḥ / grahaśākinisambhūtair mucyate pāṇḍunandana
Sanskrit only: no published translation is held for this verse.
शक्रेश्वरं नृपश्रेष्ठ ये प्रपश्यन्ति भक्तितः । तेषां जन्मकृतं पापं नश्यते नात्र संशयः
śakreśvaraṃ nṛpaśreṣṭha ye prapaśyanti bhaktitaḥ / teṣāṃ janmakṛtaṃ pāpaṃ naśyate nātra saṃśayaḥ
Sanskrit only: no published translation is held for this verse.
अगम्यागमने चैव अवाह्ये चैव वाहिते । स्वामिमित्रविघाते यन्नश्यते नात्र संशयः
agamyāgamane caiva avāhye caiva vāhite / svāmimitravighāte yannaśyate nātra saṃśayaḥ
Sanskrit only: no published translation is held for this verse.
गोप्रदानं प्रकर्तव्यं शुभं ब्राह्मणपुंगवे । धुर्यं वा दापयेत् तस्मिन् सर्वाङ्गरुचिरं नृप
gopradānaṃ prakartavyaṃ śubhaṃ brāhmaṇapuṃgave / dhuryaṃ vā dāpayet tasmin sarvāṅgaruciraṃ nṛpa
Sanskrit only: no published translation is held for this verse.
दातव्यं परया भक्त्या स्वर्गे वासमभीप्सता । एतत् ते सर्वम् आख्यातं शक्रेश्वरफलं नृप
dātavyaṃ parayā bhaktyā svarge vāsamabhīpsatā / etat te sarvam ākhyātaṃ śakreśvaraphalaṃ nṛpa
Sanskrit only: no published translation is held for this verse.