Revakhanda of the Vayupurana 62

ततो गच्छेत्तु राजेन्द्र करोडीश्वरम् उत्तमम् । यत्र वै निहतास्तात दानवाः सपदानुगाः

tato gacchettu rājendra karoḍīśvaram uttamam / yatra vai nihatāstāta dānavāḥ sapadānugāḥ

Sanskrit only: no published translation is held for this verse.

इन्द्रादिदेवैः संहृष्टैः सततं जयबुद्धिभिः । तेषां ये पुत्रपौत्राश्च पूर्ववैरम् अनुस्मरम्

indrādidevaiḥ saṃhṛṣṭaiḥ satataṃ jayabuddhibhiḥ / teṣāṃ ye putrapautrāśca pūrvavairam anusmaram

Sanskrit only: no published translation is held for this verse.

क्रुद्धैर्देवसमूहैश्च दानवा निहता रणे । तेषां शिरांसि संगृह्य सर्वे देवाः सवासवाः

kruddhairdevasamūhaiśca dānavā nihatā raṇe / teṣāṃ śirāṃsi saṃgṛhya sarve devāḥ savāsavāḥ

Sanskrit only: no published translation is held for this verse.

निक्षिप्य नर्मदातोये बन्धुभावम् अनुस्मरम् । तत्र स्नात्वा सुराः सर्वे स्थापयित्वा उमापतिम्

nikṣipya narmadātoye bandhubhāvam anusmaram / tatra snātvā surāḥ sarve sthāpayitvā umāpatim

Sanskrit only: no published translation is held for this verse.

इन्द्रेण सहिताः सर्वे ऽपूजयंल्लोकसिद्धये । हृष्टचित्ताः सुराः सर्वे जग्मुराकाशमण्डलम्

indreṇa sahitāḥ sarve 'pūjayaṃllokasiddhaye / hṛṣṭacittāḥ surāḥ sarve jagmurākāśamaṇḍalam

Sanskrit only: no published translation is held for this verse.

दानवानां महाभाग सूदिता कोटिरुत्तमा । तदा प्रभृति तत्तीर्थं करोडीति महीतले

dānavānāṃ mahābhāga sūditā koṭiruttamā / tadā prabhṛti tattīrthaṃ karoḍīti mahītale

Sanskrit only: no published translation is held for this verse.

विख्यातं तु तदा लोके पापघ्नं पाण्डुनन्दन । अष्टम्यां च चतुर्दश्याम् उभौ पक्षौ च भक्तितः । उपोष्य शूलिनश्चाग्रे रात्रौ कुर्वीत जागरम्

vikhyātaṃ tu tadā loke pāpaghnaṃ pāṇḍunandana / aṣṭamyāṃ ca caturdaśyām ubhau pakṣau ca bhaktitaḥ / upoṣya śūlinaścāgre rātrau kurvīta jāgaram

Sanskrit only: no published translation is held for this verse.

सत्कथापाठसंयुक्तो वेदाध्ययनसंयुतः । प्रभाते विमले प्राप्ते पूजयेत् त्रिदशेश्वरम्

satkathāpāṭhasaṃyukto vedādhyayanasaṃyutaḥ / prabhāte vimale prāpte pūjayet tridaśeśvaram

Sanskrit only: no published translation is held for this verse.

पञ्चामृतेन संस्नाप्य श्रीखण्डेन च गुण्ठयेत् । शस्तैः पल्लवपुष्पैश्च पूजयेत्तु प्रयत्नतः

pañcāmṛtena saṃsnāpya śrīkhaṇḍena ca guṇṭhayet / śastaiḥ pallavapuṣpaiśca pūjayettu prayatnataḥ

Sanskrit only: no published translation is held for this verse.

बहुरूपं जपन्मन्त्रं दक्षिणाशां व्यवस्थितः । यथोक्तेन विधानेन नाभिमात्रे जले क्षिपेत्

bahurūpaṃ japanmantraṃ dakṣiṇāśāṃ vyavasthitaḥ / yathoktena vidhānena nābhimātre jale kṣipet

Sanskrit only: no published translation is held for this verse.

तिलाञ्जलिं तु प्रेताय दक्षिणाशाम् उपस्थितः । श्राद्धं तत्रैव विप्राय कारयेद् विजितेन्द्रियः

tilāñjaliṃ tu pretāya dakṣiṇāśām upasthitaḥ / śrāddhaṃ tatraiva viprāya kārayed vijitendriyaḥ

Sanskrit only: no published translation is held for this verse.

विषमैरग्रजातैश्च वेदाभ्यसनतत्परैः । गोहिरण्येन सम्पूज्य ताम्बूलैर्भोजनैस्तथा

viṣamairagrajātaiśca vedābhyasanatatparaiḥ / gohiraṇyena sampūjya tāmbūlairbhojanaistathā

Sanskrit only: no published translation is held for this verse.

भूषणैः पादुकाभिश्च ब्राह्मणान्पाण्डुनन्दन । भवेत्कोटिगुणं तस्य नात्र कार्या विचारणा

bhūṣaṇaiḥ pādukābhiśca brāhmaṇānpāṇḍunandana / bhavetkoṭiguṇaṃ tasya nātra kāryā vicāraṇā

Sanskrit only: no published translation is held for this verse.

तस्मिंस् तीर्थे तु यः कश्चित् त्यजेद् देहं विधानतः । तस्य भवति यत्पुण्यं तच्छृणुष्व नराधिप

tasmiṃs tīrthe tu yaḥ kaścit tyajed dehaṃ vidhānataḥ / tasya bhavati yatpuṇyaṃ tacchṛṇuṣva narādhipa

Sanskrit only: no published translation is held for this verse.

यावदस्थीनि तिष्ठन्ति मर्त्यस्य नर्मदाजले । तावद्वसति धर्मात्मा शिवलोके सुदुर्लभे

yāvadasthīni tiṣṭhanti martyasya narmadājale / tāvadvasati dharmātmā śivaloke sudurlabhe

Sanskrit only: no published translation is held for this verse.

ततः कालाच्च्युतस्तस्मादिह मानुषतां गतः । कोटिधनपतिः श्रीमाञ्जायते राजपूजितः

tataḥ kālāccyutastasmādiha mānuṣatāṃ gataḥ / koṭidhanapatiḥ śrīmāñjāyate rājapūjitaḥ

Sanskrit only: no published translation is held for this verse.

सर्वधर्मसमायुक्तो मेधावी बीजपुत्रकः । विख्यातो वसुधापृष्ठे दीर्घायुर्मानवो भवेत्

sarvadharmasamāyukto medhāvī bījaputrakaḥ / vikhyāto vasudhāpṛṣṭhe dīrghāyurmānavo bhavet

Sanskrit only: no published translation is held for this verse.

पुनः स्मरति तत्तीर्थं तत्र गत्वा नृपोत्तम । करोडेश्वरमभ्यर्च्य प्राप्नोति परमां गतिम्

punaḥ smarati tattīrthaṃ tatra gatvā nṛpottama / karoḍeśvaramabhyarcya prāpnoti paramāṃ gatim

Sanskrit only: no published translation is held for this verse.

इन्द्रचन्द्रयमैर् रुद्रैरादित्यैर्वसुभिस्तथा । विश्वेदेवैस्तथा सर्वैः स्थापितस्त्रिदशेश्वरः

indracandrayamair rudrairādityairvasubhistathā / viśvedevaistathā sarvaiḥ sthāpitastridaśeśvaraḥ

Sanskrit only: no published translation is held for this verse.

रेवाया उत्तरे कूले लोकानां हितकाम्यया । मानवो भक्तिसंयुक्तः प्रासादं कारयेत्तु यः

revāyā uttare kūle lokānāṃ hitakāmyayā / mānavo bhaktisaṃyuktaḥ prāsādaṃ kārayettu yaḥ

Sanskrit only: no published translation is held for this verse.

तस्मिंस्तीर्थे नरश्रेष्ठ सद्गतिं समवाप्नुयात् । न्यायोपात्तधनेनैव दारुपाषाणकेष्टकैः

tasmiṃstīrthe naraśreṣṭha sadgatiṃ samavāpnuyāt / nyāyopāttadhanenaiva dārupāṣāṇakeṣṭakaiḥ

Sanskrit only: no published translation is held for this verse.

ब्राह्मणः क्षत्रियैर्वैश्यैः शूद्रैः स्त्रीभिश्च शक्तितः । ते ऽपि यान्ति नरा लोके शांकरे सुरपूजिते

brāhmaṇaḥ kṣatriyairvaiśyaiḥ śūdraiḥ strībhiśca śaktitaḥ / te 'pi yānti narā loke śāṃkare surapūjite

Sanskrit only: no published translation is held for this verse.

यः शृणोति सदा भक्त्या माहात्म्यं तीर्थजं नृप । तस्य पापं प्रणश्येत षण्मासाभ्यन्तरं च यत्

yaḥ śṛṇoti sadā bhaktyā māhātmyaṃ tīrthajaṃ nṛpa / tasya pāpaṃ praṇaśyeta ṣaṇmāsābhyantaraṃ ca yat

Sanskrit only: no published translation is held for this verse.