ततो गच्छेत्तु राजेन्द्र आनन्देश्वरमुत्तमम् । तत्तीर्थं कथयिष्यामि सर्वपापक्षयंकरम्
tato gacchettu rājendra ānandeśvaramuttamam / tattīrthaṃ kathayiṣyāmi sarvapāpakṣayaṃkaram
Sanskrit only: no published translation is held for this verse.
Library·Revakhanda of the Vayupurana·65
Revakhanda of the Vayupurana 65
आनन्दश्चैव संजातो रुद्रस्य द्विजसत्तम । कथ्यतां मे च तत्सर्वं संक्षेपात्सह बान्धवैः
ānandaścaiva saṃjāto rudrasya dvijasattama / kathyatāṃ me ca tatsarvaṃ saṃkṣepātsaha bāndhavaiḥ
Sanskrit only: no published translation is held for this verse.
कथयामि नृपश्रेष्ठ आनन्देश्वरमुत्तमम् । दानवानां वधं कृत्वा देवदेवो महेश्वरः
kathayāmi nṛpaśreṣṭha ānandeśvaramuttamam / dānavānāṃ vadhaṃ kṛtvā devadevo maheśvaraḥ
Sanskrit only: no published translation is held for this verse.
पूजितो दैवतैः सर्वैः किन्नरैर्यक्षपन्नगैः । आनन्दसंयुतो देवो ननर्त वृषवाहनः
pūjito daivataiḥ sarvaiḥ kinnarairyakṣapannagaiḥ / ānandasaṃyuto devo nanarta vṛṣavāhanaḥ
Sanskrit only: no published translation is held for this verse.
भैरवं रूपमास्थाय गौर्या चार्द्धाङ्गसंस्थितः । भूतवेतालकङ्कालैर् भैरवैर् भैरवो वृतः
bhairavaṃ rūpamāsthāya gauryā cārddhāṅgasaṃsthitaḥ / bhūtavetālakaṅkālair bhairavair bhairavo vṛtaḥ
Sanskrit only: no published translation is held for this verse.
ननर्त नर्मदातीरे दक्षिणे पाण्डुनन्दन । तुष्टैर्मरुद्गणैः सर्वैः स्थापितः कमलासनः
nanarta narmadātīre dakṣiṇe pāṇḍunandana / tuṣṭairmarudgaṇaiḥ sarvaiḥ sthāpitaḥ kamalāsanaḥ
Sanskrit only: no published translation is held for this verse.
तदाप्रभृति तत्तीर्थम् आनन्देश्वरम् उच्यते । अष्टम्यां च चतुर्दश्यां पौर्णमास्यां नराधिप
tadāprabhṛti tattīrtham ānandeśvaram ucyate / aṣṭamyāṃ ca caturdaśyāṃ paurṇamāsyāṃ narādhipa
Sanskrit only: no published translation is held for this verse.
विधिवच्चार्चयेद् देवं सुगन्धेन विलेपयेत् । ब्राह्मणान्पूजयेत्तत्र यथाशक्त्या युधिष्ठिर
vidhivaccārcayed devaṃ sugandhena vilepayet / brāhmaṇānpūjayettatra yathāśaktyā yudhiṣṭhira
Sanskrit only: no published translation is held for this verse.
गोदानं तत्र कर्तव्यं वस्त्रदानं शुभावहम् । वसन्तस्य त्रयोदश्यां श्राद्धं तत्रैव कारयेत्
godānaṃ tatra kartavyaṃ vastradānaṃ śubhāvaham / vasantasya trayodaśyāṃ śrāddhaṃ tatraiva kārayet
Sanskrit only: no published translation is held for this verse.
इङ्गुदैर् बदरैर् बिल्वैर् अक्षतैश्च जलेन वा । प्रेतानां कारयेच्छ्राद्धमानन्देश्वर उत्तमे
iṅgudair badarair bilvair akṣataiśca jalena vā / pretānāṃ kārayecchrāddhamānandeśvara uttame
Sanskrit only: no published translation is held for this verse.
आनन्दिता भवेयुस्ते यावदाभूतसम्प्लवम् । सन्ततेर्वै न विच्छेदः सप्तजन्मसु जायते । आनन्दो हि भवत्तेषां प्रतिजन्मनि भारत
ānanditā bhaveyuste yāvadābhūtasamplavam / santatervai na vicchedaḥ saptajanmasu jāyate / ānando hi bhavatteṣāṃ pratijanmani bhārata
Sanskrit only: no published translation is held for this verse.