ततो गच्छेत्तु राजेन्द्र मातृतीर्थमनुत्तमम् । सङ्गमस्य समीपस्थं नर्मदादक्षिणे तटे
tato gacchettu rājendra mātṛtīrthamanuttamam / saṅgamasya samīpasthaṃ narmadādakṣiṇe taṭe
Sanskrit only: no published translation is held for this verse.
Library·Revakhanda of the Vayupurana·66
Revakhanda of the Vayupurana 66
मातरस्तत्र राजेन्द्र संजाता नर्मदातटे । उमार्धनारिर् देवेशो व्यालयज्ञोपवीतधृक्
mātarastatra rājendra saṃjātā narmadātaṭe / umārdhanārir deveśo vyālayajñopavītadhṛk
Sanskrit only: no published translation is held for this verse.
उवाच योगिनीवृन्दं कष्टंकष्टमहो हर । अजेयाः सर्वदेवानां त्वत्प्रसादान्महेश्वर
uvāca yoginīvṛndaṃ kaṣṭaṃkaṣṭamaho hara / ajeyāḥ sarvadevānāṃ tvatprasādānmaheśvara
Sanskrit only: no published translation is held for this verse.
तीर्थमत्र विधानेन प्रख्यातं वसुधातले । एवं भवतु योगिन्य इत्युक्त्वान्तरधाच्छिवः
tīrthamatra vidhānena prakhyātaṃ vasudhātale / evaṃ bhavatu yoginya ityuktvāntaradhācchivaḥ
Sanskrit only: no published translation is held for this verse.
तत्र तीर्थे तु यो भक्त्या नवम्यां नियतः शुचिः । उपोष्य परया भक्त्या पूजयेन्मातृगोचरम्
tatra tīrthe tu yo bhaktyā navamyāṃ niyataḥ śuciḥ / upoṣya parayā bhaktyā pūjayenmātṛgocaram
Sanskrit only: no published translation is held for this verse.
तस्य स्युर्मातरः प्रीताः प्रीतो ऽयं वृषवाहनः । वन्ध्याया मृतवत्साया अपुत्राया युधिष्ठिर
tasya syurmātaraḥ prītāḥ prīto 'yaṃ vṛṣavāhanaḥ / vandhyāyā mṛtavatsāyā aputrāyā yudhiṣṭhira
Sanskrit only: no published translation is held for this verse.
स्नापनं चारभेत्तत्र मन्त्रशास्त्रविदुत्तमः । सहिरण्येन कुम्भेन पञ्चरत्नफलान्वितः
snāpanaṃ cārabhettatra mantraśāstraviduttamaḥ / sahiraṇyena kumbhena pañcaratnaphalānvitaḥ
Sanskrit only: no published translation is held for this verse.
स्नापयेत् पुत्रकामायाः कांस्यपात्रेण देशिकः । पुत्रं सा लभते नारी वीर्यवन्तं गुणान्वितम्
snāpayet putrakāmāyāḥ kāṃsyapātreṇa deśikaḥ / putraṃ sā labhate nārī vīryavantaṃ guṇānvitam
Sanskrit only: no published translation is held for this verse.
यो यं काममभिध्यायेत्ततः स लभते नृप । मातृतीर्थात्परं तीर्थं न भूतं न भविष्यति
yo yaṃ kāmamabhidhyāyettataḥ sa labhate nṛpa / mātṛtīrthātparaṃ tīrthaṃ na bhūtaṃ na bhaviṣyati
Sanskrit only: no published translation is held for this verse.