Revakhanda of the Vayupurana 67

तस्यैवानन्तरं तात जलमध्ये व्यवस्थितम् । लुङ्केश्वरम् इति ख्यातं सुरासुरनमस्कृतम्

tasyaivānantaraṃ tāta jalamadhye vyavasthitam / luṅkeśvaram iti khyātaṃ surāsuranamaskṛtam

Sanskrit only: no published translation is held for this verse.

इदं तीर्थं महापुण्यं नानाश्चर्यं महीतले । अस्य तीर्थस्य माहात्म्यम् उत्पत्तिं शृणु भारत

idaṃ tīrthaṃ mahāpuṇyaṃ nānāścaryaṃ mahītale / asya tīrthasya māhātmyam utpattiṃ śṛṇu bhārata

Sanskrit only: no published translation is held for this verse.

आसीत्पुरा महावीर्यो दानवो बलदर्पितः । कालपृष्ठ इति ख्यातः सुतो ब्रह्मसुतस्य च

āsītpurā mahāvīryo dānavo baladarpitaḥ / kālapṛṣṭha iti khyātaḥ suto brahmasutasya ca

Sanskrit only: no published translation is held for this verse.

गङ्गातटं समाश्रित्य चचार विपुलं तपः । अधोमुखो ऽपि संस्थित्वापिबद्धूमम् अहर्निशम्

gaṅgātaṭaṃ samāśritya cacāra vipulaṃ tapaḥ / adhomukho 'pi saṃsthitvāpibaddhūmam aharniśam

Sanskrit only: no published translation is held for this verse.

ततश्चानन्तरं देवस्तिष्ठते ह्युमया सह । दृष्ट्वा तं पार्वती सा तु तपस्युग्रे व्यवस्थितम्

tataścānantaraṃ devastiṣṭhate hyumayā saha / dṛṣṭvā taṃ pārvatī sā tu tapasyugre vyavasthitam

Sanskrit only: no published translation is held for this verse.

पश्य पश्य महादेव धूमाशी तिष्ठते नरः । प्रसीद तं कुरुष्वाद्य देहि शीघ्रं वरं विभो

paśya paśya mahādeva dhūmāśī tiṣṭhate naraḥ / prasīda taṃ kuruṣvādya dehi śīghraṃ varaṃ vibho

Sanskrit only: no published translation is held for this verse.

यदुक्तं वचनं देवि न तन्मे रोचते प्रिये । स्वकार्यं च सदा चिन्त्यं परकार्यं विसर्जयेत्

yaduktaṃ vacanaṃ devi na tanme rocate priye / svakāryaṃ ca sadā cintyaṃ parakāryaṃ visarjayet

Sanskrit only: no published translation is held for this verse.

मूर्खस्त्रीबालशत्रूणां यश्छन्देनानुवर्तते । व्यसने पतते घोरे सत्यमेतदुदीरितम्

mūrkhastrībālaśatrūṇāṃ yaśchandenānuvartate / vyasane patate ghore satyametadudīritam

Sanskrit only: no published translation is held for this verse.

भार्ययाभ्यर्थितो भर्ता कारणं बहु भाषते । लघुत्वं याति सा नारी एवं शास्त्रेषु पठ्यते

bhāryayābhyarthito bhartā kāraṇaṃ bahu bhāṣate / laghutvaṃ yāti sā nārī evaṃ śāstreṣu paṭhyate

Sanskrit only: no published translation is held for this verse.

प्राणत्यागं करिष्यामि यदि मां त्वं न मन्यसे । पार्वत्या प्रेरितो देवो गतो ऽसौ दानवं प्रति

prāṇatyāgaṃ kariṣyāmi yadi māṃ tvaṃ na manyase / pārvatyā prerito devo gato 'sau dānavaṃ prati

Sanskrit only: no published translation is held for this verse.

किमर्थं पिबसे धूमं किमर्थं तप्यसे तपः । किं दुःखं किं नु सन्तापो वद कार्यमभीप्सितम्

kimarthaṃ pibase dhūmaṃ kimarthaṃ tapyase tapaḥ / kiṃ duḥkhaṃ kiṃ nu santāpo vada kāryamabhīpsitam

Sanskrit only: no published translation is held for this verse.

युवा त्वं दृश्यसे ऽद्यापि वर्षविंशतिर् एव च । तदाचक्ष्व हि मे सर्वं तपसः कारणं महत्

yuvā tvaṃ dṛśyase 'dyāpi varṣaviṃśatir eva ca / tadācakṣva hi me sarvaṃ tapasaḥ kāraṇaṃ mahat

Sanskrit only: no published translation is held for this verse.

अचला दीयतां भक्तिर्मम स्थैर्यं तवोपरि । अपरं वर्षसाहस्रं निर्विघ्नं मे गतं विभो

acalā dīyatāṃ bhaktirmama sthairyaṃ tavopari / aparaṃ varṣasāhasraṃ nirvighnaṃ me gataṃ vibho

Sanskrit only: no published translation is held for this verse.

दिवसानां सहस्रे द्वे पूर्णे त्वत्तपसा मम

divasānāṃ sahasre dve pūrṇe tvattapasā mama

Sanskrit only: no published translation is held for this verse.

याचयाभीप्सितं कार्यं तुष्टो ऽहं तव सुव्रत । देवस्य वचनं श्रुत्वा चिन्तयामास दानवः

yācayābhīpsitaṃ kāryaṃ tuṣṭo 'haṃ tava suvrata / devasya vacanaṃ śrutvā cintayāmāsa dānavaḥ

Sanskrit only: no published translation is held for this verse.

किं नाकं याचयाम्यद्य किमद्य सकलां महीम् । एवं संचिन्तयामास कामबाणेन पीडितः

kiṃ nākaṃ yācayāmyadya kimadya sakalāṃ mahīm / evaṃ saṃcintayāmāsa kāmabāṇena pīḍitaḥ

Sanskrit only: no published translation is held for this verse.

यदि तुष्टो ऽसि मे देव वरं दास्यसि मे प्रभो । सङ्ग्रामैस्तु न तुष्टो ऽहं बलं नास्तीति किंचन

yadi tuṣṭo 'si me deva varaṃ dāsyasi me prabho / saṅgrāmaistu na tuṣṭo 'haṃ balaṃ nāstīti kiṃcana

Sanskrit only: no published translation is held for this verse.

यस्य मूर्धन्यहं देव पाणिना समुपस्पृशे । देवदानवगन्धर्वो भस्मसाद्यातु तत्क्षणात्

yasya mūrdhanyahaṃ deva pāṇinā samupaspṛśe / devadānavagandharvo bhasmasādyātu tatkṣaṇāt

Sanskrit only: no published translation is held for this verse.

यत्त्वया चिन्तितं किंचित्तत्सर्वं सफलं तव । उत्तिष्ठ गच्छ शीघ्रं त्वं भवनं प्रति दानव

yattvayā cintitaṃ kiṃcittatsarvaṃ saphalaṃ tava / uttiṣṭha gaccha śīghraṃ tvaṃ bhavanaṃ prati dānava

Sanskrit only: no published translation is held for this verse.

स्थीयतां देवदेवेश यावज्ज्ञास्यामि ते वरम् । युष्मन्मूर्ध्नि न्यसे पाणिं प्रत्ययो मे भवेद्यथा

sthīyatāṃ devadeveśa yāvajjñāsyāmi te varam / yuṣmanmūrdhni nyase pāṇiṃ pratyayo me bhavedyathā

Sanskrit only: no published translation is held for this verse.

ततश्चानन्तरं देवश्चिन्तयानो महेश्वरः । न स्कन्दो न हरिर्ब्रह्मा यः कार्येषु क्षमो ऽधुना

tataścānantaraṃ devaścintayāno maheśvaraḥ / na skando na harirbrahmā yaḥ kāryeṣu kṣamo 'dhunā

Sanskrit only: no published translation is held for this verse.

ज्ञात्वा चैवापदं प्राप्तां देवः प्रार्थयते वृषम् । अनेन सह पापेन युध्यस्व साम्प्रतं क्षणम्

jñātvā caivāpadaṃ prāptāṃ devaḥ prārthayate vṛṣam / anena saha pāpena yudhyasva sāmprataṃ kṣaṇam

Sanskrit only: no published translation is held for this verse.

करं प्रासारयद् दैत्यो देवं मूर्ध्नि किल स्पृशेत् । लाङ्गूलेनाहतो दैत्यो विषण्णः पतितो भुवि

karaṃ prāsārayad daityo devaṃ mūrdhni kila spṛśet / lāṅgūlenāhato daityo viṣaṇṇaḥ patito bhuvi

Sanskrit only: no published translation is held for this verse.

देवस्तु दक्षिणामाशां गतश्चैवोमया सह । भयभीतो निरीक्षेत ग्रीवां भज्य पुनःपुनः

devastu dakṣiṇāmāśāṃ gataścaivomayā saha / bhayabhīto nirīkṣeta grīvāṃ bhajya punaḥpunaḥ

Sanskrit only: no published translation is held for this verse.

गते चादर्शनं देवे युयुधे वृषभेण सः । द्वावेतौ बलिनां श्रेष्ठौ युयुधाते महाबलौ

gate cādarśanaṃ deve yuyudhe vṛṣabheṇa saḥ / dvāvetau balināṃ śreṣṭhau yuyudhāte mahābalau

Sanskrit only: no published translation is held for this verse.

प्रहारैर् वज्रसदृशैः कोपेन घटिकात्रयम् । पाणिभ्यां न स्पृशेद् यो वै वृषभस्य शिरस्तथा

prahārair vajrasadṛśaiḥ kopena ghaṭikātrayam / pāṇibhyāṃ na spṛśed yo vai vṛṣabhasya śirastathā

Sanskrit only: no published translation is held for this verse.

हत्वा लाङ्गूलपातेन आगतो वृषभस्तदा । उत्थितश्चाप्यसौ दैत्यो व्रजते वृषपृष्ठतः

hatvā lāṅgūlapātena āgato vṛṣabhastadā / utthitaścāpyasau daityo vrajate vṛṣapṛṣṭhataḥ

Sanskrit only: no published translation is held for this verse.

वायुवेगेन सम्प्राप्तो यत्र देवो महेश्वरः । आगतं दानवं दृष्ट्वा वृषो वचनमब्रवीत्

vāyuvegena samprāpto yatra devo maheśvaraḥ / āgataṃ dānavaṃ dṛṣṭvā vṛṣo vacanamabravīt

Sanskrit only: no published translation is held for this verse.

आरुह्य पृष्ठे मे देव शीघ्रमेव हि गम्यताम् । आरुह्य वृषभं देवो जगाम चोमया सह

āruhya pṛṣṭhe me deva śīghrameva hi gamyatām / āruhya vṛṣabhaṃ devo jagāma comayā saha

Sanskrit only: no published translation is held for this verse.

नाकं प्राप्तस् ततो देवो गतः शक्रस्य मन्दिरम् । नात्यजद्देवपृष्ठं तु दानवो बलदर्पितः

nākaṃ prāptas tato devo gataḥ śakrasya mandiram / nātyajaddevapṛṣṭhaṃ tu dānavo baladarpitaḥ

Sanskrit only: no published translation is held for this verse.

इन्द्रलोकं परित्यज्य ब्रह्मलोकं गतस्तदा । यत्रयत्र व्रजेद्देवो भयात्सह दिवौकसैः

indralokaṃ parityajya brahmalokaṃ gatastadā / yatrayatra vrajeddevo bhayātsaha divaukasaiḥ

Sanskrit only: no published translation is held for this verse.

अपश्यत्तत्र तत्रैव पृष्ठे लग्नं तु दानवम् । सर्वांल् लोकान् भ्रमित्वा तु देवो विस्मयमागतः

apaśyattatra tatraiva pṛṣṭhe lagnaṃ tu dānavam / sarvāṃl lokān bhramitvā tu devo vismayamāgataḥ

Sanskrit only: no published translation is held for this verse.

न स्थानं विद्यते किंचिद्यत्र विश्रम्यते क्षणम् । देवदानवयोस्तत्र युद्धं ज्ञात्वा सुदारुणम्

na sthānaṃ vidyate kiṃcidyatra viśramyate kṣaṇam / devadānavayostatra yuddhaṃ jñātvā sudāruṇam

Sanskrit only: no published translation is held for this verse.

हर्षितात्मा मुनिस्तत्र चिरं नृत्यति नारदः । धन्यो ऽहमद्य मे जन्म जीवितं च सुजीवितम्

harṣitātmā munistatra ciraṃ nṛtyati nāradaḥ / dhanyo 'hamadya me janma jīvitaṃ ca sujīvitam

Sanskrit only: no published translation is held for this verse.

महान्तं च कलिं दृष्ट्वा संतोषः परमो ऽभवत् । देवदानवयोस्तत्र युद्धं त्यक्त्वा च नारदः

mahāntaṃ ca kaliṃ dṛṣṭvā saṃtoṣaḥ paramo 'bhavat / devadānavayostatra yuddhaṃ tyaktvā ca nāradaḥ

Sanskrit only: no published translation is held for this verse.

आजगाम ततो विप्रो यत्र देवो महेश्वरः । दृष्ट्वा देवो ऽथ तं विप्रं प्रतिपूज्याब्रवीद् इदम्

ājagāma tato vipro yatra devo maheśvaraḥ / dṛṣṭvā devo 'tha taṃ vipraṃ pratipūjyābravīd idam

Sanskrit only: no published translation is held for this verse.

भो नारद मुनिश्रेष्ठ जानीषे केशवं क्वचित् । गत्वा तत्र च शीघ्रं त्वं केशवाय निवेदय

bho nārada muniśreṣṭha jānīṣe keśavaṃ kvacit / gatvā tatra ca śīghraṃ tvaṃ keśavāya nivedaya

Sanskrit only: no published translation is held for this verse.

देवदानवसिद्धानां गन्धर्वोरगरक्षसाम् । सर्वेषामेव देवेशो हरते ध्रुवमापदम्

devadānavasiddhānāṃ gandharvoragarakṣasām / sarveṣāmeva deveśo harate dhruvamāpadam

Sanskrit only: no published translation is held for this verse.

असंभाव्यं न वक्तव्यं मनसापि न चिन्तयेत् । ईदृशीं नैव बुध्यामि आपदं च विभो तव

asaṃbhāvyaṃ na vaktavyaṃ manasāpi na cintayet / īdṛśīṃ naiva budhyāmi āpadaṃ ca vibho tava

Sanskrit only: no published translation is held for this verse.

गच्छ नारद शीघ्रं त्वं यत्र देवो जनार्दनः । विदितं च त्वया सर्वं यत्कृतं दानवेन तु

gaccha nārada śīghraṃ tvaṃ yatra devo janārdanaḥ / viditaṃ ca tvayā sarvaṃ yatkṛtaṃ dānavena tu

Sanskrit only: no published translation is held for this verse.

अवध्यो दानवो ह्येष सेन्द्रैर् अपि मरुद्गणैः । गत्वा तु केशवं देवं निवेदय महामुने

avadhyo dānavo hyeṣa sendrair api marudgaṇaiḥ / gatvā tu keśavaṃ devaṃ nivedaya mahāmune

Sanskrit only: no published translation is held for this verse.

न तु गच्छाम्यहं देव सुप्तः क्षीरोदधौ सुखी । केशवः प्रेरणे ह्येषामादेशो दीयतां प्रभो

na tu gacchāmyahaṃ deva suptaḥ kṣīrodadhau sukhī / keśavaḥ preraṇe hyeṣāmādeśo dīyatāṃ prabho

Sanskrit only: no published translation is held for this verse.

मात्रा स्वस्रा दुहित्रा वा राजानं च तथा प्रभुम् । गुरुं चैवादितः कृत्वा शयानं न प्रबोधयेत्

mātrā svasrā duhitrā vā rājānaṃ ca tathā prabhum / guruṃ caivāditaḥ kṛtvā śayānaṃ na prabodhayet

Sanskrit only: no published translation is held for this verse.

यदि क्वचिद् अगारेषु वह्निरुत्पद्यते महान् । निधनं यान्ति तत्रस्था यद् बुध्येर् अन्नसूरयः

yadi kvacid agāreṣu vahnirutpadyate mahān / nidhanaṃ yānti tatrasthā yad budhyer annasūrayaḥ

Sanskrit only: no published translation is held for this verse.

शीघ्रं गच्छ महादेव आत्मानं रक्ष सुप्रभो । गच्छाम्यहं न सन्देहो यत्र देवो जनार्दनः

śīghraṃ gaccha mahādeva ātmānaṃ rakṣa suprabho / gacchāmyahaṃ na sandeho yatra devo janārdanaḥ

Sanskrit only: no published translation is held for this verse.

ततो नन्दिमहाकालौ स्तम्भहस्तौ भयानकौ । जघ्नतुर्दानवं तत्र मुद्गरादिभिरायुधैः

tato nandimahākālau stambhahastau bhayānakau / jaghnaturdānavaṃ tatra mudgarādibhirāyudhaiḥ

Sanskrit only: no published translation is held for this verse.

त्रयो ऽपि च महाकायाः सप्ततालप्रमाणकाः । न शमो जायते तेषां युध्यतां च परस्परम्

trayo 'pi ca mahākāyāḥ saptatālapramāṇakāḥ / na śamo jāyate teṣāṃ yudhyatāṃ ca parasparam

Sanskrit only: no published translation is held for this verse.

ततश्चानन्तरं विप्रो ऽगच्छत् तं केशवं प्रति । सुप्तं क्षीरार्णवे ऽपश्यच्छेषपर्यङ्कसंस्थितम्

tataścānantaraṃ vipro 'gacchat taṃ keśavaṃ prati / suptaṃ kṣīrārṇave 'paśyaccheṣaparyaṅkasaṃsthitam

Sanskrit only: no published translation is held for this verse.

लक्ष्म्या पादयुगं गृह्य ऊरूपरि निवेशितम् । अप्सरोगीयमानं तु भक्त्यानम्य च केशवम्

lakṣmyā pādayugaṃ gṛhya ūrūpari niveśitam / apsarogīyamānaṃ tu bhaktyānamya ca keśavam

Sanskrit only: no published translation is held for this verse.

अद्य मे सफलं जन्म जीवितं च सुजीवितम् । उत्थापयस्व देवेशं लक्ष्मि त्वम् अविशङ्किता

adya me saphalaṃ janma jīvitaṃ ca sujīvitam / utthāpayasva deveśaṃ lakṣmi tvam aviśaṅkitā

Sanskrit only: no published translation is held for this verse.

नारदस्य वचः श्रुत्वा पदाङ्गुष्ठं व्यमर्दयत् । नारदस्तिष्ठते द्वारि उत्तिष्ठ मधुसूदन

nāradasya vacaḥ śrutvā padāṅguṣṭhaṃ vyamardayat / nāradastiṣṭhate dvāri uttiṣṭha madhusūdana

Sanskrit only: no published translation is held for this verse.

देवो ऽपि नारदं दृष्ट्वा परं हर्षमुपागतः । स्वागतं तु मुनिश्रेष्ठ सुप्रभाताद्य शर्वरी

devo 'pi nāradaṃ dṛṣṭvā paraṃ harṣamupāgataḥ / svāgataṃ tu muniśreṣṭha suprabhātādya śarvarī

Sanskrit only: no published translation is held for this verse.

अद्य मे सफलं देव प्रभातं तव दर्शनात् । कुशलं च न देवानां शीघ्रम् उत्तिष्ठ गम्यताम्

adya me saphalaṃ deva prabhātaṃ tava darśanāt / kuśalaṃ ca na devānāṃ śīghram uttiṣṭha gamyatām

Sanskrit only: no published translation is held for this verse.

ब्रह्मा चेन्द्रश्च रुद्रश्च ये चान्ये तु मरुद्गणाः । आपदः कारणं यच्च तत्समाख्यातुम् अर्हसि

brahmā cendraśca rudraśca ye cānye tu marudgaṇāḥ / āpadaḥ kāraṇaṃ yacca tatsamākhyātum arhasi

Sanskrit only: no published translation is held for this verse.

दानवेन महातीव्रं तपस्तप्तं सुदारुणम् । रुद्रेण च वरो दत्तो भस्मत्वं मनसेप्सितम्

dānavena mahātīvraṃ tapastaptaṃ sudāruṇam / rudreṇa ca varo datto bhasmatvaṃ manasepsitam

Sanskrit only: no published translation is held for this verse.

वरदानबलेनैव स देवं हन्तुम् अर्हति । ईदृशं चेष्टितं ज्ञात्वा नीतो देवो ऽमरैः सह

varadānabalenaiva sa devaṃ hantum arhati / īdṛśaṃ ceṣṭitaṃ jñātvā nīto devo 'maraiḥ saha

Sanskrit only: no published translation is held for this verse.

नारदस्य वचः श्रुत्वा जगाम समुनिर्हरिः । दृष्ट्वा देवस्तमीशानं गच्छन्तं दिशमुत्तराम्

nāradasya vacaḥ śrutvā jagāma samunirhariḥ / dṛṣṭvā devastamīśānaṃ gacchantaṃ diśamuttarām

Sanskrit only: no published translation is held for this verse.

दृष्ट्वा देवं च रुद्रो ऽथ परिष्वज्य पुनःपुनः । नमस्कृत्य जगन्नाथं देवं च मधुसूदनः

dṛṣṭvā devaṃ ca rudro 'tha pariṣvajya punaḥpunaḥ / namaskṛtya jagannāthaṃ devaṃ ca madhusūdanaḥ

Sanskrit only: no published translation is held for this verse.

भयस्य कारणं देव कथ्यतां च महेश्वर । देवदानवयक्षाणां प्रेषयेयं यमालयम्

bhayasya kāraṇaṃ deva kathyatāṃ ca maheśvara / devadānavayakṣāṇāṃ preṣayeyaṃ yamālayam

Sanskrit only: no published translation is held for this verse.

ललाटे च कृतो धर्मो युष्माकं च महेश्वर । छित्त्वा शिरस्तथाङ्गानि इन्द्रियाणि न संशयः

lalāṭe ca kṛto dharmo yuṣmākaṃ ca maheśvara / chittvā śirastathāṅgāni indriyāṇi na saṃśayaḥ

Sanskrit only: no published translation is held for this verse.

नास्ति सौख्यं च मूर्खेषु नास्ति सौख्यं च रोगिषु । पराधीनेन सौख्यं तु स्त्रीजिते च विशेषतः

nāsti saukhyaṃ ca mūrkheṣu nāsti saukhyaṃ ca rogiṣu / parādhīnena saukhyaṃ tu strījite ca viśeṣataḥ

Sanskrit only: no published translation is held for this verse.

स्त्रीजितेन मया विष्णो वरो दत्तस्तु दानवे । यस्य मूर्ध्नि न्यसेत्पाणिं स भवेद् भस्मपुंजवत्

strījitena mayā viṣṇo varo dattastu dānave / yasya mūrdhni nyasetpāṇiṃ sa bhaved bhasmapuṃjavat

Sanskrit only: no published translation is held for this verse.

अजेयश्चामरश्चैव मया ह्युक्तः स केशव । हन्तुमिच्छति मां पाप उपायस्तव विद्यते

ajeyaścāmaraścaiva mayā hyuktaḥ sa keśava / hantumicchati māṃ pāpa upāyastava vidyate

Sanskrit only: no published translation is held for this verse.

गच्छन्तु अमराः सर्वे युष्माभिः सह शङ्कर । उपायं सर्जयाम्यद्य वधार्थं दानस्य च

gacchantu amarāḥ sarve yuṣmābhiḥ saha śaṅkara / upāyaṃ sarjayāmyadya vadhārthaṃ dānasya ca

Sanskrit only: no published translation is held for this verse.

रेवायाश्च तटे तिष्ठ देव त्वममरैः सह । कालक्षेपो न कर्तव्यो गम्यतां त्वरितं प्रभो

revāyāśca taṭe tiṣṭha deva tvamamaraiḥ saha / kālakṣepo na kartavyo gamyatāṃ tvaritaṃ prabho

Sanskrit only: no published translation is held for this verse.

दक्षिणा यत्र गङ्गा च रेवा चैव महानदी । यत्रयत्र च दृश्येत प्राची चैव सरस्वती

dakṣiṇā yatra gaṅgā ca revā caiva mahānadī / yatrayatra ca dṛśyeta prācī caiva sarasvatī

Sanskrit only: no published translation is held for this verse.

तत्समं च महातीर्थं न मर्त्ये चैव दृश्यते । स्नानं ये तत्र कुर्वन्ति दानं चैव तु भक्तितः

tatsamaṃ ca mahātīrthaṃ na martye caiva dṛśyate / snānaṃ ye tatra kurvanti dānaṃ caiva tu bhaktitaḥ

Sanskrit only: no published translation is held for this verse.

सप्तजन्मकृतं पापं नश्यते नात्र संशयः । एतत् तीर्थं महापुण्यं सर्वपातकनाशनम्

saptajanmakṛtaṃ pāpaṃ naśyate nātra saṃśayaḥ / etat tīrthaṃ mahāpuṇyaṃ sarvapātakanāśanam

Sanskrit only: no published translation is held for this verse.

गम्यतां तत्र देवेश लुङ्केशं त्वं सहामरैः । विष्णोस्तु वचनादेव प्रविष्टो ह्रदमुत्तमम्

gamyatāṃ tatra deveśa luṅkeśaṃ tvaṃ sahāmaraiḥ / viṣṇostu vacanādeva praviṣṭo hradamuttamam

Sanskrit only: no published translation is held for this verse.

रतिं सुमहतीं चक्रे सह तत्र मरुद्गणैः । ततश्चानन्तरं देवो मायां कृत्वा ह्यनेकधा

ratiṃ sumahatīṃ cakre saha tatra marudgaṇaiḥ / tataścānantaraṃ devo māyāṃ kṛtvā hyanekadhā

Sanskrit only: no published translation is held for this verse.

वसन्तमासं संसृज्य उद्यानवनशोभितम् । अशोकैर्बकुलैश्चैव ब्रह्मवृक्षैः सुशोभनैः

vasantamāsaṃ saṃsṛjya udyānavanaśobhitam / aśokairbakulaiścaiva brahmavṛkṣaiḥ suśobhanaiḥ

Sanskrit only: no published translation is held for this verse.

श्रीवृक्षैश्च कपित्थैश्च शिरीषैर् राजचम्पकैः । श्रीफलैश्च तथा तालैः कदम्बोदुम्बरैस् तथा

śrīvṛkṣaiśca kapitthaiśca śirīṣair rājacampakaiḥ / śrīphalaiśca tathā tālaiḥ kadambodumbarais tathā

Sanskrit only: no published translation is held for this verse.

अश्वत्थादिद्रुमैश्चैव नानावृक्षैरनेकशः । नानापुष्पैः सुगन्धाढ्यैर्भ्रमरैश्च निनादितम्

aśvatthādidrumaiścaiva nānāvṛkṣairanekaśaḥ / nānāpuṣpaiḥ sugandhāḍhyairbhramaraiśca nināditam

Sanskrit only: no published translation is held for this verse.

तस्मिन्मध्ये महावृक्षो न्यग्रोधश्च सुशोभनः । बहुपक्षिसमायुक्तः कोकिलारावनादितः

tasminmadhye mahāvṛkṣo nyagrodhaśca suśobhanaḥ / bahupakṣisamāyuktaḥ kokilārāvanāditaḥ

Sanskrit only: no published translation is held for this verse.

कृष्णेन च कृतं तस्मिन्कन्यारूपं च तत्क्षणात् । न तस्याः सदृशी कन्या त्रैलोक्ये सचराचरे

kṛṣṇena ca kṛtaṃ tasminkanyārūpaṃ ca tatkṣaṇāt / na tasyāḥ sadṛśī kanyā trailokye sacarācare

Sanskrit only: no published translation is held for this verse.

अन्याश्च कन्यकाः सप्त सुरूपाः शुभलोचनाः । दिव्यरूपधराः सर्वा दिव्याभरणभूषिताः

anyāśca kanyakāḥ sapta surūpāḥ śubhalocanāḥ / divyarūpadharāḥ sarvā divyābharaṇabhūṣitāḥ

Sanskrit only: no published translation is held for this verse.

पुमांसमभिकाङ्क्षन्त्यो यद्येकः कामयेत् स्त्रियः । मौक्तिकैर् रत्नमाणिक्यैर् वैडूर्यैश्च सुशोभनैः

pumāṃsamabhikāṅkṣantyo yadyekaḥ kāmayet striyaḥ / mauktikair ratnamāṇikyair vaiḍūryaiśca suśobhanaiḥ

Sanskrit only: no published translation is held for this verse.

कामहारैश्च वंशैश्च बद्धो हिन्दोलकः कृतः । आरूढाश्च महाकन्या गायन्ते सुस्वरं तदा

kāmahāraiśca vaṃśaiśca baddho hindolakaḥ kṛtaḥ / ārūḍhāśca mahākanyā gāyante susvaraṃ tadā

Sanskrit only: no published translation is held for this verse.

मारुतः शीतलो वाति वनं स्पृष्ट्वा सुशोभनम् । वातेन प्रेरितो गन्धो दानवो घ्राणपीडितः

mārutaḥ śītalo vāti vanaṃ spṛṣṭvā suśobhanam / vātena prerito gandho dānavo ghrāṇapīḍitaḥ

Sanskrit only: no published translation is held for this verse.

ततः कुसुमगन्धेन विस्मयं परमं गतः । आघ्राय चेदृशं पुण्यं न दृष्टं न श्रुतं मया

tataḥ kusumagandhena vismayaṃ paramaṃ gataḥ / āghrāya cedṛśaṃ puṇyaṃ na dṛṣṭaṃ na śrutaṃ mayā

Sanskrit only: no published translation is held for this verse.

वने चिन्तयतः किंचिद् ध्वनिगीतं सुशोभनम् । गीतस्य च ध्वनिं श्रुत्वा मोहितो मायया हरेः

vane cintayataḥ kiṃcid dhvanigītaṃ suśobhanam / gītasya ca dhvaniṃ śrutvā mohito māyayā hareḥ

Sanskrit only: no published translation is held for this verse.

व्याधस्यैव महाकूटे पतन्ति च यथा मृगाः । कालस्पृष्टस्तथा कृष्णे पतितश्च नराधिप

vyādhasyaiva mahākūṭe patanti ca yathā mṛgāḥ / kālaspṛṣṭastathā kṛṣṇe patitaśca narādhipa

Sanskrit only: no published translation is held for this verse.

दृष्ट्वा कन्यां च तां दैत्यो मूर्च्छया पतितो भुवि । पतितेन तु दृष्टैका कन्या वटतले स्थिता

dṛṣṭvā kanyāṃ ca tāṃ daityo mūrcchayā patito bhuvi / patitena tu dṛṣṭaikā kanyā vaṭatale sthitā

Sanskrit only: no published translation is held for this verse.

आस्यं दृष्ट्वा तु नारीणां पुनः कामेन पीडितः । गृहीत्वा हेमदण्डं तु तां पातयितुम् इच्छति

āsyaṃ dṛṣṭvā tu nārīṇāṃ punaḥ kāmena pīḍitaḥ / gṛhītvā hemadaṇḍaṃ tu tāṃ pātayitum icchati

Sanskrit only: no published translation is held for this verse.

मा मानुस्पर्शयत्वं हि कुमार्यहं कुलोत्तम । भो मुञ्च मुञ्च मां शीघ्रं यावद्गच्छाम्यहं गृहम्

mā mānusparśayatvaṃ hi kumāryahaṃ kulottama / bho muñca muñca māṃ śīghraṃ yāvadgacchāmyahaṃ gṛham

Sanskrit only: no published translation is held for this verse.

अहं विवाहमिच्छामि त्वया सह सुशोभने । भूपृष्ठे सकले राज्ञी भवस्येवं न संशयः

ahaṃ vivāhamicchāmi tvayā saha suśobhane / bhūpṛṣṭhe sakale rājñī bhavasyevaṃ na saṃśayaḥ

Sanskrit only: no published translation is held for this verse.

पिता रक्षति कौमार्ये भर्ता रक्षति यौवने । पुत्रो रक्षति वृद्धत्वे न स्त्री स्वातन्त्र्यम् अर्हति

pitā rakṣati kaumārye bhartā rakṣati yauvane / putro rakṣati vṛddhatve na strī svātantryam arhati

Sanskrit only: no published translation is held for this verse.

न स्वातन्त्र्यं ममैवास्ति उत्पन्नाहं महत्कुले । याच्यस्तु मत्पिता भ्राता मातापि हि तथैव च

na svātantryaṃ mamaivāsti utpannāhaṃ mahatkule / yācyastu matpitā bhrātā mātāpi hi tathaiva ca

Sanskrit only: no published translation is held for this verse.

यदि मां नेच्छसे त्वद्य स्वातन्त्र्यं नावलम्बसे । ममापि च तदा हत्या सत्यं च शुभलोचने

yadi māṃ necchase tvadya svātantryaṃ nāvalambase / mamāpi ca tadā hatyā satyaṃ ca śubhalocane

Sanskrit only: no published translation is held for this verse.

विश्वासो नैव कर्तव्यो यादृशे तादृशे नरे । नराः स्त्रीषु विचित्राश्च लम्पटाः काममोहिताः

viśvāso naiva kartavyo yādṛśe tādṛśe nare / narāḥ strīṣu vicitrāśca lampaṭāḥ kāmamohitāḥ

Sanskrit only: no published translation is held for this verse.

परिणीय तु मां त्वं हि भुङ्क्ष्व भोगान्मया सह । जन्मनाशो भवेत् पश्चान्न त्वं नान्यो भवेन्मम

pariṇīya tu māṃ tvaṃ hi bhuṅkṣva bhogānmayā saha / janmanāśo bhavet paścānna tvaṃ nānyo bhavenmama

Sanskrit only: no published translation is held for this verse.

ब्राह्मणी क्षत्रिणी वैशी शूद्री यावत् तथैव च । द्वितीयो न भवेद् भर्ता एकाकी चेह जन्मनि

brāhmaṇī kṣatriṇī vaiśī śūdrī yāvat tathaiva ca / dvitīyo na bhaved bhartā ekākī ceha janmani

Sanskrit only: no published translation is held for this verse.

यत्त्वया गदितं वाक्यं तन्मया धारितं हृदि । प्रत्ययं मे कुरुष्वाद्य यत्ते मनसि रोचते

yattvayā gaditaṃ vākyaṃ tanmayā dhāritaṃ hṛdi / pratyayaṃ me kuruṣvādya yatte manasi rocate

Sanskrit only: no published translation is held for this verse.

जानीष्व गोपकन्यां मां क्रीडामि सखिभिः सह । अस्मत्कुलेषु यद्दिव्यं तत्कुरुष्व यथाविधि

jānīṣva gopakanyāṃ māṃ krīḍāmi sakhibhiḥ saha / asmatkuleṣu yaddivyaṃ tatkuruṣva yathāvidhi

Sanskrit only: no published translation is held for this verse.

न तद्दिव्यं कुले ऽस्माकं विषं कोशं न तत्तुला । गोपान्वयेषु सर्वेषु हस्तः शिरसि दीयते

na taddivyaṃ kule 'smākaṃ viṣaṃ kośaṃ na tattulā / gopānvayeṣu sarveṣu hastaḥ śirasi dīyate

Sanskrit only: no published translation is held for this verse.

कामान्धेनैव राजेन्द्र निक्षिप्तो मस्तके करः । तत्क्षणाद् भस्मसाद्भूतो दग्धस् तृणचयो यथा

kāmāndhenaiva rājendra nikṣipto mastake karaḥ / tatkṣaṇād bhasmasādbhūto dagdhas tṛṇacayo yathā

Sanskrit only: no published translation is held for this verse.

केशवोपरि देवैस्तु पुष्पवृष्टिः शुभा कृता । हृष्टाः सर्वे ऽगमन्देवाः स्वस्थानं विगतज्वराः

keśavopari devaistu puṣpavṛṣṭiḥ śubhā kṛtā / hṛṣṭāḥ sarve 'gamandevāḥ svasthānaṃ vigatajvarāḥ

Sanskrit only: no published translation is held for this verse.

क्षीरोदं केशवो गच्छत्कालपृष्ठे निपातिते । य इदं शृणुयाद्भक्त्या चरितं दानवस्य च

kṣīrodaṃ keśavo gacchatkālapṛṣṭhe nipātite / ya idaṃ śṛṇuyādbhaktyā caritaṃ dānavasya ca

Sanskrit only: no published translation is held for this verse.

स जयी जायते नित्यं शङ्करस्य वचो यथा । एतस्मात् कारणाद् राजंल् लिङ्गेश्वरमिति श्रुतम्

sa jayī jāyate nityaṃ śaṅkarasya vaco yathā / etasmāt kāraṇād rājaṃl liṅgeśvaramiti śrutam

Sanskrit only: no published translation is held for this verse.

लीनं च पातकं यस्मात् स्नानमात्रेण नश्यति । त्वगस्थि शोणितं मांसं मेदःस्नायुस्तथैव च

līnaṃ ca pātakaṃ yasmāt snānamātreṇa naśyati / tvagasthi śoṇitaṃ māṃsaṃ medaḥsnāyustathaiva ca

Sanskrit only: no published translation is held for this verse.

मज्जाशुक्रगतं पापं नश्यते जन्मकोटिजम् । लुङ्केश्वरे महाराज तोयं पिबति भक्तितः

majjāśukragataṃ pāpaṃ naśyate janmakoṭijam / luṅkeśvare mahārāja toyaṃ pibati bhaktitaḥ

Sanskrit only: no published translation is held for this verse.

त्रिभिः प्रसृतिमात्राभिः पापं याति सहस्रधा । विशेषेण चतुर्दश्यामुभौ पक्षौ तु चाष्टमी

tribhiḥ prasṛtimātrābhiḥ pāpaṃ yāti sahasradhā / viśeṣeṇa caturdaśyāmubhau pakṣau tu cāṣṭamī

Sanskrit only: no published translation is held for this verse.

उपोष्य यो नरो भक्त्या पित्ःणां पाण्डुनन्दन । उद्धृतास्तेन ते सर्वे नारकीयाः पितामहाः

upoṣya yo naro bhaktyā pitḥṇāṃ pāṇḍunandana / uddhṛtāstena te sarve nārakīyāḥ pitāmahāḥ

Sanskrit only: no published translation is held for this verse.

काकिणीं चैव यो दद्याद् ब्राह्मणे वेदपारगे । तेन दानफलं सर्वं कुरुक्षेत्रादिकं च यत्

kākiṇīṃ caiva yo dadyād brāhmaṇe vedapārage / tena dānaphalaṃ sarvaṃ kurukṣetrādikaṃ ca yat

Sanskrit only: no published translation is held for this verse.

प्राप्तं तु नान्यथा राजञ्छङ्करो वदते त्विदम् । स्पर्शलिङ्गमिदं राजञ्छङ्करेण तु निर्मितम्

prāptaṃ tu nānyathā rājañchaṅkaro vadate tvidam / sparśaliṅgamidaṃ rājañchaṅkareṇa tu nirmitam

Sanskrit only: no published translation is held for this verse.

स्पर्शमात्रे मनुष्याणां रुद्रवासो ऽभिजायते । तेन दानफलं सर्वं कुरुक्षेत्रादिकं च यत्

sparśamātre manuṣyāṇāṃ rudravāso 'bhijāyate / tena dānaphalaṃ sarvaṃ kurukṣetrādikaṃ ca yat

Sanskrit only: no published translation is held for this verse.

एतस्मात् कारणाद् राजंल् लोकपालाश्च रक्षकाः । दुर्गा च रक्षणे सृष्टा चतुर्हस्तधरा शुभा

etasmāt kāraṇād rājaṃl lokapālāśca rakṣakāḥ / durgā ca rakṣaṇe sṛṣṭā caturhastadharā śubhā

Sanskrit only: no published translation is held for this verse.

धनदो लोकपालेशो रक्षकश्चेश्वरस्य च । रक्षति च सदा कालं ग्रहव्यापाररूपतः

dhanado lokapāleśo rakṣakaśceśvarasya ca / rakṣati ca sadā kālaṃ grahavyāpārarūpataḥ

Sanskrit only: no published translation is held for this verse.

पुत्रभ्रातृसमारूपैः स्वामिसम्बन्धरूपिभिः । लङ्केश्वरं च राजेन्द्र देवैर्नाद्यापि मुच्यते

putrabhrātṛsamārūpaiḥ svāmisambandharūpibhiḥ / laṅkeśvaraṃ ca rājendra devairnādyāpi mucyate

Sanskrit only: no published translation is held for this verse.