Revakhanda of the Vayupurana 68

धनदस्य तु तत्तीर्थं ततो गच्छेद् युधिष्ठिर । नर्मदादक्षिणे कूले सर्वपापक्षयंकरम्

dhanadasya tu tattīrthaṃ tato gacched yudhiṣṭhira / narmadādakṣiṇe kūle sarvapāpakṣayaṃkaram

Sanskrit only: no published translation is held for this verse.

सर्वतीर्थफलं तत्र प्राप्यते नात्र संशयः । चैत्रमासत्रयोदश्यां शुक्लपक्षे जितेन्द्रियः

sarvatīrthaphalaṃ tatra prāpyate nātra saṃśayaḥ / caitramāsatrayodaśyāṃ śuklapakṣe jitendriyaḥ

Sanskrit only: no published translation is held for this verse.

उपोष्य परया भक्त्या रात्रौ कुर्वीत जागरम् । पञ्चामृतेन राजेन्द्र स्नापयेद् धनदं बुधः

upoṣya parayā bhaktyā rātrau kurvīta jāgaram / pañcāmṛtena rājendra snāpayed dhanadaṃ budhaḥ

Sanskrit only: no published translation is held for this verse.

दीपं घृतेन दातव्यं गीतं वाद्यं च कारयेत् । प्रभाते पूजयेद् विप्रान् आत्मनः श्रेय इच्छति

dīpaṃ ghṛtena dātavyaṃ gītaṃ vādyaṃ ca kārayet / prabhāte pūjayed viprān ātmanaḥ śreya icchati

Sanskrit only: no published translation is held for this verse.

प्रतिग्रहसमर्थांश्च विद्यासिद्धान्तवादिनः । श्रौतस्मार्तक्रियायुक्तान् परदारपराङ्मुखान्

pratigrahasamarthāṃśca vidyāsiddhāntavādinaḥ / śrautasmārtakriyāyuktān paradāraparāṅmukhān

Sanskrit only: no published translation is held for this verse.

पूजयेद्गोहिरण्येन वस्त्रोपानहभोजनैः । छत्रशय्याप्रदानेन सर्वपापक्षयो भवेत्

pūjayedgohiraṇyena vastropānahabhojanaiḥ / chatraśayyāpradānena sarvapāpakṣayo bhavet

Sanskrit only: no published translation is held for this verse.

त्रिजन्मजनितं पापं वरदस्य प्रभावतः । स्वर्गदं दुर्विनीतानां विनीतानां च मोक्षदम्

trijanmajanitaṃ pāpaṃ varadasya prabhāvataḥ / svargadaṃ durvinītānāṃ vinītānāṃ ca mokṣadam

Sanskrit only: no published translation is held for this verse.

अन्नदं च दरिद्राणां भवेज्जन्मनिजन्मनि । कुलीनत्वं दुःखहानिः स्वभावाजायते नरे

annadaṃ ca daridrāṇāṃ bhavejjanmanijanmani / kulīnatvaṃ duḥkhahāniḥ svabhāvājāyate nare

Sanskrit only: no published translation is held for this verse.

व्याधिध्वंसो भवेत् तेषां नर्मदोदकसेवनात् । धनदस्य तु यस्तीर्थे विद्यादानं प्रयच्छति

vyādhidhvaṃso bhavet teṣāṃ narmadodakasevanāt / dhanadasya tu yastīrthe vidyādānaṃ prayacchati

Sanskrit only: no published translation is held for this verse.

स याति भास्करे लोके सर्वव्याधिविवर्जिते । देवद्रोणीं च तत्रैव स्वशक्त्या पाण्डुनन्दन

sa yāti bhāskare loke sarvavyādhivivarjite / devadroṇīṃ ca tatraiva svaśaktyā pāṇḍunandana

Sanskrit only: no published translation is held for this verse.

ये प्रकुर्वन्ति भूयिष्ठां रेवाया दक्षिणे तटे । ते यान्ति शांकरे लोके सर्वदुःखविवर्जिते

ye prakurvanti bhūyiṣṭhāṃ revāyā dakṣiṇe taṭe / te yānti śāṃkare loke sarvaduḥkhavivarjite

Sanskrit only: no published translation is held for this verse.