Revakhanda of the Vayupurana 69

ततो गच्छेत्तु राजेन्द्र मङ्गलेश्वरमुत्तमम् । स्थापितं भूमिपुत्रेण लोकानां हितकाम्यया

tato gacchettu rājendra maṅgaleśvaramuttamam / sthāpitaṃ bhūmiputreṇa lokānāṃ hitakāmyayā

Sanskrit only: no published translation is held for this verse.

तोषितः परया भक्त्या शङ्करः शशिशेखरः । चतुर्दश्यां गुरुर्देवः प्रत्यक्षो मङ्गलेश्वरः

toṣitaḥ parayā bhaktyā śaṅkaraḥ śaśiśekharaḥ / caturdaśyāṃ gururdevaḥ pratyakṣo maṅgaleśvaraḥ

Sanskrit only: no published translation is held for this verse.

ब्रूहि पुत्र वरं शुभ्रं तं ते दास्यामि मङ्गल

brūhi putra varaṃ śubhraṃ taṃ te dāsyāmi maṅgala

Sanskrit only: no published translation is held for this verse.

प्रसादं कुरु मे शम्भो प्रतिजन्मनि शङ्कर । त्वदङ्गस्वेदसम्भूतो ग्रहमध्ये वसाम्यहम्

prasādaṃ kuru me śambho pratijanmani śaṅkara / tvadaṅgasvedasambhūto grahamadhye vasāmyaham

Sanskrit only: no published translation is held for this verse.

त्वत्प्रसादेन ईशान पूज्यो ऽहं सर्वदैवतैः । कृतार्थो ह्यद्य संजातस्तव दर्शनभाषणात्

tvatprasādena īśāna pūjyo 'haṃ sarvadaivataiḥ / kṛtārtho hyadya saṃjātastava darśanabhāṣaṇāt

Sanskrit only: no published translation is held for this verse.

स्थाने ऽस्मिन् देवदेवेश मम नाम्ना महेश्वरः । एवं भवतु ते पुत्रेत्युक्त्वा चान्तरधीयत

sthāne 'smin devadeveśa mama nāmnā maheśvaraḥ / evaṃ bhavatu te putretyuktvā cāntaradhīyata

Sanskrit only: no published translation is held for this verse.

मङ्गलो ऽपि महात्मा वै स्थापयित्वा महेश्वरम् । आत्मयोगबलेनैव शूलिनापूजयत्ततः

maṅgalo 'pi mahātmā vai sthāpayitvā maheśvaram / ātmayogabalenaiva śūlināpūjayattataḥ

Sanskrit only: no published translation is held for this verse.

सर्वदुःखहरं लिङ्गं नाम्ना वै मङ्गलेश्वरम् । तत्र तीर्थे तु वै राजन्ब्राह्मणान्प्रीणयेत्सुधीः

sarvaduḥkhaharaṃ liṅgaṃ nāmnā vai maṅgaleśvaram / tatra tīrthe tu vai rājanbrāhmaṇānprīṇayetsudhīḥ

Sanskrit only: no published translation is held for this verse.

सपत्नीकान् नृपश्रेष्ठ चतुर्थ्यङ्गारके व्रते । पत्नीभर्तारसंयुक्तं विद्वांसं श्रोत्रियं द्विजम्

sapatnīkān nṛpaśreṣṭha caturthyaṅgārake vrate / patnībhartārasaṃyuktaṃ vidvāṃsaṃ śrotriyaṃ dvijam

Sanskrit only: no published translation is held for this verse.

व्रतान्ते चैव गौर्धुर्यैः शिवमुद्दिश्य दीयते । प्रीयतां मे महादेवः सपत्नीको वृषध्वजः

vratānte caiva gaurdhuryaiḥ śivamuddiśya dīyate / prīyatāṃ me mahādevaḥ sapatnīko vṛṣadhvajaḥ

Sanskrit only: no published translation is held for this verse.

वस्त्रयुग्मं प्रदातव्यं लोहितं पाण्डुनन्दन । धूर्वहौ रक्तवर्णौ च शुभ्रं कृष्णं तथैव च

vastrayugmaṃ pradātavyaṃ lohitaṃ pāṇḍunandana / dhūrvahau raktavarṇau ca śubhraṃ kṛṣṇaṃ tathaiva ca

Sanskrit only: no published translation is held for this verse.

छत्रं शय्यां शुभां चैव रक्तमाल्यानुलेपनम् । दातव्यं पाण्डवश्रेष्ठ विशुद्धेनान्तरात्मना

chatraṃ śayyāṃ śubhāṃ caiva raktamālyānulepanam / dātavyaṃ pāṇḍavaśreṣṭha viśuddhenāntarātmanā

Sanskrit only: no published translation is held for this verse.

चतुर्थ्यां तु तथाष्टम्यां पक्षयोः शुक्लकृष्णयोः । श्राद्धं तत्रैव कर्तव्यं वित्तशाठ्येन वर्जितः

caturthyāṃ tu tathāṣṭamyāṃ pakṣayoḥ śuklakṛṣṇayoḥ / śrāddhaṃ tatraiva kartavyaṃ vittaśāṭhyena varjitaḥ

Sanskrit only: no published translation is held for this verse.

प्रेता भवन्ति सुप्रीता युगमेकं महीपते । सपुत्रो जायते मर्त्यः प्रतिजन्म नृपोत्तम

pretā bhavanti suprītā yugamekaṃ mahīpate / saputro jāyate martyaḥ pratijanma nṛpottama

Sanskrit only: no published translation is held for this verse.

तस्य तीर्थस्य भावेन सर्वाङ्गरुचिरो नृप । मङ्गलं भवते वंशो नाशुभं विद्यते क्वचित्

tasya tīrthasya bhāvena sarvāṅgaruciro nṛpa / maṅgalaṃ bhavate vaṃśo nāśubhaṃ vidyate kvacit

Sanskrit only: no published translation is held for this verse.

भक्त्या यः कीर्तयेन् नित्यं तस्य पापं व्यपोहति

bhaktyā yaḥ kīrtayen nityaṃ tasya pāpaṃ vyapohati

Sanskrit only: no published translation is held for this verse.