Revakhanda of the Vayupurana 7

पुनरेकार्णवे घोरे नष्टे स्थावरजंगमे । सलिलेनाप्लुते लोके निरालोके तमोद्भवे

punarekārṇave ghore naṣṭe sthāvarajaṃgame / salilenāplute loke nirāloke tamodbhave

Sanskrit only: no published translation is held for this verse.

ब्रह्मैको विचरंस्तत्र तमीभूते महार्णवे । दिव्यवर्षसहस्रं तु खद्योत इव रूपवान्

brahmaiko vicaraṃstatra tamībhūte mahārṇave / divyavarṣasahasraṃ tu khadyota iva rūpavān

Sanskrit only: no published translation is held for this verse.

शेते योजनसाहस्रम् अप्रमेयम् अनुत्तमम् । द्वादशादित्यसंकाशं सहस्रचरणेक्षणम्

śete yojanasāhasram aprameyam anuttamam / dvādaśādityasaṃkāśaṃ sahasracaraṇekṣaṇam

Sanskrit only: no published translation is held for this verse.

प्रसुप्तं चार्णवे घोरे ह्यपश्यत्कूर्मरूपिणम् । तं दृष्ट्वा विस्मयापन्नो ब्रह्मा बोधयते शनैः

prasuptaṃ cārṇave ghore hyapaśyatkūrmarūpiṇam / taṃ dṛṣṭvā vismayāpanno brahmā bodhayate śanaiḥ

Sanskrit only: no published translation is held for this verse.

स्तुतिभिर्मंगलैश्चैव वेदवेदांगसंभवैः । वाचस्पते विबुध्यस्व महाभूत नमो ऽस्तु ते

stutibhirmaṃgalaiścaiva vedavedāṃgasaṃbhavaiḥ / vācaspate vibudhyasva mahābhūta namo 'stu te

Sanskrit only: no published translation is held for this verse.

तवोदरे जगत्सर्वं तिष्ठते परमेश्वर । तद्विमुञ्च महासत्त्व यत्पूर्वं संहृतं त्वया

tavodare jagatsarvaṃ tiṣṭhate parameśvara / tadvimuñca mahāsattva yatpūrvaṃ saṃhṛtaṃ tvayā

Sanskrit only: no published translation is held for this verse.

व्यतीता रजनी ब्राह्मी दिनं समनुवर्तते । निरीक्ष्य सर्वलोकेश येन संभवते जगत्

vyatītā rajanī brāhmī dinaṃ samanuvartate / nirīkṣya sarvalokeśa yena saṃbhavate jagat

Sanskrit only: no published translation is held for this verse.

स निशम्य वचस्तस्य उत्थितः परमेश्वरः । समुद्गिरन् स लोकांस्त्रीन् ग्रस्तान् कल्पक्षये तदा

sa niśamya vacastasya utthitaḥ parameśvaraḥ / samudgiran sa lokāṃstrīn grastān kalpakṣaye tadā

Sanskrit only: no published translation is held for this verse.

देवदानवगन्धर्वाः सयक्षोरगराक्षसाः । सचन्द्रार्कग्रहाः सर्वे शरीरात्तस्य निर्गताः

devadānavagandharvāḥ sayakṣoragarākṣasāḥ / sacandrārkagrahāḥ sarve śarīrāttasya nirgatāḥ

Sanskrit only: no published translation is held for this verse.

ततो ह्येकार्णवं सर्वं विभज्य परमेश्वरः । विस्तीर्णोपलतोयौघां सरित्सरविवर्धिताम्

tato hyekārṇavaṃ sarvaṃ vibhajya parameśvaraḥ / vistīrṇopalatoyaughāṃ saritsaravivardhitām

Sanskrit only: no published translation is held for this verse.

पश्यते मेदिनीं देवः सवृक्षौषधिपल्वलाम् । हिमवन्तं गिरिश्रेष्ठं श्वेतं पर्वतमुत्तमम्

paśyate medinīṃ devaḥ savṛkṣauṣadhipalvalām / himavantaṃ giriśreṣṭhaṃ śvetaṃ parvatamuttamam

Sanskrit only: no published translation is held for this verse.

शृङ्गवन्तं महाशैलं ये चान्ये कुलपर्वताः । जंबुद्वीपं कुशं क्रौञ्चं सगोमेदं सशाल्मलम्

śṛṅgavantaṃ mahāśailaṃ ye cānye kulaparvatāḥ / jaṃbudvīpaṃ kuśaṃ krauñcaṃ sagomedaṃ saśālmalam

Sanskrit only: no published translation is held for this verse.

पुष्करान्ताश्च ये द्वीपा ये च सप्तमहार्णवाः । लोकालोकं महाशैलं सर्वं च पुरतः स्थितम्

puṣkarāntāśca ye dvīpā ye ca saptamahārṇavāḥ / lokālokaṃ mahāśailaṃ sarvaṃ ca purataḥ sthitam

Sanskrit only: no published translation is held for this verse.

चतुःप्रकृतिसंयुक्तं जगत् स्थावरजंगमम् । युगान्ते तु विनिष्क्रान्तम् अपश्यत्स महेश्वरः

catuḥprakṛtisaṃyuktaṃ jagat sthāvarajaṃgamam / yugānte tu viniṣkrāntam apaśyatsa maheśvaraḥ

Sanskrit only: no published translation is held for this verse.

विप्रकीर्णशिलाजालामपश्यत्स वसुंधराम् । कूर्मपृष्ठोपगां देवीं महार्णवगतां प्रभुः

viprakīrṇaśilājālāmapaśyatsa vasuṃdharām / kūrmapṛṣṭhopagāṃ devīṃ mahārṇavagatāṃ prabhuḥ

Sanskrit only: no published translation is held for this verse.

तस्मिन् विशीर्णशैलाग्रे सरित्सरोविवर्जिते । नानातरंगभिन्नोद आवर्तोद्वर्तसंकुले

tasmin viśīrṇaśailāgre saritsarovivarjite / nānātaraṃgabhinnoda āvartodvartasaṃkule

Sanskrit only: no published translation is held for this verse.

नानौषधिप्रज्वलिते नानोत्पलशिलातले । नानाविहंगसंघुष्टां मत्स्यकूर्मसमाकुलाम्

nānauṣadhiprajvalite nānotpalaśilātale / nānāvihaṃgasaṃghuṣṭāṃ matsyakūrmasamākulām

Sanskrit only: no published translation is held for this verse.

दिव्यमायामयीं देवीम् उत्कृष्टाम्बुदसन्निभाम् । नदीमपश्यद्देवेशो ह्यनौपम्यजलाशयाम्

divyamāyāmayīṃ devīm utkṛṣṭāmbudasannibhām / nadīmapaśyaddeveśo hyanaupamyajalāśayām

Sanskrit only: no published translation is held for this verse.

मध्ये तस्याम्बुदश्यामां पीनोरुजघनस्तनीम् । वस्त्रैरनुपमैर्दिव्यैर्नानाभरणभूषिताम्

madhye tasyāmbudaśyāmāṃ pīnorujaghanastanīm / vastrairanupamairdivyairnānābharaṇabhūṣitām

Sanskrit only: no published translation is held for this verse.

सनूपुररवोद्दामां हारकेयूरमण्डिताम् । तादृशीं नर्मदां देवीं स्वयं स्त्रीरूपधारिणीम्

sanūpuraravoddāmāṃ hārakeyūramaṇḍitām / tādṛśīṃ narmadāṃ devīṃ svayaṃ strīrūpadhāriṇīm

Sanskrit only: no published translation is held for this verse.

योगमायामयैश्चित्रैर्भूषणैः स्वैर्विभूषिताम् । अव्यक्ताङ्गीं महाभागामपश्यत्स तु नर्मदाम्

yogamāyāmayaiścitrairbhūṣaṇaiḥ svairvibhūṣitām / avyaktāṅgīṃ mahābhāgāmapaśyatsa tu narmadām

Sanskrit only: no published translation is held for this verse.

अर्धोद्यतभुजां बालां पद्मपत्रायतेक्षणाम् । स्तुवन्तीं देवदेवेशमुत्थितां तु जलात्तदा

ardhodyatabhujāṃ bālāṃ padmapatrāyatekṣaṇām / stuvantīṃ devadeveśamutthitāṃ tu jalāttadā

Sanskrit only: no published translation is held for this verse.

विस्मयाविष्टहृदयो ह्यहमुद्वीक्ष्य तां शुभाम् । स्नात्वा जले शुभे तस्याः स्तोतुमभ्युद्यतस्ततः

vismayāviṣṭahṛdayo hyahamudvīkṣya tāṃ śubhām / snātvā jale śubhe tasyāḥ stotumabhyudyatastataḥ

Sanskrit only: no published translation is held for this verse.

अर्चयामास संहृष्टो मन्त्रैर्वेदांगसंभवैः । सृष्टं च तत्पुरा राजन्पश्येयं सचराचरम्

arcayāmāsa saṃhṛṣṭo mantrairvedāṃgasaṃbhavaiḥ / sṛṣṭaṃ ca tatpurā rājanpaśyeyaṃ sacarācaram

Sanskrit only: no published translation is held for this verse.

सदेवासुरगन्धर्वं सपन्नगमहोरगम् । पश्याम्येषा महाभागा नैव याता क्षयं पुरा

sadevāsuragandharvaṃ sapannagamahoragam / paśyāmyeṣā mahābhāgā naiva yātā kṣayaṃ purā

Sanskrit only: no published translation is held for this verse.

महादेवप्रसादाच्च तच्छरीरसमुद्भवा । भूयो भूयो मया दृष्टा कथिता ते नृपोत्तम

mahādevaprasādācca taccharīrasamudbhavā / bhūyo bhūyo mayā dṛṣṭā kathitā te nṛpottama

Sanskrit only: no published translation is held for this verse.

प्रादुर्भावमिमं कौर्म्यं ये ऽधीयन्ते द्विजोत्तमाः । ये ऽपि शृण्वन्ति विद्वांसो मुच्यन्ते ते ऽपि किल्बिषैः

prādurbhāvamimaṃ kaurmyaṃ ye 'dhīyante dvijottamāḥ / ye 'pi śṛṇvanti vidvāṃso mucyante te 'pi kilbiṣaiḥ

Sanskrit only: no published translation is held for this verse.