Revakhanda of the Vayupurana 73

नर्मदादक्षिणे कूले तीर्थं परमशोभनम् । सर्वपापहरं पार्थ गोपारेश्वरमुत्तमम् । गोदेहान्निःसृतं लिङ्गं पुण्यं भूमितले नृप

narmadādakṣiṇe kūle tīrthaṃ paramaśobhanam / sarvapāpaharaṃ pārtha gopāreśvaramuttamam / godehānniḥsṛtaṃ liṅgaṃ puṇyaṃ bhūmitale nṛpa

Sanskrit only: no published translation is held for this verse.

गोदेहान्निःसृतं कस्माल्लिङ्गं पापक्षयंकरम् । दक्षिणे नर्मदाकूले मणिनागसमीपतः । संक्षेपात्कथ्यतां विप्र गोपारेश्वरसम्भवम्

godehānniḥsṛtaṃ kasmālliṅgaṃ pāpakṣayaṃkaram / dakṣiṇe narmadākūle maṇināgasamīpataḥ / saṃkṣepātkathyatāṃ vipra gopāreśvarasambhavam

Sanskrit only: no published translation is held for this verse.

कामधेनुस्तपस्तत्र पुरा पार्थ चकार ह । ध्यायते परया भक्त्या देवदेवं महेश्वरम्

kāmadhenustapastatra purā pārtha cakāra ha / dhyāyate parayā bhaktyā devadevaṃ maheśvaram

Sanskrit only: no published translation is held for this verse.

तुष्टस्तस्या जगन्नाथ कपिलाय महेश्वरः । निःसृतो देहमध्यात्तु अच्छेद्यः परमेश्वरः

tuṣṭastasyā jagannātha kapilāya maheśvaraḥ / niḥsṛto dehamadhyāttu acchedyaḥ parameśvaraḥ

Sanskrit only: no published translation is held for this verse.

तुष्टो देवि जगन्मातः कपिले परमेश्वरि । आराधनं कृतं यस्मात् तद् वदाशु शुभानने

tuṣṭo devi jaganmātaḥ kapile parameśvari / ārādhanaṃ kṛtaṃ yasmāt tad vadāśu śubhānane

Sanskrit only: no published translation is held for this verse.

लोकानाम् उपकाराय सृष्टाहं परमेष्ठिना । लोककार्याणि सर्वाणि सिध्यन्ति मत्प्रसादतः

lokānām upakārāya sṛṣṭāhaṃ parameṣṭhinā / lokakāryāṇi sarvāṇi sidhyanti matprasādataḥ

Sanskrit only: no published translation is held for this verse.

लोकाः स्वर्गं प्रयास्यन्ति मत्प्रसादेन शङ्कर । तीर्थे त्वं भव मे शम्भो लोकानां हितकाम्यया

lokāḥ svargaṃ prayāsyanti matprasādena śaṅkara / tīrthe tvaṃ bhava me śambho lokānāṃ hitakāmyayā

Sanskrit only: no published translation is held for this verse.

तथेति भगवानुक्त्वा तीर्थे तत्रावसन्मुदा । तदाप्रभृति तत्तीर्थं विख्यातं वसुधातले । स्नानेनैकेन राजेन्द्र पापसङ्घं व्यपोहति

tatheti bhagavānuktvā tīrthe tatrāvasanmudā / tadāprabhṛti tattīrthaṃ vikhyātaṃ vasudhātale / snānenaikena rājendra pāpasaṅghaṃ vyapohati

Sanskrit only: no published translation is held for this verse.

गोपारेश्वरगोदानं यस्तु भक्त्या च कारयेत् । योग्ये द्विजोत्तमे देया योग्या धेनुः सकाञ्चना

gopāreśvaragodānaṃ yastu bhaktyā ca kārayet / yogye dvijottame deyā yogyā dhenuḥ sakāñcanā

Sanskrit only: no published translation is held for this verse.

सवत्सा तरुणी शुभ्रा बहुक्षीरा सवस्त्रका । कृष्णपक्षे चतुर्दश्याम् अष्टम्यां वा प्रदापयेत्

savatsā taruṇī śubhrā bahukṣīrā savastrakā / kṛṣṇapakṣe caturdaśyām aṣṭamyāṃ vā pradāpayet

Sanskrit only: no published translation is held for this verse.

सर्वेषु चैव मासेषु कार्त्तिके च विशेषतः । दापयेत् परया भक्त्या द्विजे स्वाध्यायतत्परे

sarveṣu caiva māseṣu kārttike ca viśeṣataḥ / dāpayet parayā bhaktyā dvije svādhyāyatatpare

Sanskrit only: no published translation is held for this verse.

विधिना च प्रदद्याद् यो विधिना यस्तु गृह्णते । तावुभौ पुण्यकर्माणौ प्रेक्षकः पुण्यभाजनम्

vidhinā ca pradadyād yo vidhinā yastu gṛhṇate / tāvubhau puṇyakarmāṇau prekṣakaḥ puṇyabhājanam

Sanskrit only: no published translation is held for this verse.

पिण्डदानं प्रकुर्याद् यः प्रेतानां भक्तिसंयुतः । पिण्डेनैकेन राजेन्द्र प्रेता यान्ति परां गतिम्

piṇḍadānaṃ prakuryād yaḥ pretānāṃ bhaktisaṃyutaḥ / piṇḍenaikena rājendra pretā yānti parāṃ gatim

Sanskrit only: no published translation is held for this verse.

भक्त्या प्रणामं रुद्रस्य ये कुर्वन्ति दिने दिने । तेषां पापं प्रलीयेत भिन्नपात्रे जलं यथा

bhaktyā praṇāmaṃ rudrasya ye kurvanti dine dine / teṣāṃ pāpaṃ pralīyeta bhinnapātre jalaṃ yathā

Sanskrit only: no published translation is held for this verse.

तत्र तीर्थे तु यो राजन्वृषभं च समुत्सृजेत् । पितरश्चोद्धृतास् तेन शिवलोके महीयते

tatra tīrthe tu yo rājanvṛṣabhaṃ ca samutsṛjet / pitaraścoddhṛtās tena śivaloke mahīyate

Sanskrit only: no published translation is held for this verse.

वृषोत्सर्गे कृते तात फलं यज्जायते नृणाम् । तत्सर्वं कथयस्वाशु प्रयत्नेन द्विजोत्तम

vṛṣotsarge kṛte tāta phalaṃ yajjāyate nṛṇām / tatsarvaṃ kathayasvāśu prayatnena dvijottama

Sanskrit only: no published translation is held for this verse.

सर्वलक्षणसम्पूर्णे वृषे चैव तु यत्फलम् । तदहं सम्प्रवक्ष्यामि शृणुष्व धर्मनन्दन

sarvalakṣaṇasampūrṇe vṛṣe caiva tu yatphalam / tadahaṃ sampravakṣyāmi śṛṇuṣva dharmanandana

Sanskrit only: no published translation is held for this verse.

कार्त्तिके चैव वैशाखे पूर्णिमायां नराधिप । रुद्रस्य सन्निधौ भूत्वा शुचिः स्नातो जितेन्द्रियः

kārttike caiva vaiśākhe pūrṇimāyāṃ narādhipa / rudrasya sannidhau bhūtvā śuciḥ snāto jitendriyaḥ

Sanskrit only: no published translation is held for this verse.

वृषस्यैव समुत्सर्गं कारयेत् प्रीयतां हरः । सांनिध्ये कारयेत् पुत्र चतस्रो वत्सिकाः शुभाः

vṛṣasyaiva samutsargaṃ kārayet prīyatāṃ haraḥ / sāṃnidhye kārayet putra catasro vatsikāḥ śubhāḥ

Sanskrit only: no published translation is held for this verse.

दत्त्वा तु विप्रमुख्याय सर्वलक्षणसंयुताः । प्रीयतां च महादेवो ब्रह्मा विष्णुर्महेश्वरः

dattvā tu vipramukhyāya sarvalakṣaṇasaṃyutāḥ / prīyatāṃ ca mahādevo brahmā viṣṇurmaheśvaraḥ

Sanskrit only: no published translation is held for this verse.

वृषभे रोमसंख्या या सर्वाङ्गेषु नराधिप । तावद्वर्षप्रमाणं तु शिवलोके महीयते

vṛṣabhe romasaṃkhyā yā sarvāṅgeṣu narādhipa / tāvadvarṣapramāṇaṃ tu śivaloke mahīyate

Sanskrit only: no published translation is held for this verse.

शिवलोके वसित्वा तु यदा मर्त्येषु जायते । कुले महति सम्भूतिर् धनधान्यसमाकुले

śivaloke vasitvā tu yadā martyeṣu jāyate / kule mahati sambhūtir dhanadhānyasamākule

Sanskrit only: no published translation is held for this verse.

नीरोगो रूपवांश्चैव विद्याढ्यः सत्यवाक् शुचिः । गोपारेश्वरमाहात्म्यं मया ख्यातं युधिष्ठिर । गोदेहान्निःसृतं लिङ्गं नर्मदादक्षिणे तटे

nīrogo rūpavāṃścaiva vidyāḍhyaḥ satyavāk śuciḥ / gopāreśvaramāhātmyaṃ mayā khyātaṃ yudhiṣṭhira / godehānniḥsṛtaṃ liṅgaṃ narmadādakṣiṇe taṭe

Sanskrit only: no published translation is held for this verse.