Revakhanda of the Vayupurana 74

रेवाया उत्तरे कूले तीर्थं परमशोभनम् । सर्वपापहरं मर्त्ये नाम्ना वै गौतमेश्वरम्

revāyā uttare kūle tīrthaṃ paramaśobhanam / sarvapāpaharaṃ martye nāmnā vai gautameśvaram

Sanskrit only: no published translation is held for this verse.

स्थापितं गौतमेनैव लोकानां हितकाम्यया । स्वर्गसोपानरूपं तु तीर्थं पुंसां युधिष्ठिर

sthāpitaṃ gautamenaiva lokānāṃ hitakāmyayā / svargasopānarūpaṃ tu tīrthaṃ puṃsāṃ yudhiṣṭhira

Sanskrit only: no published translation is held for this verse.

तत्र गच्छ परं भक्त्या यत्र देवो जगद्गुरुः । पातकस्य विनाशार्थं स्वर्गवासप्रदस् तथा

tatra gaccha paraṃ bhaktyā yatra devo jagadguruḥ / pātakasya vināśārthaṃ svargavāsapradas tathā

Sanskrit only: no published translation is held for this verse.

सौभाग्यवर्द्धनं तीर्थं जयदं दुःखनाशनम् । पिण्डदानेन चैकेन कुलानाम् उद्धरेत् त्रयम्

saubhāgyavarddhanaṃ tīrthaṃ jayadaṃ duḥkhanāśanam / piṇḍadānena caikena kulānām uddharet trayam

Sanskrit only: no published translation is held for this verse.

यत्किंचिद् दीयते भक्त्या स्वल्पं वा यदि वा बहु । तत्सर्वं शतसाहस्रम् आज्ञया गौतमस्य हि

yatkiṃcid dīyate bhaktyā svalpaṃ vā yadi vā bahu / tatsarvaṃ śatasāhasram ājñayā gautamasya hi

Sanskrit only: no published translation is held for this verse.

तीर्थानां परमं तीर्थं स्वयं रुद्रेण भाषितम्

tīrthānāṃ paramaṃ tīrthaṃ svayaṃ rudreṇa bhāṣitam

Sanskrit only: no published translation is held for this verse.