Revakhanda of the Vayupurana 77

भीमेश्वरं ततो गच्छेत् सर्वपापक्षयंकरम् । सेवितं ऋषिसङ्घैश्च भीमव्रतधरैः शुभैः

bhīmeśvaraṃ tato gacchet sarvapāpakṣayaṃkaram / sevitaṃ ṛṣisaṅghaiśca bhīmavratadharaiḥ śubhaiḥ

Sanskrit only: no published translation is held for this verse.

तत्र तीर्थे तु यः स्नात्वा सोपवासो जितेन्द्रियः । जपेद् एकाक्षरं मन्त्रमूर्ध्वबाहुर्दिवाकरे

tatra tīrthe tu yaḥ snātvā sopavāso jitendriyaḥ / japed ekākṣaraṃ mantramūrdhvabāhurdivākare

Sanskrit only: no published translation is held for this verse.

तस्य जन्मार्जितं पापं तत्क्षणादेव नश्यति । सप्तजन्मार्जितं पापं गायत्र्या नश्यते ध्रुवम्

tasya janmārjitaṃ pāpaṃ tatkṣaṇādeva naśyati / saptajanmārjitaṃ pāpaṃ gāyatryā naśyate dhruvam

Sanskrit only: no published translation is held for this verse.

दशभिर् जन्मभिर् जातं शतेन तु पुरा कृतम् । सहस्रेण त्रिजन्मोत्थं गायत्री हन्ति किल्बिषम्

daśabhir janmabhir jātaṃ śatena tu purā kṛtam / sahasreṇa trijanmotthaṃ gāyatrī hanti kilbiṣam

Sanskrit only: no published translation is held for this verse.

वैदिकं लौकिकं वापि जाप्यं जप्तं नरेश्वर । तत्क्षणाद् दहते सर्वं तृणं तु ज्वलनो यथा

vaidikaṃ laukikaṃ vāpi jāpyaṃ japtaṃ nareśvara / tatkṣaṇād dahate sarvaṃ tṛṇaṃ tu jvalano yathā

Sanskrit only: no published translation is held for this verse.

न देवबलमाश्रित्य कदाचित् पापम् आचरेत् । अज्ञानान् नश्यते क्षिप्रं नोत्तरं तु कदाचन

na devabalamāśritya kadācit pāpam ācaret / ajñānān naśyate kṣipraṃ nottaraṃ tu kadācana

Sanskrit only: no published translation is held for this verse.

तत्र तीर्थे तु यो दानं शक्तिम् आश्रित्य चाचरेत् । तदक्षय्यफलं सर्वं जायते पाण्डुनन्दन

tatra tīrthe tu yo dānaṃ śaktim āśritya cācaret / tadakṣayyaphalaṃ sarvaṃ jāyate pāṇḍunandana

Sanskrit only: no published translation is held for this verse.