Revakhanda of the Vayupurana 80

ततो गच्छेत्तु राजेन्द्र नन्दिकेश्वरमुत्तमम् । यत्र सिद्धो महानन्दी तत्ते सर्वं वदाम्यहम्

tato gacchettu rājendra nandikeśvaramuttamam / yatra siddho mahānandī tatte sarvaṃ vadāmyaham

Sanskrit only: no published translation is held for this verse.

रेवायां पुरतः कृत्वा पुरा नन्दी गणेश्वरः । तपस्तपञ्जयं कुर्वंस्तीर्थात्तीर्थं जगाम ह

revāyāṃ purataḥ kṛtvā purā nandī gaṇeśvaraḥ / tapastapañjayaṃ kurvaṃstīrthāttīrthaṃ jagāma ha

Sanskrit only: no published translation is held for this verse.

दधिस्कन्दं मधुस्कन्दं यावत्त्यक्त्वा तु गच्छति । तावत्तुष्टो महादेवो नन्दिनाथमुवाच ह

dadhiskandaṃ madhuskandaṃ yāvattyaktvā tu gacchati / tāvattuṣṭo mahādevo nandināthamuvāca ha

Sanskrit only: no published translation is held for this verse.

भोभोः प्रसन्नो नन्दीश वरं वृणु यथेप्सितम् । तपसा तेन तुष्टो ऽहं तीर्थयात्राकृतेन ते

bhobhoḥ prasanno nandīśa varaṃ vṛṇu yathepsitam / tapasā tena tuṣṭo 'haṃ tīrthayātrākṛtena te

Sanskrit only: no published translation is held for this verse.

न चाहं कामये वित्तं न चाहं कुलसन्ततिम् । मुक्त्वा न कामये कामं तव पादाम्बुजात्परम्

na cāhaṃ kāmaye vittaṃ na cāhaṃ kulasantatim / muktvā na kāmaye kāmaṃ tava pādāmbujātparam

Sanskrit only: no published translation is held for this verse.

कृमिकीटपतङ्गेषु तिर्यग्योनिं गतस्य वा । जन्म जन्मान्तरे ऽप्यस्तु भक्तिस्त्वयि ममाचला

kṛmikīṭapataṅgeṣu tiryagyoniṃ gatasya vā / janma janmāntare 'pyastu bhaktistvayi mamācalā

Sanskrit only: no published translation is held for this verse.

तथेत्युक्त्वा महादेवः परया कृपया नृप । गृहीत्वा तं करे सिद्धं जगाम निलयं हरः

tathetyuktvā mahādevaḥ parayā kṛpayā nṛpa / gṛhītvā taṃ kare siddhaṃ jagāma nilayaṃ haraḥ

Sanskrit only: no published translation is held for this verse.

तस्मिंस्तीर्थे तु यः स्नात्वा भक्त्या त्र्यक्षं प्रपूजयेत् । अग्निष्टोमस्य यज्ञस्य फलं प्राप्नोति मानवः

tasmiṃstīrthe tu yaḥ snātvā bhaktyā tryakṣaṃ prapūjayet / agniṣṭomasya yajñasya phalaṃ prāpnoti mānavaḥ

Sanskrit only: no published translation is held for this verse.

तत्र तीर्थे तु यः स्नात्वा प्राणत्यागं करोति चेत् । शिवस्यानुचरो भूत्वा मोदते कल्पमक्षयम्

tatra tīrthe tu yaḥ snātvā prāṇatyāgaṃ karoti cet / śivasyānucaro bhūtvā modate kalpamakṣayam

Sanskrit only: no published translation is held for this verse.

ततः कालेन महता जायते विमले कुले । वेदवेदाङ्गतत्त्वज्ञो जीवेच्च शरदां शतम्

tataḥ kālena mahatā jāyate vimale kule / vedavedāṅgatattvajño jīvecca śaradāṃ śatam

Sanskrit only: no published translation is held for this verse.

एतत्ते कथितं तात तीर्थमाहात्म्यमुत्तमम् । दुर्लभं मर्त्यसंज्ञस्य सर्वपापक्षयंकरम्

etatte kathitaṃ tāta tīrthamāhātmyamuttamam / durlabhaṃ martyasaṃjñasya sarvapāpakṣayaṃkaram

Sanskrit only: no published translation is held for this verse.