Revakhanda of the Vayupurana 81

ततो गच्छेन्महाराज वरुणेश्वरमुत्तमम् । यत्र सिद्धो महादेवो वरुणो नृपसत्तम

tato gacchenmahārāja varuṇeśvaramuttamam / yatra siddho mahādevo varuṇo nṛpasattama

Sanskrit only: no published translation is held for this verse.

पिण्याकशाकपर्णैश्च कृच्छ्रचान्द्रायणादिभिः । आराध्य गिरिजानाथं ततः सिद्धिं परां गतः

piṇyākaśākaparṇaiśca kṛcchracāndrāyaṇādibhiḥ / ārādhya girijānāthaṃ tataḥ siddhiṃ parāṃ gataḥ

Sanskrit only: no published translation is held for this verse.

तत्र तीर्थे तु यः स्नात्वा संतर्प्य पितृदेवताः । पूजयेच्छङ्करं भक्त्या स याति परमां गतिम्

tatra tīrthe tu yaḥ snātvā saṃtarpya pitṛdevatāḥ / pūjayecchaṅkaraṃ bhaktyā sa yāti paramāṃ gatim

Sanskrit only: no published translation is held for this verse.

कुण्डिकां वर्धनीं वापि महद्वा जलभाजनम् । अन्नेन सहितं पार्थ तस्य पुण्यफलं शृणु

kuṇḍikāṃ vardhanīṃ vāpi mahadvā jalabhājanam / annena sahitaṃ pārtha tasya puṇyaphalaṃ śṛṇu

Sanskrit only: no published translation is held for this verse.

यत्फलं लभते मर्त्यः सत्रे द्वादशवार्षिके । तत्फलं समवाप्नोति नात्र कार्या विचारणा

yatphalaṃ labhate martyaḥ satre dvādaśavārṣike / tatphalaṃ samavāpnoti nātra kāryā vicāraṇā

Sanskrit only: no published translation is held for this verse.

सर्वेषामेव दानानामन्नदानं परं स्मृतम् । सद्यः प्रीतिकरं तोयमन्नं च नृपसत्तम

sarveṣāmeva dānānāmannadānaṃ paraṃ smṛtam / sadyaḥ prītikaraṃ toyamannaṃ ca nṛpasattama

Sanskrit only: no published translation is held for this verse.

तत्रतीर्थे मृतानां तु नराणां भावितात्मनाम् । वरुणस्य पुरे वासो यावद् आभूतसंप्लवम्

tatratīrthe mṛtānāṃ tu narāṇāṃ bhāvitātmanām / varuṇasya pure vāso yāvad ābhūtasaṃplavam

Sanskrit only: no published translation is held for this verse.

पश्चात्पूर्णे ततः काले मर्त्यलोके प्रजायते । अन्नदानप्रदो नित्यं जीवेद् वर्षशतं नरः

paścātpūrṇe tataḥ kāle martyaloke prajāyate / annadānaprado nityaṃ jīved varṣaśataṃ naraḥ

Sanskrit only: no published translation is held for this verse.