Revakhanda of the Vayupurana 86

ततो गच्छेन्महाराज पिङ्गलावर्तम् उत्तमम् । सङ्गमस्य समीपस्थं रेवाया उत्तरे तटे । हव्यवाहेन राजेन्द्र स्थापितः पिङ्गलेश्वरः

tato gacchenmahārāja piṅgalāvartam uttamam / saṅgamasya samīpasthaṃ revāyā uttare taṭe / havyavāhena rājendra sthāpitaḥ piṅgaleśvaraḥ

Sanskrit only: no published translation is held for this verse.

हव्यवाहेन भगवन्नीश्वरः स्थापितः कथम् । एतदाख्याहि मे सर्वं प्रसादाद् वक्तुम् अर्हसि

havyavāhena bhagavannīśvaraḥ sthāpitaḥ katham / etadākhyāhi me sarvaṃ prasādād vaktum arhasi

Sanskrit only: no published translation is held for this verse.

शम्भुना रेतसा राजंस्तर्पितो हव्यवाहनः । प्राप्तसौख्येन रौद्रेण गौर्याक्रीडनचेतसा

śambhunā retasā rājaṃstarpito havyavāhanaḥ / prāptasaukhyena raudreṇa gauryākrīḍanacetasā

Sanskrit only: no published translation is held for this verse.

हव्यवाहमुखे क्षिप्तं रुद्रेणामिततेजसा । रुद्रस्य रेतसा दग्धस् तीर्थयात्राकृतादरः

havyavāhamukhe kṣiptaṃ rudreṇāmitatejasā / rudrasya retasā dagdhas tīrthayātrākṛtādaraḥ

Sanskrit only: no published translation is held for this verse.

सागरांश्च नदीर्गत्वा क्रमाद्रेवां समागतः । चचार परया भक्त्या ध्यानमुग्रं हुताशनः

sāgarāṃśca nadīrgatvā kramādrevāṃ samāgataḥ / cacāra parayā bhaktyā dhyānamugraṃ hutāśanaḥ

Sanskrit only: no published translation is held for this verse.

वायुभक्षः शतं साग्रं यावत्तेपे हुताशनः । तावत्तुष्टो महादेवो वरदो जातवेदसः । संनिधौ समुपेत्याथ वचनं चेदम् अब्रवीत्

vāyubhakṣaḥ śataṃ sāgraṃ yāvattepe hutāśanaḥ / tāvattuṣṭo mahādevo varado jātavedasaḥ / saṃnidhau samupetyātha vacanaṃ cedam abravīt

Sanskrit only: no published translation is held for this verse.

वरं वृणीष्व हव्याश यस्ते मनसि वर्तते

varaṃ vṛṇīṣva havyāśa yaste manasi vartate

Sanskrit only: no published translation is held for this verse.

नमस्ते सर्वलोकेश उग्रमूर्ते नमो ऽस्तु ते । रेतसा तव संदग्धः कुष्ठी जातो महेश्वर । कृपां कुरु महादेव मम रोगं विनाशय

namaste sarvalokeśa ugramūrte namo 'stu te / retasā tava saṃdagdhaḥ kuṣṭhī jāto maheśvara / kṛpāṃ kuru mahādeva mama rogaṃ vināśaya

Sanskrit only: no published translation is held for this verse.

हव्यवाह भवारोगो मत्प्रसादाच्च सत्वरम् । अत्र तीर्थे कृतस्नानः स्वरूपं प्रतिपत्स्यसे

havyavāha bhavārogo matprasādācca satvaram / atra tīrthe kṛtasnānaḥ svarūpaṃ pratipatsyase

Sanskrit only: no published translation is held for this verse.

इत्युक्त्वा च महादेवस्तत्रैवान्तरधीयत । अनन्तरं हव्यवाहः सस्नौ रेवाजले त्वरन्

ityuktvā ca mahādevastatraivāntaradhīyata / anantaraṃ havyavāhaḥ sasnau revājale tvaran

Sanskrit only: no published translation is held for this verse.

तदैव रोगनिर्मुक्तो ऽभवद्दिव्यस्वरूपवान् । स्थापयामास देवेशं स वह्निः पिङ्गलेश्वरम्

tadaiva roganirmukto 'bhavaddivyasvarūpavān / sthāpayāmāsa deveśaṃ sa vahniḥ piṅgaleśvaram

Sanskrit only: no published translation is held for this verse.

नाम्ना संपूजयामास तुष्टाव स्तुतिभिर्मुदा । ततो जगाम देशं स्वं देवानां हव्यवाहनः

nāmnā saṃpūjayāmāsa tuṣṭāva stutibhirmudā / tato jagāma deśaṃ svaṃ devānāṃ havyavāhanaḥ

Sanskrit only: no published translation is held for this verse.

हव्यवाहेन भूपैवं स्थापितः पिङ्गलेश्वरः । जितक्रोधो हि यस्तत्र उपवासं समाचरेत्

havyavāhena bhūpaivaṃ sthāpitaḥ piṅgaleśvaraḥ / jitakrodho hi yastatra upavāsaṃ samācaret

Sanskrit only: no published translation is held for this verse.

अतिरान्त्रफलं तस्य अन्ते रुद्रत्वमाप्नुयात् । गुणान्विताय विप्राय कपिलां तत्र भारत

atirāntraphalaṃ tasya ante rudratvamāpnuyāt / guṇānvitāya viprāya kapilāṃ tatra bhārata

Sanskrit only: no published translation is held for this verse.

अलंकृत्य सवत्सां च शक्त्यालङ्कारभूषिताम् । यः प्रयच्छति राजेन्द्र स गच्छेत्परमां गतिम्

alaṃkṛtya savatsāṃ ca śaktyālaṅkārabhūṣitām / yaḥ prayacchati rājendra sa gacchetparamāṃ gatim

Sanskrit only: no published translation is held for this verse.