Revakhanda of the Vayupurana 88

तस्यैवानन्तरं पार्थ कापिलं तीर्थम् आश्रयेत् । स्थापितं कपिलेनैव सर्वपातकनाशनम्

tasyaivānantaraṃ pārtha kāpilaṃ tīrtham āśrayet / sthāpitaṃ kapilenaiva sarvapātakanāśanam

Sanskrit only: no published translation is held for this verse.

अष्टम्यां च सिते पक्षे चतुर्दश्यां नरेश्वर । स्नापयेत्परया भक्त्या कपिलाक्षीरसर्पिषा

aṣṭamyāṃ ca site pakṣe caturdaśyāṃ nareśvara / snāpayetparayā bhaktyā kapilākṣīrasarpiṣā

Sanskrit only: no published translation is held for this verse.

श्रीखण्डेन सुगन्धेन गुण्ठयेत महेश्वरम् । ततः सुगन्धपुष्पैश्च श्वेतैश्च नृपसत्तम

śrīkhaṇḍena sugandhena guṇṭhayeta maheśvaram / tataḥ sugandhapuṣpaiśca śvetaiśca nṛpasattama

Sanskrit only: no published translation is held for this verse.

ये ऽर्चयन्ति जितक्रोधा न ते यान्ति यमालयम् । असिपत्त्रवनं घोरं यमचुल्ही सुदारुणा

ye 'rcayanti jitakrodhā na te yānti yamālayam / asipattravanaṃ ghoraṃ yamaculhī sudāruṇā

Sanskrit only: no published translation is held for this verse.

दृश्यते नैव विद्वद्भिः कपिलेश्वरपूजनात् । स्नात्वा रेवाजले पुण्ये भोजयेद् ब्राह्मणाञ्छुभान्

dṛśyate naiva vidvadbhiḥ kapileśvarapūjanāt / snātvā revājale puṇye bhojayed brāhmaṇāñchubhān

Sanskrit only: no published translation is held for this verse.

गोप्रदानेन वस्त्रेण तिलदानेन भारत । छत्रशय्याप्रदानेन राजा भवति धार्मिकः

gopradānena vastreṇa tiladānena bhārata / chatraśayyāpradānena rājā bhavati dhārmikaḥ

Sanskrit only: no published translation is held for this verse.

तीव्रतेजा विघोरश् च जीवत्पुत्रः प्रियंवदः । शत्रुवर्गो न तस्य स्यात् कदाचित् पाण्डुनन्दन

tīvratejā vighoraś ca jīvatputraḥ priyaṃvadaḥ / śatruvargo na tasya syāt kadācit pāṇḍunandana

Sanskrit only: no published translation is held for this verse.