ततो गच्छेन्महीपाल तीर्थपरमपावनम् । चण्डादित्यं नृपश्रेष्ठ स्थापितं चण्डमुण्डयोः
tato gacchenmahīpāla tīrthaparamapāvanam / caṇḍādityaṃ nṛpaśreṣṭha sthāpitaṃ caṇḍamuṇḍayoḥ
Sanskrit only: no published translation is held for this verse.
Library·Revakhanda of the Vayupurana·91
Revakhanda of the Vayupurana 91
आस्तां पुरा महादैत्यौ चण्डमुण्डौ सुदारुणौ । नर्मदातीरमाश्रित्य चेरतुर् विपुलं तपः
āstāṃ purā mahādaityau caṇḍamuṇḍau sudāruṇau / narmadātīramāśritya ceratur vipulaṃ tapaḥ
Sanskrit only: no published translation is held for this verse.
ध्यायन्तौ भास्करं देवं तमोनाशं जगत्त्रये । तुष्टस्तत्तपसा देवः सहस्रांशुरुवाच ह
dhyāyantau bhāskaraṃ devaṃ tamonāśaṃ jagattraye / tuṣṭastattapasā devaḥ sahasrāṃśuruvāca ha
Sanskrit only: no published translation is held for this verse.
साधु साध्विति तौ पार्थ नर्मदायाः शुभे तटे । वरं प्रार्थयतं वीरौ यथेष्टं चेतसेच्छितम्
sādhu sādhviti tau pārtha narmadāyāḥ śubhe taṭe / varaṃ prārthayataṃ vīrau yatheṣṭaṃ cetasecchitam
Sanskrit only: no published translation is held for this verse.
चण्डमुण्डावूचतुः । अजेयौ सर्वदेवानां भूयास्वावां समाहितौ । सर्वरोगैः परित्यक्तौ सर्वकालं दिवाकर
caṇḍamuṇḍāvūcatuḥ / ajeyau sarvadevānāṃ bhūyāsvāvāṃ samāhitau / sarvarogaiḥ parityaktau sarvakālaṃ divākara
Sanskrit only: no published translation is held for this verse.
एवमस्त्विति तौ प्राह भास्करो वारितस्करः । इत्युक्त्वान्तर्दधे भानुर्दैत्याभ्यां तत्र भास्करः
evamastviti tau prāha bhāskaro vāritaskaraḥ / ityuktvāntardadhe bhānurdaityābhyāṃ tatra bhāskaraḥ
Sanskrit only: no published translation is held for this verse.
स्थापितः परया भक्त्या तं गच्छेदात्मसिद्धये । गीर्वाणांश्च मनुष्यांश्च पित्ःंस् तत्रापि तर्पयेत्
sthāpitaḥ parayā bhaktyā taṃ gacchedātmasiddhaye / gīrvāṇāṃśca manuṣyāṃśca pitḥṃs tatrāpi tarpayet
Sanskrit only: no published translation is held for this verse.
स वसेद् भास्करे लोके विरिञ्चिदिवसं नृप । घृतेन बोधयेद्दीपं षष्ठ्यां स च नरेश्वर । मुच्यते सर्वपापैस्तु प्रतियाति पुरं रवेः
sa vased bhāskare loke viriñcidivasaṃ nṛpa / ghṛtena bodhayeddīpaṃ ṣaṣṭhyāṃ sa ca nareśvara / mucyate sarvapāpaistu pratiyāti puraṃ raveḥ
Sanskrit only: no published translation is held for this verse.
उत्पत्तिं चण्डभानोर्यः शृणोति भरतर्षभ । विजयी स सदा नूनमाधिव्याधिविवर्जितः
utpattiṃ caṇḍabhānoryaḥ śṛṇoti bharatarṣabha / vijayī sa sadā nūnamādhivyādhivivarjitaḥ
Sanskrit only: no published translation is held for this verse.