Revakhanda of the Vayupurana 92

ततो गच्छेत्तु राजेन्द्र यमहास्यमनुत्तमम् । सर्वपापहरं तीर्थं नर्मदातटमाश्रितम्

tato gacchettu rājendra yamahāsyamanuttamam / sarvapāpaharaṃ tīrthaṃ narmadātaṭamāśritam

Sanskrit only: no published translation is held for this verse.

यमहास्यं कथं जातं पृथिव्यां द्विजपुंगव । एतत्सर्वं ममाख्याहि परं कौतूहलं हि मे

yamahāsyaṃ kathaṃ jātaṃ pṛthivyāṃ dvijapuṃgava / etatsarvaṃ mamākhyāhi paraṃ kautūhalaṃ hi me

Sanskrit only: no published translation is held for this verse.

साधु साधु महाप्राज्ञ पृष्टो ऽहं नृपनन्दन । स्नानार्थं नर्मदां पुण्यामागतस्ते पिता पुरा

sādhu sādhu mahāprājña pṛṣṭo 'haṃ nṛpanandana / snānārthaṃ narmadāṃ puṇyāmāgataste pitā purā

Sanskrit only: no published translation is held for this verse.

रजकेन यथा धौतं वस्त्रं भवति निर्मलम् । तथासौ निर्मलो जातो धर्मराजो युधिष्ठिर

rajakena yathā dhautaṃ vastraṃ bhavati nirmalam / tathāsau nirmalo jāto dharmarājo yudhiṣṭhira

Sanskrit only: no published translation is held for this verse.

स पश्यन्निर्मलं देहं हसन्प्रोवाच विस्मितः

sa paśyannirmalaṃ dehaṃ hasanprovāca vismitaḥ

Sanskrit only: no published translation is held for this verse.

मत्पुरं कथम् आयान्ति मनुजाः पापबृंहिताः । स्नानेनैकेन रेवायाः प्राप्यते वैष्णवं पदम्

matpuraṃ katham āyānti manujāḥ pāpabṛṃhitāḥ / snānenaikena revāyāḥ prāpyate vaiṣṇavaṃ padam

Sanskrit only: no published translation is held for this verse.

समर्था ये न पश्यन्ति रेवां पुण्यजलां शुभाम् । जात्यन्धैस्ते समा ज्ञेया मृतैः पङ्गुभिरेव वा

samarthā ye na paśyanti revāṃ puṇyajalāṃ śubhām / jātyandhaiste samā jñeyā mṛtaiḥ paṅgubhireva vā

Sanskrit only: no published translation is held for this verse.

समर्था ये न पश्यन्ति रेवां पुण्यजलां नदीम् । एतस्मात् कारणाद् राजन्हसितो लोकशासनः

samarthā ye na paśyanti revāṃ puṇyajalāṃ nadīm / etasmāt kāraṇād rājanhasito lokaśāsanaḥ

Sanskrit only: no published translation is held for this verse.

स्थापयित्वा यमस्तत्र देवं स्वर्गं जगाम ह । यमहासेश्वरे राजञ्जितक्रोधो जितेन्द्रियः

sthāpayitvā yamastatra devaṃ svargaṃ jagāma ha / yamahāseśvare rājañjitakrodho jitendriyaḥ

Sanskrit only: no published translation is held for this verse.

विशेषाच्चाश्विने मासि कृष्णपक्षे चतुर्दशीम् । उपोष्य परया भक्त्या सर्वपापैः प्रमुच्यते

viśeṣāccāśvine māsi kṛṣṇapakṣe caturdaśīm / upoṣya parayā bhaktyā sarvapāpaiḥ pramucyate

Sanskrit only: no published translation is held for this verse.

रात्रौ जागरणं कुर्याद्दीपं देवस्य बोधयेत् । घृतेन चैव राजेन्द्र शृणु तत्रास्ति यत्फलम्

rātrau jāgaraṇaṃ kuryāddīpaṃ devasya bodhayet / ghṛtena caiva rājendra śṛṇu tatrāsti yatphalam

Sanskrit only: no published translation is held for this verse.

मुच्यते पातकैः सर्वैर् अगम्यागमनोद्भवैः । अभक्ष्यभक्षणोद्भूतैर् अपेयापेयजैर् अपि

mucyate pātakaiḥ sarvair agamyāgamanodbhavaiḥ / abhakṣyabhakṣaṇodbhūtair apeyāpeyajair api

Sanskrit only: no published translation is held for this verse.

अवाह्यवाहिते यत्स्याद् अदोह्यादोहने यथा । स्नानमात्रेण तस्यैवं यान्ति पापान्यनेकधा

avāhyavāhite yatsyād adohyādohane yathā / snānamātreṇa tasyaivaṃ yānti pāpānyanekadhā

Sanskrit only: no published translation is held for this verse.

यमलोकं न वीक्षेत मनुजः स कदाचन । पित्ःणां परमं गुह्यमिदं भूमौ नरेश्वर

yamalokaṃ na vīkṣeta manujaḥ sa kadācana / pitḥṇāṃ paramaṃ guhyamidaṃ bhūmau nareśvara

Sanskrit only: no published translation is held for this verse.

ददताम् अक्षयं सर्वं यमहास्ये न संशयः । अमावास्यां जितक्रोधो यस्तु पूजयते द्विजान्

dadatām akṣayaṃ sarvaṃ yamahāsye na saṃśayaḥ / amāvāsyāṃ jitakrodho yastu pūjayate dvijān

Sanskrit only: no published translation is held for this verse.

हिरण्यभूमिदानेन तिलदानेन भूयसा । कृष्णाजिनप्रदानेन तिलधेनुप्रदानतः

hiraṇyabhūmidānena tiladānena bhūyasā / kṛṣṇājinapradānena tiladhenupradānataḥ

Sanskrit only: no published translation is held for this verse.

विधानोक्तद्विजाग्र्याय ये प्रदास्यन्ति भक्तितः । हयं वा कुंजरं वाथ धूर्वहौ सीरसंयुतौ

vidhānoktadvijāgryāya ye pradāsyanti bhaktitaḥ / hayaṃ vā kuṃjaraṃ vātha dhūrvahau sīrasaṃyutau

Sanskrit only: no published translation is held for this verse.

कन्यां वसुमतीं गां च महिषीं वा पयस्विनीम् । ददते ये नृपश्रेष्ठ नोपसर्पन्ति ते यमम्

kanyāṃ vasumatīṃ gāṃ ca mahiṣīṃ vā payasvinīm / dadate ye nṛpaśreṣṭha nopasarpanti te yamam

Sanskrit only: no published translation is held for this verse.

यमो ऽपि भवति प्रीतः प्रतिजन्म युधिष्ठिर । यमस्य वाहो महिषो महिष्यस्तस्य मातरः

yamo 'pi bhavati prītaḥ pratijanma yudhiṣṭhira / yamasya vāho mahiṣo mahiṣyastasya mātaraḥ

Sanskrit only: no published translation is held for this verse.

तासां दानप्रभावेण यमः प्रीतो भवेद् ध्रुवम् । नासौ यममवाप्नोति यदि पापैः समावृतः

tāsāṃ dānaprabhāveṇa yamaḥ prīto bhaved dhruvam / nāsau yamamavāpnoti yadi pāpaiḥ samāvṛtaḥ

Sanskrit only: no published translation is held for this verse.

एतस्मात् कारणाद् अत्र महिषीदानमुत्तमम् । तस्याः शृङ्गे जलं कार्यं धूम्रवस्त्रानुवेष्टिता

etasmāt kāraṇād atra mahiṣīdānamuttamam / tasyāḥ śṛṅge jalaṃ kāryaṃ dhūmravastrānuveṣṭitā

Sanskrit only: no published translation is held for this verse.

आयसस्य खुराः कार्यास् ताम्रपृष्ठाः सुभूषिताः । लवणाचलं पूर्वस्यामाग्नेय्यां गुडपर्वतम्

āyasasya khurāḥ kāryās tāmrapṛṣṭhāḥ subhūṣitāḥ / lavaṇācalaṃ pūrvasyāmāgneyyāṃ guḍaparvatam

Sanskrit only: no published translation is held for this verse.

कार्पासं याम्यभागं तु नवनीतं तु नैरृते । पश्चिमे सप्तधान्यानि वायव्ये तंदुलाः स्मृताः

kārpāsaṃ yāmyabhāgaṃ tu navanītaṃ tu nairṛte / paścime saptadhānyāni vāyavye taṃdulāḥ smṛtāḥ

Sanskrit only: no published translation is held for this verse.

सौम्ये तु काञ्चनं दद्याद् ईशाने घृतमेव च । प्रदद्याद्यमराजो मे प्रीयतामित्युदीरयन्

saumye tu kāñcanaṃ dadyād īśāne ghṛtameva ca / pradadyādyamarājo me prīyatāmityudīrayan

Sanskrit only: no published translation is held for this verse.

इत्युच्चार्य द्विजस्याग्रे यमलोकं महाभयम् । असिपत्त्रवनं घोरं यमचुल्ली सुदारुणा

ityuccārya dvijasyāgre yamalokaṃ mahābhayam / asipattravanaṃ ghoraṃ yamacullī sudāruṇā

Sanskrit only: no published translation is held for this verse.

रौद्रा वैतरणी चैव कुम्भीपाको भयावहः । कालसूत्रो महाभीमस् तथा यमलपर्वतौ

raudrā vaitaraṇī caiva kumbhīpāko bhayāvahaḥ / kālasūtro mahābhīmas tathā yamalaparvatau

Sanskrit only: no published translation is held for this verse.

क्रकचं तैलयन्त्रं च श्वानो गृध्राः सुदारुणाः । निरुच्छ्वासा महानादा भैरवो रौरवस्तथा

krakacaṃ tailayantraṃ ca śvāno gṛdhrāḥ sudāruṇāḥ / nirucchvāsā mahānādā bhairavo rauravastathā

Sanskrit only: no published translation is held for this verse.

एते घोरा याम्यलोके श्रूयन्ते द्विजसत्तम । त्वत्प्रसादेन ते सोम्यास्तीर्थस्यास्य प्रभावतः

ete ghorā yāmyaloke śrūyante dvijasattama / tvatprasādena te somyāstīrthasyāsya prabhāvataḥ

Sanskrit only: no published translation is held for this verse.

दानस्यास्य प्रभावेण यमराजप्रसादतः । नरके ऽहं न यास्यामि द्विज जन्मनि जन्मनि

dānasyāsya prabhāveṇa yamarājaprasādataḥ / narake 'haṃ na yāsyāmi dvija janmani janmani

Sanskrit only: no published translation is held for this verse.

यमहास्यस्य चाख्यानम् इदं शृण्वन्ति ये नराः । ते ऽपि पापविनिर्मुक्ता न पश्यन्ति यमालयम्

yamahāsyasya cākhyānam idaṃ śṛṇvanti ye narāḥ / te 'pi pāpavinirmuktā na paśyanti yamālayam

Sanskrit only: no published translation is held for this verse.