Revakhanda of the Vayupurana 93

ततो गच्छेत्तु राजेन्द्र कल्होडीतीर्थमुत्तमम् । विख्यातं भारते लोके गङ्गायाः पापनाशनम्

tato gacchettu rājendra kalhoḍītīrthamuttamam / vikhyātaṃ bhārate loke gaṅgāyāḥ pāpanāśanam

Sanskrit only: no published translation is held for this verse.

दुर्लभं मनुजैः पार्थ रेवातटसमाश्रितम् । प्राणिनां पापनाशाय ऊषरं पुष्करं तथा

durlabhaṃ manujaiḥ pārtha revātaṭasamāśritam / prāṇināṃ pāpanāśāya ūṣaraṃ puṣkaraṃ tathā

Sanskrit only: no published translation is held for this verse.

तत्तु तीर्थमिदं पुण्यमित्येवं शूलिनो वचः । जाह्नवी पशुरूपेण तत्र स्नानार्थमागता

tattu tīrthamidaṃ puṇyamityevaṃ śūlino vacaḥ / jāhnavī paśurūpeṇa tatra snānārthamāgatā

Sanskrit only: no published translation is held for this verse.

अतस्तद्विश्रुतं लोके कल्होडीतीर्थमुत्तमम् । त्रिरात्रं कारयेत्तत्र पूर्णिमायां युधिष्ठिर

atastadviśrutaṃ loke kalhoḍītīrthamuttamam / trirātraṃ kārayettatra pūrṇimāyāṃ yudhiṣṭhira

Sanskrit only: no published translation is held for this verse.

रजस्तमस्तथा क्रोधं दम्भं मात्सर्यमेव च । एतांस्त्यजति यः पार्थ तेनाप्तं मोक्षजं फलम्

rajastamastathā krodhaṃ dambhaṃ mātsaryameva ca / etāṃstyajati yaḥ pārtha tenāptaṃ mokṣajaṃ phalam

Sanskrit only: no published translation is held for this verse.

पयसा स्नापयेद् देवं त्रिसन्ध्यं च त्र्यहं तथा । पयो गोसम्भवं सद्यः सवत्सा जीवपुत्रिणी

payasā snāpayed devaṃ trisandhyaṃ ca tryahaṃ tathā / payo gosambhavaṃ sadyaḥ savatsā jīvaputriṇī

Sanskrit only: no published translation is held for this verse.

कृत्वा तत्ताम्रजे पात्रे क्षौद्रेण चैव योजिते । ॐ नमः श्रीशिवायेति स्नानं देवस्य कारयेत्

kṛtvā tattāmraje pātre kṣaudreṇa caiva yojite / oṃ namaḥ śrīśivāyeti snānaṃ devasya kārayet

Sanskrit only: no published translation is held for this verse.

स याति त्रिदशस्थानं नाकस्त्रीभिः समावृतः । यस्तत्र विधिवत्स्नात्वा दानं प्रेतेषु यच्छति

sa yāti tridaśasthānaṃ nākastrībhiḥ samāvṛtaḥ / yastatra vidhivatsnātvā dānaṃ preteṣu yacchati

Sanskrit only: no published translation is held for this verse.

शुक्लां गां दापयेत् तत्र प्रीयतां मे पितामहाः । ब्राह्मणे शौचसम्पन्ने स्वदारनिरते सदा

śuklāṃ gāṃ dāpayet tatra prīyatāṃ me pitāmahāḥ / brāhmaṇe śaucasampanne svadāranirate sadā

Sanskrit only: no published translation is held for this verse.

सवत्सां वस्त्रसंयुक्तां हिरण्योपरि संस्थिताम् । सत्त्वयुक्तो ददद् राजञ्छाम्भवं लोकमाप्नुयात्

savatsāṃ vastrasaṃyuktāṃ hiraṇyopari saṃsthitām / sattvayukto dadad rājañchāmbhavaṃ lokamāpnuyāt

Sanskrit only: no published translation is held for this verse.