Revakhanda of the Vayupurana 95

ततो गच्छेत्तु राजेन्द्र बदर्याश्रममुत्तमम् । सर्वतीर्थवरं पुण्यं कथितं शंभुना पुरा

tato gacchettu rājendra badaryāśramamuttamam / sarvatīrthavaraṃ puṇyaṃ kathitaṃ śaṃbhunā purā

Sanskrit only: no published translation is held for this verse.

यश्चैष भारतस्यार्थे तत्र सिद्धः किरीटभृत् । भ्राता ते फाल्गुनो नाम विद्ध्येनं नरदैवतम्

yaścaiṣa bhāratasyārthe tatra siddhaḥ kirīṭabhṛt / bhrātā te phālguno nāma viddhyenaṃ naradaivatam

Sanskrit only: no published translation is held for this verse.

नरनारायणौ द्वौ तावागतौ नर्मदातटे । ज्ञानं तस्यैव यो राजन्भक्तिमान्वै जनार्दने

naranārāyaṇau dvau tāvāgatau narmadātaṭe / jñānaṃ tasyaiva yo rājanbhaktimānvai janārdane

Sanskrit only: no published translation is held for this verse.

समं पश्यति सर्वेषु स्थावरेषु चरेषु च । ब्राह्मणं श्वपचं चैव तत्र प्रीतो जनार्दनः

samaṃ paśyati sarveṣu sthāvareṣu careṣu ca / brāhmaṇaṃ śvapacaṃ caiva tatra prīto janārdanaḥ

Sanskrit only: no published translation is held for this verse.

ऐकात्म्यं पश्य कौन्तेय मयि चात्मनि नान्तरम् । नरनारायणाभ्यां हि कृतं बदरिकाश्रमम्

aikātmyaṃ paśya kaunteya mayi cātmani nāntaram / naranārāyaṇābhyāṃ hi kṛtaṃ badarikāśramam

Sanskrit only: no published translation is held for this verse.

स्थापितः शङ्करस्तत्र लोकानुग्रहकारणात् । त्रिमूर्तिस्थापितं लिङ्गं स्वर्गमार्गानुमुक्तिदम्

sthāpitaḥ śaṅkarastatra lokānugrahakāraṇāt / trimūrtisthāpitaṃ liṅgaṃ svargamārgānumuktidam

Sanskrit only: no published translation is held for this verse.

तत्र गत्वा शुचिर्भूत्वा ह्येकरात्रोपवासकृत् । रजस्तमस् तथा त्यक्त्वा सात्त्विकं भावमाश्रयेत्

tatra gatvā śucirbhūtvā hyekarātropavāsakṛt / rajastamas tathā tyaktvā sāttvikaṃ bhāvamāśrayet

Sanskrit only: no published translation is held for this verse.

रात्रौ जागरणं कृत्वा मधुमासाष्टमीदिने । अथवा च चतुर्दश्याम् उभौ पक्षौ च कारयेत्

rātrau jāgaraṇaṃ kṛtvā madhumāsāṣṭamīdine / athavā ca caturdaśyām ubhau pakṣau ca kārayet

Sanskrit only: no published translation is held for this verse.

आश्विनस्य विशेषेण कथितं तव पाण्डव । स्नापयेत् परया भक्त्या क्षीरेण मधुना सह

āśvinasya viśeṣeṇa kathitaṃ tava pāṇḍava / snāpayet parayā bhaktyā kṣīreṇa madhunā saha

Sanskrit only: no published translation is held for this verse.

दध्ना शर्करया युक्तं घृतेन समलंकृतम् । पञ्चामृतम् इदं पुण्यं स्नापयेद् वृषभध्वजम्

dadhnā śarkarayā yuktaṃ ghṛtena samalaṃkṛtam / pañcāmṛtam idaṃ puṇyaṃ snāpayed vṛṣabhadhvajam

Sanskrit only: no published translation is held for this verse.

स्नाप्यमानं शिवं भक्त्या वीक्षते यो विमत्सरः । तस्य वासः शिवोपान्ते शक्रलोके न संशयः

snāpyamānaṃ śivaṃ bhaktyā vīkṣate yo vimatsaraḥ / tasya vāsaḥ śivopānte śakraloke na saṃśayaḥ

Sanskrit only: no published translation is held for this verse.

शाठ्येनापि नमस्कारः प्रयुक्तः शूलपाणिने । संसारमूलबद्धानामुद्वेष्टनकरो हि यः

śāṭhyenāpi namaskāraḥ prayuktaḥ śūlapāṇine / saṃsāramūlabaddhānāmudveṣṭanakaro hi yaḥ

Sanskrit only: no published translation is held for this verse.

तेनाधीतं श्रुतं तेन तेन सर्वमनुष्ठितम् । येनौं नमः शिवायेति मन्त्राभ्यासः स्थिरीकृतः

tenādhītaṃ śrutaṃ tena tena sarvamanuṣṭhitam / yenauṃ namaḥ śivāyeti mantrābhyāsaḥ sthirīkṛtaḥ

Sanskrit only: no published translation is held for this verse.

यः पुनः स्नापयेद् भक्त्या एकभक्तो जितेन्द्रियः । तस्यापि यत्फलं पार्थ वक्ष्ये तल्लेशतस्तव

yaḥ punaḥ snāpayed bhaktyā ekabhakto jitendriyaḥ / tasyāpi yatphalaṃ pārtha vakṣye talleśatastava

Sanskrit only: no published translation is held for this verse.

पीडितो वृद्धभावेन तव भक्त्या वदाम्यहम् । ते यान्ति परमं स्थानं भित्त्वा भास्करमण्डलम्

pīḍito vṛddhabhāvena tava bhaktyā vadāmyaham / te yānti paramaṃ sthānaṃ bhittvā bhāskaramaṇḍalam

Sanskrit only: no published translation is held for this verse.

संसारे सर्वसौख्यानां निलयास्ते भवन्ति च । आश्चर्यं ज्ञातिवर्गाणां धर्माणां निलयास्तु ते

saṃsāre sarvasaukhyānāṃ nilayāste bhavanti ca / āścaryaṃ jñātivargāṇāṃ dharmāṇāṃ nilayāstu te

Sanskrit only: no published translation is held for this verse.

सम्पन्नाः सर्वकामैस्ते पृथिव्यां पृथिवीपते । श्राद्धं तत्रैव यः कुर्यान्नर्मदोदकमिश्रितम्

sampannāḥ sarvakāmaiste pṛthivyāṃ pṛthivīpate / śrāddhaṃ tatraiva yaḥ kuryānnarmadodakamiśritam

Sanskrit only: no published translation is held for this verse.

योग्यैश्च ब्राह्मणैर् राजन्कुलीनैर्वेदपारगैः । सुरूपैश्च सुशीलैश्च स्वदारनिरतैः शुभैः

yogyaiśca brāhmaṇair rājankulīnairvedapāragaiḥ / surūpaiśca suśīlaiśca svadāranirataiḥ śubhaiḥ

Sanskrit only: no published translation is held for this verse.

आर्यदेशप्रसूतैश्च श्लक्ष्णैश्चैव सुरूपिभिः । कारयेत्पिण्डदानं वै भास्करे कुतपस्थिते

āryadeśaprasūtaiśca ślakṣṇaiścaiva surūpibhiḥ / kārayetpiṇḍadānaṃ vai bhāskare kutapasthite

Sanskrit only: no published translation is held for this verse.

पित्ःणां परमं लोकं यदीच्छेद्धर्मनन्दन । वर्जयेत्तान्प्रयत्नेन काणान्दुष्टांश्च दाम्भिकान्

pitḥṇāṃ paramaṃ lokaṃ yadīccheddharmanandana / varjayettānprayatnena kāṇānduṣṭāṃśca dāmbhikān

Sanskrit only: no published translation is held for this verse.

तस्मात्सर्वप्रयत्नेन योग्यं विप्रं समाश्रयेत् । नरकान्मोचयेत्प्रेतान्कुम्भीपाकपुरोगमान्

tasmātsarvaprayatnena yogyaṃ vipraṃ samāśrayet / narakānmocayetpretānkumbhīpākapurogamān

Sanskrit only: no published translation is held for this verse.

मोक्षो भवति सर्वेषां पित्ःणां नृपनन्दन । विप्रेभ्यः काञ्चनं दद्यात्प्रीयतां मे पितामहः

mokṣo bhavati sarveṣāṃ pitḥṇāṃ nṛpanandana / viprebhyaḥ kāñcanaṃ dadyātprīyatāṃ me pitāmahaḥ

Sanskrit only: no published translation is held for this verse.

अन्नं च दापयेत्तत्र भक्त्या वस्त्रं च भारत । गां वृषं मेदिनीं दद्याच्छत्रं शस्तं नृपोत्तम

annaṃ ca dāpayettatra bhaktyā vastraṃ ca bhārata / gāṃ vṛṣaṃ medinīṃ dadyācchatraṃ śastaṃ nṛpottama

Sanskrit only: no published translation is held for this verse.

स पुमान्स्वर्गमाप्नोति इत्येवं शङ्करो ऽब्रवीत् । प्राणत्यागं तु यः कुर्याच्छिखिना सलिलेन वा

sa pumānsvargamāpnoti ityevaṃ śaṅkaro 'bravīt / prāṇatyāgaṃ tu yaḥ kuryācchikhinā salilena vā

Sanskrit only: no published translation is held for this verse.

अनाशकेन वा भूयः स गच्छेच्छिवमन्दिरम् । नरनारायणीतीरे देवद्रोण्यां च यो नृप

anāśakena vā bhūyaḥ sa gacchecchivamandiram / naranārāyaṇītīre devadroṇyāṃ ca yo nṛpa

Sanskrit only: no published translation is held for this verse.

स वसेदीश्वरस्याग्रे यावद् इन्द्राश्चतुर्दश । पुनः स्वर्गाच्च्युतः सो ऽपि राजा भवति वीर्यवान्

sa vasedīśvarasyāgre yāvad indrāścaturdaśa / punaḥ svargāccyutaḥ so 'pi rājā bhavati vīryavān

Sanskrit only: no published translation is held for this verse.

सर्वैश्वर्यगुणैर्युक्तः प्रजापालनतत्परः । ततः स्मरति तत्तीर्थं पुनरेवागमिष्यति

sarvaiśvaryaguṇairyuktaḥ prajāpālanatatparaḥ / tataḥ smarati tattīrthaṃ punarevāgamiṣyati

Sanskrit only: no published translation is held for this verse.