Revakhanda of the Vayupurana 97

सुशीतलैस्तं बहुभिश्च वातैर् रेवाभ्यषिञ्चत्स्वजलेन भीता । सचेतनः सत्यवतीसुतो ऽपि प्रणम्य देवान्सरितं जगाद

suśītalaistaṃ bahubhiśca vātair revābhyaṣiñcatsvajalena bhītā / sacetanaḥ satyavatīsuto 'pi praṇamya devānsaritaṃ jagāda

Sanskrit only: no published translation is held for this verse.

तीर्थैः समस्तैः किल सेवनाय फलं प्रदिष्टं मम मन्दभाग्यात् । यद्देवि पुण्या विफला ममाशा आरण्यपुष्पाणि यथा जनानाम्

tīrthaiḥ samastaiḥ kila sevanāya phalaṃ pradiṣṭaṃ mama mandabhāgyāt / yaddevi puṇyā viphalā mamāśā āraṇyapuṣpāṇi yathā janānām

Sanskrit only: no published translation is held for this verse.

यतो यतो मां हि महानुभाव निनीषते चित्तमिलातले ऽत्र । विन्ध्येन सार्द्धं तव मार्गमद्य यास्याम्यहं दण्डधरस्य पृष्ठे

yato yato māṃ hi mahānubhāva ninīṣate cittamilātale 'tra / vindhyena sārddhaṃ tava mārgamadya yāsyāmyahaṃ daṇḍadharasya pṛṣṭhe

Sanskrit only: no published translation is held for this verse.

एवमुक्तो महातेजा व्यासः सत्यवतीसुतः । दक्षिणे चालयामास स्वाश्रमस्य सरिद्वराम्

evamukto mahātejā vyāsaḥ satyavatīsutaḥ / dakṣiṇe cālayāmāsa svāśramasya saridvarām

Sanskrit only: no published translation is held for this verse.

दण्डहस्तो महातेजा हुङ्कारमकरोन्मुनिः । व्यासहुङ्कारभीता सा चलिता रुद्रनन्दिनी

daṇḍahasto mahātejā huṅkāramakaronmuniḥ / vyāsahuṅkārabhītā sā calitā rudranandinī

Sanskrit only: no published translation is held for this verse.

दण्डेन दर्शयन्मार्गं देवी तत्र प्रवर्तिता । व्यासमार्गं गता देवी दृष्टा शक्रपुरोगमैः

daṇḍena darśayanmārgaṃ devī tatra pravartitā / vyāsamārgaṃ gatā devī dṛṣṭā śakrapurogamaiḥ

Sanskrit only: no published translation is held for this verse.

पुष्पवृष्टिं ततो देवा व्यमुञ्चन् सह किंकरैः । किं कुर्मो ब्रूहि मे पुत्र कर्मणा ते स्म रञ्जिताः

puṣpavṛṣṭiṃ tato devā vyamuñcan saha kiṃkaraiḥ / kiṃ kurmo brūhi me putra karmaṇā te sma rañjitāḥ

Sanskrit only: no published translation is held for this verse.

तपश्च विपुलं कृत्वा दानं दत्त्वा महाफलम् । एतदेव नरैः कार्यं साधूनां यत्सुखावहम्

tapaśca vipulaṃ kṛtvā dānaṃ dattvā mahāphalam / etadeva naraiḥ kāryaṃ sādhūnāṃ yatsukhāvaham

Sanskrit only: no published translation is held for this verse.

यदि तुष्टा महाभागा अनुग्राह्यो ह्यहं यदि । तस्मान्ममाश्रमे सर्वैः स्थीयतां नात्र संशयः

yadi tuṣṭā mahābhāgā anugrāhyo hyahaṃ yadi / tasmānmamāśrame sarvaiḥ sthīyatāṃ nātra saṃśayaḥ

Sanskrit only: no published translation is held for this verse.

आतिथ्यं शाकपर्णेन रेवामृतविमिश्रितम् । प्रतिपन्नं समस्तैर्वः पराशरमुखैर्मम । स्थातव्यं स्वाश्रमे सर्वैर् रेवाया उत्तरे तटे

ātithyaṃ śākaparṇena revāmṛtavimiśritam / pratipannaṃ samastairvaḥ parāśaramukhairmama / sthātavyaṃ svāśrame sarvair revāyā uttare taṭe

Sanskrit only: no published translation is held for this verse.

स्नानतर्पणनित्यानि कृतानि द्विजसत्तमैः । व्यासकुण्डे ततो गत्वा होमः सर्वैः प्रकल्पितः

snānatarpaṇanityāni kṛtāni dvijasattamaiḥ / vyāsakuṇḍe tato gatvā homaḥ sarvaiḥ prakalpitaḥ

Sanskrit only: no published translation is held for this verse.

श्रीफलैर्बिल्वपत्रैश्च जुहुवुर्जातवेदसम् । गौतमो भृगुर्माण्डव्यो नारदो लोमशस्तथा

śrīphalairbilvapatraiśca juhuvurjātavedasam / gautamo bhṛgurmāṇḍavyo nārado lomaśastathā

Sanskrit only: no published translation is held for this verse.

पराशरस्तथा शङ्खः कौशिकश्च्यवनो मुनिः । पिप्पलादो वसिष्ठश्च नाचिकेतो महातपाः

parāśarastathā śaṅkhaḥ kauśikaścyavano muniḥ / pippalādo vasiṣṭhaśca nāciketo mahātapāḥ

Sanskrit only: no published translation is held for this verse.

विश्वामित्रो ऽप्यगस्त्यश्च उद्दालकयमौ तथा । शाण्डिल्यो जैमिनिः कण्वो याज्ञवल्क्योशनोऽङ्गिराः

viśvāmitro 'pyagastyaśca uddālakayamau tathā / śāṇḍilyo jaiminiḥ kaṇvo yājñavalkyośano'ṅgirāḥ

Sanskrit only: no published translation is held for this verse.

शातातपो दधीचिश्च कपिलो गालवस्तथा । जैगीषव्यस्तथा दक्षो भरतो मुद्गलस्तथा

śātātapo dadhīciśca kapilo gālavastathā / jaigīṣavyastathā dakṣo bharato mudgalastathā

Sanskrit only: no published translation is held for this verse.

वात्स्यायनो महातेजाः संवर्तः शक्तिरेव च । जातूकर्ण्यो भरद्वाजो वालखिल्यारुणिस्तथा

vātsyāyano mahātejāḥ saṃvartaḥ śaktireva ca / jātūkarṇyo bharadvājo vālakhilyāruṇistathā

Sanskrit only: no published translation is held for this verse.

एवमादिसहस्राणि जुह्वते जातवेदसम् । अक्षमालाकरोत्कीर्णा ध्यानयोगपरायणाः

evamādisahasrāṇi juhvate jātavedasam / akṣamālākarotkīrṇā dhyānayogaparāyaṇāḥ

Sanskrit only: no published translation is held for this verse.

एकचित्ता द्विजाः सर्वे चक्रुर्होमक्रियां तदा । ततः समुत्थितं लिङ्गं मोक्षदं व्याधिनाशनम्

ekacittā dvijāḥ sarve cakrurhomakriyāṃ tadā / tataḥ samutthitaṃ liṅgaṃ mokṣadaṃ vyādhināśanam

Sanskrit only: no published translation is held for this verse.

अच्छेद्यं परमं देवं दृष्ट्वा व्यासस्तुतोष च । पुष्पवृष्टिं ददुर्देवा आशीर्वादान्द्विजोत्तमाः

acchedyaṃ paramaṃ devaṃ dṛṣṭvā vyāsastutoṣa ca / puṣpavṛṣṭiṃ dadurdevā āśīrvādāndvijottamāḥ

Sanskrit only: no published translation is held for this verse.

साष्टाङ्गं प्रणतो व्यासो देवं दृष्ट्वा त्रिलोचनम् । ब्राह्मणान्पूजयामास शाकमूलफलेन च

sāṣṭāṅgaṃ praṇato vyāso devaṃ dṛṣṭvā trilocanam / brāhmaṇānpūjayāmāsa śākamūlaphalena ca

Sanskrit only: no published translation is held for this verse.

पितृपूर्वं द्विजाः सर्वे भोजिताः पाण्डुनन्दन । आशीर्वादांस्ततः पुण्यान् दत्त्वा विप्रा ययुः पुनः

pitṛpūrvaṃ dvijāḥ sarve bhojitāḥ pāṇḍunandana / āśīrvādāṃstataḥ puṇyān dattvā viprā yayuḥ punaḥ

Sanskrit only: no published translation is held for this verse.

तदा प्रभृति तत्तीर्थं व्यासाख्यं प्रोच्यते बुधैः

tadā prabhṛti tattīrthaṃ vyāsākhyaṃ procyate budhaiḥ

Sanskrit only: no published translation is held for this verse.

व्यासतीर्थस्य यत्पुण्यं तत्सर्वं कथयस्व मे । स्नानदानविधानं च यस्मिन्काले महाफलम्

vyāsatīrthasya yatpuṇyaṃ tatsarvaṃ kathayasva me / snānadānavidhānaṃ ca yasminkāle mahāphalam

Sanskrit only: no published translation is held for this verse.

कथयामि समस्तं ते भ्रातृभिः सह पाण्डव । कार्त्तिकस्य सिते पक्षे चतुर्दश्यां जितेन्द्रियः

kathayāmi samastaṃ te bhrātṛbhiḥ saha pāṇḍava / kārttikasya site pakṣe caturdaśyāṃ jitendriyaḥ

Sanskrit only: no published translation is held for this verse.

उपोष्य यो नरो भक्त्या रात्रौ कुर्वीत जागरम् । स्नापयेद् ईश्वरं भक्त्या क्षौद्रक्षीरेण सर्पिषा

upoṣya yo naro bhaktyā rātrau kurvīta jāgaram / snāpayed īśvaraṃ bhaktyā kṣaudrakṣīreṇa sarpiṣā

Sanskrit only: no published translation is held for this verse.

दध्ना च खण्डयुक्तेन कुशतोयेन वै पुनः । श्रीखण्डेन सुगन्धेन गुण्ठयेत् परमेश्वरम्

dadhnā ca khaṇḍayuktena kuśatoyena vai punaḥ / śrīkhaṇḍena sugandhena guṇṭhayet parameśvaram

Sanskrit only: no published translation is held for this verse.

ततः सुगन्धकुसुमैर्बिल्वपत्रैश्च पूजयेत् । मुचुकुन्देन कुन्देन कुशजातीप्रसूनकैः

tataḥ sugandhakusumairbilvapatraiśca pūjayet / mucukundena kundena kuśajātīprasūnakaiḥ

Sanskrit only: no published translation is held for this verse.

उन्मत्तमुनिपुष्पैश्च तथान्यैः कालसम्भवैः । अर्चयेत्परया भक्त्या द्वीपेश्वरम् अनुत्तमम्

unmattamunipuṣpaiśca tathānyaiḥ kālasambhavaiḥ / arcayetparayā bhaktyā dvīpeśvaram anuttamam

Sanskrit only: no published translation is held for this verse.

इक्षुगडुकदानेन तुष्यते परमेश्वरः । गडुकाष्टकदानेन पातकं यात्यहोर्जितम्

ikṣugaḍukadānena tuṣyate parameśvaraḥ / gaḍukāṣṭakadānena pātakaṃ yātyahorjitam

Sanskrit only: no published translation is held for this verse.

मासर्जितं च नश्येत गडुकाष्टशतेन च । षाण्मासिकं सहस्रेण द्विगुणैर् अब्दिकं तथा

māsarjitaṃ ca naśyeta gaḍukāṣṭaśatena ca / ṣāṇmāsikaṃ sahasreṇa dviguṇair abdikaṃ tathā

Sanskrit only: no published translation is held for this verse.

आजन्मजनितं पापमयुतेन प्रणश्यति । द्विगुणैर्नश्यते व्याधिस्त्रिगुणैः स्याद्धनागमः

ājanmajanitaṃ pāpamayutena praṇaśyati / dviguṇairnaśyate vyādhistriguṇaiḥ syāddhanāgamaḥ

Sanskrit only: no published translation is held for this verse.

षड्गुणैर् जायते वाग्मी सिद्धस्तद्द्विगुणैस्तथा । रुद्रत्वं दशलक्षैश्च जायते नात्र संशयः

ṣaḍguṇair jāyate vāgmī siddhastaddviguṇaistathā / rudratvaṃ daśalakṣaiśca jāyate nātra saṃśayaḥ

Sanskrit only: no published translation is held for this verse.

पौर्णमास्यां नृपश्रेष्ठ स्नानं कुर्वीत भक्तितः । मन्त्रोक्तेन विधानेन सर्वपापक्षयंकरम्

paurṇamāsyāṃ nṛpaśreṣṭha snānaṃ kurvīta bhaktitaḥ / mantroktena vidhānena sarvapāpakṣayaṃkaram

Sanskrit only: no published translation is held for this verse.

वारुणं च तथाग्नेयं ब्राह्मयं चैवाक्षयंकरम् । देवान्पित्ःन् मनुष्यांश्च विधिवत्तर्पयेद्बुधः

vāruṇaṃ ca tathāgneyaṃ brāhmayaṃ caivākṣayaṃkaram / devānpitḥn manuṣyāṃśca vidhivattarpayedbudhaḥ

Sanskrit only: no published translation is held for this verse.

ऋचा ऋग्वेदजं पुण्यं साम्ना सामफलं लभेत् । यजुर्वेदस्य यजुषा गायत्र्या सर्वमाप्नुयात्

ṛcā ṛgvedajaṃ puṇyaṃ sāmnā sāmaphalaṃ labhet / yajurvedasya yajuṣā gāyatryā sarvamāpnuyāt

Sanskrit only: no published translation is held for this verse.

अक्षरं च जपेन्मन्त्रं सौरं वा शिवदैवतम् । अथवा वैष्णवं मन्त्रं द्वादशाक्षरसंज्ञितम्

akṣaraṃ ca japenmantraṃ sauraṃ vā śivadaivatam / athavā vaiṣṇavaṃ mantraṃ dvādaśākṣarasaṃjñitam

Sanskrit only: no published translation is held for this verse.

पूजयेद्ब्राह्मणान्भक्त्या सर्वलक्षणलक्षितान् । स्वदारनिरतान्विप्रान्दम्भलोभविवर्जितान्

pūjayedbrāhmaṇānbhaktyā sarvalakṣaṇalakṣitān / svadāraniratānviprāndambhalobhavivarjitān

Sanskrit only: no published translation is held for this verse.

भिन्नवृत्तिकरान् पापान् पतिताञ्छूद्रसेवनान् । शूद्रीग्रहणसंयुक्तान्वृषली यस्य मन्दिरे

bhinnavṛttikarān pāpān patitāñchūdrasevanān / śūdrīgrahaṇasaṃyuktānvṛṣalī yasya mandire

Sanskrit only: no published translation is held for this verse.

परोक्षवादिनो दुष्टान्गुरुनिन्दापरायणान् । वेदद्वेषणशीलांश्च हैतुकान् बकवृत्तिकान्

parokṣavādino duṣṭāngurunindāparāyaṇān / vedadveṣaṇaśīlāṃśca haitukān bakavṛttikān

Sanskrit only: no published translation is held for this verse.

ईदृशान्वर्जयेच्छ्राद्धे दाने सर्वव्रतेषु च । गायत्रीसारमात्रो ऽपि वरं विप्रः सुयन्त्रितः

īdṛśānvarjayecchrāddhe dāne sarvavrateṣu ca / gāyatrīsāramātro 'pi varaṃ vipraḥ suyantritaḥ

Sanskrit only: no published translation is held for this verse.

नायन्त्रितश्चतुर्वेदी सर्वाशी सर्वविक्रयी । ईदृशान्पूजयेद्विप्रानन्नदानहिरण्यतः

nāyantritaścaturvedī sarvāśī sarvavikrayī / īdṛśānpūjayedviprānannadānahiraṇyataḥ

Sanskrit only: no published translation is held for this verse.

उपानहौ च वस्त्राणि शय्यां छत्रमथासनम् । यो दद्याद्ब्राह्मणे भक्त्या सो ऽपि स्वर्गे महीयते

upānahau ca vastrāṇi śayyāṃ chatramathāsanam / yo dadyādbrāhmaṇe bhaktyā so 'pi svarge mahīyate

Sanskrit only: no published translation is held for this verse.

प्रत्यक्षा सुरभी तत्र जलधेनुस् तथाघृता । तिलधेनुः प्रदातव्या महिष्यश्च तथैव च

pratyakṣā surabhī tatra jaladhenus tathāghṛtā / tiladhenuḥ pradātavyā mahiṣyaśca tathaiva ca

Sanskrit only: no published translation is held for this verse.

कृष्णाजिनप्रदाता यो दाता यस्तिलसर्पिषोः । कन्यापुस्तकयोर्दाता सो ऽक्षयं लोकमाप्नुयात्

kṛṣṇājinapradātā yo dātā yastilasarpiṣoḥ / kanyāpustakayordātā so 'kṣayaṃ lokamāpnuyāt

Sanskrit only: no published translation is held for this verse.

धूर्वाहौ खुरसंयुक्तौ धान्योपस्करसंयुतौ । दापयेत्स्वर्गकामस्तु इति मे सत्यभाषितम्

dhūrvāhau khurasaṃyuktau dhānyopaskarasaṃyutau / dāpayetsvargakāmastu iti me satyabhāṣitam

Sanskrit only: no published translation is held for this verse.

सूत्रेण वेष्टयेद्द्वीपमथवा जगतीं शुभम् । मन्दिरं परया भक्त्या परमेशमथापि वा

sūtreṇa veṣṭayeddvīpamathavā jagatīṃ śubham / mandiraṃ parayā bhaktyā parameśamathāpi vā

Sanskrit only: no published translation is held for this verse.

प्रदक्षिणां विधानेन यः करोत्यत्र मानवः । जम्बूप्लाक्षाह्वयौ द्वीपौ शाल्मलिश्चापरो नृप

pradakṣiṇāṃ vidhānena yaḥ karotyatra mānavaḥ / jambūplākṣāhvayau dvīpau śālmaliścāparo nṛpa

Sanskrit only: no published translation is held for this verse.

कुशः क्रौञ्चस्तथा काशः पुष्करश्चैव सप्तमः । सप्तसागरपर्यन्ता वेष्टिता तेन भारत

kuśaḥ krauñcastathā kāśaḥ puṣkaraścaiva saptamaḥ / saptasāgaraparyantā veṣṭitā tena bhārata

Sanskrit only: no published translation is held for this verse.

द्वीपेश्वरे महाराज वृषोत्सर्गं च कारयेत् । वृषेणारुणवर्णेन माहेशं लोकमाप्नुयात्

dvīpeśvare mahārāja vṛṣotsargaṃ ca kārayet / vṛṣeṇāruṇavarṇena māheśaṃ lokamāpnuyāt

Sanskrit only: no published translation is held for this verse.

यस्तु वै पाण्डुरो वक्त्रे ललाटे पादयोस्तथा । लाङ्गूले यस्तु वै शुभ्रः स वै नाकस्य दर्शकः

yastu vai pāṇḍuro vaktre lalāṭe pādayostathā / lāṅgūle yastu vai śubhraḥ sa vai nākasya darśakaḥ

Sanskrit only: no published translation is held for this verse.

नीलो ऽयमीदृशः प्रोक्तो यस्तु द्वीपेश्वरे त्यजेत् । स समाः रोमसंख्याता नाके वसति भारत

nīlo 'yamīdṛśaḥ prokto yastu dvīpeśvare tyajet / sa samāḥ romasaṃkhyātā nāke vasati bhārata

Sanskrit only: no published translation is held for this verse.

सौरं च शांकरं लोकं वैरञ्चं वैष्णवं क्रमात् । भुनक्ति स्वेच्छया राजन्व्यासतीर्थप्रभावतः

sauraṃ ca śāṃkaraṃ lokaṃ vairañcaṃ vaiṣṇavaṃ kramāt / bhunakti svecchayā rājanvyāsatīrthaprabhāvataḥ

Sanskrit only: no published translation is held for this verse.

सपत्नीकं ततो विप्रं पूजयेत् तत्र भक्तितः । सितरक्तानि वस्त्राणि यो दद्याद् अग्रजन्मने

sapatnīkaṃ tato vipraṃ pūjayet tatra bhaktitaḥ / sitaraktāni vastrāṇi yo dadyād agrajanmane

Sanskrit only: no published translation is held for this verse.

कृत्वा प्रदक्षिणं युग्मं प्रीयतां मे जगद्गुरुः । नास्ति विप्रसमो बन्धुरिह लोके परत्र च

kṛtvā pradakṣiṇaṃ yugmaṃ prīyatāṃ me jagadguruḥ / nāsti viprasamo bandhuriha loke paratra ca

Sanskrit only: no published translation is held for this verse.

यमलोके महाघोरे पतन्तं यो ऽभिरक्षति । इतिहासपुराणज्ञं विष्णुभक्तं जितेन्द्रियम्

yamaloke mahāghore patantaṃ yo 'bhirakṣati / itihāsapurāṇajñaṃ viṣṇubhaktaṃ jitendriyam

Sanskrit only: no published translation is held for this verse.

पूजयेत्परया भक्त्या सामगं वा विशेषतः । द्वीपेश्वरं च ये भक्त्या संस्मरन्ति गृहे स्थिताः

pūjayetparayā bhaktyā sāmagaṃ vā viśeṣataḥ / dvīpeśvaraṃ ca ye bhaktyā saṃsmaranti gṛhe sthitāḥ

Sanskrit only: no published translation is held for this verse.

न तेषां जायते शोको न हानिर्न च दुष्कृतम् । प्रथमं पूजयेत् तत्र लिङ्गं सिद्धेश्वरं ततः

na teṣāṃ jāyate śoko na hānirna ca duṣkṛtam / prathamaṃ pūjayet tatra liṅgaṃ siddheśvaraṃ tataḥ

Sanskrit only: no published translation is held for this verse.

यत्र सिद्धो महाभागो व्यासः सत्यवतीसुतः । अस्यैव पूजनात्सिद्धो धारासर्पो महामतिः

yatra siddho mahābhāgo vyāsaḥ satyavatīsutaḥ / asyaiva pūjanātsiddho dhārāsarpo mahāmatiḥ

Sanskrit only: no published translation is held for this verse.

तत्र तीर्थे तु यो राजन्प्राणत्यागं करोति च । सूर्यलोकमसौ भित्त्वा प्रयाति शिवसन्निधौ

tatra tīrthe tu yo rājanprāṇatyāgaṃ karoti ca / sūryalokamasau bhittvā prayāti śivasannidhau

Sanskrit only: no published translation is held for this verse.

समाः सहस्राणि च सप्त वै जले दशैकमग्नौ पतने च षोडश । महाहवे षष्टिरशीति गोग्रहे ह्यनाशके भारत चाक्षया गतिः

samāḥ sahasrāṇi ca sapta vai jale daśaikamagnau patane ca ṣoḍaśa / mahāhave ṣaṣṭiraśīti gograhe hyanāśake bhārata cākṣayā gatiḥ

Sanskrit only: no published translation is held for this verse.

पिता पितामहश्चैव तथैव प्रपितामहः । वायुभूतं निरीक्षन्ते ह्यागच्छन्तं स्वगोत्रजम्

pitā pitāmahaścaiva tathaiva prapitāmahaḥ / vāyubhūtaṃ nirīkṣante hyāgacchantaṃ svagotrajam

Sanskrit only: no published translation is held for this verse.

अस्मद्गोत्रे ऽस्ति कः पुत्रो यो नो दद्यात् तिलोदकम् । कार्त्तिक्यां च विशेषेण वेशाख्यां वा तथैव च

asmadgotre 'sti kaḥ putro yo no dadyāt tilodakam / kārttikyāṃ ca viśeṣeṇa veśākhyāṃ vā tathaiva ca

Sanskrit only: no published translation is held for this verse.

स्वर्गतिं च प्रयास्यामस्तत्र तीर्थोपसेवनात् । एतत्ते कथितं सर्वं द्वीपेश्वरम् अनुत्तमम्

svargatiṃ ca prayāsyāmastatra tīrthopasevanāt / etatte kathitaṃ sarvaṃ dvīpeśvaram anuttamam

Sanskrit only: no published translation is held for this verse.

यः पठेत्परया भक्त्या शृणुयात्तद्गतो नृप । सो ऽपि पापविनिर्मुक्तो मोदते शिवमन्दिरे

yaḥ paṭhetparayā bhaktyā śṛṇuyāttadgato nṛpa / so 'pi pāpavinirmukto modate śivamandire

Sanskrit only: no published translation is held for this verse.

ऊषरं सर्वतीर्थानां निर्मितं मुनिपुंगवैः । कामप्रदं नृपश्रेष्ठ व्यासतीर्थं न संशयः

ūṣaraṃ sarvatīrthānāṃ nirmitaṃ munipuṃgavaiḥ / kāmapradaṃ nṛpaśreṣṭha vyāsatīrthaṃ na saṃśayaḥ

Sanskrit only: no published translation is held for this verse.