Revakhanda of the Vayupurana 98

ततो गच्छेत्तु राजेन्द्र प्रभासेश्वरमुत्तमम् । विख्यातं त्रिषु लोकेषु स्वर्गसोपानमुत्तमम्

tato gacchettu rājendra prabhāseśvaramuttamam / vikhyātaṃ triṣu lokeṣu svargasopānamuttamam

Sanskrit only: no published translation is held for this verse.

प्रभासं तात मे ब्रूहि कथं जातं महाफलम् । स्वर्गसोपानदं दृश्यं संक्षेपात् कथयस्व मे

prabhāsaṃ tāta me brūhi kathaṃ jātaṃ mahāphalam / svargasopānadaṃ dṛśyaṃ saṃkṣepāt kathayasva me

Sanskrit only: no published translation is held for this verse.

दुर्भगा रविपत्नी च प्रभानामेति विश्रुता । तया चाराधितः शम्भुरुग्रेण तपसा पुरा

durbhagā ravipatnī ca prabhānāmeti viśrutā / tayā cārādhitaḥ śambhurugreṇa tapasā purā

Sanskrit only: no published translation is held for this verse.

वायुभक्षा स्थिता वर्षं वर्षं ध्यानपरायणा । ततस्तुष्टो महादेवः प्रभायाः पाण्डुनन्दन

vāyubhakṣā sthitā varṣaṃ varṣaṃ dhyānaparāyaṇā / tatastuṣṭo mahādevaḥ prabhāyāḥ pāṇḍunandana

Sanskrit only: no published translation is held for this verse.

कस्मात् संक्लिश्यसे बाले कथ्यतां यद्विवक्षितम् । अहं हि भास्करो ऽप्येको नानात्वं नैव विद्यते

kasmāt saṃkliśyase bāle kathyatāṃ yadvivakṣitam / ahaṃ hi bhāskaro 'pyeko nānātvaṃ naiva vidyate

Sanskrit only: no published translation is held for this verse.

नान्यो देवः स्त्रियः शम्भो विना भर्त्रा क्वचित्प्रभो । सगुणो निर्गुणो वापि धनाढ्यो वाप्यकिंचनः

nānyo devaḥ striyaḥ śambho vinā bhartrā kvacitprabho / saguṇo nirguṇo vāpi dhanāḍhyo vāpyakiṃcanaḥ

Sanskrit only: no published translation is held for this verse.

प्रियो वा यदि वा द्वेष्यः स्त्रीणां भर्तैव दैवतम् । दुर्भगत्वेन दग्धाहं सखीमध्ये सुरेश्वर । भर्त्तर् यल्लब्धसौख्यास्मि तेन क्लिश्याम्यहं भृशम्

priyo vā yadi vā dveṣyaḥ strīṇāṃ bhartaiva daivatam / durbhagatvena dagdhāhaṃ sakhīmadhye sureśvara / bharttar yallabdhasaukhyāsmi tena kliśyāmyahaṃ bhṛśam

Sanskrit only: no published translation is held for this verse.

वल्लभा भास्करस्यैव मत्प्रसादाद्भविष्यसि

vallabhā bhāskarasyaiva matprasādādbhaviṣyasi

Sanskrit only: no published translation is held for this verse.

अप्रमाणं भवद्वाक्यं भास्करो ऽपि करिष्यति । वृथा क्लेशो भवेदस्याः प्रभायाः परमेश्वर

apramāṇaṃ bhavadvākyaṃ bhāskaro 'pi kariṣyati / vṛthā kleśo bhavedasyāḥ prabhāyāḥ parameśvara

Sanskrit only: no published translation is held for this verse.

उमावाक्यान् महेशानध्यातस्तिमिरनाशनः । आगतो गगनाद्भानुर्नर्मदोत्तररोधसि

umāvākyān maheśānadhyātastimiranāśanaḥ / āgato gaganādbhānurnarmadottararodhasi

Sanskrit only: no published translation is held for this verse.

आहूतो ऽस्मि कथं देव ह्यघासुरनिषूदन

āhūto 'smi kathaṃ deva hyaghāsuraniṣūdana

Sanskrit only: no published translation is held for this verse.

प्रभां पालय भो भानो संतोषेण परेण हि

prabhāṃ pālaya bho bhāno saṃtoṣeṇa pareṇa hi

Sanskrit only: no published translation is held for this verse.

प्रभाया मन्दिरे नित्यं स्थीयतां हिमनाशन । अग्रपत्नी समस्तानां भार्याणां क्रियतां रवे

prabhāyā mandire nityaṃ sthīyatāṃ himanāśana / agrapatnī samastānāṃ bhāryāṇāṃ kriyatāṃ rave

Sanskrit only: no published translation is held for this verse.

एवं देवि करिष्यामि तव वाक्यं वरानने । एतच्छ्रुत्वा प्रभाहूता प्रत्युवाच महेश्वरम्

evaṃ devi kariṣyāmi tava vākyaṃ varānane / etacchrutvā prabhāhūtā pratyuvāca maheśvaram

Sanskrit only: no published translation is held for this verse.

स्वांशेन स्थीयतां देव मन्मथारे उमापते । एकांशः स्थाप्यतामत्र तीर्थस्योन्मीलनाय च

svāṃśena sthīyatāṃ deva manmathāre umāpate / ekāṃśaḥ sthāpyatāmatra tīrthasyonmīlanāya ca

Sanskrit only: no published translation is held for this verse.

सर्वदेवमयं लिङ्गं स्थापितं तत्र पाण्डव । प्रभासेश इति ख्यातं सर्वलोकेषु दुर्लभम्

sarvadevamayaṃ liṅgaṃ sthāpitaṃ tatra pāṇḍava / prabhāseśa iti khyātaṃ sarvalokeṣu durlabham

Sanskrit only: no published translation is held for this verse.

अन्यानि यानि तीर्थानि काले तानि फलन्ति वै । प्रभासेशस्तु राजेन्द्र सद्यः कामफलप्रदः

anyāni yāni tīrthāni kāle tāni phalanti vai / prabhāseśastu rājendra sadyaḥ kāmaphalapradaḥ

Sanskrit only: no published translation is held for this verse.

माघमासे सिते पक्षे सप्तम्यां च विशेषतः । अश्वं यः स्पर्शयेत् तत्र यथोक्तब्राह्मणे नृप

māghamāse site pakṣe saptamyāṃ ca viśeṣataḥ / aśvaṃ yaḥ sparśayet tatra yathoktabrāhmaṇe nṛpa

Sanskrit only: no published translation is held for this verse.

इन्द्रत्वं प्राप्यते तेन भास्करस्याथवा पदम् । स्नात्वा परमया भक्त्या दानं दद्याद् द्विजातये

indratvaṃ prāpyate tena bhāskarasyāthavā padam / snātvā paramayā bhaktyā dānaṃ dadyād dvijātaye

Sanskrit only: no published translation is held for this verse.

गोप्रदाता लभेत्स्वर्गं सत्यलोकं वरेश्वर । सर्वाङ्गसुन्दरीं शुभ्रां क्षीरिणीं तरुणीं शुभाम्

gopradātā labhetsvargaṃ satyalokaṃ vareśvara / sarvāṅgasundarīṃ śubhrāṃ kṣīriṇīṃ taruṇīṃ śubhām

Sanskrit only: no published translation is held for this verse.

सवत्सां घण्टासंयुक्तां कांस्यपात्रावदोहिनीम् । ददते ये नृपश्रेष्ठ न ते यान्ति यमालयम्

savatsāṃ ghaṇṭāsaṃyuktāṃ kāṃsyapātrāvadohinīm / dadate ye nṛpaśreṣṭha na te yānti yamālayam

Sanskrit only: no published translation is held for this verse.

अथ यः परया भक्त्या स्नानं देवस्य कारयेत् । स प्राप्नोति परं लोकं यावदाभूतसम्प्लवम्

atha yaḥ parayā bhaktyā snānaṃ devasya kārayet / sa prāpnoti paraṃ lokaṃ yāvadābhūtasamplavam

Sanskrit only: no published translation is held for this verse.

दौर्भाग्यं नाशमायाति स्नानमात्रेण पाण्डव । तत्र तीर्थे तु यो भक्त्या कन्यादानं प्रयच्छति

daurbhāgyaṃ nāśamāyāti snānamātreṇa pāṇḍava / tatra tīrthe tu yo bhaktyā kanyādānaṃ prayacchati

Sanskrit only: no published translation is held for this verse.

ब्राह्मणाय विवाहेन दापयेत् पाण्डुनन्दन । समानवयसे देया कुलशीलधनैस्तथा

brāhmaṇāya vivāhena dāpayet pāṇḍunandana / samānavayase deyā kulaśīladhanaistathā

Sanskrit only: no published translation is held for this verse.

ये ददन्ते महाराज ह्यपि पातकसंयुताः । तेषां पापानि लीयन्ते ह्युदके लवणं यथा

ye dadante mahārāja hyapi pātakasaṃyutāḥ / teṣāṃ pāpāni līyante hyudake lavaṇaṃ yathā

Sanskrit only: no published translation is held for this verse.

स्वामिद्रोहकृतं पापं निक्षेपस्यापहारिणि । मित्रघ्ने च कृतघ्ने च कूटसाक्ष्यसमुद्भवम्

svāmidrohakṛtaṃ pāpaṃ nikṣepasyāpahāriṇi / mitraghne ca kṛtaghne ca kūṭasākṣyasamudbhavam

Sanskrit only: no published translation is held for this verse.

तद्ग्रामोद्यानभेदोत्थं परदारनिषेवणम् । वार्द्धुषिकस्य यत्पापं यत्पापं स्तेयसम्भवम्

tadgrāmodyānabhedotthaṃ paradāraniṣevaṇam / vārddhuṣikasya yatpāpaṃ yatpāpaṃ steyasambhavam

Sanskrit only: no published translation is held for this verse.

कूपभेदोद्भवं यच्च बैडालव्रतधारिणः । दाम्भिकं वृक्षच्छेदोत्थं विवाहस्य निषेधजम्

kūpabhedodbhavaṃ yacca baiḍālavratadhāriṇaḥ / dāmbhikaṃ vṛkṣacchedotthaṃ vivāhasya niṣedhajam

Sanskrit only: no published translation is held for this verse.

आरामस्थतरुच्छेदमगम्यागमनोद्भवम् । स्वभार्यात्यजने यच्च परभार्यासमीहनात्

ārāmasthatarucchedamagamyāgamanodbhavam / svabhāryātyajane yacca parabhāryāsamīhanāt

Sanskrit only: no published translation is held for this verse.

ब्रह्मस्वहरणे यच्च गरदे गोविघातिनि । विद्याविक्रयणोत्थं च संसर्गाद्यच्च पातकम्

brahmasvaharaṇe yacca garade govighātini / vidyāvikrayaṇotthaṃ ca saṃsargādyacca pātakam

Sanskrit only: no published translation is held for this verse.

श्वबिडालवधाद्घोरं सर्पशूद्रोद्भवं तथा । भूमिहर्तुश्च यत्पापं भूमिहारिणि चैव हि

śvabiḍālavadhādghoraṃ sarpaśūdrodbhavaṃ tathā / bhūmihartuśca yatpāpaṃ bhūmihāriṇi caiva hi

Sanskrit only: no published translation is held for this verse.

मा ददस्वेति यत्पापं गोवह्निब्राह्मणेषु च । तत्पापं याति विलयं कन्यादानेन पाण्डव

mā dadasveti yatpāpaṃ govahnibrāhmaṇeṣu ca / tatpāpaṃ yāti vilayaṃ kanyādānena pāṇḍava

Sanskrit only: no published translation is held for this verse.

स गत्वा भास्करं लोकं रुद्रलोके शुभे व्रजेत् । क्रीडते रुद्रलोकस्थो यावद् इन्द्राश्चतुर्दश

sa gatvā bhāskaraṃ lokaṃ rudraloke śubhe vrajet / krīḍate rudralokastho yāvad indrāścaturdaśa

Sanskrit only: no published translation is held for this verse.

सर्वपापक्षये जाते शिवे भवति भावना । एतद्व्रजति यस्तीर्थं प्रभासं पाण्डुनन्दन

sarvapāpakṣaye jāte śive bhavati bhāvanā / etadvrajati yastīrthaṃ prabhāsaṃ pāṇḍunandana

Sanskrit only: no published translation is held for this verse.

सर्वतीर्थफलं प्राप्य सो ऽश्वमेधफलं लभेत् । गोप्रदानं महापुण्यं सर्वपापक्षयं परम् । प्रशस्तं सर्वकालं हि चतुर्दश्यां विशेषतः

sarvatīrthaphalaṃ prāpya so 'śvamedhaphalaṃ labhet / gopradānaṃ mahāpuṇyaṃ sarvapāpakṣayaṃ param / praśastaṃ sarvakālaṃ hi caturdaśyāṃ viśeṣataḥ

Sanskrit only: no published translation is held for this verse.