Revakhanda of the Vayupurana 99

ततो गच्छेन्महीपाल नर्मदादक्षिणे तटे । स्थापितं वासुकीशं तु समस्ताघौघनाशनम्

tato gacchenmahīpāla narmadādakṣiṇe taṭe / sthāpitaṃ vāsukīśaṃ tu samastāghaughanāśanam

Sanskrit only: no published translation is held for this verse.

कस्माच्च कारणात्तात रेवाया दक्षिणे तटे । वासुकीशस्थापितो वै विस्तराद्वद मे गुरो

kasmācca kāraṇāttāta revāyā dakṣiṇe taṭe / vāsukīśasthāpito vai vistarādvada me guro

Sanskrit only: no published translation is held for this verse.

एतत्सर्वं समास्थाय नृत्यं शम्भुश्चकार वै

etatsarvaṃ samāsthāya nṛtyaṃ śambhuścakāra vai

Sanskrit only: no published translation is held for this verse.

श्रमादजायत स्वेदो गङ्गातोयविमिश्रितम् । पतन्तमुरगो ऽश्नाति हरमौलिविनिर्गतम्

śramādajāyata svedo gaṅgātoyavimiśritam / patantamurago 'śnāti haramaulivinirgatam

Sanskrit only: no published translation is held for this verse.

मन्दाकिनी ततः क्रुद्धा व्यालस्योपरि भारत । प्राप्नुह्यजगरत् त्वं हि भुजङ्ग क्षुद्रजन्तुक

mandākinī tataḥ kruddhā vyālasyopari bhārata / prāpnuhyajagarat tvaṃ hi bhujaṅga kṣudrajantuka

Sanskrit only: no published translation is held for this verse.

अनुग्राह्यो ऽस्मि ते पापो दुर्नयो ऽहं हरादृते । त्रैलोक्यपावनी पुण्या सरित्त्वं शुभलक्षणा

anugrāhyo 'smi te pāpo durnayo 'haṃ harādṛte / trailokyapāvanī puṇyā sarittvaṃ śubhalakṣaṇā

Sanskrit only: no published translation is held for this verse.

संसारच्छेदनकरी ह्यार्तानामार्तिनाशनी । स्वर्गद्वारे स्थिता त्वं हि दयां कुरु मयीश्वरि

saṃsāracchedanakarī hyārtānāmārtināśanī / svargadvāre sthitā tvaṃ hi dayāṃ kuru mayīśvari

Sanskrit only: no published translation is held for this verse.

कुरुष्व विपुलं विन्ध्यं तपस्त्वं शङ्करं प्रति । ततः प्राप्स्यसि स्वं स्थानं पन्नगत्वं ममाज्ञया

kuruṣva vipulaṃ vindhyaṃ tapastvaṃ śaṅkaraṃ prati / tataḥ prāpsyasi svaṃ sthānaṃ pannagatvaṃ mamājñayā

Sanskrit only: no published translation is held for this verse.

ततो ऽसौ त्वरितो विन्ध्यं नागो गत्वा नगं शुभम् । तपस् तप्तुं समारेभे शङ्कराराधनोद्यतः

tato 'sau tvarito vindhyaṃ nāgo gatvā nagaṃ śubham / tapas taptuṃ samārebhe śaṅkarārādhanodyataḥ

Sanskrit only: no published translation is held for this verse.

नित्यं दध्यौ महादेवं त्र्यक्षं डमरुकोद्यतम् । ततो वर्षशते पूर्ण उपरुद्धो जगद्गुरुः । आगतस्तत्समीपं तु श्लक्ष्णां वाणीमुदाहरत्

nityaṃ dadhyau mahādevaṃ tryakṣaṃ ḍamarukodyatam / tato varṣaśate pūrṇa uparuddho jagadguruḥ / āgatastatsamīpaṃ tu ślakṣṇāṃ vāṇīmudāharat

Sanskrit only: no published translation is held for this verse.

वरं वरय मे वत्स पन्नग त्वं कृतादर

varaṃ varaya me vatsa pannaga tvaṃ kṛtādara

Sanskrit only: no published translation is held for this verse.

यदि तुष्टो ऽसि मे देव वरं दास्यसि शङ्कर । प्रसादात्तव देवेश भूयान्निष्पापता मम । तीर्थं किंचित्समाख्याहि सर्वपापप्रणाशनम्

yadi tuṣṭo 'si me deva varaṃ dāsyasi śaṅkara / prasādāttava deveśa bhūyānniṣpāpatā mama / tīrthaṃ kiṃcitsamākhyāhi sarvapāpapraṇāśanam

Sanskrit only: no published translation is held for this verse.

पन्नग त्वं महाबाहो रेवां गच्छ शुभंकरीम् । याम्ये तस्यास्तटे पुण्ये स्नानं कुरु यथाविधि

pannaga tvaṃ mahābāho revāṃ gaccha śubhaṃkarīm / yāmye tasyāstaṭe puṇye snānaṃ kuru yathāvidhi

Sanskrit only: no published translation is held for this verse.

इत्युक्त्वान्तर्दधे देवो वासुकिस्त्वरयान्वितः । रूपेणाजगरेणैव प्रविष्टो नर्मदाजलम्

ityuktvāntardadhe devo vāsukistvarayānvitaḥ / rūpeṇājagareṇaiva praviṣṭo narmadājalam

Sanskrit only: no published translation is held for this verse.

मार्गेण तस्य संजातं जाह्नव्याः स्रोत उत्तमम् । निर्धूतकल्मषः सर्पः संजातो नर्मदाजले

mārgeṇa tasya saṃjātaṃ jāhnavyāḥ srota uttamam / nirdhūtakalmaṣaḥ sarpaḥ saṃjāto narmadājale

Sanskrit only: no published translation is held for this verse.

स्थापितः शङ्करस्तत्र नर्मदायां युधिष्ठिर । ततो नागेश्वरं लिङ्गं प्रसिद्धं पापनाशनम्

sthāpitaḥ śaṅkarastatra narmadāyāṃ yudhiṣṭhira / tato nāgeśvaraṃ liṅgaṃ prasiddhaṃ pāpanāśanam

Sanskrit only: no published translation is held for this verse.

अष्टम्यां वा चतुर्दश्यां स्नापयेन्मधुना शिवम् । विमुक्तकल्मषः सद्यो जायते नात्र संशयः

aṣṭamyāṃ vā caturdaśyāṃ snāpayenmadhunā śivam / vimuktakalmaṣaḥ sadyo jāyate nātra saṃśayaḥ

Sanskrit only: no published translation is held for this verse.

अपुत्रा ये नराः पार्थ स्नानं कुर्वन्ति सङ्गमे । ते लभन्ते सुताञ्छ्रेष्ठान् कार्त्तवीर्योपमाञ्छुभान्

aputrā ye narāḥ pārtha snānaṃ kurvanti saṅgame / te labhante sutāñchreṣṭhān kārttavīryopamāñchubhān

Sanskrit only: no published translation is held for this verse.

श्राद्धं तत्रैव यः कुर्याद् उपवासपरायणः । कुर्वन्प्रमोचयेत्प्रेतान्नरकान्नृपनन्दन

śrāddhaṃ tatraiva yaḥ kuryād upavāsaparāyaṇaḥ / kurvanpramocayetpretānnarakānnṛpanandana

Sanskrit only: no published translation is held for this verse.

सर्पाणां च भयं वंशे ज्ञातिवर्गे न जायते । निर्दोषं नन्दते तस्य कुलं नागप्रसादतः

sarpāṇāṃ ca bhayaṃ vaṃśe jñātivarge na jāyate / nirdoṣaṃ nandate tasya kulaṃ nāgaprasādataḥ

Sanskrit only: no published translation is held for this verse.

एतत्ते सर्वमाख्यातं तव स्नेहान्नृपोत्तम

etatte sarvamākhyātaṃ tava snehānnṛpottama

Sanskrit only: no published translation is held for this verse.