यथा तत्रैव - तथापीदम् अस्तु - चिराद् आशा-मात्रं त्वयि विरचयन्तु स्थिर-धियो विदध्युर् ये वासं मधुरिम-गभीरे मधुपुरे । दधानः कैशोरे वयसि सखितां गोकुल-पतेः प्रपद्येथास् तेषां परिचयम् अवश्यं नयनयोः ॥ १०।३७ ॥ अत्र माथुर-मञ्जुल-निबद्ध-वासानां नेत्र-पथे कृष्णावाप्ति-रूप-मङ्गलाशंसनात् प्रशस्तिः । पञ्चानाम् एव सन्धीनां चतुषष्टिः क्रमाद् इह । कीर्तिरानि मयाङ्गानि सम्यग् ललित-माधवे
yathā tatraiva - tathāpīdam astu - cirād āśā-mātraṃ tvayi viracayantu sthira-dhiyo vidadhyur ye vāsaṃ madhurima-gabhīre madhupure | dadhānaḥ kaiśore vayasi sakhitāṃ gokula-pateḥ prapadyethās teṣāṃ paricayam avaśyaṃ nayanayoḥ || 10.37 || atra māthura-mañjula-nibaddha-vāsānāṃ netra-pathe kṛṣṇāvāpti-rūpa-maṅgalāśaṃsanāt praśastiḥ | pañcānām eva sandhīnāṃ catuṣaṣṭiḥ kramād iha | kīrtirāni mayāṅgāni samyag lalita-mādhave
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.