Rupa Gosvamin: Ujjvalanilamani 3

अथ श्री-हरि-प्रिया-प्रकरणम् हरेः साधारण-गुणैर् उपेतास् तस्य वल्लभाः । पृथु-प्रेम्णां सुमाधुर्य-सम्पदां चाग्रिमाश्रयाः

atha śrī-hari-priyā-prakaraṇam hareḥ sādhāraṇa-guṇair upetās tasya vallabhāḥ | pṛthu-premṇāṃ sumādhurya-sampadāṃ cāgrimāśrayāḥ

Sanskrit only: no published translation is held for this verse.

यथा- प्रणमामि ताः परम-माधुरी-भृतः कृत-पुण्य-पुञ्ज-रमणी-शिरोमणीः । उपसन्न-यौवन-गुरोर् अधीर्त्य याः स्मर-केलि-कौशलम् उदाहरन् हरौ

yathā- praṇamāmi tāḥ parama-mādhurī-bhṛtaḥ kṛta-puṇya-puñja-ramaṇī-śiromaṇīḥ | upasanna-yauvana-guror adhīrtya yāḥ smara-keli-kauśalam udāharan harau

Sanskrit only: no published translation is held for this verse.

स्वकीयाः परकीयाश् च द्विधा ताः परिकीर्तिताः

svakīyāḥ parakīyāś ca dvidhā tāḥ parikīrtitāḥ

Sanskrit only: no published translation is held for this verse.

तत्र स्वकीयाः- कर-ग्रह-विधिं प्राप्ताः पत्युर् आदेश-तत्-पराः । पातिव्रत्याद् अविचलाः स्वकीयाः कथिता इह

tatra svakīyāḥ- kara-graha-vidhiṃ prāptāḥ patyur ādeśa-tat-parāḥ | pātivratyād avicalāḥ svakīyāḥ kathitā iha

Sanskrit only: no published translation is held for this verse.

यथा- सुनिर्माणे धर्माध्वनि पति-पराभिः परिचिते मुदा बद्ध-श्रद्धा गिरि च गुरु-वर्गस्य परितः । गृहे याः सेवन्ते प्रियम् अपरतन्त्राः प्रतिदिनं महिष्यस् ताः शौरेस् तव मुदम् उदग्रां विदधतु

yathā- sunirmāṇe dharmādhvani pati-parābhiḥ paricite mudā baddha-śraddhā giri ca guru-vargasya paritaḥ | gṛhe yāḥ sevante priyam aparatantrāḥ pratidinaṃ mahiṣyas tāḥ śaures tava mudam udagrāṃ vidadhatu

Sanskrit only: no published translation is held for this verse.

यथा वा श्री-दशमे (१०।६०।५५)- न त्वादृशीं प्रणयिनीं गृहिणीं गृहेषु पश्यामि मानिनि यया स्व-विवाह-काले । प्राप्तान् नृपान् न विगणय्य रहो-हरो मे प्रस्थापितो द्विज उपश्रुत-सत्-कथस्य

yathā vā śrī-daśame (10.60.55)- na tvādṛśīṃ praṇayinīṃ gṛhiṇīṃ gṛheṣu paśyāmi mānini yayā sva-vivāha-kāle | prāptān nṛpān na vigaṇayya raho-haro me prasthāpito dvija upaśruta-sat-kathasya

Sanskrit only: no published translation is held for this verse.

तास् तु श्री-यदु-वीरस्य सहस्राण्यस्य षोडश । अष्टोत्तर-शताग्राणि द्वारवत्यां सुविश्रुताः

tās tu śrī-yadu-vīrasya sahasrāṇyasya ṣoḍaśa | aṣṭottara-śatāgrāṇi dvāravatyāṃ suviśrutāḥ

Sanskrit only: no published translation is held for this verse.

आसां सख्यश् च दास्यश् च प्रत्येकं स्युः सहस्रशः । तुल्य-रूप-गुणाः सख्यः किञ्चिन् न्यूनास् तु दासिकाः

āsāṃ sakhyaś ca dāsyaś ca pratyekaṃ syuḥ sahasraśaḥ | tulya-rūpa-guṇāḥ sakhyaḥ kiñcin nyūnās tu dāsikāḥ

Sanskrit only: no published translation is held for this verse.

तत्रापि रुक्मिणी सत्या जाम्बवत्य् अर्क-नन्दिनी । शैव्या भद्रा च कौशल्या माद्रीत्य् अष्टौ गणाग्रिमाः

tatrāpi rukmiṇī satyā jāmbavaty arka-nandinī | śaivyā bhadrā ca kauśalyā mādrīty aṣṭau gaṇāgrimāḥ

Sanskrit only: no published translation is held for this verse.

तत्रापि रुक्मिणी-सत्ये वरीयस्यौ प्रकीर्तिते । ऐश्वर्याद् रुक्मिणी तत्र सत्या सौभाग्यतो वरा

tatrāpi rukmiṇī-satye varīyasyau prakīrtite | aiśvaryād rukmiṇī tatra satyā saubhāgyato varā

Sanskrit only: no published translation is held for this verse.

तथा हि हरि-वंशे- कुटुम्बस्येश्वरी यासीद् रुक्मिणी भीष्मकात्मजा । सत्यभामोत्तमा स्त्रीणां सौभाग्ये चाधिकाभवत्

tathā hi hari-vaṃśe- kuṭumbasyeśvarī yāsīd rukmiṇī bhīṣmakātmajā | satyabhāmottamā strīṇāṃ saubhāgye cādhikābhavat

Sanskrit only: no published translation is held for this verse.

पाद्मे (६।८८।२८) च कार्त्तिक-माहात्म्ये तां प्रति श्री-कृष्ण-वाक्यं न मे त्वत्तः प्रियतमा काचिद् अन्या नितम्बिनी । षोडश-स्त्री-सहस्राणां प्रिये प्राण-समा ह्य् असि

pādme (6.88.28) ca kārttika-māhātmye tāṃ prati śrī-kṛṣṇa-vākyaṃ na me tvattaḥ priyatamā kācid anyā nitambinī | ṣoḍaśa-strī-sahasrāṇāṃ priye prāṇa-samā hy asi

Sanskrit only: no published translation is held for this verse.

अनयोः सकलोत्कृष्टाः सख्यो दास्यश् च लक्षशः । स्वीया-जातीय-भावेन निखिला एव भाविताः

anayoḥ sakalotkṛṣṭāḥ sakhyo dāsyaś ca lakṣaśaḥ | svīyā-jātīya-bhāvena nikhilā eva bhāvitāḥ

Sanskrit only: no published translation is held for this verse.

याश् च गोकुल-कन्यासु पति-भाव-रता हरौ । तासां तद्-वृत्ति-निष्ठित्वान् न स्वीयात्वम् असाम्प्रतम्

yāś ca gokula-kanyāsu pati-bhāva-ratā harau | tāsāṃ tad-vṛtti-niṣṭhitvān na svīyātvam asāmpratam

Sanskrit only: no published translation is held for this verse.

यथा- आर्या चेद् अतिवत्सला मयि मुहुर् गोष्ठेश्वरी किं ततः प्राणेभ्यः प्रणयास्पदं प्रिय-सखी-वृन्दं किम् एतेन मे । वैकुण्ठाटवि-मण्डली-विजयी चेद् वृन्दावनं तेन किं दीव्यत्य् अत्र न चेद् उमा-व्रत-फलं पिञ्चावतंसी पतिः

yathā- āryā ced ativatsalā mayi muhur goṣṭheśvarī kiṃ tataḥ prāṇebhyaḥ praṇayāspadaṃ priya-sakhī-vṛndaṃ kim etena me | vaikuṇṭhāṭavi-maṇḍalī-vijayī ced vṛndāvanaṃ tena kiṃ dīvyaty atra na ced umā-vrata-phalaṃ piñcāvataṃsī patiḥ

Sanskrit only: no published translation is held for this verse.

गाधर्व-रीत्या स्वीकारात् स्वीयात्वम् इह वस्तुतः । अव्यक्तत्वाद् विवाहस्य सुष्ठु प्रच्छन्न-कामता

gādharva-rītyā svīkārāt svīyātvam iha vastutaḥ | avyaktatvād vivāhasya suṣṭhu pracchanna-kāmatā

Sanskrit only: no published translation is held for this verse.

अथ परकीया- रागेणैवार्पितात्मानो लोक-युग्मानपेक्षिणा । धर्मेणास्वीकृता यास् तु परकीया भवन्ति ताः

atha parakīyā- rāgeṇaivārpitātmāno loka-yugmānapekṣiṇā | dharmeṇāsvīkṛtā yās tu parakīyā bhavanti tāḥ

Sanskrit only: no published translation is held for this verse.

यथा-- रागोल्लास-विलङ्घितार्य-पदवी-विश्रान्तयोऽप्य् उद्धुर- श्रद्धा-रज्यद्-अरुन्धती-मुख-सती-वृन्देन वन्द्येहिताः । आरण्या अपि माधुरी-परिमल-व्याक्षिप्त-लक्ष्मी-श्रियस् तास् त्रैलोक्य-विलक्षणा ददतु वः कृष्णस्य सख्यः सुखम्

yathā-- rāgollāsa-vilaṅghitārya-padavī-viśrāntayo'py uddhura- śraddhā-rajyad-arundhatī-mukha-satī-vṛndena vandyehitāḥ | āraṇyā api mādhurī-parimala-vyākṣipta-lakṣmī-śriyas tās trailokya-vilakṣaṇā dadatu vaḥ kṛṣṇasya sakhyaḥ sukham

Sanskrit only: no published translation is held for this verse.

कन्यकाश् च परोढाश् च परकीया द्विधा मताः । प्रच्छन्न-कामता ह्य् अत्र गोकुएन्द्रस्य सौख्यता

kanyakāś ca paroḍhāś ca parakīyā dvidhā matāḥ | pracchanna-kāmatā hy atra gokuendrasya saukhyatā

Sanskrit only: no published translation is held for this verse.

तथा हि रुद्रः (शृङ्गार-तिलके २।३०)- वामता दुर्लभत्वं च स्त्रीणां या च निवारणा । तद् एव पञ्च-बाणस्य मन्ये परमम् आयुधम्

tathā hi rudraḥ (śṛṅgāra-tilake 2.30)- vāmatā durlabhatvaṃ ca strīṇāṃ yā ca nivāraṇā | tad eva pañca-bāṇasya manye paramam āyudham

Sanskrit only: no published translation is held for this verse.

विष्णु-गुप्त-संहितायां च- यत्र निषेध-विशेषः सुदुर्लभत्वं च यन् मृगाक्षीणाम् । तत्रैव नागराणां निर्भरम् आसज्जते हृदयम्

viṣṇu-gupta-saṃhitāyāṃ ca- yatra niṣedha-viśeṣaḥ sudurlabhatvaṃ ca yan mṛgākṣīṇām | tatraiva nāgarāṇāṃ nirbharam āsajjate hṛdayam

Sanskrit only: no published translation is held for this verse.

आः किंवान्यद् यतस् तस्याम् इदम् एव महामुनिः । जगौ पारमहंस्यां च संहितायां स्वयं शुकः

āḥ kiṃvānyad yatas tasyām idam eva mahāmuniḥ | jagau pāramahaṃsyāṃ ca saṃhitāyāṃ svayaṃ śukaḥ

Sanskrit only: no published translation is held for this verse.

यथा श्री-दशमे (१०।३३।१९)- कृत्वा तावन्तम् आत्मानं यावतीर् गोपयोषितः । रेमे स भगवांस् ताभिर् आत्मारामो æपि लीलया

yathā śrī-daśame (10.33.19)- kṛtvā tāvantam ātmānaṃ yāvatīr gopayoṣitaḥ | reme sa bhagavāṃs tābhir ātmārāmo æpi līlayā

Sanskrit only: no published translation is held for this verse.

तथा च तत्रैव (१०।३३।३१, ३६)- नैतत् समाचरेज् जातु मनसापि ह्य् अनीश्वरः । विनश्यत्य् आचरन् मौठ्याद् यथारुद्रो æब्धि-जं विषम्

tathā ca tatraiva (10.33.31, 36)- naitat samācarej jātu manasāpi hy anīśvaraḥ | vinaśyaty ācaran mauṭhyād yathārudro æbdhi-jaṃ viṣam

Sanskrit only: no published translation is held for this verse.

अनुग्रहाय भक्तानां मानुषं देहम् आश्रितः । भजते तादृशीः क्रीडा याः श्रुत्वा तत्-परो भवेत्

anugrahāya bhaktānāṃ mānuṣaṃ deham āśritaḥ | bhajate tādṛśīḥ krīḍā yāḥ śrutvā tat-paro bhavet

Sanskrit only: no published translation is held for this verse.

श्री-मुखेन तु माहात्म्यम् आसां प्राह स्वयं हरिः

śrī-mukhena tu māhātmyam āsāṃ prāha svayaṃ hariḥ

Sanskrit only: no published translation is held for this verse.

यथा तत्रैव (१०।३२।२२)- न पारये æहं निरवद्य-संयुजां स्व-साधु-कृत्यं विबुधायुषापि वः । याम् आभजन् दुर्जर-गेह-शृङ्खलाः संवृश्च्य तद् वः प्रतियातु साधुना

yathā tatraiva (10.32.22)- na pāraye æhaṃ niravadya-saṃyujāṃ sva-sādhu-kṛtyaṃ vibudhāyuṣāpi vaḥ | yām ābhajan durjara-geha-śṛṅkhalāḥ saṃvṛścya tad vaḥ pratiyātu sādhunā

Sanskrit only: no published translation is held for this verse.

उद्धवोऽपि जगौ सुष्ठु सर्व-भागवतोत्तमः

uddhavo'pi jagau suṣṭhu sarva-bhāgavatottamaḥ

Sanskrit only: no published translation is held for this verse.

यथा (भ्प् १०।४७।६१)- आसाम् अहो चरण-रेणु-जुषाम् अहं स्यां वृन्दावने किम् अपि गुल्म-लतौषधीनाम् । या दुस्त्यजं स्व-जनम् आर्य-पथं च हित्वा भेजुर् मुकुन्द-पदवीं श्रुतिभिर् विमृग्याम्

yathā (BhP 10.47.61)- āsām aho caraṇa-reṇu-juṣām ahaṃ syāṃ vṛndāvane kim api gulma-latauṣadhīnām | yā dustyajaṃ sva-janam ārya-pathaṃ ca hitvā bhejur mukunda-padavīṃ śrutibhir vimṛgyām

Sanskrit only: no published translation is held for this verse.

माया-कलित-तादृक्-स्त्री-शीलनेनानसूयभिः । न जातु व्रज-देवीनां पतिभिः सह सङ्गमः

māyā-kalita-tādṛk-strī-śīlanenānasūyabhiḥ | na jātu vraja-devīnāṃ patibhiḥ saha saṅgamaḥ

Sanskrit only: no published translation is held for this verse.

तथा हि श्री-दशमे (१०।३३।३७)- नासूयन् खलु कृष्णाय मोहितास् तस्य मायया । मन्यमानाः स्वपार्श्वस्थान् स्वान् स्वान् दारान् व्रजौकसः

tathā hi śrī-daśame (10.33.37)- nāsūyan khalu kṛṣṇāya mohitās tasya māyayā | manyamānāḥ svapārśvasthān svān svān dārān vrajaukasaḥ

Sanskrit only: no published translation is held for this verse.

तत्र कन्यकाः- अनूढाः कन्यकाः प्रोक्ताः स-लज्जाः पितृ-पालिताः । सखी-केलिषु विस्रब्धाः प्रायो मुग्धा-गुणान्विताः

tatra kanyakāḥ- anūḍhāḥ kanyakāḥ proktāḥ sa-lajjāḥ pitṛ-pālitāḥ | sakhī-keliṣu visrabdhāḥ prāyo mugdhā-guṇānvitāḥ

Sanskrit only: no published translation is held for this verse.

तत्र दुर्गा-व्रत-पराः कन्या धन्यादयो मताः । हरिणा पूरिताभीष्टास् तेन तास् तस्य वल्लभाः

tatra durgā-vrata-parāḥ kanyā dhanyādayo matāḥ | hariṇā pūritābhīṣṭās tena tās tasya vallabhāḥ

Sanskrit only: no published translation is held for this verse.

यथा- विस्रब्धा सखि धूलि-केलिषु पटा-संवीत-वक्षः-स्थला बालासीति न वल्लवस् तव पिता जामातरं मृग्यति । त्वं तु भ्रान्त-विलोचनास् तम् अचिराद् आकर्ण्य वृन्दावने कूजन्तीं शिखि-पिच्छ-मौलि-मुरलीं सोत्कम्पम् आघूर्णसि

yathā- visrabdhā sakhi dhūli-keliṣu paṭā-saṃvīta-vakṣaḥ-sthalā bālāsīti na vallavas tava pitā jāmātaraṃ mṛgyati | tvaṃ tu bhrānta-vilocanās tam acirād ākarṇya vṛndāvane kūjantīṃ śikhi-piccha-mauli-muralīṃ sotkampam āghūrṇasi

Sanskrit only: no published translation is held for this verse.

अथ परोढाः- गोपैर् व्यूढा अपि हरेः सदा सम्भोग-लालसाः । परोढा वल्लभास् तस्य व्रज-नार्योऽप्रसूतिकाः

atha paroḍhāḥ- gopair vyūḍhā api hareḥ sadā sambhoga-lālasāḥ | paroḍhā vallabhās tasya vraja-nāryo'prasūtikāḥ

Sanskrit only: no published translation is held for this verse.

यथा पद्यावल्याम् (३१२)- कात्यायनी-कुसुम-कामनया किम् अर्थं कान्तार-कुक्षि-कुहरं कुतुकाद् गतासि । पश्य स्तन-स्तवकयोस् तव कण्टकाङ्कं गोपः सुकण्ठि बत पश्यसि जात-कोपः

yathā padyāvalyām (312)- kātyāyanī-kusuma-kāmanayā kim arthaṃ kāntāra-kukṣi-kuharaṃ kutukād gatāsi | paśya stana-stavakayos tava kaṇṭakāṅkaṃ gopaḥ sukaṇṭhi bata paśyasi jāta-kopaḥ

Sanskrit only: no published translation is held for this verse.

एताः सर्वातिशायिन्यः शोभा-साद्गुण्य-वैभवैः । रमादिभ्योऽप्य् उरु-प्रेम-माधुर्य-भर-भूषिताः

etāḥ sarvātiśāyinyaḥ śobhā-sādguṇya-vaibhavaiḥ | ramādibhyo'py uru-prema-mādhurya-bhara-bhūṣitāḥ

Sanskrit only: no published translation is held for this verse.

तथा श्री-दशमे (१०।४७।६०)- नायं श्रियो æङ्ग उ नितान्त-रतेः प्रसादः स्वर्-योषितां नलिन-गन्ध-रुचां कुतो æन्याः । रासोत्सवे æस्य भुज-दण्ड-गृहीत-कण्ठ- लब्धाशिषां य उदगाद् व्रज-वल्लभीनाम्

tathā śrī-daśame (10.47.60)- nāyaṃ śriyo æṅga u nitānta-rateḥ prasādaḥ svar-yoṣitāṃ nalina-gandha-rucāṃ kuto ænyāḥ | rāsotsave æsya bhuja-daṇḍa-gṛhīta-kaṇṭha- labdhāśiṣāṃ ya udagād vraja-vallabhīnām

Sanskrit only: no published translation is held for this verse.

तास् त्रिधा साधन-परा देव्यो नित्य-प्रियास् तथा

tās tridhā sādhana-parā devyo nitya-priyās tathā

Sanskrit only: no published translation is held for this verse.

तत्र साधनपराः- स्युर् यौथिक्यस् त्व् अयौथिक्य इति तत्रादिमा द्विधा

tatra sādhanaparāḥ- syur yauthikyas tv ayauthikya iti tatrādimā dvidhā

Sanskrit only: no published translation is held for this verse.

तत्र यौथिक्यः- यौथिक्यस् तत्र संभूय गणशः साधने रताः । द्विविधास् तास् तु मुनयस् तथोपनिषदो मताः

tatra yauthikyaḥ- yauthikyas tatra saṃbhūya gaṇaśaḥ sādhane ratāḥ | dvividhās tās tu munayas tathopaniṣado matāḥ

Sanskrit only: no published translation is held for this verse.

तत्र मुनयः- गोपालोपासकाः पूर्वम् अप्राप्ताभीष्ट-सिद्धयः । चिराद् उद्बुद्ध-रतयो राम-सौन्दर्य-वीक्षया

tatra munayaḥ- gopālopāsakāḥ pūrvam aprāptābhīṣṭa-siddhayaḥ | cirād udbuddha-ratayo rāma-saundarya-vīkṣayā

Sanskrit only: no published translation is held for this verse.

मुनयस् तन्-निजाभीष्ट-सिद्धि-सम्पादने रताः । लब्ध-भावा व्रजे गोप्यो जाताः पाद्म इतीरितम्

munayas tan-nijābhīṣṭa-siddhi-sampādane ratāḥ | labdha-bhāvā vraje gopyo jātāḥ pādma itīritam

Sanskrit only: no published translation is held for this verse.

कथाप्य् अन्या किल बृहद्-वामने चेति विश्रुतिः । सिद्धिं कतिचिद् एवासां रासारम्भे प्रपेदिरे । इति केचित् प्रभाषन्ते प्रकटार्थानुसारिणः

kathāpy anyā kila bṛhad-vāmane ceti viśrutiḥ | siddhiṃ katicid evāsāṃ rāsārambhe prapedire | iti kecit prabhāṣante prakaṭārthānusāriṇaḥ

Sanskrit only: no published translation is held for this verse.

अथ उपनिषदः- समन्तात् सूक्ष्म-दर्शिन्यो महोपनिषदोऽखिलाः । गोपीनां वीक्ष्य सौभाग्यम् असमोर्ध्वं सुविस्मिताः

atha upaniṣadaḥ- samantāt sūkṣma-darśinyo mahopaniṣado'khilāḥ | gopīnāṃ vīkṣya saubhāgyam asamordhvaṃ suvismitāḥ

Sanskrit only: no published translation is held for this verse.

तपांसि श्रद्धया कृत्वा प्रेमाढ्या जज्ञिरे व्रजे । वल्लव्य इति पौराणी तथौपनिषदी प्रथा

tapāṃsi śraddhayā kṛtvā premāḍhyā jajñire vraje | vallavya iti paurāṇī tathaupaniṣadī prathā

Sanskrit only: no published translation is held for this verse.

अथ अयौथिक्यः- तद्-भाव-बद्ध-रागा ये जनास् ते साधने रताः । तद्-योग्यम् अनुरागौघं प्राप्योत्कण्ठानुसारतः

atha ayauthikyaḥ- tad-bhāva-baddha-rāgā ye janās te sādhane ratāḥ | tad-yogyam anurāgaughaṃ prāpyotkaṇṭhānusārataḥ

Sanskrit only: no published translation is held for this verse.

ता एकशोऽथवा द्वि-त्राः काले काले व्रजेऽभवन् । प्राचीनाश् च नवाश् च स्युर् अयौथिक्यस् ततो द्विधा

tā ekaśo'thavā dvi-trāḥ kāle kāle vraje'bhavan | prācīnāś ca navāś ca syur ayauthikyas tato dvidhā

Sanskrit only: no published translation is held for this verse.

नित्य-प्रियाभिः सालोक्यं प्राचीनाश् चिरम् आगताः । व्रजे जाता नवास् त्व् एता मर्त्यामर्त्यादि-योनितः

nitya-priyābhiḥ sālokyaṃ prācīnāś ciram āgatāḥ | vraje jātā navās tv etā martyāmartyādi-yonitaḥ

Sanskrit only: no published translation is held for this verse.

अथ देव्यः- देवेष्व् अंशेन जातस्य कृष्णस्य दिवि तुष्टये । नित्य-प्रियाणाम् अंशास् तु या याता देव-योनयः

atha devyaḥ- deveṣv aṃśena jātasya kṛṣṇasya divi tuṣṭaye | nitya-priyāṇām aṃśās tu yā yātā deva-yonayaḥ

Sanskrit only: no published translation is held for this verse.

अत्र देवावतरणे जनित्वा गोप-कन्यकाः । ता अंशिनीनाम् एवासां प्रिय-सख्योऽभवन् व्रजे

atra devāvataraṇe janitvā gopa-kanyakāḥ | tā aṃśinīnām evāsāṃ priya-sakhyo'bhavan vraje

Sanskrit only: no published translation is held for this verse.

अथ नित्यप्रियाः- राधा-चन्द्रावली-मुख्याः प्रोक्ताः नित्य-प्रिया व्रजे । कृष्णवन् नित्य-सौन्दर्य-वैदग्ध्यादि-गुणाश्रयाः

atha nityapriyāḥ- rādhā-candrāvalī-mukhyāḥ proktāḥ nitya-priyā vraje | kṛṣṇavan nitya-saundarya-vaidagdhyādi-guṇāśrayāḥ

Sanskrit only: no published translation is held for this verse.

तथा च ब्रह्म-संहितायां (५।४८)- आनन्द-चिन्मय-रस-प्रतिभाविताभिस् ताभिर् य एव निज-रूपतया कलाभिः । गोलोक एव निवसत्य् अखिलात्म-भूतो गोविन्दम् आदि-पुरुषं तम् अहं भजामि

tathā ca brahma-saṃhitāyāṃ (5.48)- ānanda-cinmaya-rasa-pratibhāvitābhis tābhir ya eva nija-rūpatayā kalābhiḥ | goloka eva nivasaty akhilātma-bhūto govindam ādi-puruṣaṃ tam ahaṃ bhajāmi

Sanskrit only: no published translation is held for this verse.

तत्र शास्त्रसिद्धास्तु राधा चन्द्रावली तथा । विशाखा ललिता श्यामा पद्मा शैब्या च भद्रिका । तारा विचित्रा गोपाली धनिष्ठा पालिकादयः

tatra śāstrasiddhāstu rādhā candrāvalī tathā | viśākhā lalitā śyāmā padmā śaibyā ca bhadrikā | tārā vicitrā gopālī dhaniṣṭhā pālikādayaḥ

Sanskrit only: no published translation is held for this verse.

चन्द्रावल्येव सोमाभा गान्धर्वा राधिकैव सा । अनुराधा तु ललिता नैतास्तेनोदिताः पृथक्

candrāvalyeva somābhā gāndharvā rādhikaiva sā | anurādhā tu lalitā naitāstenoditāḥ pṛthak

Sanskrit only: no published translation is held for this verse.

लोकप्रसिद्धनाम्न्यस्तु खञ्जनाक्षी मनोरमा । मङ्गला विमला लीला कृष्णा शारी विशारदा । तारावली चकोराक्षी शङ्करी कुङ्कुमादयः

lokaprasiddhanāmnyastu khañjanākṣī manoramā | maṅgalā vimalā līlā kṛṣṇā śārī viśāradā | tārāvalī cakorākṣī śaṅkarī kuṅkumādayaḥ

Sanskrit only: no published translation is held for this verse.

इत्यादीनान्तु शतशो यूथानि व्रजसुभ्रुवाम् । लक्षसङ्ख्यास्तु कथिता यूथे यूथे वराङ्गनाः

ityādīnāntu śataśo yūthāni vrajasubhruvām | lakṣasaṅkhyāstu kathitā yūthe yūthe varāṅganāḥ

Sanskrit only: no published translation is held for this verse.

सर्वा यूथाधिपा एता राधाद्याः कुङ्कुमान्तिमाः । विशाखां ललितां पद्मां शैब्याञ्च प्रोह्य कीर्तिताः

sarvā yūthādhipā etā rādhādyāḥ kuṅkumāntimāḥ | viśākhāṃ lalitāṃ padmāṃ śaibyāñca prohya kīrtitāḥ

Sanskrit only: no published translation is held for this verse.

किन्तु सौभाग्य-धौरेया अष्टौ राधादयो मताः । यूथाधिपात्वे æप्य् औचित्यं दधाना ललितादयः । स्वेष्ट-राधादि-भावस्य लोभात् सख्य-रुचिं दधुः

kintu saubhāgya-dhaureyā aṣṭau rādhādayo matāḥ | yūthādhipātve æpy aucityaṃ dadhānā lalitādayaḥ | sveṣṭa-rādhādi-bhāvasya lobhāt sakhya-ruciṃ dadhuḥ

Sanskrit only: no published translation is held for this verse.