Rupa Gosvamin: Ujjvalanilamani 8

अथ प्रिय-सख्यां स्नेहाधिकाः- तदीयताभिमानिन्यो याः स्नेहं सर्वदाश्रिताः । सख्याम् अल्पाधिकं कृष्णात् सखी-स्नेहाधिकास् तु ताः

atha priya-sakhyāṃ snehādhikāḥ- tadīyatābhimāninyo yāḥ snehaṃ sarvadāśritāḥ | sakhyām alpādhikaṃ kṛṣṇāt sakhī-snehādhikās tu tāḥ

Sanskrit only: no published translation is held for this verse.

यथा- विरमतु तव वृन्दे दूत्य-चातुर्य-चर्या सहचरि विनिवृत्य ब्रूहि गोष्ठेन्द्र-सूनुम् । विषम-विषधरेयं शर्वरी प्रावृषेण्या कथम् इह गिरि-कुञ्जे भीरुर् एषा प्रहेया

yathā- viramatu tava vṛnde dūtya-cāturya-caryā sahacari vinivṛtya brūhi goṣṭhendra-sūnum | viṣama-viṣadhareyaṃ śarvarī prāvṛṣeṇyā katham iha giri-kuñje bhīrur eṣā praheyā

Sanskrit only: no published translation is held for this verse.

यथा वा- वयम् इदम् अनुभूय शिक्षयाम कुरु चतुरे सह राधयैव सख्यम् । प्रिय-सहचरि यत्र बाढम् अन्त- र्भवति हरि-प्रणय-प्रमोद-लक्ष्मीः

yathā vā- vayam idam anubhūya śikṣayāma kuru cature saha rādhayaiva sakhyam | priya-sahacari yatra bāḍham anta- rbhavati hari-praṇaya-pramoda-lakṣmīḥ

Sanskrit only: no published translation is held for this verse.

याः पूर्वं प्राण-सख्यश् च नित्य-सख्यश् च कीर्तिताः । सखी-स्नेहाधिका ज्ञेयास् ता एवात्र मनीषिभिः

yāḥ pūrvaṃ prāṇa-sakhyaś ca nitya-sakhyaś ca kīrtitāḥ | sakhī-snehādhikā jñeyās tā evātra manīṣibhiḥ

Sanskrit only: no published translation is held for this verse.

अथ सम-स्नेहाः- कृष्णे स्व-प्र्य-सख्यां च वहन्त्यः कम् अपि स्फुटम् । स्नेहम् अन्यूनताधिक्यं सम-स्नेहास् तु भूरिशः

atha sama-snehāḥ- kṛṣṇe sva-prya-sakhyāṃ ca vahantyaḥ kam api sphuṭam | sneham anyūnatādhikyaṃ sama-snehās tu bhūriśaḥ

Sanskrit only: no published translation is held for this verse.

यथा- विना कृष्णं राधा व्यथयति समन्तान् मम मनो विना राधां कृष्णो æप्य् अहह सखि मां विक्लवयति । जनिः सा मे मा भूत् क्षणम् अपि न यत्र क्षणदुहौ युगेनाक्ष्णोर् लिह्यां युगपद् अनयोर् वक्त्र-शशिनौ

yathā- vinā kṛṣṇaṃ rādhā vyathayati samantān mama mano vinā rādhāṃ kṛṣṇo æpy ahaha sakhi māṃ viklavayati | janiḥ sā me mā bhūt kṣaṇam api na yatra kṣaṇaduhau yugenākṣṇor lihyāṃ yugapad anayor vaktra-śaśinau

Sanskrit only: no published translation is held for this verse.

तुल्य-प्रमाणकं प्रेम वयन्त्योऽपि द्वयोर् इमाः । राधाया वयम् इत्य् उच्चैर् अभिमानम् उपाश्रिताः । परम-प्रेष्ठ-सख्यश् च प्रिय-सख्यश् च ता मताः

tulya-pramāṇakaṃ prema vayantyo'pi dvayor imāḥ | rādhāyā vayam ity uccair abhimānam upāśritāḥ | parama-preṣṭha-sakhyaś ca priya-sakhyaś ca tā matāḥ

Sanskrit only: no published translation is held for this verse.