अग्निम् ईळे पुरोहितं यज्ञस्य देवम् ऋत्विजम् । होतारं रत्नधातमम् ॥
agnim īḷe purohitaṃ yajñasya devam ṛtvijam | hotāraṃ ratnadhātamam ||
Sanskrit only: no published translation is held for this verse.
Library·Ṛgveda Saṃhitā·1·1.1
Ṛgveda Saṃhitā 1.1
अग्निः पूर्वेभिर् ऋषिभिर् ईड्यो नूतनैर् उत । स देवां एह वक्षति ॥
agniḥ pūrvebhir ṛṣibhir īḍyo nūtanair uta | sa devāṃ eha vakṣati ||
Sanskrit only: no published translation is held for this verse.
अग्निना रयिम् अश्नवत् पोषम् एव दिवे-दिवे । यशसं वीरवत्तमम् ॥
agninā rayim aśnavat poṣam eva dive-dive | yaśasaṃ vīravattamam ||
Sanskrit only: no published translation is held for this verse.
अग्ने यं यज्ञम् अध्वरं विश्वतः परिभूर् असि । स इद् देवेषु गच्छति ॥
agne yaṃ yajñam adhvaraṃ viśvataḥ paribhūr asi | sa id deveṣu gacchati ||
Sanskrit only: no published translation is held for this verse.
अग्निर् होता कविक्रतुः सत्यश् चित्रश्रवस्तमः । देवो देवेभिर् आ गमत् ॥
agnir hotā kavikratuḥ satyaś citraśravastamaḥ | devo devebhir ā gamat ||
Sanskrit only: no published translation is held for this verse.
यद् अङ्ग दाशुषे त्वम् अग्ने भद्रं करिष्यसि । तवेत् तत् सत्यम् अङ्गिरः ॥
yad aṅga dāśuṣe tvam agne bhadraṃ kariṣyasi | tavet tat satyam aṅgiraḥ ||
Sanskrit only: no published translation is held for this verse.
उप त्वाग्ने दिवे-दिवे दोषावस्तर् धिया वयम् । नमो भरन्त एमसि ॥
upa tvāgne dive-dive doṣāvastar dhiyā vayam | namo bharanta emasi ||
Sanskrit only: no published translation is held for this verse.
राजन्तम् अध्वराणां गोपाम् ऋतस्य दीदिविम् । वर्धमानं स्वे दमे ॥
rājantam adhvarāṇāṃ gopām ṛtasya dīdivim | vardhamānaṃ sve dame ||
Sanskrit only: no published translation is held for this verse.
स नः पितेव सूनवे ऽग्ने सूपायनो भव । सचस्वा नः स्वस्तये ॥
sa naḥ piteva sūnave 'gne sūpāyano bhava | sacasvā naḥ svastaye ||
Sanskrit only: no published translation is held for this verse.