Ṛgveda Saṃhitā 1.136

प्र सु ज्येष्ठं निचिराभ्याम् बृहन् नमो हव्यम् मतिम् भरता मृळयद्भ्यां स्वादिष्ठम् मृळयद्भ्याम् । ता सम्राजा घृतासुती यज्ञे-यज्ञ उपस्तुता । अथैनोः क्षत्रं न कुतश् चनाधृषे देवत्वं नू चिद् आधृषे ॥

pra su jyeṣṭhaṃ nicirābhyām bṛhan namo havyam matim bharatā mṛḷayadbhyāṃ svādiṣṭham mṛḷayadbhyām | tā samrājā ghṛtāsutī yajñe-yajña upastutā | athainoḥ kṣatraṃ na kutaś canādhṛṣe devatvaṃ nū cid ādhṛṣe ||

Bring adoration ample and most excellent, hymn, offerings, to the watchful Twain, the bountiful, your sweetest to the bounteous Ones. Sovrans adored with streams of oil and praised at every sacrifice. Their high imperial might may nowhere be assailed, ne'er may their Godhead be assailed.

Translated by Ralph T. H. Griffith (1896)

RV 1.136.2

अदर्शि गातुर् उरवे वरीयसी पन्था ऋतस्य सम् अयंस्त रश्मिभिश् चक्षुर् भगस्य रश्मिभिः । द्युक्षम् मित्रस्य सादनम् अर्यम्णो वरुणस्य च । अथा दधाते बृहद् उक्थ्यं वय उपस्तुत्यम् बृहद् वयः ॥

adarśi gātur urave varīyasī panthā ṛtasya sam ayaṃsta raśmibhiś cakṣur bhagasya raśmibhiḥ | dyukṣam mitrasya sādanam aryamṇo varuṇasya ca | athā dadhāte bṛhad ukthyaṃ vaya upastutyam bṛhad vayaḥ ||

For the broad Sun was seen a path more widely laid, the path of holy law hath been maintained with rays, the eye with Bhaga's rays of light. Firm-set in heaven is Mitra's home, and Aryaman's and Varuna's. Thence they give forth great vital strength which merits praise, high power of life that men shall praise.

Translated by Ralph T. H. Griffith (1896)

RV 1.136.3

ज्योतिष्मतीम् अदितिं धारयत्क्षितिं स्वर्वतीम् आ सचेते दिवे-दिवे जागृवांसा दिवे-दिवे । ज्योतिष्मत् क्षत्रम् आशाते आदित्या दानुनस् पती । मित्रस् तयोर् वरुणो यातयज्जनो ऽर्यमा यातयज्जनः ॥

jyotiṣmatīm aditiṃ dhārayatkṣitiṃ svarvatīm ā sacete dive-dive jāgṛvāṃsā dive-dive | jyotiṣmat kṣatram āśāte ādityā dānunas patī | mitras tayor varuṇo yātayajjano 'ryamā yātayajjanaḥ ||

With Aditi the luminous, the celestial, upholder of the people, come ye day by day, ye who watch sleepless, day by day. Resplendent might have ye obtained, Adityas, Lords of liberal gifts. Movers of men, mild both, are Mitra, Varuna, mover of men is Aryaman.

Translated by Ralph T. H. Griffith (1896)

RV 1.136.4

अयम् मित्राय वरुणाय शन्तमः सोमो भूत्व् अवपानेष्व् आभगो देवो देवेष्व् आभगः । तं देवासो जुषेरत विश्वे अद्य सजोषसः । तथा राजाना करथो यद् ईमह ऋतावाना यद् ईमहे ॥

ayam mitrāya varuṇāya śantamaḥ somo bhūtv avapāneṣv ābhago devo deveṣv ābhagaḥ | taṃ devāso juṣerata viśve adya sajoṣasaḥ | tathā rājānā karatho yad īmaha ṛtāvānā yad īmahe ||

This Soma be most sweet to Mitra, Varuna: he in the drinking-feasts, shall have a share thereof, sharing, a God, among the Gods. May all the Gods of one accord accept it joyfully to-day. Therefore do ye, O Kings, accomplish what we ask, ye Righteous Ones, whate'er we ask.

Translated by Ralph T. H. Griffith (1896)

RV 1.136.5

यो मित्राय वरुणायाविधज् जनो ऽनर्वाणं तम् परि पातो अंहसो दाश्वांसम् मर्तम् अंहसः । तम् अर्यमाभि रक्षत्य् ऋजूयन्तम् अनु व्रतम् । उक्थैर् य एनोः परिभूषति व्रतं स्तोमैर् आभूषति व्रतम् ॥

yo mitrāya varuṇāyāvidhaj jano 'narvāṇaṃ tam pari pāto aṃhaso dāśvāṃsam martam aṃhasaḥ | tam aryamābhi rakṣaty ṛjūyantam anu vratam | ukthair ya enoḥ paribhūṣati vrataṃ stomair ābhūṣati vratam ||

Whoso, with worship serves Mitra and Varuna, him guard ye carefully, uninjured, from distress, guard from distress the liberal man. Aryaman guards him well who acts uprightly following his law, Who beautifies their service with his lauds, who makes it beautiful with songs of praise.

Translated by Ralph T. H. Griffith (1896)

RV 1.136.6

नमो दिवे बृहते रोदसीभ्याम् मित्राय वोचं वरुणाय मीळ्हुषे सुमृळीकाय मीळ्हुषे । इन्द्रम् अग्निम् उप स्तुहि द्युक्षम् अर्यमणम् भगम् । ज्योग् जीवन्तः प्रजया सचेमहि सोमस्योती सचेमहि ॥

namo dive bṛhate rodasībhyām mitrāya vocaṃ varuṇāya mīḷhuṣe sumṛḷīkāya mīḷhuṣe | indram agnim upa stuhi dyukṣam aryamaṇam bhagam | jyog jīvantaḥ prajayā sacemahi somasyotī sacemahi ||

Worship will I profess to lofty Dyaus, to Heaven and Earth, to Mitra and to bounteous Varuna, the Bounteous, the Compassionate. Praise Indra, praise thou Agni, praise Bhaga and heavenly Aryaman. Long may we live and have attendant progeny, have progeny with Soma's help.

Translated by Ralph T. H. Griffith (1896)

RV 1.136.7

ऊती देवानां वयम् इन्द्रवन्तो मंसीमहि स्वयशसो मरुद्भिः । अग्निर् मित्रो वरुणः शर्म यंसन् तद् अश्याम मघवानो वयं च ॥

ūtī devānāṃ vayam indravanto maṃsīmahi svayaśaso marudbhiḥ | agnir mitro varuṇaḥ śarma yaṃsan tad aśyāma maghavāno vayaṃ ca ||

With the Gods' help, with Indra still beside us, may we be held self-splendid with the Maruts. May Agni, Mitra, Varuna give us shelter this may we gain, we and our wealthy princes.

Translated by Ralph T. H. Griffith (1896)