Library·Ṛgveda Saṃhitā·1·1.152
युवं वस्त्राणि पीवसा वसाथे युवोर् अच्छिद्रा मन्तवो ह सर्गाः । अवातिरतम् अनृतानि विश्व ऋतेन मित्रावरुणा सचेथे ॥
yuvaṃ vastrāṇi pīvasā vasāthe yuvor acchidrā mantavo ha sargāḥ | avātiratam anṛtāni viśva ṛtena mitrāvaruṇā sacethe ||
The robes which ye put on abound with fatness: uninterrupted courses are your counsels. All falsehood, Mitra-Varuna! ye conquer, and closely cleave unto the Law Eternal.
Translated by Ralph T. H. Griffith (1896)
एतच् चन त्वो वि चिकेतद् एषां सत्यो मन्त्रः कविशस्त ऋघावान् । त्रिरश्रिं हन्ति चतुरश्रिर् उग्रो देवनिदो ह प्रथमा अजूर्यन् ॥
etac cana tvo vi ciketad eṣāṃ satyo mantraḥ kaviśasta ṛghāvān | triraśriṃ hanti caturaśrir ugro devanido ha prathamā ajūryan ||
This might of theirs hath no one comprehended. True is the crushing word the sage hath uttered, The fearful four-edged bolt smites down the three-edged, and those who hate the Gods first fall and perish.
Translated by Ralph T. H. Griffith (1896)
अपाद् एति प्रथमा पद्वतीनां कस् तद् वाम् मित्रावरुणा चिकेत । गर्भो भारम् भरत्य् आ चिद् अस्य ऋतम् पिपर्त्य् अनृतं नि तारीत् ॥
apād eti prathamā padvatīnāṃ kas tad vām mitrāvaruṇā ciketa | garbho bhāram bharaty ā cid asya ṛtam piparty anṛtaṃ ni tārīt ||
The Footless Maid precedeth footed creatures. Who marketh, Mitra-Varuna, this your doing? The Babe Unborn supporteth this world's burthen, fulfilleth Law and overcometh falsehood.
Translated by Ralph T. H. Griffith (1896)
प्रयन्तम् इत् परि जारं कनीनाम् पश्यामसि नोपनिपद्यमानम् । अनवपृग्णा वितता वसानम् प्रियम् मित्रस्य वरुणस्य धाम ॥
prayantam it pari jāraṃ kanīnām paśyāmasi nopanipadyamānam | anavapṛgṇā vitatā vasānam priyam mitrasya varuṇasya dhāma ||
We look on him the darling of the Maidens, always advancing, never falling downward, Wearing inseparable, wide-spread raiment, Mitra's and Varuna's delightful glory.
Translated by Ralph T. H. Griffith (1896)
अनश्वो जातो अनभीशुर् अर्वा कनिक्रदत् पतयद् ऊर्ध्वसानुः । अचित्तम् ब्रह्म जुजुषुर् युवानः प्र मित्रे धाम वरुणे गृणन्तः ॥
anaśvo jāto anabhīśur arvā kanikradat patayad ūrdhvasānuḥ | acittam brahma jujuṣur yuvānaḥ pra mitre dhāma varuṇe gṛṇantaḥ ||
Unbridled Courser, born but not of horses, neighing he flieth on with back uplifted. The youthful love mystery thought-surpassing, praising in Mitra-Varuna, its glory.
Translated by Ralph T. H. Griffith (1896)
आ धेनवो मामतेयम् अवन्तीर् ब्रह्मप्रियम् पीपयन् सस्मिन्न् ऊधन् । पित्वो भिक्षेत वयुनानि विद्वान् आसाविवासन्न् अदितिम् उरुष्येत् ॥
ā dhenavo māmateyam avantīr brahmapriyam pīpayan sasminn ūdhan | pitvo bhikṣeta vayunāni vidvān āsāvivāsann aditim uruṣyet ||
May the milch-kine who favour Mamateya prosper in this world him who loves devotion. May he, well skilled in rites, be food, and calling Aditi with his lips give us assistance.
Translated by Ralph T. H. Griffith (1896)
आ वाम् मित्रावरुणा हव्यजुष्टिं नमसा देवाव् अवसा ववृत्याम् । अस्माकम् ब्रह्म पृतनासु सह्या अस्माकं वृष्टिर् दिव्या सुपारा ॥
ā vām mitrāvaruṇā havyajuṣṭiṃ namasā devāv avasā vavṛtyām | asmākam brahma pṛtanāsu sahyā asmākaṃ vṛṣṭir divyā supārā ||
Gods, Mitra-Varuna, with love and worship, let me make you delight in this oblation. May our prayer be victorious in battles, may we have rain from heaven to make us prosper.
Translated by Ralph T. H. Griffith (1896)