Library·Ṛgveda Saṃhitā·1·1.184
ता वाम् अद्य ताव् अपरं हुवेमोच्छन्त्याम् उषसि वह्निर् उक्थैः । नासत्या कुह चित् सन्ताव् अर्यो दिवो नपाता सुदास्तराय ॥
tā vām adya tāv aparaṃ huvemocchantyām uṣasi vahnir ukthaiḥ | nāsatyā kuha cit santāv aryo divo napātā sudāstarāya ||
Let us invoke you both this day and after the priest is here with lauds when morn is breaking: Nasatyas, wheresoe'er ye be, Heaven's Children, for him who is more liberal than the godless.
Translated by Ralph T. H. Griffith (1896)
अस्मे ऊ षु वृषणा मादयेथाम् उत् पणींर् हतम् ऊर्म्या मदन्ता । श्रुतम् मे अच्छोक्तिभिर् मतीनाम् एष्टा नरा निचेतारा च कर्णैः ॥
asme ū ṣu vṛṣaṇā mādayethām ut paṇīṃr hatam ūrmyā madantā | śrutam me acchoktibhir matīnām eṣṭā narā nicetārā ca karṇaiḥ ||
With us, ye Mighty, let yourselves be joyful, glad in our stream of Soma slay the niggards. Graciously hear my hymns and invitations, marking, O Heroes, with your cars my longing.
Translated by Ralph T. H. Griffith (1896)
श्रिये पूषन्न् इषुकृतेव देवा नासत्या वहतुं सूर्यायाः । वच्यन्ते वां ककुहा अप्सु जाता युगा जूर्णेव वरुणस्य भूरेः ॥
śriye pūṣann iṣukṛteva devā nāsatyā vahatuṃ sūryāyāḥ | vacyante vāṃ kakuhā apsu jātā yugā jūrṇeva varuṇasya bhūreḥ ||
Nasatyas, Pusans, ye as Gods for glory arranged and set in order Surya's bridal. Your giant steeds move on, sprung from the waters, like ancient times of Varuna the Mighty.
Translated by Ralph T. H. Griffith (1896)
अस्मे सा वाम् माध्वी रातिर् अस्तु स्तोमं हिनोतम् मान्यस्य कारोः । अनु यद् वां श्रवस्या सुदानू सुवीर्याय चर्षणयो मदन्ति ॥
asme sā vām mādhvī rātir astu stomaṃ hinotam mānyasya kāroḥ | anu yad vāṃ śravasyā sudānū suvīryāya carṣaṇayo madanti ||
Your grace be with us, ye who love sweet juices: further the hymn sung by the poet Mana, When men are joyful in your glorious actions, to win heroic strength, ye Bounteous Givers.
Translated by Ralph T. H. Griffith (1896)
एष वां स्तोमो अश्विनाव् अकारि मानेभिर् मघवाना सुवृक्ति । यातं वर्तिस् तनयाय त्मने चागस्त्ये नासत्या मदन्ता ॥
eṣa vāṃ stomo aśvināv akāri mānebhir maghavānā suvṛkti | yātaṃ vartis tanayāya tmane cāgastye nāsatyā madantā ||
This praise was made, O liberal Lords, O Asvins, for you with fair adornment by the Manas. Come to our house for us and for our children, rejoicing, O Nasatyas, in Agastya.
Translated by Ralph T. H. Griffith (1896)
अतारिष्म तमसस् पारम् अस्य प्रति वां स्तोमो अश्विनाव् अधायि । एह यातम् पथिभिर् देवयानैर् विद्यामेषं वृजनं जीरदानुम् ॥
atāriṣma tamasas pāram asya prati vāṃ stomo aśvināv adhāyi | eha yātam pathibhir devayānair vidyāmeṣaṃ vṛjanaṃ jīradānum ||
We have passed o'er the limit of this darkness: our praise hath been bestowed on you, O Asvins. Come hitherward by paths which Gods have travelled. may we find strengthening food in full abundance.
Translated by Ralph T. H. Griffith (1896)