Library·Ṛgveda Saṃhitā·1·1.22
प्रातर्युजा वि बोधयाश्विनाव् एह गच्छताम् । अस्य सोमस्य पीतये ॥
prātaryujā vi bodhayāśvināv eha gacchatām | asya somasya pītaye ||
Waken the Asvin Pair who yoke their car at early morn: may they Approach to drink this Soma juice.
Translated by Ralph T. H. Griffith (1896)
या सुरथा रथीतमोभा देवा दिविस्पृशा । अश्विना ता हवामहे ॥
yā surathā rathītamobhā devā divispṛśā | aśvinā tā havāmahe ||
We call the Asvins Twain, the Gods borne in a noble car, the best Of charioteers, who reach the heavens.
Translated by Ralph T. H. Griffith (1896)
या वां कशा मधुमत्य् अश्विना सूनृतावती । तया यज्ञम् मिमिक्षतम् ॥
yā vāṃ kaśā madhumaty aśvinā sūnṛtāvatī | tayā yajñam mimikṣatam ||
Dropping with honey is your whip, Asvins, and full of pleasantness Sprinkle therewith the sacrifice.
Translated by Ralph T. H. Griffith (1896)
नहि वाम् अस्ति दूरके यत्रा रथेन गच्छथः । अश्विना सोमिनो गृहम् ॥
nahi vām asti dūrake yatrā rathena gacchathaḥ | aśvinā somino gṛham ||
As ye go thither in your car, not far, O Asvins, is the home Of him who offers Soma juice.
Translated by Ralph T. H. Griffith (1896)
हिरण्यपाणिम् ऊतये सवितारम् उप ह्वये । स चेत्ता देवता पदम् ॥
hiraṇyapāṇim ūtaye savitāram upa hvaye | sa cettā devatā padam ||
For my protection I invoke the golden-handed Savitar. He knoweth, as a God, the place.
Translated by Ralph T. H. Griffith (1896)
अपां नपातम् अवसे सवितारम् उप स्तुहि । तस्य व्रतान्य् उश्मसि ॥
apāṃ napātam avase savitāram upa stuhi | tasya vratāny uśmasi ||
That he may send us succour, praise the Waters' Offspring Savitar: Fain are we for his holy ways.
Translated by Ralph T. H. Griffith (1896)
विभक्तारं हवामहे वसोश् चित्रस्य राधसः । सवितारं नृचक्षसम् ॥
vibhaktāraṃ havāmahe vasoś citrasya rādhasaḥ | savitāraṃ nṛcakṣasam ||
We call on him, distributer of wondrous bounty and of wealth, On Savitar who looks on men.
Translated by Ralph T. H. Griffith (1896)
सखाय आ नि षीदत सविता स्तोम्यो नु नः । दाता राधांसि शुम्भति ॥
sakhāya ā ni ṣīdata savitā stomyo nu naḥ | dātā rādhāṃsi śumbhati ||
Come hither, friends, and seat yourselves Savitar, to be praised by us, Giving good gifts, is beautiful.
Translated by Ralph T. H. Griffith (1896)
अग्ने पत्नीर् इहा वह देवानाम् उशतीर् उप । त्वष्टारं सोमपीतये ॥
agne patnīr ihā vaha devānām uśatīr upa | tvaṣṭāraṃ somapītaye ||
O Agni, hither bring to us the willing Spouses of the Gods, And Tvastar, to the Soma draught.
Translated by Ralph T. H. Griffith (1896)
आ ग्ना अग्न इहावसे होत्रां यविष्ठ भारतीम् । वरूत्रीं धिषणां वह ॥
ā gnā agna ihāvase hotrāṃ yaviṣṭha bhāratīm | varūtrīṃ dhiṣaṇāṃ vaha ||
Most youthful Agni, hither bring their Spouses, Hotra, Bharati, Varutri, Dhisana, for aid.
Translated by Ralph T. H. Griffith (1896)
अभि नो देवीर् अवसा महः शर्मणा नृपत्नीः । अच्छिन्नपत्राः सचन्ताम् ॥
abhi no devīr avasā mahaḥ śarmaṇā nṛpatnīḥ | acchinnapatrāḥ sacantām ||
Spouses of Heroes, Goddesses, with whole wings may they come to us With great protection and with aid.
Translated by Ralph T. H. Griffith (1896)
इहेन्द्राणीम् उप ह्वये वरुणानीं स्वस्तये । अग्नायीं सोमपीतये ॥
ihendrāṇīm upa hvaye varuṇānīṃ svastaye | agnāyīṃ somapītaye ||
Indrani, Varunani, and Agnayi hither I invite, For weal, to drink the Soma juice.
Translated by Ralph T. H. Griffith (1896)
मही द्यौः पृथिवी च न इमं यज्ञम् मिमिक्षताम् । पिपृतां नो भरीमभिः ॥
mahī dyauḥ pṛthivī ca na imaṃ yajñam mimikṣatām | pipṛtāṃ no bharīmabhiḥ ||
May Heaven and Earth, the Mighty Pair, bedew for us our sacrifice, And feed us full with nourishments.
Translated by Ralph T. H. Griffith (1896)
तयोर् इद् घृतवत् पयो विप्रा रिहन्ति धीतिभिः । गन्धर्वस्य ध्रुवे पदे ॥
tayor id ghṛtavat payo viprā rihanti dhītibhiḥ | gandharvasya dhruve pade ||
Their water rich with fatness, there in the Gandharva's steadfast place, The singers taste through sacred songs.
Translated by Ralph T. H. Griffith (1896)
स्योना पृथिवि भवानृक्षरा निवेशनी । यच्छा नः शर्म सप्रथः ॥
syonā pṛthivi bhavānṛkṣarā niveśanī | yacchā naḥ śarma saprathaḥ ||
Thornless be thou, O Earth, spread wide before us for a dwelling-place: Vouchsafe us shelter broad and sure.
Translated by Ralph T. H. Griffith (1896)
अतो देवा अवन्तु नो यतो विष्णुर् विचक्रमे । पृथिव्याः सप्त धामभिः ॥
ato devā avantu no yato viṣṇur vicakrame | pṛthivyāḥ sapta dhāmabhiḥ ||
The Gods be gracious unto us even from the place whence Visnu strode Through the seven regions of the earth!
Translated by Ralph T. H. Griffith (1896)
इदं विष्णुर् वि चक्रमे त्रेधा नि दधे पदम् । समूळ्हम् अस्य पांसुरे ॥
idaṃ viṣṇur vi cakrame tredhā ni dadhe padam | samūḷham asya pāṃsure ||
Through all this world strode Visnu; thrice his foot he planted, and the whole Was gathered in his footstep's dust.
Translated by Ralph T. H. Griffith (1896)
त्रीणि पदा वि चक्रमे विष्णुर् गोपा अदाभ्यः । अतो धर्माणि धारयन् ॥
trīṇi padā vi cakrame viṣṇur gopā adābhyaḥ | ato dharmāṇi dhārayan ||
Visnu, the Guardian, he whom none deceiveth, made three steps; thenceforth Establishing his high decrees.
Translated by Ralph T. H. Griffith (1896)
विष्णोः कर्माणि पश्यत यतो व्रतानि पस्पशे । इन्द्रस्य युज्यः सखा ॥
viṣṇoḥ karmāṇi paśyata yato vratāni paspaśe | indrasya yujyaḥ sakhā ||
Look ye on Visnu's works, whereby the Friend of Indra, close-allied, Hath let his holy ways be seen.
Translated by Ralph T. H. Griffith (1896)
तद् विष्णोः परमम् पदं सदा पश्यन्ति सूरयः । दिवीव चक्षुर् आततम् ॥
tad viṣṇoḥ paramam padaṃ sadā paśyanti sūrayaḥ | divīva cakṣur ātatam ||
The princes evermore behold that loftiest place where Visnu is, Laid as it were an eye in heaven.
Translated by Ralph T. H. Griffith (1896)
तद् विप्रासो विपन्यवो जागृवांसः सम् इन्धते । विष्णोर् यत् परमम् पदम् ॥
tad viprāso vipanyavo jāgṛvāṃsaḥ sam indhate | viṣṇor yat paramam padam ||
This, Vishnu's station most sublime, the singers, ever vigilant, Lovers of holy song, light up.
Translated by Ralph T. H. Griffith (1896)