Library·Ṛgveda Saṃhitā·1·1.24
कस्य नूनं कतमस्यामृतानाम् मनामहे चारु देवस्य नाम । को नो मह्या अदितये पुनर् दात् पितरं च दृशेयम् मातरं च ॥
kasya nūnaṃ katamasyāmṛtānām manāmahe cāru devasya nāma | ko no mahyā aditaye punar dāt pitaraṃ ca dṛśeyam mātaraṃ ca ||
Who now is he, what God among Immortals, of whose auspicious name we may bethink us? Who shall to mighty Aditi restore us, that I may see my Father and my Mother?
Translated by Ralph T. H. Griffith (1896)
अग्नेर् वयम् प्रथमस्यामृतानाम् मनामहे चारु देवस्य नाम । स नो मह्या अदितये पुनर् दात् पितरं च दृशेयम् मातरं च ॥
agner vayam prathamasyāmṛtānām manāmahe cāru devasya nāma | sa no mahyā aditaye punar dāt pitaraṃ ca dṛśeyam mātaraṃ ca ||
Agni the God the first among the Immortals,--of his auspicious name let us bethink us. He shall to mighty Aditi restore us, that I may see my Father and my Mother.
Translated by Ralph T. H. Griffith (1896)
अभि त्वा देव सवितर् ईशानं वार्याणाम् । सदावन् भागम् ईमहे ॥
abhi tvā deva savitar īśānaṃ vāryāṇām | sadāvan bhāgam īmahe ||
To thee, O Savitar, the Lord of precious things, who helpest us Continually, for our share we come-
Translated by Ralph T. H. Griffith (1896)
यश् चिद् धि त इत्था भगः शशमानः पुरा निदः । अद्वेषो हस्तयोर् दधे ॥
yaś cid dhi ta itthā bhagaḥ śaśamānaḥ purā nidaḥ | adveṣo hastayor dadhe ||
Wealth, highly lauded ere reproach hath fallen on it, which is laid, Free from all hatred, in thy hands
Translated by Ralph T. H. Griffith (1896)
भगभक्तस्य ते वयम् उद् अशेम तवावसा । मूर्धानं राय आरभे ॥
bhagabhaktasya te vayam ud aśema tavāvasā | mūrdhānaṃ rāya ārabhe ||
Through thy protection may we come to even the height of affluence Which Bhaga hath dealt out to us.
Translated by Ralph T. H. Griffith (1896)
नहि ते क्षत्रं न सहो न मन्युं वयश् चनामी पतयन्त आपुः । नेमा आपो अनिमिषं चरन्तीर् न ये वातस्य प्रमिनन्त्य् अभ्वम् ॥
nahi te kṣatraṃ na saho na manyuṃ vayaś canāmī patayanta āpuḥ | nemā āpo animiṣaṃ carantīr na ye vātasya praminanty abhvam ||
Ne'er have those birds that fly through air attained to thy high dominion or thy might or spirit; Nor these the waters that flow on for ever, nor hills, abaters of the wind's wild fury.
Translated by Ralph T. H. Griffith (1896)
अबुध्ने राजा वरुणो वनस्योर्ध्वं स्तूपं ददते पूतदक्षः । नीचीना स्थुर् उपरि बुध्न एषाम् अस्मे अन्तर् निहिताः केतवः स्युः ॥
abudhne rājā varuṇo vanasyordhvaṃ stūpaṃ dadate pūtadakṣaḥ | nīcīnā sthur upari budhna eṣām asme antar nihitāḥ ketavaḥ syuḥ ||
Varuna, King, of hallowed might, sustaineth erect the Tree's stem in the baseless region. Its rays, whose root is high above, stream downward. Deep may they sink within us, and be hidden.
Translated by Ralph T. H. Griffith (1896)
उरुं हि राजा वरुणश् चकार सूर्याय पन्थाम् अन्वेतवा उ । अपदे पादा प्रतिधातवे ऽकर् उतापवक्ता हृदयाविधश् चित् ॥
uruṃ hi rājā varuṇaś cakāra sūryāya panthām anvetavā u | apade pādā pratidhātave 'kar utāpavaktā hṛdayāvidhaś cit ||
King Varuna hath made a spacious pathway, a pathway for the Sun wherein to travel. Where no way was he made him set his footstep, and warned afar whate'er afflicts the spirit.
Translated by Ralph T. H. Griffith (1896)
शतं ते राजन् भिषजः सहस्रम् उर्वी गभीरा सुमतिष् टे अस्तु । बाधस्व दूरे निरृतिम् पराचैः कृतं चिद् एनः प्र मुमुग्ध्य् अस्मत् ॥
śataṃ te rājan bhiṣajaḥ sahasram urvī gabhīrā sumatiṣ ṭe astu | bādhasva dūre nirṛtim parācaiḥ kṛtaṃ cid enaḥ pra mumugdhy asmat ||
A hundred balms are thine, O King, a thousand; deep and wide-reaching also be thy favours. Far from us, far away drive thou Destruction. Put from us e'en the sin we have committed.
Translated by Ralph T. H. Griffith (1896)
अमी य ऋक्षा निहितास उच्चा नक्तं ददृश्रे कुह चिद् दिवेयुः । अदब्धानि वरुणस्य व्रतानि विचाकशच् चन्द्रमा नक्तम् एति ॥
amī ya ṛkṣā nihitāsa uccā naktaṃ dadṛśre kuha cid diveyuḥ | adabdhāni varuṇasya vratāni vicākaśac candramā naktam eti ||
Whither by day depart the constellations that shine at night, set high in heaven above us? Varuna's holy laws remain unweakened, and through the night the Moon moves on in splendor
Translated by Ralph T. H. Griffith (1896)
तत् त्वा यामि ब्रह्मणा वन्दमानस् तद् आ शास्ते यजमानो हविर्भिः । अहेळमानो वरुणेह बोध्य् उरुशंस मा न आयुः प्र मोषीः ॥
tat tvā yāmi brahmaṇā vandamānas tad ā śāste yajamāno havirbhiḥ | aheḷamāno varuṇeha bodhy uruśaṃsa mā na āyuḥ pra moṣīḥ ||
I ask this of thee with my prayer adoring; thy worshipper craves this with his oblation. Varuna, stay thou here and be not angry; steal not our life from us, O thou Wide-Ruler.
Translated by Ralph T. H. Griffith (1896)
तद् इन् नक्तं तद् दिवा मह्यम् आहुस् तद् अयं केतो हृद आ वि चष्टे । शुनःशेपो यम् अह्वद् गृभीतः सो अस्मान् राजा वरुणो मुमोक्तु ॥
tad in naktaṃ tad divā mahyam āhus tad ayaṃ keto hṛda ā vi caṣṭe | śunaḥśepo yam ahvad gṛbhītaḥ so asmān rājā varuṇo mumoktu ||
Nightly and daily this one thing they tell me, this too the thought of mine own heart repeateth. May he to whom prayed fettered Sunahsepa, may he the Sovran Varuna release us.
Translated by Ralph T. H. Griffith (1896)
शुनःशेपो ह्य् अह्वद् गृभीतस् त्रिष्व् आदित्यं द्रुपदेषु बद्धः । अवैनं राजा वरुणः ससृज्याद् विद्वां अदब्धो वि मुमोक्तु पाशान् ॥
śunaḥśepo hy ahvad gṛbhītas triṣv ādityaṃ drupadeṣu baddhaḥ | avainaṃ rājā varuṇaḥ sasṛjyād vidvāṃ adabdho vi mumoktu pāśān ||
Bound to three pillars captured Sunahsepa thus to the Aditya made his supplication. Him may the Sovran Varuna deliver, wise, ne'er deceived, loosen the bonds that bind him.
Translated by Ralph T. H. Griffith (1896)
अव ते हेळो वरुण नमोभिर् अव यज्ञेभिर् ईमहे हविर्भिः । क्षयन्न् अस्मभ्यम् असुर प्रचेता राजन्न् एनांसि शिश्रथः कृतानि ॥
ava te heḷo varuṇa namobhir ava yajñebhir īmahe havirbhiḥ | kṣayann asmabhyam asura pracetā rājann enāṃsi śiśrathaḥ kṛtāni ||
With bending down, oblations, sacrifices, O Varuna, we deprecate thine anger: Wise Asura, thou King of wide dominion, loosen the bonds of sins by us committed.
Translated by Ralph T. H. Griffith (1896)
उद् उत्तमं वरुण पाशम् अस्मद् अवाधमं वि मध्यमं श्रथाय । अथा वयम् आदित्य व्रते तवानागसो अदितये स्याम ॥
ud uttamaṃ varuṇa pāśam asmad avādhamaṃ vi madhyamaṃ śrathāya | athā vayam āditya vrate tavānāgaso aditaye syāma ||
Loosen the bonds, O Varuna, that hold me, loosen the bonds above, between, and under. So in thy holy law may we made sinless belong to Aditi, O thou Aditya.
Translated by Ralph T. H. Griffith (1896)