Library·Ṛgveda Saṃhitā·1·1.27
अश्वं न त्वा वारवन्तं वन्दध्या अग्निं नमोभिः । सम्राजन्तम् अध्वराणाम् ॥
aśvaṃ na tvā vāravantaṃ vandadhyā agniṃ namobhiḥ | samrājantam adhvarāṇām ||
With worship will I glorify thee, Agni, like a long-tailed steed, Imperial Lord of sacred rites.
Translated by Ralph T. H. Griffith (1896)
स घा नः सूनुः शवसा पृथुप्रगामा सुशेवः । मीढ्वां अस्माकम् बभूयात् ॥
sa ghā naḥ sūnuḥ śavasā pṛthupragāmā suśevaḥ | mīḍhvāṃ asmākam babhūyāt ||
May the far-striding Son of Strength, bringer of great felicity, Who pours his gifts like rain, be ours.
Translated by Ralph T. H. Griffith (1896)
स नो दूराच् चासाच् च नि मर्त्याद् अघायोः । पाहि सदम् इद् विश्वायुः ॥
sa no dūrāc cāsāc ca ni martyād aghāyoḥ | pāhi sadam id viśvāyuḥ ||
Lord of all life, from near; from far, do thou, O Agni evermore Protect us from the sinful man.
Translated by Ralph T. H. Griffith (1896)
इमम् ऊ षु त्वम् अस्माकं सनिं गायत्रं नव्यांसम् । अग्ने देवेषु प्र वोचः ॥
imam ū ṣu tvam asmākaṃ saniṃ gāyatraṃ navyāṃsam | agne deveṣu pra vocaḥ ||
O Agni, graciously announce this our oblation to the Gods, And this our newest song of praise.
Translated by Ralph T. H. Griffith (1896)
आ नो भज परमेष्व् आ वाजेषु मध्यमेषु । शिक्षा वस्वो अन्तमस्य ॥
ā no bhaja parameṣv ā vājeṣu madhyameṣu | śikṣā vasvo antamasya ||
Give us a share of strength most high, a share of strength that is below, A share of strength that is between.
Translated by Ralph T. H. Griffith (1896)
विभक्तासि चित्रभानो सिन्धोर् ऊर्मा उपाक आ । सद्यो दाशुषे क्षरसि ॥
vibhaktāsi citrabhāno sindhor ūrmā upāka ā | sadyo dāśuṣe kṣarasi ||
Thou dealest gifts, resplendent One; nigh, as with waves of Sindhu, thou Swift streamest to the worshipper.
Translated by Ralph T. H. Griffith (1896)
यम् अग्ने पृत्सु मर्त्यम् अवा वाजेषु यं जुनाः । स यन्ता शश्वतीर् इषः ॥
yam agne pṛtsu martyam avā vājeṣu yaṃ junāḥ | sa yantā śaśvatīr iṣaḥ ||
That man is lord of endless strength whom thou protectest in the fight, Agni, or urgest to the fray.
Translated by Ralph T. H. Griffith (1896)
नकिर् अस्य सहन्त्य पर्येता कयस्य चित् । वाजो अस्ति श्रवाय्यः ॥
nakir asya sahantya paryetā kayasya cit | vājo asti śravāyyaḥ ||
Him, whosoever he may be, no man may vanquish, mighty One: Nay, very glorious power is his.
Translated by Ralph T. H. Griffith (1896)
स वाजं विश्वचर्षणिर् अर्वद्भिर् अस्तु तरुता । विप्रेभिर् अस्तु सनिता ॥
sa vājaṃ viśvacarṣaṇir arvadbhir astu tarutā | viprebhir astu sanitā ||
May he who dwells with all mankind bear us with war-steeds through the fight, And with the singers win the spoil.
Translated by Ralph T. H. Griffith (1896)
जराबोध तद् विविड्ढि विशे-विशे यज्ञियाय । स्तोमं रुद्राय दृशीकम् ॥
jarābodha tad viviḍḍhi viśe-viśe yajñiyāya | stomaṃ rudrāya dṛśīkam ||
Help, thou who knowest lauds, this work, this eulogy to Rudra, him Adorable in every house.
Translated by Ralph T. H. Griffith (1896)
स नो महां अनिमानो धूमकेतुः पुरुश्चन्द्रः । धिये वाजाय हिन्वतु ॥
sa no mahāṃ animāno dhūmaketuḥ puruścandraḥ | dhiye vājāya hinvatu ||
May this our God, great, limitless, smoke-bannered excellently bright, Urge us to strength and holy thought.
Translated by Ralph T. H. Griffith (1896)
स रेवां इव विश्पतिर् दैव्यः केतुः शृणोतु नः । उक्थैर् अग्निर् बृहद्भानुः ॥
sa revāṃ iva viśpatir daivyaḥ ketuḥ śṛṇotu naḥ | ukthair agnir bṛhadbhānuḥ ||
Like some rich Lord of men may he, Agni the banner of the Gods, Refulgent, hear us through our lauds.
Translated by Ralph T. H. Griffith (1896)
नमो महद्भ्यो नमो अर्भकेभ्यो नमो युवभ्यो नम आशिनेभ्यः । यजाम देवान् यदि शक्नवाम मा ज्यायसः शंसम् आ वृक्षि देवाः ॥
namo mahadbhyo namo arbhakebhyo namo yuvabhyo nama āśinebhyaḥ | yajāma devān yadi śaknavāma mā jyāyasaḥ śaṃsam ā vṛkṣi devāḥ ||
Glory to Gods, the mighty and the lesser glory to Gods the younger and the elder! Let us, if we have power, pay the God worship: no better prayer than this, ye Gods, acknowledge.
Translated by Ralph T. H. Griffith (1896)