Library·Ṛgveda Saṃhitā·1·1.30
आ व इन्द्रं क्रिविं यथा वाजयन्तः शतक्रतुम् । मंहिष्ठं सिञ्च इन्दुभिः ॥
ā va indraṃ kriviṃ yathā vājayantaḥ śatakratum | maṃhiṣṭhaṃ siñca indubhiḥ ||
We seeking strength with Soma-drops fill full your Indra like a well, Most liberal, Lord of Hundred Powers,
Translated by Ralph T. H. Griffith (1896)
शतं वा यः शुचीनां सहस्रं वा समाशिराम् । एद् उ निम्नं न रीयते ॥
śataṃ vā yaḥ śucīnāṃ sahasraṃ vā samāśirām | ed u nimnaṃ na rīyate ||
Who lets a hundred of the pure, a thousand of the milk-blent draughts Flow, even as down a depth, to him;
Translated by Ralph T. H. Griffith (1896)
सं यन् मदाय शुष्मिण एना ह्य् अस्योदरे । समुद्रो न व्यचो दधे ॥
saṃ yan madāya śuṣmiṇa enā hy asyodare | samudro na vyaco dadhe ||
When for the strong, the rapturous joy he in this manner hath made room Within his belly, like the sea.
Translated by Ralph T. H. Griffith (1896)
अयम् उ ते सम् अतसि कपोत इव गर्भधिम् । वचस् तच् चिन् न ओहसे ॥
ayam u te sam atasi kapota iva garbhadhim | vacas tac cin na ohase ||
This is thine own. Thou drawest near, as turns a pigeon to his mate: Thou carest too for this our prayer.
Translated by Ralph T. H. Griffith (1896)
स्तोत्रं राधानाम् पते गिर्वाहो वीर यस्य ते । विभूतिर् अस्तु सूनृता ॥
stotraṃ rādhānām pate girvāho vīra yasya te | vibhūtir astu sūnṛtā ||
O Hero, Lord of Bounties, praised in hymns, may power and joyfulness Be his who sings the laud to thee.
Translated by Ralph T. H. Griffith (1896)
ऊर्ध्वस् तिष्ठा न ऊतये ऽस्मिन् वाजे शतक्रतो । सम् अन्येषु ब्रवावहै ॥
ūrdhvas tiṣṭhā na ūtaye 'smin vāje śatakrato | sam anyeṣu bravāvahai ||
Lord of a Hundred Powers, stand up to lend us succour in this fight In others too let us agree.
Translated by Ralph T. H. Griffith (1896)
योगे-योगे तवस्तरं वाजे-वाजे हवामहे । सखाय इन्द्रम् ऊतये ॥
yoge-yoge tavastaraṃ vāje-vāje havāmahe | sakhāya indram ūtaye ||
In every need, in every fray we call as friends to succour us Indra the mightiest of all.
Translated by Ralph T. H. Griffith (1896)
आ घा गमद् यदि श्रवत् सहस्रिणीभिर् ऊतिभिः । वाजेभिर् उप नो हवम् ॥
ā ghā gamad yadi śravat sahasriṇībhir ūtibhiḥ | vājebhir upa no havam ||
If he will hear us let him come with succour of a thousand kinds, And all that strengthens, to our call.
Translated by Ralph T. H. Griffith (1896)
अनु प्रत्नस्यौकसो हुवे तुविप्रतिं नरम् । यं ते पूर्वम् पिता हुवे ॥
anu pratnasyaukaso huve tuvipratiṃ naram | yaṃ te pūrvam pitā huve ||
I call him mighty to resist, the Hero of our ancient home, Thee whom my sire invoked of old.
Translated by Ralph T. H. Griffith (1896)
तं त्वा वयं विश्ववारा शास्महे पुरुहूत । सखे वसो जरितृभ्यः ॥
taṃ tvā vayaṃ viśvavārā śāsmahe puruhūta | sakhe vaso jaritṛbhyaḥ ||
We pray to thee, O much-invoked, rich in all precious gifts, O Friend, Kind God to those who sing thy praise.
Translated by Ralph T. H. Griffith (1896)
अस्माकं शिप्रिणीनां सोमपाः सोमपाव्नाम् । सखे वज्रिन् सखीनाम् ॥
asmākaṃ śipriṇīnāṃ somapāḥ somapāvnām | sakhe vajrin sakhīnām ||
O Soma-drinker, Thunder-armed, Friend of our lovely-featured dames And of our Soma-drinking friends.
Translated by Ralph T. H. Griffith (1896)
तथा तद् अस्तु सोमपाः सखे वज्रिन् तथा कृणु । यथा त उश्मसीष्टये ॥
tathā tad astu somapāḥ sakhe vajrin tathā kṛṇu | yathā ta uśmasīṣṭaye ||
Thus, Soma-drinker, may it be; thus, Friend, who wieldest thunder, act To aid each wish as we desire.
Translated by Ralph T. H. Griffith (1896)
रेवतीर् नः सधमाद इन्द्रे सन्तु तुविवाजाः । क्षुमन्तो याभिर् मदेम ॥
revatīr naḥ sadhamāda indre santu tuvivājāḥ | kṣumanto yābhir madema ||
With Indra splendid feasts be ours, rich in all strengthening things wherewith, Wealthy in food, we may rejoice.
Translated by Ralph T. H. Griffith (1896)
आ घ त्वावान् त्मनाप्त स्तोतृभ्यो धृष्णव् इयानः । ऋणोर् अक्षं न चक्र्योः ॥
ā gha tvāvān tmanāpta stotṛbhyo dhṛṣṇav iyānaḥ | ṛṇor akṣaṃ na cakryoḥ ||
Like thee, thyself, the singers' Friend, thou movest, as it were, besought, Bold One, the axle of the car.
Translated by Ralph T. H. Griffith (1896)
आ यद् दुवः शतक्रतव् आ कामं जरितॄणाम् । ऋणोर् अक्षं न शचीभिः ॥
ā yad duvaḥ śatakratav ā kāmaṃ jaritṝṇām | ṛṇor akṣaṃ na śacībhiḥ ||
That, Satakratu, thou to grace and please thy praisers, as it were, Stirrest the axle with thy strength.
Translated by Ralph T. H. Griffith (1896)
शश्वद् इन्द्रः पोप्रुथद्भिर् जिगाय नानदद्भिः शाश्वसद्भिर् धनानि । स नो हिरण्यरथं दंसनावान् स नः सनिता सनये स नो ऽदात् ॥
śaśvad indraḥ popruthadbhir jigāya nānadadbhiḥ śāśvasadbhir dhanāni | sa no hiraṇyarathaṃ daṃsanāvān sa naḥ sanitā sanaye sa no 'dāt ||
With champing, neighing loudly-snorting horses Indra hath ever won himself great treasures A car of gold hath he whose deeds are wondrous received from us, and let us too receive it.
Translated by Ralph T. H. Griffith (1896)
आश्विनाव् अश्वावत्येषा यातं शवीरया । गोमद् दस्रा हिरण्यवत् ॥
āśvināv aśvāvatyeṣā yātaṃ śavīrayā | gomad dasrā hiraṇyavat ||
Come, Asvins, with enduring strength wealthy in horses and in kine, And gold, O ye of wondrous deeds.
Translated by Ralph T. H. Griffith (1896)
समानयोजनो हि वां रथो दस्राव् अमर्त्यः । समुद्रे अश्विनेयते ॥
samānayojano hi vāṃ ratho dasrāv amartyaḥ | samudre aśvineyate ||
Your chariot yoked for both alike, immortal, ye of mighty acts, Travels, O Asvins, in the sea.
Translated by Ralph T. H. Griffith (1896)
न्य् अघ्न्यस्य मूर्धनि चक्रं रथस्य येमथुः । परि द्याम् अन्यद् ईयते ॥
ny aghnyasya mūrdhani cakraṃ rathasya yemathuḥ | pari dyām anyad īyate ||
High on the forehead of the Bull one chariot wheel ye ever keep, The other round the sky revolves.
Translated by Ralph T. H. Griffith (1896)
कस् त उषः कधप्रिये भुजे मर्तो अमर्त्ये । कं नक्षसे विभावरि ॥
kas ta uṣaḥ kadhapriye bhuje marto amartye | kaṃ nakṣase vibhāvari ||
What mortal, O immortal Dawn, enjoyeth thee? Where lovest thou? To whom, O radiant, dost thou go?
Translated by Ralph T. H. Griffith (1896)
वयं हि ते अमन्मह्य् आन्ताद् आ पराकात् । अश्वे न चित्रे अरुषि ॥
vayaṃ hi te amanmahy āntād ā parākāt | aśve na citre aruṣi ||
For we have had thee in our thoughts whether anear or far away, Red-hued and like a dappled mare.
Translated by Ralph T. H. Griffith (1896)
त्वं त्येभिर् आ गहि वाजेभिर् दुहितर् दिवः । अस्मे रयिं नि धारय ॥
tvaṃ tyebhir ā gahi vājebhir duhitar divaḥ | asme rayiṃ ni dhāraya ||
Hither, O Daughter of the Sky, come thou with these thy strengthenings, And send thou riches down to us.
Translated by Ralph T. H. Griffith (1896)