Library·Ṛgveda Saṃhitā·1·1.44
अग्ने विवस्वद् उषसश् चित्रं राधो अमर्त्य । आ दाशुषे जातवेदो वहा त्वम् अद्या देवां उषर्बुधः ॥
agne vivasvad uṣasaś citraṃ rādho amartya | ā dāśuṣe jātavedo vahā tvam adyā devāṃ uṣarbudhaḥ ||
Immortal Jatavedas, thou many-hued fulgent gift of Dawn, Agni, this day to him who pays oblations bring the Gods who waken with the morn.
Translated by Ralph T. H. Griffith (1896)
जुष्टो हि दूतो असि हव्यवाहनो ऽग्ने रथीर् अध्वराणाम् । सजूर् अश्विभ्याम् उषसा सुवीर्यम् अस्मे धेहि श्रवो बृहत् ॥
juṣṭo hi dūto asi havyavāhano 'gne rathīr adhvarāṇām | sajūr aśvibhyām uṣasā suvīryam asme dhehi śravo bṛhat ||
For thou art offering-bearer and loved messenger, the charioteer of sacrifice: Accordant with the Asvins and with Dawn grant us heroic strength and lofty fame.
Translated by Ralph T. H. Griffith (1896)
अद्या दूतं वृणीमहे वसुम् अग्निम् पुरुप्रियम् । धूमकेतुम् भाऋजीकं व्युष्टिषु यज्ञानाम् अध्वरश्रियम् ॥
adyā dūtaṃ vṛṇīmahe vasum agnim purupriyam | dhūmaketum bhāṛjīkaṃ vyuṣṭiṣu yajñānām adhvaraśriyam ||
As messenger we choose to-day Agni the good whom many love, Smoke-bannered spreader of the light, at break of day glory of sacrificial rites.
Translated by Ralph T. H. Griffith (1896)
श्रेष्ठं यविष्ठम् अतिथिं स्वाहुतं जुष्टं जनाय दाशुषे । देवां अच्छा यातवे जातवेदसम् अग्निम् ईळे व्युष्टिषु ॥
śreṣṭhaṃ yaviṣṭham atithiṃ svāhutaṃ juṣṭaṃ janāya dāśuṣe | devāṃ acchā yātave jātavedasam agnim īḷe vyuṣṭiṣu ||
Him noblest and most youthful, richly worshipped guest, dear to the men who offer gifts, Him, Agni Jatavedas, I beseech at dawn that he may bring the Gods to us.
Translated by Ralph T. H. Griffith (1896)
स्तविष्यामि त्वाम् अहं विश्वस्यामृत भोजन । अग्ने त्रातारम् अमृतम् मियेध्य यजिष्ठं हव्यवाहन ॥
staviṣyāmi tvām ahaṃ viśvasyāmṛta bhojana | agne trātāram amṛtam miyedhya yajiṣṭhaṃ havyavāhana ||
Thee, Agni, will I glorify, deathless nourisher of the world, Immortal, offering-bearer, meet for sacred food, preserver, best at sacrifice.
Translated by Ralph T. H. Griffith (1896)
सुशंसो बोधि गृणते यविष्ठ्य मधुजिह्वः स्वाहुतः । प्रस्कण्वस्य प्रतिरन्न् आयुर् जीवसे नमस्या दैव्यं जनम् ॥
suśaṃso bodhi gṛṇate yaviṣṭhya madhujihvaḥ svāhutaḥ | praskaṇvasya pratirann āyur jīvase namasyā daivyaṃ janam ||
Tell good things to thy praiser, O most youthful God, as richly worshipped, honey-tongued, And, granting to Praskanva lengthened days of life, show honour to the Heavenly Host.
Translated by Ralph T. H. Griffith (1896)
होतारं विश्ववेदसं सं हि त्वा विश इन्धते । स आ वह पुरुहूत प्रचेतसो ऽग्ने देवां इह द्रवत् ॥
hotāraṃ viśvavedasaṃ saṃ hi tvā viśa indhate | sa ā vaha puruhūta pracetaso 'gne devāṃ iha dravat ||
For the men, Agni, kindle thee as all possessor and as Priest; So Agni, much-invoked, bring hither with all speed the Gods, the excellently wise,
Translated by Ralph T. H. Griffith (1896)
सवितारम् उषसम् अश्विना भगम् अग्निं व्युष्टिषु क्षपः । कण्वासस् त्वा सुतसोमास इन्धते हव्यवाहं स्वध्वर ॥
savitāram uṣasam aśvinā bhagam agniṃ vyuṣṭiṣu kṣapaḥ | kaṇvāsas tvā sutasomāsa indhate havyavāhaṃ svadhvara ||
At dawn of day, at night, Usas and Savitar, the Asvins, Bhaga, Agni's self: Skilled in fair rites, with Soma poured, the Kanvas light thee, the oblation-wafting God.
Translated by Ralph T. H. Griffith (1896)
पतिर् ह्य् अध्वराणाम् अग्ने दूतो विशाम् असि । उषर्बुध आ वह सोमपीतये देवां अद्य स्वर्दृशः ॥
patir hy adhvarāṇām agne dūto viśām asi | uṣarbudha ā vaha somapītaye devāṃ adya svardṛśaḥ ||
For, Agni, Lord of sacrifice and messenger of men art thou: Bring thou the Gods who wake at dawn who see the light, this day to drink the Soma juice.
Translated by Ralph T. H. Griffith (1896)
अग्ने पूर्वा अनूषसो विभावसो दीदेथ विश्वदर्शतः । असि ग्रामेष्व् अविता पुरोहितो ऽसि यज्ञेषु मानुषः ॥
agne pūrvā anūṣaso vibhāvaso dīdetha viśvadarśataḥ | asi grāmeṣv avitā purohito 'si yajñeṣu mānuṣaḥ ||
Thou shonest forth, O Agni, after former dawns, all visible, O rich in light. Thou art our help in battle-strife, the Friend of man, the great high priest in sacrifice.
Translated by Ralph T. H. Griffith (1896)
नि त्वा यज्ञस्य साधनम् अग्ने होतारम् ऋत्विजम् । मनुष्वद् देव धीमहि प्रचेतसं जीरं दूतम् अमर्त्यम् ॥
ni tvā yajñasya sādhanam agne hotāram ṛtvijam | manuṣvad deva dhīmahi pracetasaṃ jīraṃ dūtam amartyam ||
Like Manu, we will stablish thee, Agni, performer of the rite, Invoker, ministering Priest, exceeding wise, the swift immortal messenger.
Translated by Ralph T. H. Griffith (1896)
यद् देवानाम् मित्रमहः पुरोहितो ऽन्तरो यासि दूत्यम् । सिन्धोर् इव प्रस्वनितास ऊर्मयो ऽग्नेर् भ्राजन्ते अर्चयः ॥
yad devānām mitramahaḥ purohito 'ntaro yāsi dūtyam | sindhor iva prasvanitāsa ūrmayo 'gner bhrājante arcayaḥ ||
When as the Gods' High Priest, by many loved, thou dost their mission as their nearest Friend, Then, like the far-resounding billows of the flood, thy flames, O Agni, roar aloud.
Translated by Ralph T. H. Griffith (1896)
श्रुधि श्रुत्कर्ण वह्निभिर् देवैर् अग्ने सयावभिः । आ सीदन्तु बर्हिषि मित्रो अर्यमा प्रातर्यावाणो अध्वरम् ॥
śrudhi śrutkarṇa vahnibhir devair agne sayāvabhiḥ | ā sīdantu barhiṣi mitro aryamā prātaryāvāṇo adhvaram ||
Hear, Agni, who hast ears to hear, with all thy train of escort Gods; Let Mitra, Aryaman, seeking betimes our rite, seat them upon the sacred grass.
Translated by Ralph T. H. Griffith (1896)
शृण्वन्तु स्तोमम् मरुतः सुदानवो ऽग्निजिह्वा ऋतावृधः । पिबतु सोमं वरुणो धृतव्रतो ऽश्विभ्याम् उषसा सजूः ॥
śṛṇvantu stomam marutaḥ sudānavo 'gnijihvā ṛtāvṛdhaḥ | pibatu somaṃ varuṇo dhṛtavrato 'śvibhyām uṣasā sajūḥ ||
Let those who strengthen Law, who bountifully give, the life-tongued Maruts, hear our praise. May Law-supporting Varuna with the Asvins twain and Usas, drink the Soma juice.
Translated by Ralph T. H. Griffith (1896)