Library·Ṛgveda Saṃhitā·1·1.47
अयं वाम् मधुमत्तमः सुतः सोम ऋतावृधा । तम् अश्विना पिबतं तिरोअह्न्यं धत्तं रत्नानि दाशुषे ॥
ayaṃ vām madhumattamaḥ sutaḥ soma ṛtāvṛdhā | tam aśvinā pibataṃ tiroahnyaṃ dhattaṃ ratnāni dāśuṣe ||
Asvins, for you who strengthen Law this sweetest Soma hath been shed. Drink this expressed ere yesterday and give riches to him who offers it.
Translated by Ralph T. H. Griffith (1896)
त्रिवन्धुरेण त्रिवृता सुपेशसा रथेना यातम् अश्विना । कण्वासो वाम् ब्रह्म कृण्वन्त्य् अध्वरे तेषां सु शृणुतं हवम् ॥
trivandhureṇa trivṛtā supeśasā rathenā yātam aśvinā | kaṇvāso vām brahma kṛṇvanty adhvare teṣāṃ su śṛṇutaṃ havam ||
Come, O ye Asvins, mounted on your triple car three-seated, beautiful of form To you at sacrifice the Kanvas send the prayer: graciously listen to their call.
Translated by Ralph T. H. Griffith (1896)
अश्विना मधुमत्तमम् पातं सोमम् ऋतावृधा । अथाद्य दस्रा वसु बिभ्रता रथे दाश्वांसम् उप गच्छतम् ॥
aśvinā madhumattamam pātaṃ somam ṛtāvṛdhā | athādya dasrā vasu bibhratā rathe dāśvāṃsam upa gacchatam ||
O Asvins, ye who strengthen Law, drink ye this sweetest Soma juice. Borne on your wealth-fraught car come ye this day to him who offers, ye of wondrous deeds.
Translated by Ralph T. H. Griffith (1896)
त्रिषधस्थे बर्हिषि विश्ववेदसा मध्वा यज्ञम् मिमिक्षतम् । कण्वासो वां सुतसोमा अभिद्यवो युवां हवन्ते अश्विना ॥
triṣadhasthe barhiṣi viśvavedasā madhvā yajñam mimikṣatam | kaṇvāso vāṃ sutasomā abhidyavo yuvāṃ havante aśvinā ||
Omniscient Asvins, on the thrice-heaped grass bedew with the sweet juice the sacrifice. The sons of Kanva, striving heavenward, call on you with draughts of Soma juice out-poured.
Translated by Ralph T. H. Griffith (1896)
याभिः कण्वम् अभिष्टिभिः प्रावतं युवम् अश्विना । ताभिः ष्व् अस्मां अवतं शुभस् पती पातं सोमम् ऋतावृधा ॥
yābhiḥ kaṇvam abhiṣṭibhiḥ prāvataṃ yuvam aśvinā | tābhiḥ ṣv asmāṃ avataṃ śubhas patī pātaṃ somam ṛtāvṛdhā ||
O Asvins, with those aids wherewith ye guarded Kanva carefully, Keep us, O Lords of Splendour: drink the Soma juice, ye strengtheners of holy law.
Translated by Ralph T. H. Griffith (1896)
सुदासे दस्रा वसु बिभ्रता रथे पृक्षो वहतम् अश्विना । रयिं समुद्राद् उत वा दिवस् पर्य् अस्मे धत्तम् पुरुस्पृहम् ॥
sudāse dasrā vasu bibhratā rathe pṛkṣo vahatam aśvinā | rayiṃ samudrād uta vā divas pary asme dhattam puruspṛham ||
O Mighty Ones, ye gave Sudas abundant food, brought on your treasure-laden car; So now vouchsafe to us the wealth which many crave, either from heaven or from the sea.
Translated by Ralph T. H. Griffith (1896)
यन् नासत्या परावति यद् वा स्थो अधि तुर्वशे । अतो रथेन सुवृता न आ गतं साकं सूर्यस्य रश्मिभिः ॥
yan nāsatyā parāvati yad vā stho adhi turvaśe | ato rathena suvṛtā na ā gataṃ sākaṃ sūryasya raśmibhiḥ ||
Nasatyas, whether ye be far away or close to Turvasa, Borne on your lightly-rolling chariot come to us, together with the sunbeams come.
Translated by Ralph T. H. Griffith (1896)
अर्वाञ्चा वां सप्तयो ऽध्वरश्रियो वहन्तु सवनेद् उप । इषम् पृञ्चन्ता सुकृते सुदानव आ बर्हिः सीदतं नरा ॥
arvāñcā vāṃ saptayo 'dhvaraśriyo vahantu savaned upa | iṣam pṛñcantā sukṛte sudānava ā barhiḥ sīdataṃ narā ||
So let your coursers, ornaments of sacrifice, bring you to our libations here. Bestowing food on him who acts and gives aright, sit, Chiefs, upon the sacred grass.
Translated by Ralph T. H. Griffith (1896)
तेन नासत्या गतं रथेन सूर्यत्वचा । येन शश्वद् ऊहथुर् दाशुषे वसु मध्वः सोमस्य पीतये ॥
tena nāsatyā gataṃ rathena sūryatvacā | yena śaśvad ūhathur dāśuṣe vasu madhvaḥ somasya pītaye ||
Come, O Nasatyas, on your car decked with a sunbright canopy, Whereon ye ever bring wealth to the worshipper, to drink the Soma's pleasant juice.
Translated by Ralph T. H. Griffith (1896)
उक्थेभिर् अर्वाग् अवसे पुरूवसू अर्कैश् च नि ह्वयामहे । शश्वत् कण्वानां सदसि प्रिये हि कं सोमम् पपथुर् अश्विना ॥
ukthebhir arvāg avase purūvasū arkaiś ca ni hvayāmahe | śaśvat kaṇvānāṃ sadasi priye hi kaṃ somam papathur aśvinā ||
With lauds and songs of praise we call them down to us, that they, most rich, may succour us; For ye have ever in the Kanvas' well-loved house, O Asvins, drunk the Soma juice.
Translated by Ralph T. H. Griffith (1896)