वनेषु जायुर् मर्तेषु मित्रो वृणीते श्रुष्टिं राजेवाजुर्यम् ॥
vaneṣu jāyur marteṣu mitro vṛṇīte śruṣṭiṃ rājevājuryam ||
Sanskrit only: no published translation is held for this verse.
Library·Ṛgveda Saṃhitā·1·1.67
Ṛgveda Saṃhitā 1.67
क्षेमो न साधुः क्रतुर् न भद्रो भुवत् स्वाधीर् होता हव्यवाट् ॥
kṣemo na sādhuḥ kratur na bhadro bhuvat svādhīr hotā havyavāṭ ||
Sanskrit only: no published translation is held for this verse.
हस्ते दधानो नृम्णा विश्वान्य् अमे देवान् धाद् गुहा निषीदन् ॥
haste dadhāno nṛmṇā viśvāny ame devān dhād guhā niṣīdan ||
Sanskrit only: no published translation is held for this verse.
विदन्तीम् अत्र नरो धियन्धा हृदा यत् तष्टान् मन्त्रां अशंसन् ॥
vidantīm atra naro dhiyandhā hṛdā yat taṣṭān mantrāṃ aśaṃsan ||
Sanskrit only: no published translation is held for this verse.
अजो न क्षां दाधार पृथिवीं तस्तम्भ द्याम् मन्त्रेभिः सत्यैः ॥
ajo na kṣāṃ dādhāra pṛthivīṃ tastambha dyām mantrebhiḥ satyaiḥ ||
Sanskrit only: no published translation is held for this verse.
प्रिया पदानि पश्वो नि पाहि विश्वायुर् अग्ने गुहा गुहं गाः ॥
priyā padāni paśvo ni pāhi viśvāyur agne guhā guhaṃ gāḥ ||
Sanskrit only: no published translation is held for this verse.
य ईं चिकेत गुहा भवन्तम् आ यः ससाद धाराम् ऋतस्य ॥
ya īṃ ciketa guhā bhavantam ā yaḥ sasāda dhārām ṛtasya ||
Sanskrit only: no published translation is held for this verse.
वि ये चृतन्त्य् ऋता सपन्त आद् इद् वसूनि प्र ववाचास्मै ॥
vi ye cṛtanty ṛtā sapanta ād id vasūni pra vavācāsmai ||
Sanskrit only: no published translation is held for this verse.
वि यो वीरुत्सु रोधन् महित्वोत प्रजा उत प्रसूष्व् अन्तः ॥
vi yo vīrutsu rodhan mahitvota prajā uta prasūṣv antaḥ ||
Sanskrit only: no published translation is held for this verse.
चित्तिर् अपां दमे विश्वायुः सद्मेव धीराः सम्माय चक्रुः ॥
cittir apāṃ dame viśvāyuḥ sadmeva dhīrāḥ sammāya cakruḥ ||
Sanskrit only: no published translation is held for this verse.