Ṛgveda Saṃhitā 1.68

श्रीणन्न् उप स्थाद् दिवम् भुरण्यु स्थातुश् चरथम् अक्तून् व्य् ऊर्णोत् ॥

śrīṇann upa sthād divam bhuraṇyu sthātuś caratham aktūn vy ūrṇot ||

Sanskrit only: no published translation is held for this verse.

परि यद् एषाम् एको विश्वेषाम् भुवद् देवो देवानाम् महित्वा ॥

pari yad eṣām eko viśveṣām bhuvad devo devānām mahitvā ||

Sanskrit only: no published translation is held for this verse.

आद् इत् ते विश्वे क्रतुं जुषन्त शुष्काद् यद् देव जीवो जनिष्ठाः ॥

ād it te viśve kratuṃ juṣanta śuṣkād yad deva jīvo janiṣṭhāḥ ||

Sanskrit only: no published translation is held for this verse.

भजन्त विश्वे देवत्वं नाम ऋतं सपन्तो अमृतम् एवैः ॥

bhajanta viśve devatvaṃ nāma ṛtaṃ sapanto amṛtam evaiḥ ||

Sanskrit only: no published translation is held for this verse.

ऋतस्य प्रेषा ऋतस्य धीतिर् विश्वायुर् विश्वे अपांसि चक्रुः ॥

ṛtasya preṣā ṛtasya dhītir viśvāyur viśve apāṃsi cakruḥ ||

Sanskrit only: no published translation is held for this verse.

यस् तुभ्यं दाशाद् यो वा ते शिक्षात् तस्मै चिकित्वान् रयिं दयस्व ॥

yas tubhyaṃ dāśād yo vā te śikṣāt tasmai cikitvān rayiṃ dayasva ||

Sanskrit only: no published translation is held for this verse.

होता निषत्तो मनोर् अपत्ये स चिन् न्व् आसाम् पती रयीणाम् ॥

hotā niṣatto manor apatye sa cin nv āsām patī rayīṇām ||

Sanskrit only: no published translation is held for this verse.

इच्छन्त रेतो मिथस् तनूषु सं जानत स्वैर् दक्षैर् अमूराः ॥

icchanta reto mithas tanūṣu saṃ jānata svair dakṣair amūrāḥ ||

Sanskrit only: no published translation is held for this verse.

पितुर् न पुत्राः क्रतुं जुषन्त श्रोषन् ये अस्य शासं तुरासः ॥

pitur na putrāḥ kratuṃ juṣanta śroṣan ye asya śāsaṃ turāsaḥ ||

Sanskrit only: no published translation is held for this verse.

वि राय और्णोद् दुरः पुरुक्षुः पिपेश नाकं स्तृभिर् दमूनाः ॥

vi rāya aurṇod duraḥ purukṣuḥ pipeśa nākaṃ stṛbhir damūnāḥ ||

Sanskrit only: no published translation is held for this verse.