Ṛgveda Saṃhitā 1.69

शुक्रः शुशुक्वां उषो न जारः पप्रा समीची दिवो न ज्योतिः ॥

śukraḥ śuśukvāṃ uṣo na jāraḥ paprā samīcī divo na jyotiḥ ||

Sanskrit only: no published translation is held for this verse.

परि प्रजातः क्रत्वा बभूथ भुवो देवानाम् पिता पुत्रः सन् ॥

pari prajātaḥ kratvā babhūtha bhuvo devānām pitā putraḥ san ||

Sanskrit only: no published translation is held for this verse.

वेधा अदृप्तो अग्निर् विजानन्न् ऊधर् न गोनां स्वाद्मा पितूनाम् ॥

vedhā adṛpto agnir vijānann ūdhar na gonāṃ svādmā pitūnām ||

Sanskrit only: no published translation is held for this verse.

जने न शेव आहूर्यः सन् मध्ये निषत्तो रण्वो दुरोणे ॥

jane na śeva āhūryaḥ san madhye niṣatto raṇvo duroṇe ||

Sanskrit only: no published translation is held for this verse.

पुत्रो न जातो रण्वो दुरोणे वाजी न प्रीतो विशो वि तारीत् ॥

putro na jāto raṇvo duroṇe vājī na prīto viśo vi tārīt ||

Sanskrit only: no published translation is held for this verse.

विशो यद् अह्वे नृभिः सनीळा अग्निर् देवत्वा विश्वान्य् अश्याः ॥

viśo yad ahve nṛbhiḥ sanīḷā agnir devatvā viśvāny aśyāḥ ||

Sanskrit only: no published translation is held for this verse.

नकिष् ट एता व्रता मिनन्ति नृभ्यो यद् एभ्यः श्रुष्टिं चकर्थ ॥

nakiṣ ṭa etā vratā minanti nṛbhyo yad ebhyaḥ śruṣṭiṃ cakartha ||

Sanskrit only: no published translation is held for this verse.

तत् तु ते दंसो यद् अहन् समानैर् नृभिर् यद् युक्तो विवे रपांसि ॥

tat tu te daṃso yad ahan samānair nṛbhir yad yukto vive rapāṃsi ||

Sanskrit only: no published translation is held for this verse.

उषो न जारो विभावोस्रः संज्ञातरूपश् चिकेतद् अस्मै ॥

uṣo na jāro vibhāvosraḥ saṃjñātarūpaś ciketad asmai ||

Sanskrit only: no published translation is held for this verse.

त्मना वहन्तो दुरो व्य् ऋण्वन् नवन्त विश्वे स्वर् दृशीके ॥

tmanā vahanto duro vy ṛṇvan navanta viśve svar dṛśīke ||

Sanskrit only: no published translation is held for this verse.