Library·Ṛgveda Saṃhitā·10·10.118
अग्ने हंसि न्य् अत्रिणं दीद्यन् मर्त्येष्व् आ । स्वे क्षये शुचिव्रत ॥
agne haṃsi ny atriṇaṃ dīdyan martyeṣv ā | sve kṣaye śucivrata ||
Agni, refulgent among men thou slayest the devouring fiend, Bright Ruler in thine own abode.
Translated by Ralph T. H. Griffith (1896)
उत् तिष्ठसि स्वाहुतो घृतानि प्रति मोदसे । यत् त्वा स्रुचः समस्थिरन् ॥
ut tiṣṭhasi svāhuto ghṛtāni prati modase | yat tvā srucaḥ samasthiran ||
Thou springest up when worshipped well the drops of butter are thy joy When ladies are brought near to thee.
Translated by Ralph T. H. Griffith (1896)
स आहुतो वि रोचते ऽग्निर् ईळेन्यो गिरा । स्रुचा प्रतीकम् अज्यते ॥
sa āhuto vi rocate 'gnir īḷenyo girā | srucā pratīkam ajyate ||
Honoured with gifts he shines afar, Agni adorable with song: The dripping ladle balms his face.
Translated by Ralph T. H. Griffith (1896)
घृतेनाग्निः सम् अज्यते मधुप्रतीक आहुतः । रोचमानो विभावसुः ॥
ghṛtenāgniḥ sam ajyate madhupratīka āhutaḥ | rocamāno vibhāvasuḥ ||
Agni with honey in his mouth, honoured with gifts, is balmed with oil, Refulgent in his wealth of light.
Translated by Ralph T. H. Griffith (1896)
जरमाणः सम् इध्यसे देवेभ्यो हव्यवाहन । तं त्वा हवन्त मर्त्याः ॥
jaramāṇaḥ sam idhyase devebhyo havyavāhana | taṃ tvā havanta martyāḥ ||
Praised by our hymns thou kindlest thee, Oblation-bearer, for the Gods As such do mortals call on thee.
Translated by Ralph T. H. Griffith (1896)
तम् मर्ता अमर्त्यं घृतेनाग्निं सपर्यत । अदाभ्यं गृहपतिम् ॥
tam martā amartyaṃ ghṛtenāgniṃ saparyata | adābhyaṃ gṛhapatim ||
To that Immortal Agni pay worship with oil, ye mortal men,- Lord of the house, whom none deceives.
Translated by Ralph T. H. Griffith (1896)
अदाभ्येन शोचिषाग्ने रक्षस् त्वं दह । गोपा ऋतस्य दीदिहि ॥
adābhyena śociṣāgne rakṣas tvaṃ daha | gopā ṛtasya dīdihi ||
O Agni, burn the Raksasas with thine unconquerable flame Shine guardian of Eternal Law.
Translated by Ralph T. H. Griffith (1896)
स त्वम् अग्ने प्रतीकेन प्रत्य् ओष यातुधान्यः । उरुक्षयेषु दीद्यत् ॥
sa tvam agne pratīkena praty oṣa yātudhānyaḥ | urukṣayeṣu dīdyat ||
So, Agni, with thy glowing face burn fierce against the female fiends, Shining among Uruksayas.
Translated by Ralph T. H. Griffith (1896)
तं त्वा गीर्भिर् उरुक्षया हव्यवाहं सम् ईधिरे । यजिष्ठम् मानुषे जने ॥
taṃ tvā gīrbhir urukṣayā havyavāhaṃ sam īdhire | yajiṣṭham mānuṣe jane ||
Uruksayas have kindled thee, Oblation-bearer, thee, with hymns. Best Worshipper among mankind.
Translated by Ralph T. H. Griffith (1896)