Library·Ṛgveda Saṃhitā·10·10.119
इति वा इति मे मनो गाम् अश्वं सनुयाम् इति । कुवित् सोमस्यापाम् इति ॥
iti vā iti me mano gām aśvaṃ sanuyām iti | kuvit somasyāpām iti ||
This, even this was my resolve, to win a cow, to win a steed: Have I not drunk of Soma juice?
Translated by Ralph T. H. Griffith (1896)
प्र वाता इव दोधत उन् मा पीता अयंसत । कुवित् सोमस्यापाम् इति ॥
pra vātā iva dodhata un mā pītā ayaṃsata | kuvit somasyāpām iti ||
Like violent gusts of wind the draughts that I have drunk have lifted me Have I not drunk of Soma juice?
Translated by Ralph T. H. Griffith (1896)
उन् मा पीता अयंसत रथम् अश्वा इवाशवः । कुवित् सोमस्यापाम् इति ॥
un mā pītā ayaṃsata ratham aśvā ivāśavaḥ | kuvit somasyāpām iti ||
The draughts I drank have borne me up, as fleet-foot horses draw a car: Have I not drunk of Soma juice?
Translated by Ralph T. H. Griffith (1896)
उप मा मतिर् अस्थित वाश्रा पुत्रम् इव प्रियम् । कुवित् सोमस्यापाम् इति ॥
upa mā matir asthita vāśrā putram iva priyam | kuvit somasyāpām iti ||
The hymn hath reached me, like a cow who lows to meet her darling calf: Have I not drunk of Soma juice?
Translated by Ralph T. H. Griffith (1896)
अहं तष्टेव वन्धुरम् पर्य् अचामि हृदा मतिम् । कुवित् सोमस्यापाम् इति ॥
ahaṃ taṣṭeva vandhuram pary acāmi hṛdā matim | kuvit somasyāpām iti ||
As a wright bends a chariot-seat so round my heart I bend the hymn: Have I not drunk of Soma juice?
Translated by Ralph T. H. Griffith (1896)
नहि मे अक्षिपच् चनाच्छान्त्सुः पञ्च कृष्टयः । कुवित् सोमस्यापाम् इति ॥
nahi me akṣipac canācchāntsuḥ pañca kṛṣṭayaḥ | kuvit somasyāpām iti ||
Not as a mote within the eye count the Five Tribes of men with me: Have I not drunk of Soma juice?
Translated by Ralph T. H. Griffith (1896)
नहि मे रोदसी उभे अन्यम् पक्षं चन प्रति । कुवित् सोमस्यापाम् इति ॥
nahi me rodasī ubhe anyam pakṣaṃ cana prati | kuvit somasyāpām iti ||
The heavens and earth themselves have not grown equal to one half of me Have I not drunk of Soma juice?
Translated by Ralph T. H. Griffith (1896)
अभि द्याम् महिना भुवम् अभीमाम् पृथिवीम् महीम् । कुवित् सोमस्यापाम् इति ॥
abhi dyām mahinā bhuvam abhīmām pṛthivīm mahīm | kuvit somasyāpām iti ||
I in my grandeur have surpassed the heavens and all this spacious earth Have I not drunk of Soma juice?
Translated by Ralph T. H. Griffith (1896)
हन्ताहम् पृथिवीम् इमां नि दधानीह वेह वा । कुवित् सोमस्यापाम् इति ॥
hantāham pṛthivīm imāṃ ni dadhānīha veha vā | kuvit somasyāpām iti ||
Aha! this spacious earth will I deposit either here or there Have I not drunk of Soma juice?
Translated by Ralph T. H. Griffith (1896)
ओषम् इत् पृथिवीम् अहं जङ्घनानीह वेह वा । कुवित् सोमस्यापाम् इति ॥
oṣam it pṛthivīm ahaṃ jaṅghanānīha veha vā | kuvit somasyāpām iti ||
In one short moment will I smite the earth in fury here or there: Have I not drunk of Soma juice?
Translated by Ralph T. H. Griffith (1896)
दिवि मे अन्यः पक्षो ऽधो अन्यम् अचीकृषम् । कुवित् सोमस्यापाम् इति ॥
divi me anyaḥ pakṣo 'dho anyam acīkṛṣam | kuvit somasyāpām iti ||
One of my flanks is in the sky; I let the other trail below: Have I not drunk of Soma juice?
Translated by Ralph T. H. Griffith (1896)
अहम् अस्मि महामहो ऽभिनभ्यम् उदीषितः । कुवित् सोमस्यापाम् इति ॥
aham asmi mahāmaho 'bhinabhyam udīṣitaḥ | kuvit somasyāpām iti ||
1, greatest of the Mighty Ones, am lifted to the firmament: Have I not drunk of Soma juice?
Translated by Ralph T. H. Griffith (1896)
गृहो याम्य् अरङ्कृतो देवेभ्यो हव्यवाहनः । कुवित् सोमस्यापाम् इति ॥
gṛho yāmy araṅkṛto devebhyo havyavāhanaḥ | kuvit somasyāpām iti ||
I seek the worshipper's abode; oblation-bearer to the Gods: Have I not drunk of Soma juice?
Translated by Ralph T. H. Griffith (1896)