Library·Ṛgveda Saṃhitā·10·10.141
अग्ने अच्छा वदेह नः प्रत्यङ् नः सुमना भव । प्र नो यच्छ विशस् पते धनदा असि नस् त्वम् ॥
agne acchā vadeha naḥ pratyaṅ naḥ sumanā bhava | pra no yaccha viśas pate dhanadā asi nas tvam ||
Turn hither, Agni, speak to us: come to us with a gracious mind. Enrich us, Master of the house: thou art the Giver of our wealth.
Translated by Ralph T. H. Griffith (1896)
प्र नो यच्छत्व् अर्यमा प्र भगः प्र बृहस्पतिः । प्र देवाः प्रोत सूनृता रायो देवी ददातु नः ॥
pra no yacchatv aryamā pra bhagaḥ pra bṛhaspatiḥ | pra devāḥ prota sūnṛtā rāyo devī dadātu naḥ ||
Let Aryaman vouchsafe us wealth, and Bhaga, and Brhaspati. Let the Gods give their gifts, and let Sunrta, Goddess, grant us wealth.
Translated by Ralph T. H. Griffith (1896)
सोमं राजानम् अवसे ऽग्निं गीर्भिर् हवामहे । आदित्यान् विष्णुं सूर्यम् ब्रह्माणं च बृहस्पतिम् ॥
somaṃ rājānam avase 'gniṃ gīrbhir havāmahe | ādityān viṣṇuṃ sūryam brahmāṇaṃ ca bṛhaspatim ||
We call King Soma to our aid, and Agni with our songs and hymns, Adityas, Visnu, Surya, and the Brahman Priest Brhaspati.
Translated by Ralph T. H. Griffith (1896)
इन्द्रवायू बृहस्पतिं सुहवेह हवामहे । यथा नः सर्व इज् जनः संगत्यां सुमना असत् ॥
indravāyū bṛhaspatiṃ suhaveha havāmahe | yathā naḥ sarva ij janaḥ saṃgatyāṃ sumanā asat ||
Indra, Vayu, Brhaspati, Gods swift to listen, we invoke, That in the synod all the folk may be benevolent to us.
Translated by Ralph T. H. Griffith (1896)
अर्यमणम् बृहस्पतिम् इन्द्रं दानाय चोदय । वातं विष्णुं सरस्वतीं सवितारं च वाजिनम् ॥
aryamaṇam bṛhaspatim indraṃ dānāya codaya | vātaṃ viṣṇuṃ sarasvatīṃ savitāraṃ ca vājinam ||
Urge Aryaman to send us gifts, and Indra, and Brhaspati, Vata, Visnu, Sarasvati and the Strong Courser Savitar.
Translated by Ralph T. H. Griffith (1896)
त्वं नो अग्ने अग्निभिर् ब्रह्म यज्ञं च वर्धय । त्वं नो देवतातये रायो दानाय चोदय ॥
tvaṃ no agne agnibhir brahma yajñaṃ ca vardhaya | tvaṃ no devatātaye rāyo dānāya codaya ||
Do thou, O Agni, with thy fires strengthen our prayer and sacrifice: Urge givers to bestow their wealth to aid our service of the Gods.
Translated by Ralph T. H. Griffith (1896)