भद्रं नो अपि वातय मनः ॥
bhadraṃ no api vātaya manaḥ ||
Sanskrit only: no published translation is held for this verse.
Library·Ṛgveda Saṃhitā·10·10.20
Ṛgveda Saṃhitā 10.20
अग्निम् ईळे भुजां यविष्ठं शासा मित्रं दुर्धरीतुम् । यस्य धर्मन् स्वर् एनीः सपर्यन्ति मातुर् ऊधः ॥
agnim īḷe bhujāṃ yaviṣṭhaṃ śāsā mitraṃ durdharītum | yasya dharman svar enīḥ saparyanti mātur ūdhaḥ ||
Sanskrit only: no published translation is held for this verse.
यम् आसा कृपनीळम् भासाकेतुं वर्धयन्ति । भ्राजते श्रेणिदन् ॥
yam āsā kṛpanīḷam bhāsāketuṃ vardhayanti | bhrājate śreṇidan ||
Sanskrit only: no published translation is held for this verse.
अर्यो विशां गातुर् एति प्र यद् आनड् दिवो अन्तान् । कविर् अभ्रं दीद्यानः ॥
aryo viśāṃ gātur eti pra yad ānaḍ divo antān | kavir abhraṃ dīdyānaḥ ||
Sanskrit only: no published translation is held for this verse.
जुषद् धव्या मानुषस्योर्ध्वस् तस्थाव् ऋभ्वा यज्ञे । मिन्वन् सद्म पुर एति ॥
juṣad dhavyā mānuṣasyordhvas tasthāv ṛbhvā yajñe | minvan sadma pura eti ||
Sanskrit only: no published translation is held for this verse.
स हि क्षेमो हविर् यज्ञः श्रुष्टीद् अस्य गातुर् एति । अग्निं देवा वाशीमन्तम् ॥
sa hi kṣemo havir yajñaḥ śruṣṭīd asya gātur eti | agniṃ devā vāśīmantam ||
Sanskrit only: no published translation is held for this verse.
यज्ञासाहं दुव इषे ऽग्निम् पूर्वस्य शेवस्य । अद्रेः सूनुम् आयुम् आहुः ॥
yajñāsāhaṃ duva iṣe 'gnim pūrvasya śevasya | adreḥ sūnum āyum āhuḥ ||
Sanskrit only: no published translation is held for this verse.
नरो ये के चास्मद् आ विश्वेत् ते वाम आ स्युः । अग्निं हविषा वर्धन्तः ॥
naro ye ke cāsmad ā viśvet te vāma ā syuḥ | agniṃ haviṣā vardhantaḥ ||
Sanskrit only: no published translation is held for this verse.
कृष्णः श्वेतो ऽरुषो यामो अस्य ब्रध्न ऋज्र उत शोणो यशस्वान् । हिरण्यरूपं जनिता जजान ॥
kṛṣṇaḥ śveto 'ruṣo yāmo asya bradhna ṛjra uta śoṇo yaśasvān | hiraṇyarūpaṃ janitā jajāna ||
Sanskrit only: no published translation is held for this verse.
एवा ते अग्ने विमदो मनीषाम् ऊर्जो नपाद् अमृतेभिः सजोषाः । गिर आ वक्षत् सुमतीर् इयान इषम् ऊर्जं सुक्षितिं विश्वम् आभाः ॥
evā te agne vimado manīṣām ūrjo napād amṛtebhiḥ sajoṣāḥ | gira ā vakṣat sumatīr iyāna iṣam ūrjaṃ sukṣitiṃ viśvam ābhāḥ ||
Sanskrit only: no published translation is held for this verse.