Library·Ṛgveda Saṃhitā·10·10.33
प्र मा युयुज्रे प्रयुजो जनानां वहामि स्म पूषणम् अन्तरेण । विश्वे देवासो अध माम् अरक्षन् दुःशासुर् आगाद् इति घोष आसीत् ॥
pra mā yuyujre prayujo janānāṃ vahāmi sma pūṣaṇam antareṇa | viśve devāso adha mām arakṣan duḥśāsur āgād iti ghoṣa āsīt ||
The urgings of the people have impelled me, and by the nearest way I bring you Pusan. The Universal Gods have brought me safely. The cry was heard, Behold, Dubsasu cometh!
Translated by Ralph T. H. Griffith (1896)
सम् मा तपन्त्य् अभितः सपत्नीर् इव पर्शवः । नि बाधते अमतिर् नग्नता जसुर् वेर् न वेवीयते मतिः ॥
sam mā tapanty abhitaḥ sapatnīr iva parśavaḥ | ni bādhate amatir nagnatā jasur ver na vevīyate matiḥ ||
The ribs that compass me give pain and trouble me like rival wives. Indigence, nakedness, exhaustion press me sore: my mind is fluttering like a bird's.
Translated by Ralph T. H. Griffith (1896)
मूषो न शिश्ना व्य् अदन्ति माध्य स्तोतारं ते शतक्रतो । सकृत् सु नो मघवन्न् इन्द्र मृळयाधा पितेव नो भव ॥
mūṣo na śiśnā vy adanti mādhya stotāraṃ te śatakrato | sakṛt su no maghavann indra mṛḷayādhā piteva no bhava ||
As rats eat weavers' threads, cares are consuming me, thy singer, Gatakratu, me. Have mercy on us once, O Indra, Bounteous Lord: be thou a Father unto us.
Translated by Ralph T. H. Griffith (1896)
कुरुश्रवणम् आवृणि राजानं त्रासदस्यवम् । मंहिष्ठं वाघताम् ऋषिः ॥
kuruśravaṇam āvṛṇi rājānaṃ trāsadasyavam | maṃhiṣṭhaṃ vāghatām ṛṣiḥ ||
I the priests' Rsi chose as prince most liberal Kurusravana, The son of Trasadasyu's son,
Translated by Ralph T. H. Griffith (1896)
यस्य मा हरितो रथे तिस्रो वहन्ति साधुया । स्तवै सहस्रदक्षिणे ॥
yasya mā harito rathe tisro vahanti sādhuyā | stavai sahasradakṣiṇe ||
Whose three bays harnessed to the car bear me straight onward: I will laud The giver of a thousand meeds,
Translated by Ralph T. H. Griffith (1896)
यस्य प्रस्वादसो गिर उपमश्रवसः पितुः । क्षेत्रं न रण्वम् ऊचुषे ॥
yasya prasvādaso gira upamaśravasaḥ pituḥ | kṣetraṃ na raṇvam ūcuṣe ||
The sire of Upamasravas, even him whose words were passing sweet, As a fair field is to its lord.
Translated by Ralph T. H. Griffith (1896)
अधि पुत्रोपमश्रवो नपान् मित्रातिथेर् इहि । पितुष् टे अस्मि वन्दिता ॥
adhi putropamaśravo napān mitrātither ihi | pituṣ ṭe asmi vanditā ||
Mark, Upamasravas, his son, mark, grandson of Mitratithi: I am thy father's eulogist.
Translated by Ralph T. H. Griffith (1896)
यद् ईशीयामृतानाम् उत वा मर्त्यानाम् । जीवेद् इन् मघवा मम ॥
yad īśīyāmṛtānām uta vā martyānām | jīved in maghavā mama ||
If I controlled Immortal Gods, yea, even were I Lord of men, My liberal prince were living still.
Translated by Ralph T. H. Griffith (1896)
न देवानाम् अति व्रतं शतात्मा चन जीवति । तथा युजा वि वावृते ॥
na devānām ati vrataṃ śatātmā cana jīvati | tathā yujā vi vāvṛte ||
None lives, even had he hundred lives, beyond the statute of the Gods So am I parted from my friend.
Translated by Ralph T. H. Griffith (1896)